Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirishlar kiritish toʻgʻrisida (PQ-3226-son)
21.08.2017
Oʻzbekiston Respublikasi Prezidentining
Qarori
Oʻzbekiston Respublikasi Vazirlar Mahkamasi apparati tuzilmasini iqtisodiy islohotlarni chuqurlashtirish va Oʻzbekiston Respublikasi Prezidentining 2017-yil 20-iyuldagi “Toshkent viloyatining maʼmuriy-hududiy tuzilishini hamda mahalliy ijroiya hokimiyati organlari faoliyatini yanada takomillashtirish chora-tadbirlari toʻgʻrisida”gi PQ-3142-son qarori talablariga muvofiq takomillashtirish maqsadida:
1. Quyidagilar:
Madaniyat, axborot tizimlari va telekommunikatsiyalar masalalari axborot-tahlil departamenti;
Tashqi iqtisodiy faoliyatni, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti tugatilsin.
2. Oʻzbekiston Respublikasi Vazirlar Mahkamasining Ijro etuvchi apparati tuzilmasida:
Axborot tizimlari va telekommunikatsiyalarni rivojlantirish masalalari axborot-tahlil departamenti;
Madaniyat, sanʼat va turizmni rivojlantirish masalalari axborot-tahlil departamenti;
tarkibida Toshkent viloyatining Qibray, Zangiota, Yangiyoʻl, Chinoz va Toshkent tumanlari meva-sabzavot mahsulotlarini yetishtirish, qayta ishlash va eksport qilish masalalari shoʻbasini tuzgan holda Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti tashkil etilsin.
3. Quyidagilar:
Axborot tizimlari va telekommunikatsiyalarni rivojlantirish masalalari axborot-tahlil departamentining tuzilmasi 2-ilovaga muvofiq;
Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari axborot-tahlil departamentining tuzilmasi 5-ilovaga muvofiq;
Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamentining tuzilmasi 6-ilovaga muvofiq;
Birinchi boʻlimning tuzilmasi 7-ilovaga muvofiq tasdiqlansin.
4. Oʻzbekiston Respublikasi Vazirlar Mahkamasi apparati boshqaruvchisi (R.V. Abduqodirov):
bir hafta muddatda — Oʻzbekiston Respublikasi Vazirlar Mahkamasining Ijro etuvchi apparati shtat jadvaliga tegishli oʻzgartirishlar kiritsin;
10 kun muddatda — yangi kiritilayotgan lavozimlarning funksional majburiyatlarini tasdiqlasin;
bir oy muddatda — Oʻzbekiston Respublikasi Bosh vazirining tegishli oʻrinbosarlari bilan birgalikda Ijro etuvchi apparatining tashkil etilgan tarkibiy boʻlinmalarini tajribali va malakali mutaxassislar bilan toʻldirish boʻyicha taklif kiritsin.
5. Quyidagilar oʻz kuchini yoʻqotgan deb hisoblansin:
Oʻzbekiston Respublikasi Prezidentining 2017-yil 12-iyundagi “Oʻzbekiston Respublikasi Vazirlar Mahkamasining Ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida”gi PQ-3051-son qarorining 4-bandi ikkinchi, yettinchi, oʻninchi, oʻn toʻrtinchi, oʻn beshinchi xatboshilari hamda 1, 6, 9, 13, 14 va 23-ilovalari;
Oʻzbekiston Respublikasi Prezidentining 2017-yil 10-iyuldagi “Oʻzbekiston Respublikasi Prezidentining 2017-yil 12-iyundagi PQ-3051-son “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida”gi qaroriga oʻzgartishlar va qoʻshimcha kiritish toʻgʻrisida“gi PQ-3123-son qarori va uning ilovasi.
6. Oʻzbekiston Respublikasi Adliya vazirligi bir oy muddatda qonun hujjatlariga ushbu qarordan kelib chiquvchi oʻzgartirish va qoʻshimchalar yuzasidan tegishli normativ-huquqiy hujjatlar loyihalarini belgilangan tartibda kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Vazirlar Mahkamasi apparati boshqaruvchisi R.V. Abduqodirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 21-avgust,
PQ-3226-son
Oʻzbekiston Respublikasi Prezidentining 2017-yil 21-avgustdagi PQ-3226-son qaroriga 2-ILOVA
Axborot tizimlari va telekommunikatsiyalarni rivojlantirish masalalari axborot-tahlil departamentining
TUZILMASI
Departament mudiri 1 Axborot-kommunikatsiya texnologiyalarini rivojlantirish masalalari shoʻbasi Shoʻba mudiri 1 Davlat boshqaruvi va hokimiyati organlarida axborot-kommunikatsiya texnologiyalarini rivojlantirish masalalari boʻyicha bosh mutaxassis 1 Etakchi mutaxassis 1 Iqtisodiyot tarmoqlari va sohalarida axborot-kommunikatsiya texnologiyalarini rivojlantirish masalalari boʻyicha bosh mutaxassis 1 Etakchi mutaxassis 1 Milliy axborot makonini monitoring qilish va axborot xavfsizligini taʼminlash masalalari shoʻbasi Shoʻba mudiri 1 Milliy axborot makonini monitoring qilish masalalari boʻyicha bosh mutaxassis 1 Etakchi mutaxassis 1 Axborot xavfsizligini taʼminlash masalalari boʻyicha bosh mutaxassis 1 Pochta va telekommunikatsiyalarni, arxiv ishini rivojlantirish, intellektual mulk huquqini himoya qilish masalalari shoʻbasi Shoʻba mudiri 1 Pochta va telekommunikatsiyalarni rivojlantirish masalalari boʻyicha bosh mutaxassis 1 Intellektual mulk huquqini himoya qilish va arxiv ishini rivojlantirish masalalari boʻyicha bosh mutaxassis 1 Inspektor 1 Jami: 14 Mutasaddilik qilinadigan vazirliklar, idoralar va boshqa tashkilotlar 1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi 2. Oʻzbekiston Respublikasi Vazirlar Mahkamasi huzuridagi Davlat personallashtirish markazi 3. Intellektual mulk agentligi 4. “Oʻzarxiv” agentligi 6. AT “Aloqabank” 7. Davlat va xoʻjalik boshqaruvi organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari — axborot tizimlari va texnologiyalarini rivojlantirish, milliy axborot makonini monitoring qilish va axborot xavfsizligini taʼminlash masalalari boʻyicha
Oʻzbekiston Respublikasi Prezidentining 2017-yil 21-avgustdagi PQ-3226-son qaroriga 5-ILOVA
Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari axborot-tahlil departamentining
TUZILMASI
Departament mudiri 1 Geologiya va mineral-xomashyo bazasi masalalari shoʻbasi Shoʻba mudiri 1 Geologiya masalalari boʻyicha bosh mutaxassis 1 Mineral-xomashyo bazasi masalalari boʻyicha bosh mutaxassis 1 Metallurgiya va qimmatbaho metallar shoʻbasi Shoʻba mudiri 1 Bosh mutaxassis 2 Etakchi mutaxassis 2 Yoqilgʻi-energetika kompleksini rivojlantirish shoʻbasi Shoʻba mudiri 1 Neft-gaz tarmogʻi masalalari boʻyicha bosh mutaxassis 1 Etakchi mutaxassis 2 Energetika masalalari boʻyicha bosh mutaxassis 1 Etakchi mutaxassis 1 Gidroenergetika va sanoat xavfsizligi masalalari boʻyicha bosh mutaxassis 1 Kimyo va neft-kimyo sanoati shoʻbasi Departament mudirining oʻrinbosari — shoʻba mudiri 1 Kimyo sanoati masalalari boʻyicha bosh mutaxassis 1 Etakchi mutaxassis 1 Neft-kimyo sanoati masalalari boʻyicha bosh mutaxassis 1 Etakchi mutaxassis 1 Inspektor 1 Jami: 22 Mutasaddilik qilinadigan vazirliklar, idoralar va boshqa tashkilotlar 1. Oʻzbekiston Respublikasi Davlat geologiya va mineral resurslar qoʻmitasi (Davlat geologiya qoʻmitasi) 2. Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi (Oʻzdavneftgazinspeksiya) 3. Oʻzbekiston Respublikasi Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi) 4. Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (“Sanoatgeokontexnazorat” davlat inspeksiyasi) 5. “Oʻzbekneftgaz” MXK 6. “Oʻzneftmahsulot” AK 7. “Oʻztransgaz” AK 8. “Oʻzneftgazqazibchiqarish” AK 9. “Oʻzneftgazqurilishinvest” AK 10. “Oʻzgeoburneftgaz” AK 11. “Oʻzneftgazmash” AK 12. “Oʻzbekgidroenergo” AJ 13. “Oʻzbekenergo” AJ 14. “Oʻzkimyosanoat” AJ 15. “Navoiy KMK” DK 16. “Olmaliq KMK” AJ 17. “Oʻzmetkombinat” AJ 18. “Oʻzbekiston rangli metallar parchalari, chiqindilarini tayyorlash va qayta ishlash zavodi” AJ
Oʻzbekiston Respublikasi Prezidentining 2017-yil 21-avgustdagi PQ-3226-son qaroriga 6-ILOVA
Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamentining
TUZILMASI
Oʻzbekiston Respublikasi Prezidentining 2017-yil 21-avgustdagi PQ-3226-son qaroriga 7-ILOVA
Birinchi boʻlimning
TUZILMASI
Boʻlim mudiri 1 Maxfiy ish yuritish masalalari boʻyicha bosh mutaxassis 1 Oʻzbekiston Respublikasi Prezidenti hujjatlari, Hukumat qarorlari va boshqa hujjatlar ijrosi ustidan nazorat masalalari boʻyicha yetakchi mutaxassis 1 Etakchi mutaxassis 1 Inspektor 1 Jami: 5