Oʻzbekiston Respublikasi Madaniyat vazirligi Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasi faoliyatini yanada takomillashtirish toʻgʻrisida (633-son)

15.08.2017

Oʻzbekiston Respublikasi Vazirlar Mahkamasining

qarori

Madaniy meros obyektlarini muhofaza qilish va ulardan foydalanish tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Madaniyat vazirligi Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasining (keyingi oʻrinlarda Bosh boshqarma deb ataladi):

Fargʻona, Andijon va Namangan viloyatlari boʻyicha mintaqalararo davlat inspeksiyasi negizida Andijon viloyati boʻyicha mintaqaviy davlat inspeksiyasi hamda Fargʻona va Namangan viloyatlari boʻyicha mintaqalararo davlat inspeksiyasi;

Qashqadaryo va Surxondaryo viloyatlari boʻyicha mintaqalararo davlat inspeksiyasi negizida Qashqadaryo viloyati boʻyicha mintaqaviy davlat inspeksiyasi va Surxondaryo viloyati boʻyicha mintaqaviy davlat inspeksiyasi tashkil etilsin.

2. Belgilab qoʻyilsinki:

Bosh boshqarmaning Andijon viloyati boʻyicha mintaqaviy davlat inspeksiyasi hamda Fargʻona va Namangan viloyatlari boʻyicha mintaqalararo davlat inspeksiyasi — Fargʻona, Andijon va Namangan viloyatlari boʻyicha mintaqalararo davlat inspeksiyasining oʻziga tegishli qismi yuzasidan;

Qashqadaryo va Surxondaryo viloyatlari boʻyicha mintaqaviy davlat inspeksiyalari — Qashqadaryo va Surxondaryo viloyatlari boʻyicha mintaqalararo davlat inspeksiyasining oʻziga tegishli qismi yuzasidan barcha huquqlari, majburiyatlari va shartnomalari boʻyicha huquqiy vorisi hisoblanadi.

3. Oʻzbekiston Respublikasi Madaniyat vazirligi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Andijon va Surxondaryo viloyati hokimliklari bilan birgalikda bir oy muddatda tegishlicha Bosh boshqarmaning Andijon va Surxondaryo viloyatlari boʻyicha mintaqaviy davlat inspeksiyalarini joylashtirish uchun tekin foydalanish huquqi asosida bino yoki xonalarni ajratish, ushbu mintaqaviy davlat inspeksiyalarining moddiy-texnika bazasini yaratish, malakali kadrlar bilan taʼminlash va ularning samarali faoliyat olib borishi bilan bogʻliq boshqa tashkiliy masalalarni hal etsin.

4. Vazirlar Mahkamasining “Moddiy madaniy va arxeologiya merosi obyektlarini muhofaza qilish va ulardan foydalanishni yanada takomillashtirish yuzasidan qoʻshimcha chora-tadbirlar toʻgʻrisida” 2014-yil 21-iyuldagi 200-son qaroriga (Oʻzbekiston Respublikasi QHT, 2014-y., 30-son, 372-modda) ilovaga muvofiq oʻzgartirishlar kiritilsin.

5. Mazkur qaror bajarilishini nazorat qilish Oʻzbekiston Respublikasi madaniyat vaziri B. Sayfullayev va Vazirlar Mahkamasining Madaniyat, axborot tizimlari va telekommunikatsiyalar masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 15-avgust,

633-son

Vazirlar Mahkamasining 2017-yil 15-avgustdagi 633-son qaroriga ILOVA

Vazirlar Mahkamasining “Moddiy madaniy va arxeologiya merosi obyektlarini muhofaza qilish va ulardan foydalanishni yanada takomillashtirish yuzasidan qoʻshimcha chora-tadbirlar toʻgʻrisida” 2014-yil 21-iyuldagi 200-son qaroriga kiritilayotgan oʻzgartirishlar

1. 1-ilovada:

a) birinchi xatboshidagi “Bosh vazirining oʻrinbosari” soʻzlari “Bosh vaziri” soʻzlari bilan almashtirilsin;

b) beshinchi xatboshidagi “Sh.A. Tulyaganov — Oʻzbekiston Respublikasi Tashqi iqtisodiy aloqalar, investitsiyalar va savdo vazirining oʻrinbosari” soʻzlari “L.Sh. Qudratov — Oʻzbekiston Respublikasi Investitsiyalar boʻyicha davlat qoʻmitasi raisining birinchi oʻrinbosari” soʻzlari bilan almashtirilsin.

2. 3-ilovaning matni quyidagi tahrirda bayon qilinsin:

“Oʻzbekiston Respublikasi Madaniyat vazirligi Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasining TAShKILIY TUZILMASI

3. 6-ilovaning 13-bandi quyidagi tahrirda bayon etilsin:

“13. Quyidagilar Bosh boshqarma inspeksiyalari hisoblanadi:

mintaqalararo inspeksiyalar: Buxoro va Navoiy viloyatlari boʻyicha; Samarqand va Jizzax viloyatlari boʻyicha; Fargʻona va Namangan viloyatlari boʻyicha; Toshkent shahri, Toshkent va Sirdaryo viloyatlari boʻyicha.

Mintaqaviy inspeksiyalar: Qoraqalpogʻiston Respublikasi boʻyicha; Andijon viloyati boʻyicha; Qashqadaryo viloyati boʻyicha; Surxondaryo viloyati boʻyicha; Xorazm viloyati boʻyicha”.