Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi tomonidan pensiya, nafaqa va boshqa toʻlovlarni toʻlashni tashkil etish tartibi toʻgʻrisidagi yoʻriqnomaga oʻzgartirishlar kiritish haqida (2657-3-son)

11.08.2017

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2017-yil 11-avgustta roʻyxatdan oʻtkazildi, roʻyxat raqami 2657-3]

Oʻzbekiston Respublikasi Prezidentining 2017-yil 13-martdagi PQ-2826-son “Pensiyalar va nafaqalar toʻlash mexanizmini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2015-yil 30-yanvardagi 6-son buyrugʻi (roʻyxat raqami 2657, 2015-yil 5-mart) (Oʻzbekiston Respublikasi qonun hujjatlari toʻplami, 2015-y., 9-son, 105-modda) bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi tomonidan pensiya, nafaqa va boshqa toʻlovlarni toʻlashni tashkil etish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir B. XODJAYEV

Toshkent sh.,

2017-yil 12-iyul,

100-son

Oʻzbekiston Respublikasi moliya vazirining 2017-yil 12-iyuldagi 100-son buyrugʻiga ILOVA

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi tomonidan pensiya, nafaqa va boshqa toʻlovlarni toʻlashni tashkil etish tartibi toʻgʻrisidagi yoʻriqnomaga kiritilayotgan oʻzgartirishlar

1. 1-bandda:

uchinchi xatboshidagi “tijorat banki filiali va pochta aloqasi obyektiga” degan soʻzlar “Aksiyadorlik-tijorat “Xalq banki” (keyingi oʻrinlarda Xalq banki filiali deb yuritiladi) va tijorat banki filialiga” degan soʻzlar bilan almashtirilsin;

toʻrtinchi xatboshidagi “pochta aloqasi obyekti tomonidan” degan soʻzlar “Xalq banki filiali orqali” degan soʻzlar bilan almashtirilsin.

2. 6-bandning yettinchi xaboshisidagi “pochta aloqasi obyekti va/yoki tijorat banki filialining” degan soʻzlar “Xalq banki filialining” degan soʻzlar bilan almashtirilsin.

3. 11-bandning “l” kichik bandidagi “pochta aloqasi obyektlari” degan soʻzlar “Xalq banki filiali maxsus kassasi” degan soʻzlar bilan almashtirilsin.

4. 15-bandning beshinchi xatboshisidagi “pochta aloqasi obyekti” degan soʻzlar “Xalq banki filiali maxsus kassasi” degan soʻzlar bilan almashtirilsin.

5. 20-bandning “a” kichik bandi quyidagi tahrirda bayon etilsin:

“a) ishlamaydigan shaxslarga — ular yashash joylari boʻyicha Xalq banki filiali maxsus kassasi yoki ularning xohishiga koʻra pul mablagʻlarini fuqarolarning depozit hisob raqamlariga naqd pulsiz oʻtkazish yoʻli bilan tijorat bankining filiali orqali;”.

6. 23-band quyidagi tahrirda bayon etilsin:

“23. Pensiya va nafaqani toʻlash qonun hujjatlariga muvofiq rasmiylashtirilgan ishonchnoma boʻyicha amalga oshirilishi mumkin.

Oʻzbekiston Respublikasi tashqarisida rasmiylashtirilgan ishonchnomaga ushbu hujjat rasmiylashtirilgan davlatning vakolatli davlat organi tomonidan apostil qoʻyilishi lozim, Fuqarolik, oilaviy va jinoyat ishlari boʻyicha huquqiy yordam va huquqiy munosabatlar konvensiyasining (Minsk shahri, 1993-yil 22-yanvar) ishtirokchi davlatlari — Mustaqil Davlatlar Hamdoʻstligiga aʼzo davlatlar bundan mustasno.

Ishonchnoma bergan shaxs Pensiya jamgʻarmasi boʻlimlaridan biriga bir yilda kamida bir marta kelib, tayinlangan pensiya yoki nafaqaga boʻlgan oʻz huquqini ariza hamda shaxsini tasdiqlovchi hujjat taqdim etish orqali tasdiqlashi kerak. Pensiya jamgʻarmasi boʻlimi tomonidan pensionerning kelishi imkoniyati mavjud emasligi (sogʻligʻi tufayli, davolash muassasalarida, shu jumladan ruhiy kasallar uchun statsionar davolanishda boʻlish) toʻgʻrisida maʼlumotlar olinganda, Pensiya jamgʻarmasi boʻlimlari xodimlari tayinlangan pensiya yoki nafaqaga boʻlgan huquqni tasdiqlash uchun pensioner turgan joyga chiqishlari mumkin.

Pensioner xorijiy davlatda boʻlgan va sogʻligʻi tufayli Oʻzbekiston Respublikasiga kelish imkoniyatiga ega boʻlmagan holatlarda pensioner Oʻzbekiston Respublikasining chet eldagi diplomatik vakolatxonasi yoki konsullik muassasasiga murojaat etishi mumkin va xorijiy davlat hududida doimiy yashash holati mavjud emasligini, shuningdek pensiya yoki ijtimoiy nafaqa olmasligini tasdiqlashi lozim.

Ishonchli vakil pensiya va nafaqa toʻlashga taʼsir etishi mumkin boʻlgan, oʻziga maʼlum barcha holatlar toʻgʻrisida Pensiya jamgʻarmasi boʻlimiga xabar berishi shart.

Ishonchnoma tegishli Xalq banki filialida saqlanishi lozim.”

7. 46-banddagi “tuman (shahar) sud ijrochilari boʻlimiga” degan soʻzlar “Majburiy ijro byurosi tuman (shahar) boʻlimiga” degan soʻzlar bilan almashtirilsin.

8. 53 va 54-bandlar quyidagi tahrirda bayon etilsin:

“53. Tayinlangan pensiya va nafaqani toʻlash:

pensioner yoki nafaqa oluvchi vafot etganda;

tayinlangan pensiya yoki nafaqaga huquqlar yoʻqolganda;

xorijiy davlatda boʻlgan davrida pensiya (ijtimoiy nafaqa) olganligi holati aniqlanganda;

doimiy yashash uchun Oʻzbekiston Respublikasi tashqarisiga chiqib ketilganda toʻxtatiladi.

54. Toʻlov quyidagi holatlarda toʻxtatib turiladi:

pensiya va nafaqa toʻlash muddati tamom boʻlganda;

ketma-ket 3 oy mobaynida Xalq banki filiali maxsus kassasi orqali pensiya yoki nafaqa olinmaganda;

pensioner va nafaqa oluvchi sud hukmi bilan ozodlikdan mahrum etilganda;

pensioner ruhiy bemorlar internat uylarida yashaganda;

surishtiruv, tergov organlaridan va suddan yashirinib yurgan, jinoiy jazoni oʻtashdan boʻyin tovlayotgan shaxslarni qidirishga eʼlon berilganda, bedarak yoʻqolganda;

ishonchnoma bergan shaxs unga tayinlangan pensiyaga yoki nafaqaga huquqini tasdiqlash uchun belgilangan muddatda kelmaganda;

pensiya va nafaqani toʻlashni toʻxtatib turish toʻgʻrisida pensioner yoki nafaqa oluvchi tomonidan ariza berilganda.

Pensiyani yoki nafaqani toʻlash pensioner yoki uning vasiysi Pensiya jamgʻarmasi boʻlimiga kelgandan soʻng va u ariza taqdim etgandan, shuningdek shaxsini tasdiqlovchi hujjatni koʻrsatgandan soʻng tiklanadi.

Shaxsning sud hukmi bilan ozodlikdan mahrum etish joylarida boʻlgan vaqti uchun pensiya va nafaqa toʻlanmaydi. Shaxs ozod boʻlgandan keyin toʻlov Pensiya jamgʻarmasi boʻlimiga ariza berilgan kundan boshlab tiklanadi.”.

9. 62 va 63-bandlar quyidagi tahrirda bayon etilsin:

“62. Monitoring guruhi inspektori tomonidan qaydnomalar axborot tizimida Xalq banki va tijorat banklari filiallari boʻyicha alohida har bir mahalla fuqarolar yigʻini va tijorat banki filiali kesimida shakllantiriladi.

63. Xalq banki filiali maxsus kassalari uchun keyingi toʻlov oyiga qaydnomalar qaydnomalardan yirtib olinadigan talonlarda va reyestrlarda koʻrsatilgan oldingi toʻlov oyining pensiya va nafaqalar toʻlanganligi (toʻlanmaganligi)ning umumiy soni va summasi toʻgʻrisida maʼlumotlarning toʻgʻriligini axborot tizimiga Xalq banki filiali maxsus kassalari tomonidan kiritilgan maʼlumotlar bilan solishtirilgandan soʻng shakllantiriladi.

Xalq banki filiallari har kuni toʻlangan (toʻlanmagan) pensiya va nafaqalar summalari toʻgʻrisidagi maʼlumotlarni axborot tizimiga yuboradi. Toʻlov oyi uchun pensiya va nafaqalarni yetkazib berish (topshirish) yakunlangandan soʻng, Xalq banki filiallari axborot tizimiga yakuniy maʼlumotlarni, shuningdek yetkazib berilgan yoki yetkazib berilmagan summalar boʻyicha qaydnomadan yirtib olinadigan talonlar va reyestrlarni Pensiya jamgʻarmasining tegishli boʻlimiga yuboradi. Pensiya jamgʻarmasi boʻlimi tomonidan maʼlumotlar solishtirilgandan soʻng mazkur qaydnomalar axborot tizimida yopiladi.”.

10. 64-bandning ikkinchi xatboshisidagi “pochta aloqasi obyektlari” degan soʻzlar “Xalq banki filiallari” degan soʻzlar bilan almashtirilsin.

11. 67-bandning ikkinchi xatboshisidagi “pochta aloqasi obyekti yoki tijorat banki filialiga” degan soʻzlar “Xalq banki yoki tijorat banki filialiga” degan soʻzlar bilan almashtirilsin.

12. 68-band quyidagi tahrirda bayon etilsin:

“68. Axborot tizimi orqali qaydnomalar yuborilgandan soʻng Xalq banki filiali tomonidan qaydnomalar, shuningdek reyestrlar chop qilinadi.”

13. 69-band oʻz kuchini yoʻqotgan deb hisoblansin.

14. 71-banddagi “Pochta aloqasi obyektlari tomonidan” degan soʻzlar “Xalq banki filiallari tomonidan” degan soʻzlar bilan almashtirilsin.

15. 73-banddagi “pochta aloqasi obyektlari va tijorat banklari filiallari” degan soʻzlar “Xalq banki va tijorat banki filiallari” degan soʻzlar bilan almashtirilsin.

16. 86-band quyidagi tahrirda bayon etilsin:

“86. Pensiya jamgʻarmasi boʻlimi tuzilgan qaydnomalardagi summalarga mos mablagʻlarni Xalq banki va tijorat banklari filiallarining tegishli hisobvaraqlariga moliyalashtiradi”.

17. 96-bandda:

birinchi xatboshisidagi “pochta aloqasi obyektlaridan” degan soʻzlar “Xalq banki filiallaridan” degan soʻzlar bilan almashtirilsin;

uchinchi xatboshisi chiqarib tashlansin;

toʻrtinchi xatboshisi uchinchi xatboshi deb hisoblansin.

18. 100-band quyidagi tahrirda bayon etilsin:

“100. Pensiya jamgʻarmasi boʻlimi monitoring natijasida aniqlangan faktlar yuzasidan tegishli Xalq banki va tijorat banklari filiallariga kamchiliklarni bartaraf etish, shuningdek mablagʻlarni tiklashga oid zarur chora-tadbirlarni koʻrish uchun xat (murojaat) yuboradi. Xalq banki va tijorat banki filiali kamchiliklarni bartaraf etish va oʻzlashtirilgan mablagʻlarning yoki noqonuniy toʻlangan pensiya va nafaqalar summalarining tiklanishi boʻyicha chora-tadbirlar koʻradi.”.

19. 102-bandning birinchi va ikkinchi xatboshilaridagi “pochta aloqasi obyektlari” degan soʻzlar “Xalq banki filiallari” degan soʻzlar bilan almashtirilsin.

20. 103 va 105-bandlardagi “pochta aloqasi obyekti” degan soʻzlar “Xalq banki filiali” degan soʻzlar bilan almashtirilsin.

21. 104-banddagi “pochta aloqasining mintaqaviy tashkilotlari” degan soʻzlar “Xalq bankining hududiy filiallari” degan soʻzlar bilan almashtirilsin.

22. 106-banddagi “Pochta aloqasi obyekti” degan soʻzlar “Xalq banki filiali maxsus kassasi” degan soʻzlar bilan almashtirilsin.

23. 107-bandda:

birinchi xatboshidagi “pochta aloqasining mintaqaviy tashkiloti” degan soʻzlar “Xalq bankining hududiy filiali” va degan soʻzlar bilan almashtirilsin;

ikkinchi xatboshidagi “pochta aloqasining mintaqaviy tashkilotlari” degan soʻzlar “Xalq bankining hududiy filiallari” degan soʻzlar bilan almashtirilsin.

24. 3-ilovadagi “pochta aloqasi boʻlimi orqali” degan soʻzlar “Xalq banki filiali maxsus kassasi orqali” degan soʻzlar bilan almashtirilsin.

25. 9-ilovada:

27-ustundagi “Pochta xarajati” degan soʻzlar “Pensiya va nafaqalarni yetkazib berish (topshirish)ga xarajatlar” degan soʻzlar bilan almashtirilsin;

28-29-ustunlardagi “Pochta aloqasi obyekti” degan soʻzlar “Xalq banki filiali” degan soʻzlar bilan almashtirilsin;

60 — 67-ustunlardagi “Pochta aloqasi obyektlari” degan soʻzlar “Xalq banki filiallari” degan soʻzlar bilan almashtirilsin;

68-ustundagi “Pochta xarajatlari” degan soʻzlar “Pensiya va nafaqalarni yetkazib berish (topshirish)ga xarajatlar” degan soʻzlar bilan almashtirilsin;

153 — 156-ustunlardan “(pochta xizmat haqidan tashqari)” degan soʻzlar chiqarib tashlansin.

26. 10-ilovada:

6, 8, 10, 21, 48 va 57-ustunlardan “pochta” degan soʻz chiqarib tashlansin;

13, 14, 24 va 25-ustunlardagi “pochta aloqasi obyektlari” degan soʻzlar “Xalq banki filiallari” degan soʻzlar bilan almashtirilsin;

51-52-ustunlardagi “pochta aloqasi obyekti” degan soʻzlar “Xalq banki filiallari” degan soʻzlar bilan almashtirilsin.

27. 14-ilovaning 5-ustunidagi “pochta aloqasi obyekti” degan soʻzlar “Xalq banki filiali” degan soʻzlar bilan almashtirilsin.

28. 15-ilovaning 5-ustunidagi “pochta aloqasi obyekti” degan soʻzlar “Xalq banki filiali” degan soʻzlar bilan almashtirilsin.

29. 18 va 19-ilovalarning 4 va 5-qatorlaridagi “Pochta xarajati” degan soʻzlar “Etkazib berish (topshirish) xizmatlari uchun xarajatlar” degan soʻzlar bilan almashtirilsin.

30. 20 va 21-ilovalarda:

“pochta aloqasi obyektlari” degan soʻzlar “Xalq banki filiallari” degan soʻzlar bilan almashtirilsin;

“pochta” degan soʻzlar chiqarib tashlansin.

31. Mazkur oʻzgartirishlar Oʻzbekiston Respublikasi Markaziy banki va “O`ZBEKISTON POCNTASI” AJ bilan kelishilgan.

Markaziy bank raisi M. NURMURATOV

2017-yil 12-iyul

“OʼZBEKISTON POCNTASI” AJ Bosh direktori Sh. ATAMUXAMEDOV

2017-yil 12-iyul