Respublikaning qora metallar prokati va metall xom ashyosiga boʻlgan qoʻshimcha ehtiyojini taʼminlash chora-tadbirlari toʻgʻrisida (PQ-3122-son)

10.07.2017

Oʻzbekiston Respublikasi Prezidentining

Qarori

Respublikada arzonlashtirilgan uy-joylar, koʻp qavatli uylar, ijtimoiy soha muassasalari va yoʻl-transport hamda muhandislik-kommunikatsiya infratuzilmasi obyektlarining qurilish-montaj ishlari uchun qora metall prokatiga boʻlgan ehtiyojini taʼminlash maqsadida:

1. 2017-yilda tender savdolari oʻtkazmasdan turib ishlab chiqaruvchi-zavodlar yoki ularning rasmiy dilerlari bilan tuzilgan (distribyutorlarining) shartnomalar boʻyicha respublikaga import orqali:

“Oʻzbekiston temir yoʻllari” AJga keyinchalik ularni obyektlar buyurtmachilariga sotish uchun 50 ming tonna miqdorida qora metallar prokatini ilovaga muvofiq olib kirishga;

“Oʻzmetkombinat” AJga metallurgiya xomashyosini (temir yoki legirlanmagan poʻlatdan boʻlgan yarim mahsulot, kodi TN TIF 7207 20 150 0) keyinchalik ishlab chiqarish va yetkazib berish uchun obyektlar buyurtmachilariga qoʻshimcha balans bilan tasdiqlangan hajmda 20 ming tonna miqdorida qora metall prokati olib kirishga ruxsat etilsin.

2. Quyidagilar import hajmlarini moliyalashtirish manbalari etib belgilansin:

qora metall prokatiga — arzonlashtirilgan uy-joylar, koʻp qavatli uylar, ijtimoiy soha muassasalari va yoʻl-transport hamda muhandislik-kommunikatsiya infratuzilmasi obyektlarining qurilishi uchun buyurtmachilar tomonidan ajratilgan mablagʻlar:

metallurgiya xomashyosiga — “Oʻzmetkombinat” AJning oʻz mablagʻlari.

3. Oʻzbekiston Respublikasi Investitsiyalar boʻyicha davlat qoʻmitasi uch kun muddatda mazkur qarorning tartib-qoidalarini bajarish doirasida qora metall prokati va metallurgiya xomashyosini yetkazib berish uchun tuzilgan import shartnomalari ekspertizasini taʼminlasin.

4. 2019-yilning 1-yanvariga qadar:

mazkur qarorning 1-bandiga muvofiq “Oʻzbekiston temir yoʻllari” AJ va “Oʻzmetkombinat” AJ tomonidan olib kelinadigan qora metall va metallurgiya xomashyosi bojxona toʻlovlaridan (bojxona yigʻimlaridan tashqari);

import boʻyicha 50 ming tonna qora metall prokati “Oʻzbekiston temir yoʻllari” AJ, “Qishloq qurilish invest MK” MCHJ va “Oʻzshahar qurilishi invest” IK” MCHJ pudrat tashkilotlariga sotiladigan qismida qoʻshilgan qiymat soligʻidan, shuningdek, davlat maqsadli jamgʻarmalariga boʻlgan majburiy ajratma toʻlovlaridan ozod etilsin.

5. Oʻzbekiston Respublikasi Tashqi iqtisodiy faoliyat milliy banki “Oʻzbekiston temir yoʻllari” AJga import boʻyicha qora metall prokati sotib olish uchun mablagʻlar jamlanadigan maxsus hisobvaraq ochilishiga koʻmaklashsin.

6. Oʻzbekiston Respublikasi Markaziy bankiga vakolatli banklar bilan birgalikda “Oʻzbekiston temir yoʻllari” AJ va “Oʻzmetkombinat” AJning talabnomalariga koʻra belgilangan tartibda tuziladigan import shartnomalari boʻyicha milliy valyutadagi mablagʻlarni xorijiy valyutaga konvertatsiya qilishni taʼminlash tavsiya etilsin.

7. Import qilinayotgan qora metall prokati va metallurgiya xomashyosi narxi buyurtmachilar tomonidan obyektlarni qurish doirasidagi qurilish-montaj ishlarini moliyalashtirish sarf-xarajatlari hisoblanadi hamda yuqori metall prokati va metallurgiya xomashyosining import qilinishi bojxona deklaratsiyasini rasmiylashtirish sanasiga ekvivalenti milliy valyutada Oʻzbekiston Respublikasi Markaziy banki kursida belgilanadi.

8. Oʻzbekiston Respublikasi Davlat soliq qoʻmitasi Davlat bojxona qoʻmitasi bilan birgalikda mazkur qarorga muvofiq olib kelinadigan “Oʻzbekiston temir yoʻllari” AJning qora metall prokati va “Oʻzmetkombinat” AJning metallurgiya xomashyosidan maqsadli foydalanilishi ustidan qattiq nazorat oʻrnatsin.

Belgilansinki, mazkur qarorga muvofiq olib kelinadigan qora metall prokati va metallurgiya xomashyosidan maqsadga muvofiq foydalanilmagan holda taqdim etilgan bojxona imtiyozlari bilan bogʻliq toʻlanmagan bojxona toʻlovlari summasi Oʻzbekiston Respublikasi Davlat budjetiga qonun hujjatlarida nazarda tutilgan moliyaviy sanksiyalari qoʻllanilgan holda undiriladi.

9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatovga va Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 10-iyul,

PQ-3122-son

Oʻzbekiston Respublikasi Prezidentining 2017-yil 10-iyuldagi PQ-3122-son qaroriga ILOVA

“Oʻzbekiston temir yoʻllari” AJ tomonidan qora metallar prokatini import boʻyicha olib kirish

HAJMLARI

T/r Obyektlarning nomlanishi Hajm Jami: 50,0 1. Qishloq joylarda yangilangan namunaviy loyihalar boʻyicha arzon uy-joylar qurish 12,4 2. Shaharlarda arzon koʻpxonadonli uylar qurish 7,6 3. Toshkent metropoliteni Sergeli liniyasini qurish 16,5 4. Toshkent metropoliteni Yunusobod liniyasi 2-bosqichini qurish 5. Toshkent shahrida elektrlashgan tezyurar ikki yoʻlakli halqa temir yoʻli qurilishi 6. Temir yoʻllarni elektrlashtirish 7,5 7. “Trest “Kuprikqurilish” UK bosh pudrat tashkiloti boʻlgan yoʻl-transport infratuzilmasi obyektlari 6,0