2017-2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari toʻgʻrisida (450-son)

30.06.2017

Oʻzbekiston Respublikasi Vazirlar Mahkamasining

qarori

Samarqand shahri va Samarqand viloyatining turizm salohiyatini yanada rivojlantirish, undan foydalanish samaradorligini oshirish, noyob tarixiy-madaniy va meʼmoriy meros obyektlari bilan turistlarni keng tanishtirish uchun eng qulay shart-sharoitlar yaratish, konseptual asosda ziyorat turizmini faol targʻib qilish va ziyoratchi — turistlar oqimini koʻpaytirish, hududda zamonaviy turizm infratuzilmasining izchil rivojlanishini taʼminlash, zamonaviy talablarga muvofiq koʻrsatiladigan turizm, mehmonxona va transport xizmatlari turlarini kengaytirish va sifatini yaxshilash maqsadida Vazirlar Mahkamasi qaror qiladi:

1. 2017 — 2019-yillarda Samarqand shahri va Samarqand viloyatining turizm salohiyatini jadal rivojlantirish tadbirlari Dasturi (keyingi oʻrinlarda Dastur deb ataladi) 1-ilovaga muvofiq tasdiqlansin va quyidagi ustuvor yoʻnalishlar boʻyicha uning samarali amalga oshirilishi taʼminlansin:

turizm sohasini rivojlantirish uchun zarur shart-sharoitlar yaratgan holda yangi mehmonxonalar, madaniy-sogʻlomlashtirish va savdo-koʻngilochar markazlar, turistik-rekreatsion hududlarni barpo etish hamda turizm infratuzilmasining boshqa obyektlarini qurish;

umumiy ovqatlanish tizimini takomillashtirish va turistlarning kechki boʻsh vaqtini mazmunli oʻtkazishlari uchun sharoitlar yaratish, shu jumladan zamonaviy restoranlar qurish, nurli va musiqiy shou dasturlarini tashkil etish, oʻzbek milliy musiqasining teatrlashtirilgan konsert dasturlarini tashkil etish, madaniy meros obyektlari hududida milliy urf-odat va anʼanalarni namoyish etish;

aviareyslar va tezyurar “Afrosiyob” elektropoyezdi qatnovlari sonini koʻpaytirish, Samarqand shahrining tarixiy hududida sayyohlarga xizmat koʻrsatuvchi ixtisoslashtirilgan tashkilot tashkil etish, turistik namoyish obyektlariga olib boradigan avtomobil yoʻllarini qurish va rekonstruksiya qilish yoʻli bilan transport xizmatini yaxshilash, shu jumladan, avia va temiryoʻl infratuzilmasini yanada rivojlantirish;

Samarqand shahrining batafsil loyihalashtirish planining yangilangan rejasini tasdiqlagan holda zarur obodonlashtirish ishlarini tashkil etish, turizm infratuzilmasi obyektlarida bankomat va terminallar oʻrnatgan holda maxsus esdalik sovgʻalari shoxobchalarini shahar koʻchalari boʻylab oqilona taqsimlash, butunjahon Internet axborot tarmogʻidan foydalanishga keng imkoniyat yaratgan holda turistlar gavjum joylarda Wi-Fi hududlarini tashkil etishni nazarda tutgan holda Samarqand shahri hududini obodonlashtirish;

“Samarqand nonlari”, “Samarqand hunarmandlari”, “Milliy taomlar”, “Sharq shirinliklari” kabi har yilgi mavzuli festivallarni tashkil etish va oʻtkazish, xorijiy turoperatorlar va ommaviy axborot vositalari vakillari uchun axborot turlarini tashkil etish, ekskursiyalarning turistik xaritalarini tayyorlash, shuningdek ommabop xorijiy telekanallarda Samarqandning turizm salohiyatini targʻib qilish, hududning diqqatga sazovor joylari va boy tarixiga bagʻishlangan maʼlumotlarni butunjahon Internet axborot tarmogʻi va ommabop ijtimoiy tarmoqlarda joylashtirish orqali keng qamrovli reklama kampaniyasini oʻtkazish va Samarqand shahri brendini targʻib etish;

yangi turizm yoʻnalishlarini tashkil etish va turizmning yangi turlarini rivojlantirish, shu jumladan “Zarafshon” davlat qoʻriqxonasi hududini va u yerda saqlanayotgan Buxoro bugʻusining (xongulning) turistlar tomonidan keng qamrovli kuzatilishi uchun ilmiy-rekreatsion hududlarni tashkil etish, turizm infratuzilmasi obyektlarini barpo qilish sharti bilan hududda turizm majmuasi va ekoturizm zonalari tashkil qilish;

Samarqandning turizm sohasi uchun kadrlar tayyorlash, shu jumladan kasb-hunar kollejlari oʻqituvchilari, hududning turistik tarmogʻi xodimlarini oʻqitish va ularning malakasini oshirish ishlarini tashkil etish, turistlarga xizmat koʻrsatish sifatini oshirish maqsadida xorijiy mutaxassislar va ekspertlarni keng jalb qilgan holda turizm tashkilotlari xodimlari uchun qisqa muddatli oʻquv kurslari, seminarlar va mahorat darslari oʻtkazish;

2017 — 2021-yillar mobaynida turizm xizmatlari eksporti hajmini 2,2 baravarga, turistlar sonini 3 baravarga oshirishni taʼminlash uchun zarur shart-sharoitlar yaratish.

Vazirliklar va idoralar, Samarqand shahri va Samarqand viloyati hokimliklari rahbarlari — masʼul bajaruvchilar zimmasiga 1-ilovada koʻrsatilgan tadbirlarning oʻz vaqtida va sifatli bajarilishini tashkil etish yuzasidan shaxsiy masʼuliyat yuklansin.

2. Turizmni rivojlantirish boʻyicha muvofiqlashtiruvchi kengash va Oʻzbekiston Respublikasi Turizmni rivojlantirish davlat qoʻmitasiga:

Dasturga kiritilgan chora-tadbirlarning davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan oʻz vaqtida va sifatli amalga oshirilishini muvofiqlashtirish va nazorat qilish;

Dasturga kiritilgan tadbirlarni birgalikda moliyalashtirish maqsadida xorijiy investitsiyalar, donor mamlakatlarning, xalqaro moliya institutlarining kreditlari va grantlarini jalb etish yuklansin.

3. Samarqand viloyati hokimligi Oʻzbekiston Respublikasi Arxitektura va qurilish davlat qoʻmitasi, Madaniyat vazirligi bilan birgalikda:

uch oy muddatda — tashrif uchun qulay muhit yaratishga qaratilgan Samarqand shahrining tarixiy qismi va boshqa joylarida obodonlashtirish va qurilish boʻyicha amalga oshirishni nazarda tutuvchi keng miqyosli ishlar hajmi va parametrlaridan kelib chiqqan holda, Samarqand shahrining tarixiy qismining mufassal loyihasiga oʻzgartirishlarni ishlab chiqsin va Oʻzbekiston Respublikasi Vazirlar Mahkamasi huzuridagi Respublika arxitektura-shaharsozlik kengashiga koʻrib chiqish uchun belgilangan tartibda kiritsin;

Samarqand shahrining tarixiy qismini rejalashtirish va moddiy madaniy meros obyektlarini restavratsiya qilishning uzoq muddatli konsepsiyasini ishlab chiqishda ishtirok etish uchun YUNESKO va boshqa tegishli donor tashkilotlar koʻmagida Yevropa mamlakatlarining yetakchi ekspert-maslahatchilari jalb qilinishini tashkil etsin.

4. Oʻzbekiston Respublikasi Madaniyat vazirligi:

Xususiylashtirilgan korxonalarga koʻmaklashish va raqobatni rivojlantirish davlat qoʻmitasi va Samarqand viloyati hokimligi bilan birgalikda — foydalanilmayotgan moddiy madaniy meros obyektlarini ularda savdo, mehmonxona, koʻngilochar va turizm sohasining boshqa obyektlarini barpo qilish uchun belgilangan tartibda investorlarga berish ishlarini faollashtirish chora-tadbirlarini koʻrsin;

Samarqand viloyati hokimligi va Oʻzbekiston Respublikasi Moliya vazirligi bilan birgalikda — 2018 — 2027-yillar davrida Samarqand shahri va Samarqand viloyatining tarixiy-madaniy meros obyektlarini restavratsiya qilish va tiklash ishlarini amalga oshirish boʻyicha manzilli roʻyxatni, shuningdek Samarqand shahri va Samarqand viloyatining barcha moddiy madaniy meros obyektlari boʻyicha restavratsiya qilish va tiklash ishlarini tugallashning aniq muddatlari nazarda tutilgan tarmoq jadvalini joriy yil oxirigacha Oʻzbekiston Respublikasi Vazirlar Mahkamasiga tasdiqlash uchun kiritsin.

Oʻzbekiston Respublikasi Tashqi ishlar vazirligi va Investitsiyalar boʻyicha davlat qoʻmitasi bilan birgalikda — Madaniyat vazirligiga mazkur bandda nazarda tutilgan tadbirlarni amalga oshirish uchun xalqaro moliya institutlari va donor tashkilotlarning texnik hamkorligi va grant mablagʻlarini jalb etishda har tomonlama koʻmaklashsin.

5. Quyidagilarga:

Samarqand viloyati hokimligi, Oʻzbekiston Respublikasi Turizmni rivojlantirish davlat qoʻmitasi va Tashqi iqtisodiy faoliyat milliy bankining — Samarqand shahrida turistlar kechayu-kunduz boʻsh vaqtlarini maroqli oʻtkazishi uchun qulay shart-sharoitlar va turli xizmatlarning koʻrsatilishini taʼminlovchi zamonaviy mehmonxonalar, kottejlar, madaniy-sogʻlomlashtirish va koʻngilochar-savdo maskanlarining qurilishini nazarda tutuvchi “Samarkand city” turizm zonasini barpo etish;

Samarqand viloyati hokimligi, Oʻzbekiston Respublikasi Jismoniy tarbiya va sport davlat qoʻmitasi, Turizmni rivojlantirish davlat qoʻmitasi hamda “Oʻzsanoatqurilishbank” aksiyadorlik-tijorat bankining — Samarqand tumanidagi eshkak eshish kanali hududida tashrif buyuruvchi koʻplab mehmonlar va turistlarning, Samarqand shahri va Samarqand viloyatining aholisini oilaviy hordiq chiqarishi uchun yil davomida oʻquv-mashgʻulot yigʻinlarini oʻtkazish imkonini beruvchi zamonaviy sportzal, sport maydonchalari, usti ochiq va yopiq basseynlar, shuningdek oilalar uchun mehmonxona majmualari va kottejlar, suv attraksionlarini oʻz ichiga olgan hordiq chiqarish infratuzilmasining boshqa obyektlaridan tashkil topgan sport-sogʻlomlashtirish va turistik-rekreatsion majmuasini barpo etish toʻgʻrisidagi takliflariga rozilik berilsin.

6. Quyidagilar:

Oʻzbekiston Respublikasi Tashqi iqtisodiy faoliyat milliy banki — kredit asosida “Samarkand city” turizm zonasini qurish” loyihasi amalga oshirilishini moliyalashtiruvchi, shuningdek investorlar, shu jumladan xorijiy investorlar bilan toʻgʻridan-toʻgʻri sarmoya kiritish shaklida birgalikda moliyalashtiruvchi bosh tashkilot etib;

“Oʻzsanoatqurilishbank” aksiyadorlik-tijorat banki — “Eshkak eshish kanali hududida sport-sogʻlomlashtirish va turistik-rekreatsion hududini barpo etish” loyihasini amalga oshirish doirasida rekreatsion infratuzilmalarni qurishni kredit asosida moliyalashtiruvchi, shuningdek investorlar, shu jumladan xorijiy investorlar bilan birgalikda toʻgʻridan-toʻgʻri investitsiyalar tarzida birgalikda moliyalashtiruvchi bosh tashkilot etib belgilansin.

Oʻzbekiston Respublikasi Jismoniy tarbiya va sport davlat qoʻmitasi, “Oʻzsanoatqurilishbank” aksiyadorlik-tijorat banki uch oy muddatda, belgilangan tartibda eshkak eshish kanali hududida sport-sogʻlomlashtirish infratuzilmasining zamonaviy jahon standartlari talablariga javob beradigan qurilish loyihasini ishlab chiqsinlar, shuningdek ushbu ishlarni moliyalashtirish manbalari boʻyicha taklif kiritsinlar.

7. Belgilansinki, “Samarkand city” turizm zonasini qurish” va “Eshkak eshish kanali hududida sport-sogʻlomlashtirish va turizm-rekreatsion hududini barpo etish” loyihalarini amalga oshirish Oʻzbekiston Respublikasi Tashqi iqtisodiy faoliyat milliy banki va “Oʻzsanoatqurilishbank” aksiyadorlik-tijorat bankining tegishli investitsiya kompaniyalari (keyingi oʻrinlarda investitsiya kompaniyalari deb ataladi) tomonidan amalga oshiriladi.

8. Oʻzbekiston Respublikasi Tashqi iqtisodiy faoliyat milliy bankiga, “Oʻzsanoatqurilishbank” aksiyadorlik-tijorat bankiga va investitsiya kompaniyalariga “Samarkand city” turizm zonasini qurish” va “Eshkak eshish kanali hududida sport-sogʻlomlashtirish va turizm-rekreatsion hududini barpo etish” loyihalarini amalga oshirish doirasida:

zaruriyatga koʻra, investitsiyalash davrida ajratilgan kredit boʻyicha hisoblangan foizlarni kapitallashtirish;

bir soha tashkilotlariga taqdim etiladigan eng koʻp miqdordagi kreditlar ulushiga cheklovlar belgilash va boshqa tashkilotlarning ustav kapitallarida ishtiroki boʻyicha cheklovlar qoʻllamaslik;

obyektlarning foydalanishga topshirilishiga koʻra, obyektlarni yoki tashkilotlarning ustav jamgʻarmasidagi ulushini barcha xarajatlar va investitsiyalar miqdoridan kam boʻlmagan, shu jumladan tijorat kreditlari ajratgan holda sarflangan mablagʻlar valyutasida (milliy va xorijiy valyutada) bozor narxlari boʻyicha boshqa investorlarga sotish;

qurilish-montaj ishlarini belgilangan shaharsozlik normalari va qoidalariga rioya etgan holda parallel ravishda loyihalashtirish va moliyalashtirish shartlarida amalga oshirish, shuningdek tender savdolari oʻtkazmagan holda eng yaxshi takliflarni tanlab olish asosida pudrat tashkilotlarini va tovarlar (xizmatlar, ishlar) yetkazib beruvchilarni tanlash;

“Samarkand city” turizm zonasida obyektlarni qurish, shuningdek eshkak eshish kanali hududida sport-sogʻlomlashtirish va turistik-rekreatsion hududini barpo etish doirasida tuzilgan import shartnomalarini vakolatli organlar tomonidan belgilangan tartibda ekspertizadan oʻtkazilgandan soʻng moliyalashtirishni amalga oshirish huquqi berilsin.

9. “Samarkand city” turizm zonasi va eshkak eshish kanali hududidagi sport-sogʻlomlashtirish va turistik-rekreatsion hududida faoliyat yurituvchi tadbirkorlik subyektlari, shuningdek investitsiya kompaniyalari 2020-yil 1-yanvargacha:

yer soligʻi, daromad soligʻi, yuridik shaxslarning mol-mulk soligʻi, mikrofirma va kichik korxonalar uchun yagona soliq toʻlovi, shuningdek Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi hamda Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasiga majburiy toʻlovlardan;

belgilangan tartibda tasdiqlanadigan roʻyxatlar boʻyicha Oʻzbekiston Respublikasi hududida ishlab chiqarilmaydigan va tadbirkorlik subyektlari tomonidan oʻz ishlab chiqarish ehtiyojlari uchun olib kelinadigan asbob-uskunalar, xom ashyo, butlovchi buyumlar, qurilish va boshqa materiallarini import qilishda bojxona toʻlovlaridan (bojxona yigʻimlari bundan mustasno) ozod qilinsin.

10. Samarqand viloyati hokimligi:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda tegishli vazirliklar va tashkilotlar bilan birgalikda — ikki oy muddatda “Samarkand city” turizm zonasi va eshkak eshish kanali hududidagi sport-sogʻlomlashtirish va turistik-rekreatsion hududining aniq chegaralarini belgilasin, shuningdek ularni qurish uchun investitsiya kompaniyalariga qurilishni boshlash uchun zarur boʻlgan hujjatlarni (topografik fotosurat, toʻliq kadastr hujjatlari, geologik oʻrganishlar va seysmik daraja boʻyicha hisobotlar, yillik haroratning oʻzgarishi va boshqalarni) taqdim etgan holda belgilangan tartibda yer uchastkalari ajratsin;

Oʻzbekiston Respublikasi Tashqi iqtisodiy faoliyat milliy banki va “Oʻzsanoatqurilishbank” aksiyadorlik-tijorat banki bilan birgalikda — ishga tushirishning aniq muddatlarini belgilagan holda “Samarkand city” turizm zonasini va eshkak eshish kanali hududidagi sport-sogʻlomlashtirish va turistik-rekreatsion hududida quriladigan obyektlarning manzilli roʻyxatini uch oy muddatda tasdiqlasin;

qonunchilikda belgilangan tartibda egalariga kompensatsiya toʻlagan holda “Samarkand city” turizm zonasi qurilishi rejalashtirilgan hududdagi eski uy-joy va boshqa binolarning belgilangan tartibda buzish va hududni tozalash ishlarini, shuningdek Samarqand viloyati mahalliy budjeti hisobidan barcha zarur tashqi kommunikatsiya-muhandislik va kommunal infratuzilmalarning quriladigan obyektlarga yetkazilishini tashkil etsin.

11. Oʻzbekiston Respublikasi Investitsiyalar boʻyicha davlat qoʻmitasi Turizmni rivojlantirish davlat qoʻmitasi va Samarqand viloyati hokimligi bilan birgalikda — “Samarkand city” turizm zonasida hamda Samarqand tumanidagi eshkak eshish kanali hududidagi sport-sogʻlomlashtirish va turizm-rekreatsion hududida zamonaviy mehmonxona va boshqa turizm va sport-sogʻlomlashtirish infratuzilmasi obyektlarini qurishni moliyalashtirish uchun strategik xorijiy va mahalliy investorlarni jalb etish masalasi ishlab chiqilishini taʼminlasin.

12. Oʻzbekiston Respublikasi Turizmni rivojlantirish davlat qoʻmitasi Samarqand viloyati hokimligi bilan birgalikda — Sharqning haqiqiy marvaridi deb eʼtirof etilgan noyob muzey-shahar sifatidagi Samarqand shahrining brendini ishlab chiqish hamda ommabop xorijiy va mahalliy ommaviy axborot vositalarining faol ishtirokida 2017 — 2019-yillar davrida “Samarqand — buyuk davlat arbobi Amir Temur davlatining poytaxti” va “Samarqand — buyuk olim-astronom Mirzo Ulugʻbekning vatani” shiorlari ostida keng reklama kampaniyasini oʻtkazishni nazarda tutgan holda Samarqand shahriga va Samarqand viloyatiga turistlar oqimini koʻpaytirish yuzasidan zarur chora-tadbirlar koʻrsin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzavtosanoat” AJ boshqaruvi raisi U.U. Rozukulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 30-iyun,

450-son

Vazirlar Mahkamasining 2017-yil 30-iyundagi 450-son qaroriga 1-ILOVA

2017 — 2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari

DASTURI

T/r Tadbirlar nomi Amalga oshirish muddati Hisoblangan qiymati (mln soʻm) Moliyalashtirish manbalari Masʼul bajaruvchilar I. Yangi mehmonxonalar va turizm infratuzilmasi obyektlari qurish 1. Samarqand shahri hududida xorijiy investorlar bilan hamkorlikda turistlarning toʻlaqonli dam olishi uchun sharoitlarni taʼminlaydigan, turli xizmat koʻrsatish darajasidagi zamonaviy mehmonxonalar, kottejlar, koʻngilochar va savdo markazlari, shuningdek amfiteatr, turli millatlar taomlarini tayyorlaydigan restoranlar, kafelar, bouling markazlari, karaoke-bar, suvenir doʻkonlari va boshqa turizm infratuzilmalarini oʻz ichiga oladigan “Samarkand sity” turizm hududini yaratish. 2017 — 2019-yillar Loyiha-smeta hujjatiga muvofiq Tashqi iqtisodiy faoliyat milliy banki va xorijiy investorlarning krediti va mablagʻlari, qonunchilikda taqiqlanmagan boshqa manbalar Samarqand viloyati hokimligi, Tashqi iqtisodiy faoliyat milliy banki, Turizmni rivojlantirish davlat qoʻmitasi, Investitsiyalar boʻyicha davlat qoʻmitasi 2. Samarqand tumanidagi Respublika eshkak eshish kanali hududida yil boʻyi sport oʻquv-mashgʻulotlarini oʻtkazish shart-sharoitiga ega boʻlgan zamonaviy sportzal, sport maydonlari, yopiq basseyn, shuningdek Samarqand viloyati va Samarqand shahri aholisi, viloyatga tashrif buyuruvchi mehmonlar va turistlarning oilaviy dam olishlarini tashkil etishga qaratilgan oilalar uchun mehmonxonalar va kottejlar majmui hamda boshqa dam olish infratuzilmasini oʻz ichiga olgan sport-sogʻlomlashtirish va turizm-dam olish hududini barpo etish. 2017-2018-yillar Loyiha-smeta hujjatiga muvofiq Tijorat banklari kreditlari Samarqand viloyati hokimligi, “Oʻzsanoatqurilishbank” ATB, Turizmni rivojlantirish davlat qoʻmitasi, Milliy olimpiya qoʻmitasi, Jismoniy tarbiya va sport davlat qoʻmitasi 3. Samarqand shahridagi “Afrosiyob Palas” mehmonxona majmuasini 2018-yil avgustda foydalanishga topshirishni taʼminlash va investitsiya shartlarini qabul qilgan holda uzoq muddatli ijaraga berish uchun salohiyatli xorijiy investorni jalb etish masalasini ishlab chiqish. 2017-yil avgust Loyiha-smeta hujjatlariga muvofiq Xorijiy investor mablagʻlari Davlat raqobat qoʻmitasi, Investitsiyalar boʻyicha davlat qoʻmitasi, Samarqand viloyati hokimligi, Turizmni rivojlantirish davlat qoʻmitasi 4. Samarqand shahri, Panjakent koʻchasida 30 oʻrinli mehmonxona qurish. 2017-yil oktabr 450,0 (50,0 tashabbuskor mablagʻlari, 400,0 tijorat banklari kreditlari) Tadbirkorlik subyektlari — loyiha tashabbuskorlari mablagʻlari, tijorat banklari kreditlari Samarqand viloyati va Samarqand shahri hokimliklari, “Marvarid nur shifo” MChJ, “Hamkorbank” ATB 5. Samarqand shahri, Bobur Mirzo koʻchasida 60 oʻrinli mehmonxona qurish. 2017-yil noyabr 500,0 (oʻz mablagʻlari) Tadbirkorlik subyektlari — loyiha tashabbuskorlari mablagʻlari Samarqand viloyati va Samarqand shahri hokimliklari, xususiy tadbirkor (M. Vafoyev) 6. Samarqand shahri, Pushkin koʻchasida 40 oʻrinli mehmonxona qurish. 2018-yil iyun 1 000,0 (oʻz mablagʻlari) Tadbirkorlik subyekti — loyiha tashabbuskori mablagʻlari Samarqand viloyati va Samarqand shahri hokimliklari, “Kotlon servis” MChJ 7. Samarqand shahri, Ibn Xoldun koʻchasida 200 oʻrinli mehmonxona qurish. 2018-yil avgust 5 500,0 (4 000,0 oʻz mablagʻlari), 1 500,0 tijorat banklari kreditlari) Tadbirkorlik subyektlari — loyiha tashabbus-korlari mablagʻlari, tijorat banklari kreditlari Samarqand viloyati va Samarqand shahri hokimliklari, “Konstantin Itol” MChJ, “Trast bank” XATB 8. Urgut tumanidagi “Chor Chinor” ziyoratgohi hududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyektlari — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Urgut tumani hokimliklari, “Oltin meros” XJF, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 9. Payariq tumanidagi “Imom al Buxoriy” majmuasini restavratsiya qilish va uning hududini turizm infratuzilmasini yaxshilagan holda obodonlashtirish va ziyoratchi turistlar uchun qoʻshimcha sharoitlar yaratish, jumladan: milliy uslubdagi mehmonxona qurish; majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyekti — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Payariq tumani hokimliklari, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 10. Samarqand shahridagi “Abu Mansur al-Moturudiy” majmuasini restavratsiyaqilishvauninghududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlar qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyekti — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Samarqand shahar hokimliklari, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 11. Oqdaryo tumanidagi “Maxdumi Aʼzam” majmuasini restavratsiya qilish va uning hududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyektlari — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Oqdaryo tumani hokimliklari, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 12. Paxtachi tumanidagi “Dobusiya” arxeologiya yodgorligini restavratsiya qilish va uning hududini turizm infratuzilmasini yaxshilagan holda obodonlashtirish, shu jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatiga muvofiq Mahalliy budjet, tadbirkorlik subyekti — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Paxtachi tumani hokimliklari, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 13. Nurobod tumanidagi “Hazrati Dovud” ziyoratgohi hududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish; “Hazrati Dovud” ziyoratgohi hududida 50 oʻrinli mehmonxona qurish. 2018-yil sentabr 2017-yil oktabr Loyiha-smeta hujjatlariga muvofiq 1 400, 0 (1 000,0 oʻz mablagʻlari, 400,0 tijorat banklari kreditlari) Mahalliy budjet, tadbirkorlik subyektlari — loyiha tashabbuskorlari, xayriya tashkilotlari mablagʻlari, tijorat banklari kreditlari tadbirkorlik subyektlari — loyiha tashabbuskorlari mablagʻlari, tijorat banklari kreditlari Samarqand viloyati va Nurobod tumani hokimliklari, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari Samarqand viloyati va Nurobod tumani hokimliklari, tijorat banklari, xususiy tadbirkor (G. Davlatova) 14. Urgut tumanidagi “Gʻavsul Aʼzam” ziyoratgohini restavratsiya qilish va uning hududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyektlari — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Urgut tumani hokimliklari, “Oltin meros” XJF, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 15. Urgut tumanidagi “Xoʻja Omon” ziyoratgohi hududini turizm infratuzilmasini yaxshilagan holda obodonlashtirish, jumladan: majmua ichidagi va atrofidagi hududni obodonlashtirish va koʻkalamzorlashtirish; umumiy ovqatlanish shoxobchalari va zarur yordamchi bino-inshootlarni qurish; esdalik sovgʻalari va boshqa mahsulotlar sotish uchun savdo maydoni qurish. 2018-yil sentabr Loyiha-smeta hujjatlariga muvofiq Mahalliy budjet, tadbirkorlik subyekti — loyiha tashabbuskorlari, xayriya tashkilotlari mablagʻlari, tijorat banklari kreditlari Samarqand viloyati va Urgut tumani hokimliklari, “Oltin meros” XJF, Madaniyat vazirligi, “Davarxitektqurilish” qoʻmitasi, Turizmni rivojlantirish davlat qoʻmitasi, tijorat banklari, tadbirkorlik subyektlari 16. Samarqand shahri, Alisher Navoiy koʻchasida 40 oʻrinli mehmonxona va milliy liboslar namoyish qilin�digan “El merosi” teatrini qurish. 2018-yil oktabr 11 000,0 oʻz mablagʻlari) Tadbirkorlik subyektlari — loyiha tashabbuskorlari mablagʻlari Samarqand viloyati va Samarqand shahri hokimliklari, “Samarqand apparel” kompaniyasi II. Turistlarning kechki boʻsh vaqtini mazmunli oʻtkazish uchun sharoitlar yaratish 17. Turizm mavsumi (mart — iyun, avgust — noyabr) davomida Registon ansamblidagi Sherdor madrasasida oʻzbek milliy kuy-qoʻshiqlar ohangi ostida teatrlashtirilgan konsert namoyishlarini tashkil etish. 2017-yil avgustdan boshlab doimiy - Tadbirkorlik subyektlari — loyiha tashabbuskorlari mablagʻlari Madaniyat vazirligi, Samarqand viloyati hokimligi, tadbirkorlik subyektlari 18. Samarqand shahri, Toshkent koʻchasidagi Hunarmandlar markazida yetakchi hunarmandlar, rassomlar va amaliy sanʼat ustalarining ishlab chiqarilgan mahsulotlarini turistlarga namoyishini tashkil etish, shuningdek hunarmandchilik mahsulotlari savdo koʻrgazmalarini uyushtirish. 2017-yil sentabrdan boshlab doimiy - Tadbirkorlik subyektlari — loyiha tashabbuskorlari mablagʻlari, tijorat banklari kreditlari Samarqand viloyati hokimligi, “Hunarmand” uyushmasi, tijorat banklari, tadbirkorlik subyektlari 19. “El merosi” teatrida tarixiy milliy liboslar namoyishini tashkil etish. 2018-yil apreldan boshlab doimiy - Tadbirkorlik subyektlari — loyiha tashabbuskorlari mablagʻlari Madaniyat vazirligi, Samarqand viloyati hokimligi, “Samarqand apparel” kompaniyasi III. Transportda xizmat koʻrsatishni yaxshilash, shu jumladan, avia- va temiryoʻl infratuzilmasini rivojlantirish 20. Samarqand tumani hududida turizm toifasidagi avtobuslar uchun toʻxtash joyi va garaj, texnik xizmat koʻrsatish ustaxonasi hamda haydovchilarni joylashtirish uchun mehmonxona hamda oshxona qurish, jumladan: obyektni qurish uchun yer maydoni ajratish; obyektni foydalanishga topshirish. 2017-2018-yillar 2017-y. avgust 2018-y. aprel 500,0 (300,0 oʻz mablagʻlari, 200,0 tijorat banklari kreditlari) Tadbirkorlik subyektlari — loyiha tashabbuskori mablagʻi, tijorat banklari kreditlari Samarqand viloyati va Samarqand tumani hokimliklari, “Oriyent finans bank” XATB, “Shaherezade Sam Star Tour” MChJ 21. Toshkent shahridan amalga oshiriladigan “Afrosiyob” tezyurar poyezdlariga ertalabki qoʻshimcha reyslarni kiritish masalasini koʻrib chiqish hamda ular jadvalini Samarqand viloyatiga keluvchi turistlar oqimidan kelib chiqib optimallashtirish. 2017-yil avgust - - “Oʻzbekiston temir yoʻllari” AJ 22 Samarqand shahrining markaziy koʻchalari hamda sayyohlik namoyishi obyektlari atroflarida umumqabul qilingan turizm yoʻl koʻrsatkichlari va belgilarini oʻrnatish. 2017-2018-yillar Loyiha-smeta hujjatlariga muvofiq Ijrochilar mablagʻlari Samarqand viloyati hokimligi, Turizmni rivojlantirish davlat qoʻmitasi, IIV, “Tasviriy oyina” ijodiy uyushmasi 23. Samarqand tumanidagi “Konigil Meros” qogʻoz ishlab chiqarish fabrikasiga olib boruvchi avtomobil yoʻlini (2 km) taʼmirlash. 2017-2018-yillar 240,0 Mahalliy budjet mablagʻlari Samarqand viloyati hokimligi, Avtomobil yoʻllari davlat qoʻmitasi, Respublika yoʻl jamgʻarmasi 24. Samarqand shahridagi “Abu Mansur al-Moturudiy” majmuasiga olib boruvchi avtomobil yoʻlini taʼmirlash. 2017 — 2019-yillar 500,0 Mahalliy budjet mablagʻlari Samarqand viloyati hokimligi, Avtomobil yoʻllari davlat qoʻmitasi, Respublika yoʻl fondi 25. M-37, M-39 avtomagistralining Samarqand — Buxoro, Samarqand — Termiz yoʻnalishlarida taʼmirlash ishlarini amalga oshirish. 2017 — 2019-yillar Loyiha-smeta hujjatlariga muvofiq Respublika yoʻl jamgʻarmasi mablagʻlari Samarqand viloyati hokimligi, Avtomobil yoʻllari davlat qoʻmitasi Respublika yoʻl jamgʻarmasi 26. Samarqand sh. — Urgut tumani — Taxtaqoracha dovoni yoʻnalishidagi avtomobil yoʻlida taʼmirlash ishlarini olib borish. 2017 — 2019-yillar Loyiha-smeta hujjatiga muvofiq Respublika yoʻl jamgʻarmasi mablagʻlari Samarqand viloyati hokimligi, Avtomobil yoʻllari davlat qoʻmitasi, Respublika yoʻl jamgʻarmasi 27. Samarqand shahri — Samarqand tumani (Mironkoʻl, Ohalik) yoʻnalishidagi avtomobil yoʻlida taʼmirlash ishlarini amalga oshirish. 2017 — 2019-yillar Loyiha-smeta hujjatiga muvofiq Respublika yoʻl jamgʻarmasi mablagʻlari Avtomobil yoʻllari davlat qoʻmitasi, Respublika yoʻl jamgʻarmasi, Samarqand viloyati hokimligi 28. Samarqand shahrining tarixiy qismida hamda Samarqand xalqaro aeroporti va temiryoʻl vokzalida yoʻlovchilarga transport xizmati koʻrsatuvchi tashkilot tashkil etish. 2018-yil avgust - Tadbirkorlik subyektlari — loyiha tashabbuskori mablagʻi, tijorat banklari kreditlari Samarqand viloyati hokimligi, Oʻzbekiston avtomobil va daryo transporti agentligi, tijorat banklari, tadbirkorlik subyektlari 29. Davlat rivojlanish dasturlari doirasida quyidagilarga olib boruvchi yoʻl-transport tarmogʻini yaxshilashga qaratilgan avtomobil yoʻllari qurilishi va qayta qurilishi boʻyicha takliflar ishlab chiqish: “Zarafshon” davlat qoʻriqxonasi; “Gʻavsul Aʼzam”, “Chor Chinor”, “Xoʻja Omon” ziyoratgohlari hamda “Dobusiya” arxeologiya yodgorligi. 2018-2019-yillar Loyiha-smeta hujjatlariga muvofiq Respublika yoʻl jamgʻarmasi va mahalliy budjet mablagʻlari Samarqand viloyati hokimligi, Avtomobil yoʻllari davlat qoʻmitasi, Respublika yoʻl jamgʻarmasi, Madaniyat vazirligi, Oʻrmon xoʻjaligi davlat qoʻmitasi, vazirlik va idoralar IV. Samarqand shahri hududini obodonlashtirish 30. Quyidagilarni eʼtiborga olgan holda Samarqand shahri tarixiy qismining mukammal loyihalashtirilgan rejasini ishlab chiqish va tasdiqlash: Samarqand shahrining ichki tarixiy qismi hududini obodonlashtirgan holda tarixiy qiymatga ega boʻlmagan, nurab yotgan uylar va boshqa binolarni belgilangan tartibda Samarqandning tarixiy qiyofasiga moslagan holda piyodalar uchun hududlarni tashkil etish; piyodalar uchun moʻljallangan hududlarda past qavatli kafe, restoranlar, savdo-koʻngilochar komplekslar va boshqa turizm obyektlarini qurish; tarixiy obyektlarni yorqin ranglar bilan yoritish, turistik piyodalar yoʻnalishini tungi yoritish moslamalari bilan jihozlash, turistik obyektlar atrofidagi hududlarni koʻkalamzorlashtirish va mavjud yoʻllarni qoplamalar bilan taʼminlash; kechki va tungi turistik marshrutlarni tashkil qilish uchun zarur shart-sharoitlarni yaratish maqsadida turistik obyektlarga olib boradigan ichki yoʻllar va avtomobil yoʻllarini taʼmirlash; piyodalar yoʻlaklari, kanalizatsiya tizimlari va boshqa muhandislik-kommunal infratuzilmani taʼmirlash. 2017-yil sentabr Loyiha-smeta hujjatlariga muvofiq Mahalliy budjet, ixtisoslashgan fondlar, tadbirkorlik subyektlari — loyihalar tashabbuskorlari mablagʻlari Samarqand viloyati va Samarqand shahri hokimliklari, “Davarxitektqurilish” qoʻmitasi, Madaniyat vazirligi, Turizmni rivojlantirish davlat qoʻmitasi, vazirlik va idoralar 31. Turizm infratuzilmasi obyektlarida, shu jumladan Samarqand shahri aeroporti va temir yoʻl vokzali, joylashtirish vositalarida, shuningdek xorijlik tashrif buyuruvchilarga xizmat koʻrsatadigan umumiy ovqatlanish punktlarida xorijiy (Visa Card, Master Card, American Express va boshqalar) va milliy valyuta qabul qiladigan terminallarni oʻrnatish, valyuta ayirboshlash va pul oʻtkazmalari xizmatlarini tashkil etish. 2017-yil sentabr Loyiha-smeta hujjatlariga muvofiq Tijorat banklari mablagʻi Markaziy bank, Banklar uyushmasi, Samarqand viloyati va Samarqand shahri hokimliklari, tijorat banklari 32. Turistlarning ommaviy yigʻiladigan joylarida, jumladan “Samarkand city” turizm zonasi va Samarqand shahrining tarixiy qismida Wi-fi zonalarini tashkil etish va butunjahon Internet axborot tarmogʻiga ulanish imkoniyatini yaratish. 2018-yil mart Loyiha-smeta hujjatlariga muvofiq Ijrochilar mablagʻi Axborot texnologiyalari va kommunikatsiyalarini rivojlantirish vazirligi, Madaniyat vazirligi, “Oʻzbektelekom” AK, Samarqand viloyati hokimligi 33. Samarqand shahrining turistlar ommaviy yigʻiladigan joylarida (Registon maydoni, Toshkent koʻchasi, Samarqand shahri xalqaro aeroporti va temiryoʻl vokzali) va boshqa joylarda axborot va ekskursiya markazlarini tashkil etish. 2018-yil mart Loyiha-smeta hujjatlariga muvofiq Ijrochilar mablagʻi Samarqand viloyati hokimligi, Turizmni rivojlantirish davlat qoʻmitasi, Madaniyat vazirligi, Axborot texnologiyalari va kommunikatsiyalarini rivojlantirish vazirligi, “Davarxitektqurilish” qoʻmitasi, “Oʻzbekiston havo yoʻllari” MAK, “Oʻzbekiston temir yoʻllari” AJ 34. Barcha madaniy meros obyektlari va boshqa turizm obyektlarida maʼlumotlar peshtaxtasini yagona tasdiqlangan namuna boʻyicha oʻrnatish. 2018-yil mart Loyiha-smeta hujjatlariga muvofiq Ijrochilar mablagʻi Samarqand viloyati va Samarqand shahri hokimliklari, Madaniyat vazirligi 35. Samarqand shahrining markaziy qismida uning tarixiy qismiga tutashgan hududlarida beshta sanitariya-gigiyenik uzellarini qurish. 2018-yil mart Loyiha-smeta hujjatlariga muvofiq Ijrochilar mablagʻi Samarqand viloyati va Samarqand shahri hokimliklari, “Davarxitektqurilish” qoʻmitasi 36. Samarqand shahrida (Farhod, Kimyogarlar, Xishrav fuqarolar yigʻinlari, Shoirlar bogʻi majmuasi hududida) akvapark, istirohat bogʻlari, bolalar maydonchalari, attraksion va boshqalarni oʻz ichiga olgan koʻngilochar markazlarni barpo etish. 2018-2019 yillar Loyiha-smeta hujjatlariga muvofiq Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand shahri hokimligi, “Davarxitektqurilish” qoʻmitasi, Madaniyat vazirligi, tijorat banklari, tadbirkorlik subyektlari V. Keng qamrovli reklama kampaniyalarini oʻtkazish va Samarqand brendini targʻib etish 37. Madaniy-koʻngilochar tadbirlarni oʻtkazish taqvimini ishlab chiqish va tadbirlarni belgilangan muddatlarda tashkil etish. Har yili - Ijrochilar mablagʻi Samarqand viloyati hokimligi, Madaniyat vazirligi, “Hunarmand” uyushmasi, Turizmni rivojlantirish davlat qoʻmitasi, tadbirkorlik subyektlari 38. Samarqand shahrida har yili (dam olish kunlari) “Samarqand nonlari”, “Samarqand hunarmandlari”, “Milliy taomlar”, “Sharq shirinliklari” kabi festivallarni (yarmarkalarni) keng qamrovli reklama kampaniyasini oʻtkazgan holda tashkil etish hamda uni elektron ommaviy axborot vositalarida targʻib etish. 2017 — 2019-yillarda (reja-jadvalga asosan) - Ijrochilar mablagʻi Samarqand viloyati hokimligi, Madaniyat vazirligi, “Hunarmand” uyushmasi, Yoshlar ittifoqi, Turizmni rivojlantirish davlat qoʻmitasi, tadbirkorlik subyektlari 39. Samarqand shahrida “Samarqand shahri kuni” festival-bayramini (oktabr oyida) keng qamrovli reklama kampaniyasini hamda uni elektron ommaviy axborot vositalarida targʻib etgan holda oʻtkazish. 2017 — 2019-yillar 150,0 Ijrochilar mablagʻi Samarqand viloyati hokimligi, Madaniyat vazirligi, Yoshlar ittifoqi, Turizmni rivojlantirish davlat qoʻmitasi, vazirlik va idoralar 40. Xorijda oʻtkaziladigan uchrashuvlar, xalqaro turizm koʻrgazma va yarmarkalarida viloyat turizm industriyasi vakillari va turizm sohasida faoliyat yuritayotgan tadbirkorlik subyektlarining ishtirokini taʼminlash. 2017 — 2019-yillar - Tadbir ishtirokchilari mablagʻlari Turizmni rivojlantirish davlat qoʻmitasi, Tashqi ishlar vazirligi, Savdo-sanoat palatasi, Samarqand viloyati hokimligi 41. Xorijiy turizm tashkilotlari va ommaviy axborot vositalari vakillari uchun axborot turlari tashkil etish. 2017 — 2019-yillar - Ijrochilar mablagʻi Turizmni rivojlantirish davlat qoʻmitasi, Samarqand viloyati hokimligi, Madaniyat vazirligi, vazirlik va idoralar 42. Madaniy meros obyektlari, teatrlar, muzeylar, restoranlar, kafelar, qoʻriqlanadigan tabiiy hududlar, sogʻlomlashtirish lagerlari, istirohat bogʻlari va Samarqand viloyatining boshqa koʻngilochar maskanlari maʼmuriyatlarini “Xalqaro turizm koʻrgazmasi” (aprel oyida) va “Toshkent xalqaro turizm yarmarkasi”da (oktabr oyida) ishtirok etishiga va Samarqand viloyatining turizm salohiyati taqdimotini yuqori darajada oʻtkazishga jalb qilish. 2017 — 2019-yillar (aprel, oktabr) - Tadbirlar ishtirokchilari mablagʻlari Samarqand viloyati hokimligi, Turizmni rivojlantirish davlat qoʻmitasi, “Hunarmand” uyushmasi, Madaniyat vazirligi, Savdo-sanoat palatasi, vazirlik va idoralar 43. Malayziya va Indoneziya davlatlaridan tashrif buyuradigan ziyoratchi-turistlar uchun Samarqand shahrida ziyorat turlarini tashkil qilish. 2017 — 2019-yillar - - Turizmni rivojlantirish davlat qoʻmitasi, Tashqi ishlar vazirligi, Din ishlari boʻyicha qoʻmita, “Oʻzbekiston havo yoʻllari” MAK 44. “Samarkand city” turizm zonasida va Samarqand shahrining boshqa joylarida shou-dasturlar, tarixiy voqealar aks ettirilgan teatrlashtirilgan tomoshalar, folklor ansambllari va zamonaviy estrada artistlari chiqishlari, modalar koʻrgazmalari va boshqa tomoshabop tadbirlarni tashkil qilish. 2017 — 2019-yillar - Ijrochilar mablagʻi Samarqand viloyati hokimligi, Madaniyat vazirligi, Tashqi iqtisodiy faoliyat milliy banki 45. Hududning diqqatga sazovor joylari va tarixiga bagʻishlangan maqolalarni tayyorlash hamda “Wikipedia” elektron ensiklopediyasida joylashtirish. 2017-yil avgust - - Turizmni rivojlantirish davlat qoʻmitasi, Axborot texnologiyalari va kommunikatsiyalarini rivojlantirish vazirligi, Madaniyat vazirligi, “Oʻzbektelekom” AK, Samarqand viloyati hokimligi 46. Ommabop elektron xaritalar (Google va h. k.), portallar (expedia, tripadvisor va h. k.) va ijtimoiy tarmoqlarda (facebook, instagram) Samarqand viloyati toʻgʻrisidagi batafsil maʼlumotlarni joylashtirish. 2017-yil avgust - - Turizmni rivojlantirish davlat qoʻmitasi, Axborot texnologiyalari va kommunikatsiyalarini rivojlantirish vazirligi, Madaniyat vazirligi, “Oʻzbektelekom” AK, Samarqand viloyati hokimligi 47. Viloyatning barcha tarixiy va madaniy obyektlari, mehmonxonalari, turizm agentliklari, restoranlari va boshqa diqqatga sazovor joylari toʻliq aks ettirilgan turizm xaritasini tayyorlash. 2017-yil oktabr Loyiha-smeta hujjatlariga muvofiq Ijrochilar mablagʻi Turizmni rivojlantirish davlat qoʻmitasi, Samarqand viloyati hokimligi, Madaniyat vazirligi, tadbirkorlik subyektlari 48. Hududning turizm salohiyatini targʻib etish maqsadida milliy madaniyat, urf-odatlar, Samarqand viloyatining tabiati va oʻziga xos taomlarini oʻzida mujassamlashtirgan videofilmni yaratish, uni Turizmni rivojlantirish davlat qoʻmitasi, Samarqand viloyati hokimligining rasmiy veb-sahifalari va “uzbekistan.travel” portalida joylashtirish. 2017-yil dekabr - Ijrochilar mablagʻi Turizmni rivojlantirish davlat qoʻmitasi, Axborot texnologiyalari va kommunikatsiyalarini rivojlantirish vazirligi, Madaniyat vazirligi, “Oʻzbektelekom” AK, Samarqand viloyati hokimligi, Milliy teleradiokompaniya 49. Samarqand viloyati mehmonxonalari va restoranlari uyushmasini tashkil etish masalasini koʻrib chiqish, bunda uyushmaning vazifalari etib quyidagilarni belgilash: xorijiy turistlarga xizmat koʻrsatuvchi restoran va mehmonxonalar manfaatlarini ifoda etish; restoran va mehmonxonalar egalarining kasbiy manfaatlarini himoya qilish; maʼlumot va reklama materiallarini chop etish; turizm biznesini rivojlantirish boʻyicha qabul qilinayotgan choralar toʻgʻrisida uyushma aʼzolariga maʼlumot yetkazish. 2018-yil avgust - - Savdo-sanoat palatasi, Samarqand viloyati hokimligi, Turizmni rivojlantirish davlat qoʻmitasi, vazirlik va idoralar, tadbirkorlik subyektlari VI. Yangi turizm yoʻnalishlarini yaratish va turizmning yangi turlarini rivojlantirish (ekologik, ilmiy, ekstremal, gastronomik va boshqalar) 50. Oqdaryo tumani “Kirkdarxon-2” mahalla fuqarolar yigʻini hududida turizm majmuasini barpo etish (mehmonxona qurish, turistlarga oʻzbek xalqining qadimgi va bugungi yashash tarzi, urf-odatlari, udumlari, oshxonasi va agroturizmini namoyish etish). 2017-2018-yillar 800,0 (500,0 tadbirkorlik subyektlari mablagʻi, 300,0 tijorat banklari kreditlari) Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand viloyati va Oqdaryo tumani hokimliklari, “Yergeodezkadastr” davlat qoʻmitasi, “Davarxitektqurilish” qoʻmitasi, Turizmni rivojlantirish davlat qoʻmitasi, Qishloq xoʻjaligi vazirligi, “Oʻzsanoatqurilishbank” ATB, xususiy tadbirkor (D. Shirinqulova) 51. Jomboy tumani “Galakapa” mahalla fuqarolar yigʻini hududida “eko” va “agro” turizmi yoʻnalishlarini tashkil etish orqali turizm majmuasini barpo qilish. 2017-2018-yillar 600,0 (400,0 tadbirkorlik subyektlari mablagʻi, 200,0 tijorat banklari kreditlari) Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand viloyati va Jomboy tumani hokimliklari, Qishloq xoʻjaligi vazirligi, “Yergeodezkadastr” davlat qoʻmitasi, Turizmni rivojlantirish davlat qoʻmitasi, tijorat banklari, “Lejand doʼ Samarkand M7” MChJ 52. Urgut tumani “Omonqoʻton” fuqarolar yigʻini hududida ekoturizm majmuasini barpo qilish. 2017-2018-yillar 700,0 (300,0 tadbirkorlik subyektlari mablagʻi, 400,0 tijorat banklari kreditlari) Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand viloyati va Urgut tumani hokimliklari, Qishloq xoʻjaligi vazirligi, “Davarxitektqurilish” qoʻmitasi, “Yergeodezkadastr” davlat qoʻmitasi, Turizmni rivojlantirish davlat qoʻmitasi, tijorat banklari, “Urgutekoturizm” MChJ 53. Urgut tumani “Beshkon” mahalla fuqarolar yigʻini hududida mevali va manzarali koʻchatlar ekish orqali ekoturizm hududini barpo qilish (umumiy ovqatlanish shoxobchalari, savdo doʻkonlari, dam olish maskanlarini tashkil etish). 2017-2018-yillar 800,0 (100,0 tadbirkorlik subyektlari mablagʻi, 700,0 tijorat banklari kreditlari) Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand viloyati va Urgut tumani hokimliklari, Qishloq xoʻjaligi vazirligi, “Davarxitektqurilish” qoʻmitasi, “Yergeodezkadastr” davlat qoʻmitasi, Turizmni rivojlantirish davlat qoʻmitasi, tijorat banklari, tadbirkor (D. Bobomurodov) 54. Urgut — Kitob yoʻli boʻylab joylashgan “Taxtaqoracha” dovonida turistlar uchun 0,24 ga maydonda ekoturizm hududini tashkil qilish(milliy taomlar oshxonasi, choyxona, avtoturargoh, savdo doʻkonlari, 20 oʻrinli mehmonxona tashkil etish). 2017-2018-yillar 700,0 (350,0 tadbirkorlik subyektlari mablagʻi, 350,0 tijorat banklari kreditlari) Loyiha tashabbuskori — tadbirkorlik subyekti mablagʻlari, tijorat banklari kreditlari Samarqand viloyati va Urgut tumani hokimliklari, “Davarxitektqurilish” qoʻmitasi, “Yergeodezkadastr” davlat qoʻmitasi, Qishloq xoʻjaligi vazirligi, Turizmni rivojlantirish davlat qoʻmitasi, “Hamkorbank” ATB, “Golib kadastr qurilish servis” XK 55. Samarqand tumani “Oxalik” qishloq fuqarolar yigʻini, “Mironkul” mahalla fuqarolar yigʻini hududida (9,6 ga maydonda) ekoturizm hududi va turizm majmuasini barpo qilish. 2017-2018-yillar 12 000,0 Loyiha tashabbuskori — tadbirkorlik subyekti mablagʻlari Samarqand viloyati va Urgut tumani hokimliklari, “Davarxitektqurilish” qoʻmitasi, “Yergeodezkadastr” davlat qoʻmitasi, Qishloq xoʻjaligi vazirligi, Turizmni rivojlantirish davlat qoʻmitasi, “Original maks lux” fermer xoʻjaligi 56. Samarqand tumani “Oxalik” qishloq fuqarolar yigʻini, “Mironkul” mahalla fuqarolar yigʻini hududida (3,0 ga maydonda) ekoturizm hududini barpo qilish. 2017-2018-yillar 2 500,0 (1 500,0 tadbirkorlik subyektlari mablagʻi, 1 000,0 tijorat banklari kreditlari) Loyiha tashabbuskori — tadbirkorlik subyekti mablagʻlari, tijorat banklari kreditlari Samarqand viloyati va Samarqand tumani hokimliklari, “Davarxitektqurilish” qoʻmitasi, “Yergeodezkadastr” davlat qoʻmitasi, Qishloq xoʻjaligi vazirligi, Turizmni rivojlantirish davlat qoʻmitasi, tijorat banklari, xususiy tadbirkor (F. Xurramov) 57. Samarqand shahrida Mirzo Ulugʻbek, Alisher Navoiy, Imom al-Buxoriy va boshqa allomalarning tavallud kunlari munosabati bilan taniqli olimlar va adabiyotshunoslarni jalb qilgan holda xalqaro ilmiy anjumanlar oʻtkazish. 2017 — 2019-yillar - Ijrochilar mablagʻi Oliy va oʻrta maxsus taʼlim vazirligi, Fanlar akademiyasi, Samarqand viloyati hokimligi, Turizmni rivojlantirish davlat qoʻmitasi, vazirlik va idoralar 58. Jomboy tumanidagi Zarafshon davlat qoʻriqxonasining qoʻriqlanadigan hududida turizm infratuzilmasini rivojlantirish, bunda: Zarafshon davlat qoʻriqxonasi hududini va u yerda saqlanayotgan Buxoro bugʻusini (xongulni) koʻpaytirish, saqlash jarayonini keng qamrovli kuzatish uchun belgilangan tartibda ilmiy-rekreatsion hududni tashkil etish; uni yangi turizm marshrutlariga kiritish. 2018-2019-yillar Loyiha-smeta hujjatlariga muvofiq Loyiha tashabbuskorlari — tadbirkorlik subyektlari mablagʻlari, tijorat banklari kreditlari Samarqand viloyati hokimligi, Oʻrmon xoʻjaligi davlat qoʻmitasi, “Davarxitektqurilish” qoʻmitasi, “Yergeodezkadastr” davlat qoʻmitasi, Turizmni rivojlantirish davlat qoʻmitasi, “Agrobank” ATB, tadbirkorlik subyektlari VII. Samarqandning turizm sohasi uchun kadrlar tayyorlashni taʼminlash 59. Fransiya, Ispaniya, Turkiya va turizm tarmogʻi rivojlangan boshqa mamlakatlardan xorijiy mutaxassislar va yetakchi konsultantlarni qisqa kurslarda dars berishga jalb qilish orqali Samarqand viloyatidagi ixtisoslashtirilgan oliy oʻquv yurtlari va kasb-hunar kollejlarida xorijiy tillar, mehmonxona va turoperatorlik faoliyati boʻyicha mutaxassislarni tayyorlashni takomillashtirish. 2017-yil sentabrdan boshlab muntazam ravishda - Ijrochilar mablagʻi, xalqaro moliya institutlarining grantlari Turizmni rivojlantirish davlat qoʻmitasi, Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazi 60. Turizm sohasida yuqori malakali kadrlarni tayyorlash maqsadida: Samarqand viloyati turizm tashkilotlari xodimlari uchun (shartnoma asosida, yiliga kamida ikki marotaba) qisqa muddatli oʻquv kurslarini muntazam tashkil qilib borish; Turistlarga xizmat koʻrsatish sohasida ishtirok etuvchi turizm sohasi tashkilotlari uchun xalqaro ekspertlarni keng jalb qilgan holda seminar va mahorat darslari oʻtkazib borish. 2017 — 2019-yillar - Ijrochilar mablagʻi Turizmni rivojlantirish davlat qoʻmitasi, Samarqand viloyati hokimligi, turizm sohasi subyektlari 61. “Turizm sohasida kadrlar malakasini oshirish va qayta tayyorlash boʻyicha respublika markazi” DUKda hududning kasb-hunar kollejlari oʻqituvchilari va turizm sohasi xodimlarini oʻqitish va malakasini oshirishni tashkil etish. 2017 — 2019-yillar - Ijrochilar mablagʻi Turizmni rivojlantirish davlat qoʻmitasi, Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazi 62. Turistlarga xizmat koʻrsatish sifatini oshirish, ularni transportda tashish davrida xavfsizligini taʼminlash maqsadida Samarqand viloyatidagi transport tashkilotlari xodimlari uchun ixtisoslashtirilgan kurslarni (yiliga kamida ikki marotaba) tashkil etish. 2017 — 2019-yillar - Ijrochilar mablagʻi Oʻzbekiston avtomobil va daryo transporti agentligi, Turizmni rivojlantirish davlat qoʻmitasi, tadbirkorlik subyektlari, transport faoliyati subyektlari Jami: 39 340,0

Izoh: Loyiha-smeta hujjatlarini ishlab chiqish yakunlariga koʻra hisoblangan qiymat aniqlashtiriladi.