Toshkent davlat yuridik universiteti bakalavriatiga xorijiy fuqarolarni qabul qilish toʻgʻrisidagi ariza shaklini tasdiqlash haqida (2897-son)

29.06.2017

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2017-yil 29-iyunda roʻyxatdan oʻtkazildi, roʻyxat raqami 2897]

Oʻzbekiston Respublikasi Vazirlar Mahkamasining 2017-yil 2-iyundagi 347-son “Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Toshkent davlat yuridik universiteti bakalavriatiga xorijiy fuqarolarni qabul qilish toʻgʻrisidagi ariza shakli ilovaga muvofiq tasdiqlansin.

2. Mazkur buyruq davlat roʻyxatidan oʻtkazilsin va Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Huquqiy targʻibot va axborot boshqarmasi ushbu idoraviy normativ-huquqiy hujjatning “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.

Vazir M. IKRAMOV

Toshkent sh.,

2017-yil 29-iyun,

165-mh-son

Oʻzbekiston Respublikasi adliya vazirining 2017-yil 29-iyundagi 165-mh-son buyrugʻiga ILOVA

Mazkur shakl Oʻzbekiston Respublikasi Oliy va oʻrta maxsus taʼlim vazirligi hamda Toshkent davlat yuridik universiteti bilan kelishilgan.

Oliy va oʻrta maxsus taʼlim vaziri I. MADJIDOV

2017-yil 27-iyun

Adliya vaziri oʻrinbosari — Toshkent davlat yuridik universiteti rektori E. KANYaZOV

2017-yil 27-iyun