Islom Karimov nomidagi Toshkent davlat texnika universiteti Termiz filiali faoliyatini tashkil etish chora-tadbirlari toʻgʻrisida (PQ-3101-son)

29.06.2017

Oʻzbekiston Respublikasi Prezidentining

Qarori

Oʻzbekiston Respublikasi Prezidentining “Oliy taʼlim tizimini yanada rivojlantirish chora-tadbirlari toʻgʻrisida” 2017-yil 20-apreldagi PQ-2909-son qarori ijrosini taʼminlash hamda mintaqada ishlab chiqarish, mavjud texnika va texnologiyalardan foydalanish, xizmat koʻrsatishning asosiy tarmoqlarini rivojlantirish, muhandislik taʼlimini rivojlantirishda jahon tajribasini hisobga olgan holda kadrlar tayyorlash tizimini joylarda tashkil etishni yanada takomillashtirish va sifatini yaxshilash maqsadida:

1. Oʻzbekiston Respublikasi Prezidentining “Oliy taʼlim tizimini yanada rivojlantirish chora-tadbirlari toʻgʻrisida” 2017-yil 20-apreldagi PQ-2909-son qaroriga muvofiq Islom Karimov nomidagi Toshkent davlat texnika universiteti Termiz filiali (keyingi oʻrinlarda Toshkent davlat texnika universiteti Termiz filiali deb ataladi) tashkil etilganligi maʼlumot uchun qabul qilinsin.

2. Toshkent davlat texnika universiteti Termiz filialining asosiy vazifalari etib quyidagilar belgilansin:

transport tizimlari va yoʻllari hamda ularning ekspluatatsiyasi, kimyoviy texnologiya, bino va inshootlar qurilishi va materiallari, oziq-ovqat texnologiyasi, texnologik mashina va jihozlar, yengil sanoat texnologiyasi, ekologiya va sanoat xavfsizligi sohalarida yuqori malakali mutaxassislarni xalqaro standartlar darajasida sifatli tayyorlashni taʼminlash;

iqtisodiyot tarmoqlarini rivojlantirishning ilmiy-texnologik vazifalarini hal etishga, ilgʻor xorijiy texnologiyalarni sinab koʻrish va joriy etishga yoʻnaltirilgan ilmiy-amaliy tadqiqotlarni olib borish va ishlanmalarni amalga oshirish;

xorijiy mamlakatlar taʼlim muassasalarining tajribasini va mamlakat iqtisodiyoti talab-ehtiyojlarini hisobga olgan holda tegishli muhandislik-texnik va ishlab chiqarish yoʻnalishlari hamda mutaxassisliklar boʻyicha ilmiy-uslubiy adabiyotlarni ishlab chiqish;

qoʻshma ilmiy loyihalarni amalga oshirish, ilmiy-taʼlim jarayoniga chet ellik mutaxassislarni jalb etish maqsadida texnika sohasidagi yetakchi xorijiy oliy taʼlim muassasalari va ilmiy markazlari bilan hamkorlik aloqalarini rivojlantirish.

3. Toshkent davlat texnika universiteti Termiz filialiga har yilgi talabalarni qabul qilish soni belgilangan tartibda tasdiqlanadigan respublika oliy taʼlim muassasalariga oʻqishga qabul qilish kvotalaridan kelib chiqqan holda belgilansin.

4. Quyidagilar:

Islom Karimov nomidagi Toshkent davlat texnika universiteti Termiz filialining tuzilmasi 1-ilovaga muvofiq;

Islom Karimov nomidagi Toshkent davlat texnika universiteti Termiz filialini tashkil etish, uning moddiy-texnik va ilmiy-pedagogik bazasini taʼminlash chora-tadbirlari dasturi 2-ilovaga muvofiq tasdiqlansin.

Oʻzbekiston Respublikasi Oliy va oʻrta maxsus taʼlim vaziriga, zarur hollarda, Toshkent davlat texnika universiteti Termiz filialining tuzilmasiga xodimlarning tasdiqlangan umumiy cheklangan soni doirasida oʻzgartirishlar kiritish huquqi berilsin.

5. Oʻzbekiston Respublikasi Oliy va oʻrta maxsus taʼlim vazirligi 2017-yil 1-sentabrgacha:

Toshkent davlat texnika universiteti Termiz filialini tanlov asosida yuqori malakali professor-oʻqituvchilar bilan taʼminlash choralarini koʻrsin;

Toshkent davlat texnika universiteti Termiz filialida oʻquv-metodik jarayonning tashkil etilishini taʼminlash, shtatlar jadvali va xarajatlar smetasini tasdiqlash, uni oʻquv adabiyotlari, zamonaviy oʻquv laboratoriya jihozlari va kompyuter texnikasi bilan taʼminlash boʻyicha aniq chora-tadbirlarni amalga oshirsin.

6. Surxondaryo viloyati hokimligi va Oʻzbekiston Respublikasi Oliy va oʻrta maxsus taʼlim vazirligining Termiz shahri, Sulton Saodat koʻchasi, 288 “a”-uyda joylashgan Termiz davlat universiteti qoshidagi Termiz akademik litseyining binolari va inshootlari hududlari bilan Toshkent davlat texnika universiteti Termiz filialiga operativ boshqarish huquqi bilan bepul foydalanishga berish toʻgʻrisidagi taklifi maʼqullansin.

Belgilab qoʻyilsinki, Termiz davlat universiteti qoshidagi Termiz akademik litseyi Toshkent davlat texnika universiteti Termiz filialining binolarida ijara toʻlovisiz joylashadi.

7. Oʻzbekiston Respublikasi Investitsiyalar boʻyicha davlat qoʻmitasi va Moliya vazirligi Oʻzbekiston Respublikasi Oliy va oʻrta maxsus taʼlim vazirligining asoslangan hisob-kitoblari boʻyicha Oʻzbekiston Respublikasi rivojlanish davlat dasturlarining 2019-yilgi va keyingi yillardagi parametrlarini shakllantirishda Toshkent davlat texnika universiteti Termiz filialini saqlash uchun Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasi hisobidan tegishli mablagʻlar ajratilishini nazarda tutsin.

8. Belgilab qoʻyilsinki, Toshkent davlat texnika universitetining Termiz filialini saqlash xarajatlari 2017-yilda “Maorif” sohasi boʻyicha tasdiqlangan budjet parametrlari doirasida, 2018-yildan boshlab esa mazkur sohaga har yili ajratiladigan mablagʻlar doirasida amalga oshiriladi.

9. Quyidagilar Toshkent davlat texnika universiteti Termiz filialining faoliyatini moliyalashtirish manbalari etib belgilansin:

Oʻzbekiston Respublikasi Davlat budjeti mablagʻlari;

xoʻjalik faoliyatidan va shartnoma asosida xizmatlar koʻrsatishdan tushadigan tushumlar;

jismoniy va yuridik shaxslarning homiylik xayriyalari va maqsadli badallari;

xalqaro moliya tashkilotlarining grantlari;

qonun hujjatlarida taqiqlanmagan boshqa manbalar.

10. Oʻzbekiston Respublikasi Moliya vazirligi Toshkent davlat texnika universiteti Termiz filialiga 2 ta, shu jumladan 1 ta xizmat va 1 ta maxsus yengil avtotransport vositasini saqlashga limit ajratsin.

11. Oʻzbekiston Respublikasi Prezidentining “Toshkent davlat texnika universiteti faoliyatini yanada takomillashtirish chora-tadbirlari toʻgʻrisida” 2016-yil 2-maydagi PQ-2524-son qarorining 1-ilovasi matni 3-ilovaga muvofiq tahrirda bayon etilsin.

12. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

oʻzlari qabul qilgan normativ-huquqiy hujjatlarini ushbu qarorga muvofiqlashtirsin.

13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 29-iyun,

PQ-3101-son

Oʻzbekiston Respublikasi Prezidentining 2017-yil 29-iyundagi PQ-3101-son qaroriga 1-ILOVA

Islom Karimov nomidagi Toshkent davlat texnika universiteti Termiz filialining

TUZILMASI*

* Filial (fakultetlar, kafedralar va boshqa tarkibiy boʻlinmalar) xodimlarining cheklangan umumiy soni oliy taʼlim muassasalari uchun belgilangan normativlarga muvofiq aniqlanadi.

Oʻzbekiston Respublikasi Prezidentining 2017-yil 29-iyundagi PQ-3101-son qaroriga 2-ILOVA

Islom Karimov nomidagi Toshkent davlat texnika universiteti Termiz filialini tashkil etish, uning moddiy-texnik va ilmiy-pedagogik bazasini taʼminlash chora-tadbirlari

DASTURI

T/r Tadbirlar mazmuni Bajarish muddatlari Moliyalashtirish manbalari Bajarish uchun masʼullar I. Islom Karimov nomidagi Toshkent davlat texnika universiteti Termiz filiali faoliyatini tashkil etish 1. Islom Karimov nomidagi Toshkent davlat texnika universiteti Termiz filiali (keyingi oʻrinlarda Filial deb ataladi)ni oʻrnatilgan tartibda davlat roʻyxatidan oʻtkazish. 2017-yil avgust - Surxondaryo viloyati hokimligi (Turdimov), Oliy va oʻrta maxsus taʼlim vazirligi (Madjidov), Toshkent davlat texnika universiteti Termiz filiali (Lavozimi boʻyicha) 2. Filialning shtatlar jadvali va xarajatlari smetasini tuzish va tasdiqlash. 2017-yil avgust - Oliy va oʻrta maxsus taʼlim vazirligi (Madjidov), Toshkent davlat texnika universiteti Termiz filiali (Lavozimi boʻyicha) 3. Filialni yuqori malakali rahbar kadrlar bilan taʼminlash. 2017-yil avgust - Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 4. Filialning Vasiylik kengashi tarkibini tasdiqlash, unga kadrlarning potensial isteʼmolchilari — viloyat korxonalari va tashkilotlari, vazirliklar va idoralar vakillarini kiritish. 2017-yil avgust - Surxondaryo viloyati hokimligi (Turdimov), Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 5. Filial professor-oʻqituvchilarning ilmiy salohiyatini oshirish maqsadida respublikaning boshqa hududlaridan taklif etilgan olim va mutaxassislarni turar joy bilan taʼminlash maqsadida Termiz shahrida qurilayotgan arzon uy joylardan imtiyozli shartlar asosida ajratish: 2017-yil — 25 ta; 2018-yil — 20 ta; 2019-yil — 20 ta; 2020-yil — 15 ta. 2017 — 2020-yillar Tijorat banklarining imtiyozli kreditlari Surxondaryo viloyati hokimligi (Turdimov), Termiz shahar hokimligi (Xudayberdiyev) II. Islom Karimov nomidagi Toshkent davlat texnika universiteti Termiz filialining moddiy-texnika bazasini shakllantirish va mustahkamlash 6. Filialga ajratilgan Termiz shahri, Sulton Saodat koʻchasi, 288 “a”-uy manzilda joylashgan Termiz davlat universiteti qoshidagi Termiz akademik litseyining binolari va inshootlarida taʼmirlash ishlarini amalga oshirish. 2018-yildan boshlab Moliya vazirligi huzuridagi Budjetdan tashqari taʼlim va tibbiyot muassasalarining moddiy-texnika bazasini rivojlantirish jamgʻarmasi mablagʻlari Oliy va oʻrta maxsus taʼlim vazirligi (Madjidov), Surxondaryo viloyati hokimligi (Turdimov), Moliya vazirligi (Xodjayev) 7. Filial taʼlim yoʻnalishlari (mutaxassisliklari)ga mos zamonaviy oʻquv laboratoriya bazasini tashkil etish. 2018-yil sentyabr Moliya vazirligi huzuridagi Budjetdan tashqari taʼlim va tibbiyot muassasalarining moddiy-texnika bazasini rivojlantirish jamgʻarmasi mablagʻlari Oliy va oʻrta maxsus taʼlim vazirligi (Madjidov), Surxondaryo viloyati hokimligi (Turdimov), Moliya vazirligi (Xodjayev) III. Islom Karimov nomidagi Toshkent davlat texnika universiteti Termiz filialining oʻquv-metodik va pedagogik taʼminotini tashkil etish 8. Filialning taʼlim yoʻnalishlarini (mutaxassisliklarini) tasdiqlangan oʻquv rejalari va fanlar dasturlari hamda tegishli normativ-huquqiy hujjatlar bilan taʼminlash. 2017-yil avgust - Toshkent davlat texnika universiteti (Turobjonov) 9. Filialda maxsus fanlar boʻyicha �ashgʻulotlar olib borishga jalb qilish uchun Toshkent davlat texnika universiteti va Toshkent shahridagi oliy taʼlim muassasalaridan malakali pedagog kadrlar tarkibini shakllantirish. 2017-yil avgust - Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 10. Filialni oʻquv-metodik adabiyotlar, axborot materiallari (shu jumladan ularning elektron variantlari), maxsus davriy nashrlar bilan taʼminlash. Filialning axborot-resurs markazini tashkil etish. 2017-yil oktyabr Filialning budjet va budjetdan tashqari mablagʻlari, Oliy taʼlim muassasalarini rivojlantirish jamgʻarmasi mablagʻlari Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 11. Toshkent davlat texnika universiteti professor-oʻqituvchilari tomonidan maʼruzalar oʻqish uchun Filialda masofadan oʻqitish elementlarini joriy etish uchun texnik, dasturiy va metodik shart-sharoitlar yaratish. 2018-yil dekabr Filialning budjet va budjetdan tashqari mablagʻlari, Oliy taʼlim muassasalarini rivojlantirish jamgʻarmasi mablagʻlari Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 12. Filial kafedralarining ilmiy tadqiqotlari yoʻnalishlarini belgilash, grantlar jalb etishni va xoʻjalik shartnomalarini bajarishni tashkil etish. 2018 — 2023-yillar Davlat grantlari va xoʻjalik shartnomalari boʻyicha tushgan mablagʻlar Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov) 13. Mintaqaning yetakchi korxonalari va tashkilotlari bilan birga qoʻshma ilmiy- tadqiqot va ilmiy-metodik ishlanmalarni tashkil etish. 2018-yildan boshlab - Oliy va oʻrta maxsus taʼlim vazirligi (Madjidov), Fanlar akademiyasi (Yuldashev), Toshkent davlat texnika universiteti (Turobjonov) 14. Filial professor-oʻqituvchilarini Toshkent davlat texnika universitetida va chet el oliy taʼlim muassasalarida malaka va tajriba orttirishlarini tashkil etish. 2018-yildan boshlab Filialning budjet va budjetdan tashqari mablagʻlari, “Isteʼdod” jamgʻarmasi mablagʻlari Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov), “Isteʼdod” jamgʻarmasi (Pardayev) 15. Axborotlar, toʻplangan tajriba va mutaxassislarning keng almashinuvini taʼminlash. Filialda maʼruzalar va maxsus mashgʻulotlarni oʻtkazish uchun yetakchi xorijiy taʼlim va ilmiy muassasalarning yuqori malakali olimlarini taklif etish. Doimiy ravishda Bajaruvchilar va homiylar mablagʻlari, xalqaro tashkilotlar, xorijiy taʼlim va ilmiy muassasalarning grantlari Oliy va oʻrta maxsus taʼlim vazirligi (Madjidov), Toshkent davlat texnika universiteti (Turobjonov), Toshkent davlat texnika universiteti huzurida Oʻzbekiston-Yaponiya yoshlar innovatsiya markazi (Maxmudov)

Oʻzbekiston Respublikasi Prezidentining 2017-yil 29-iyundagi PQ-3101-son qaroriga 3-ILOVA

“Islom Karimov nomidagi Toshkent davlat texnika universitetining

TUZILMASI*

Ilmiy kengash R E K T O R Vasiylik kengashi Oʻquv ishlari boʻyicha prorektor Maʼnaviyat-maʼrifat ishlari boʻyicha prorektor Ilmiy ishlar boʻyicha prorektor Moliyaviy-iqtisodiy ishlar boʻyicha prorektor Akademik litseylar va kasb-hunar kollejlari bilan ishlash boʻyicha prorektor Rektor yordamchisi Xalqaro aloqalar boʻlimi Oʻquv-metodik boshqarma “Maʼnaviyat va maʼrifat” boʻlimi Ilmiy tadqiqotlar va ilmiy-pedagog kadrlarni tayyorlash boʻlimi Bosh muhandis Ichki inspeksiya va monitoring boʻlimi Akademik litseylar va kasb-hunar kollejlari bilan ishlash boʻlimi Bosh energetik Marketing boʻlimi Magistratura boʻlimi Kuratorlar kengashi (jamoatchilik organi) Iqtidorli yoshlar bilan ishlash boʻlimi Rejalashtirish-moliya boʻlimi Akademik litseylar Kadrlar boʻlimi Axborot texnologiyalari markazi “Texnika maskani”** gazetasi tahririyati(jamoatchilik organi) Buxgalteriya Muhandis-pedagog kadrlar malakasini oshirish tarmoq markazi 1-boʻlim Ilmiy-tadqiqot qismi** Axborot-resurs markazi Ekspluatatsiya-xoʻjalik xizmati 2-boʻlim Talabalar uylari (10 korpus) Ilmiy loyihalar va innovatsiyalar markazi** Toshkent davlat texnika universiteti Termiz filiali Tahririyat-nashriyot boʻlimi Yuriskonsult Mehnatni muhofaza qilish boʻlimi Oʻzbekiston-Yaponiya yoshlar innovatsiya markazi Kanselyariya va arxiv Fakultetlararo umumtaʼlim kafedralari Oʻqitishning texnik vositalari boʻlimi Toshkent davlat texnika universiteti Olmaliq filiali Avtomatlashtirilgan telefon stansiyasi Sport kompleksi Bosmaxona* FAKULTETLAR Mexanika fakulteti Mashinasozlik fakulteti Elektronika va avtomatika fakulteti Energetika fakulteti Muhandislik geologiyasi va togʻ-kon ishi fakulteti Muhandislik-texnologiya fakulteti Kafedralar Kafedralar Kafedralar Kafedralar Kafedralar Kafedralar Kafedralar Laboratoriyalar Laboratoriyalar Laboratoriyalar Laboratoriyalar Laboratoriyalar Laboratoriyalar Laboratoriyalar “Brichmulla” oʻquv-geologiya poligoni

* Filialning shtat jadvali oliy taʼlim muassasalari uchun oʻrnatilgan normativlar asosida belgilanadi.

** Budjetdan tashqari mablagʻlar hisobidan taʼminlanadi (toʻlov-kontrakt mablagʻlaridan tashqari).