Bojxona yuk deklaratsiyasini toʻldirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida (2773-1-son)

28.06.2017

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2017-yil 28-iyunda roʻyxatdan oʻtkazildi, roʻyxat raqami 2773-1]

Oʻzbekiston Respublikasi Bojxona kodeksi va “Davlat bojxona xizmati toʻgʻrisida”gi Qonunning 6-moddasiga muvofiq Oʻzbekiston Respublikasi Davlat bojxona qoʻmitasi qaror qiladi:

1. Oʻzbekiston Respublikasi Davlat bojxona qoʻmitasining 2016-yil 29-fevraldagi 01-02/15-07-son qarori (roʻyxat raqami 2773, 2016-yil 6-aprel) (Oʻzbekiston Respublikasi qonun hujjatlari toʻplami, 2016-y., 14-son, 133-modda) bilan tasdiqlangan Bojxona yuk deklaratsiyasini toʻldirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Rais M. TOXIRIY

Toshkent sh.,

2017-yil 3-iyun,

01-02/15-22-son

Oʻzbekiston Respublikasi Davlat bojxona qoʻmitasining 2017-yil 3-iyundagi 01-02/15-22-son qaroriga ILOVA

Bojxona yuk deklaratsiyasini toʻldirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar

1. 8-bandda:

“, shuningdek “Navoiy” erkin iqtisodiy industrial zonasi hududidan olib kirilayotgan” degan soʻzlar chiqarib tashlansin;

quyidagi mazmundagi xatboshi bilan toʻldirilsin:

“Farmatsevtika mahsulotlarini (TIF TNning 30 guruhi) va tibbiy maqsadlar uchun moʻljallangan mahsulotlarni (TIF TNning 9018 tovar pozitsiyasi) kelgusida realizatsiya qilish uchun “erkin muomalaga chiqarish (import)” bojxona rejimida olib kiruvchi tashkilotlar ularni BYuDda deklaratsiyalashda majburiy tartibda savdo nomlarini, xalqaro patentlanmagan nomlarini, modellarini, texnik tavsiflarini, dori-darmonlarni chiqarish shakllarini, dozasini, ishlab chiqaruvchisini va ishlab chiqarilgan davlatni koʻrsatadilar. Bunda, agar bitta BYuDda yuqorida koʻrsatilgan parametrlardan, hattoki bittasi boʻyicha farq qiluvchi tovarlar rasmiylashtirilayotgan boʻlsa, u holda ular turli xil tovarlar sifatida alohida deklaratsiyalanadi.”.

2. 22-bandda:

16-kichik band quyidagi mazmundagi oʻn birinchi xatboshi bilan toʻldirilsin:

“50” — eksport fakti boʻyicha.”;

oʻn birinchi — oʻn toʻqqizinchi xatboshilar tegishli ravishda oʻn ikkinchi — yigirmanchi xatboshilar deb hisoblansin.

3. Oʻzbek tilidagi matnning 25-bandi 45-kichik bandining uchinchi xatboshisidagi “yukni joʻnatuvchi” degan soʻzlar “yukni qabul qiluvchi” degan soʻzlar bilan almashtirilsin.

4. Oʻzbek tilidagi matnning 32-bandi “42,” raqamidan keyin “43,” raqami bilan toʻldirilsin.

5. 56-band oʻz kuchini yoʻqotgan deb topilsin.

6. 80-banddagi “4-bobi” degan soʻzlar “6-bobi” degan soʻzlar bilan almashtirilsin.

7. 12-ilovada:

a) 22, 23 va 24-satrlar quyidagi tahrirda bayon etilsin:

“ 22. Sanitariya-epidemiologiya xulosasi 406 SEZ ”; 23. Ekologiya va atrof muhitni muhofaza qilish davlat qoʻmitasining yovvoyi oʻsimliklar va ularning qismlarini olib kirish va olib chiqish uchun ruxsatnomasi (CITES ruxsatnomasi bundan mustasno) 407 GKE_RST 24. Ekologiya va atrof muhitni muhofaza qilish davlat qoʻmitasining yovvoyi hayvonlar, ularning qismlari, hayot faoliyati mahsulotlari, zoologik kolleksiyalar, oʻljalar va tulumlarni olib kirish va olib chiqish uchun ruxsatnomasi (CITES ruxsatnomasi bundan mustasno) 408 GKE_JVT

b) quyidagi mazmundagi 611-satr bilan toʻldirilsin:

“ 611. Joʻnatishdan oldin nazoratdan oʻtkazish dalolatnomasi 820 API ”;

v) quyidagi mazmundagi 75-satr bilan toʻldirilsin:

“ 75. Bojxona qiymatini aniqlash usuli 904 METOD ”.