Oʻzbekiston Respublikasi Vazirlar Mahkamasining “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sugʻurtasi toʻgʻrisida” 1994-yil 26-yanvardagi 38-son qaroriga oʻzgartirishlar kiritish haqida (431-son)

16.09.1999

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Favqulodda vaziyatlar vazirligi va Davlat chegaralarini himoya qiluvchi qoʻmita harbiy xizmatchilarining ijtimoiy himoyalanganligini kuchaytirish maqsadida Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sugʻurtasi toʻgʻrisida” 1994-yil 26-yanvardagi 38-son (Oʻzbekiston Respublikasi QT, 1994-y., 1-son, 6-modda) qaroriga quyidagi oʻzgartirishlar kiritilsin:

1-bandning ikkinchi xatboshida “va Davlat bojxona qoʻmitasiga” soʻzlari “Davlat bojxona qoʻmitasiga, Favqulodda vaziyatlar vazirligiga va Davlat chegaralarini himoya qiluvchi qoʻmitaga” soʻzlari bilan almashtirilsin;

4-bandda “va Davlat bojxona qoʻmitasi” soʻzlari “Davlat bojxona qoʻmitasi, Favqulodda vaziyatlar vazirligi va Davlat chegaralarini himoya qiluvchi qoʻmita” soʻzlari bilan almashtirilsin.

Vazirlar Mahkamasining Raisi I. KARIMOV

Toshkent sh.,

1999-yil 16-sentabr,

431-son