Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida (PQ-3051-son)
12.06.2017
Oʻzbekiston Respublikasi Prezidentining
Qarori
Iqtisodiy islohotlarni chuqurlashtirish va mamlakatni izchil ijtimoiy-iqtisodiy rivojlantirish talablariga muvofiq, shuningdek, ishlarning samaradorligi va natijadorligini taʼminlash, ijro intizomini mustahkamlash hamda Oʻzbekiston Respublikasi Bosh vazirining oʻrinbosarlari va Hukumat apparati tarkibiy boʻlinmalari rahbarlarining shaxsiy masʼuliyatini kuchaytirish maqsadida:
1. Quyidagilar:
Oʻzbekiston Respublikasi Bosh vazirining oʻrinbosari — Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish kompleksining rahbari lavozimi;
Oʻzbekiston Respublikasi Bosh vazirining oʻrinbosari — “Oʻzavtosanoat” aksiyadorlik kompaniyasi boshqaruvi raisi — Eksport salohiyatini va mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksining rahbari lavozimi;
Bosh vazir oʻrinbosari — Ekologiya, atrof muhitni muhofaza qilish, jismoniy tarbiya va sport masalalari kompleksining rahbari lavozimi;
Makroiqtisodiy rivojlantirish, tarkibiy oʻzgartirishlar va xorijiy investitsiyalarni jalb etish masalalari yigʻma axborot-tahlil departamenti;
Taʼlim va ilm-fan masalalari axborot-tahlil departamenti;
Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti;
Iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti;
Huquqiy ekspertiza va xalqaro shartnomalar boshqarmasi tugatilsin.
2. Oʻzbekiston Respublikasi Vazirlar Mahkamasining tuzilmasiga quyidagi lavozimlar kiritilsin:
Oʻzbekiston Respublikasi Bosh vazirining oʻrinbosari — Iqtisodiy rivojlantirish, tarkibiy oʻzgartirishlar, investitsiyalar, bank va moliya tizimlarini isloh qilish, erkin iqtisodiy zonalar va kichik sanoat zonalari faoliyatini muvofiqlashtirish kompleksi rahbari;
Oʻzbekiston Respublikasi Bosh vazirining oʻrinbosari — “Oʻzavtosanoat” aksiyadorlik kompaniyasi boshqaruvi raisi — Tashqi iqtisodiy faoliyatni, eksport salohiyatini, mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksining rahbari lavozimi.
3. Oʻzbekiston Respublikasi Vazirlar Mahkamasi Ijro etuvchi apparati tuzilmasida:
Taʼlim, ilm-fan va yoshlar siyosati masalalari axborot-tahlil departamenti;
Madaniyat, axborot tizimlari va telekommunikatsiyalar masalalari axborot-tahlil departamenti;
Iqtisodiy rivojlantirish, tarkibiy oʻzgartirishlar, bank va moliya tizimlarini isloh qilish, erkin iqtisodiy zonalar va kichik sanoat zonalari faoliyatini muvofiqlashtirish masalalari yigʻma axborot-tahlil departamenti;
Investitsiya dasturlari shakllantirilishi va amalga oshirilishi monitoringini muvofiqlashtirish, xorijiy investitsiyalarni jalb etish masalalari yigʻma axborot-tahlil departamenti;
Tashqi iqtisodiy faoliyatni, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti;
Huquqiy ekspertiza va xalqaro shartnomalar va tashqi aloqalarni rivojlantirish boshqarmasi.
4. Quyidagilar:
Oʻzbekiston Respublikasi Bosh vaziri apparatining tuzilmasi 2-ilovaga muvofiq;
Oʻzbekiston Respublikasi Vazirlar Mahkamasi apparati boshqaruvchisi va Vazirlar Mahkamasi apparati boshqaruvchisi oʻrinbosarlari apparatlarining tuzilmasi 3-ilovaga muvofiq;
Oʻzbekiston Respublikasi Bosh vazirining oʻrinbosari — Oʻzbekiston Xotin- qizlar qoʻmitasi raisi kotibiyatining tuzilmasi 16-ilovaga muvofiq;
Huquqiy ekspertiza, xalqaro shartnomalar va tashqi aloqalarni rivojlantirish boshqarmasining tuzilmasi 17-ilovaga muvofiq;
Xoʻjalik faoliyati boshqarmasining tuzilmasi 18-ilovaga muvofiq;
Vazirlar Mahkamasi apparatining funksional boʻlinmalari: Umumiy boʻlim, Axborot taʼminoti va kompyuter tizimlari boʻlimi, Jismoniy va yuridik shaxslarning murojaatlarini koʻrib chiqish boʻlimi, Nazorat boʻlimi, Birinchi boʻlim, Kadrlar boʻlimining tuzilmalari 19 — 24-ilovalarga muvofiq tasdiqlansin.
*1, 4 — 15, 23- ilovalar rus tilidagi matnda berilgan.
5. Belgilab qoʻyilsinki, Taʼlim, ilm-fan va yoshlar siyosati masalalari axborot-tahlil departamentiga, Madaniyat, axborot tizimlari va telekommunikatsiyalar masalalari axborot-tahlil departamentiga, Sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga rahbarlik qilish Oʻzbekiston Respublikasining Bosh vaziri tomonidan taʼminlanadi.
6. Oʻzbekiston Respublikasi Vazirlar Mahkamasi (A.N.Aripov) bir oy muddatda Oʻzbekiston Respublikasi Vazirlar Mahkamasining yangi kiritilayotgan tarkibiy boʻlinmalari toʻgʻrisidagi nizomlarni tasdiqlasin.
7. Oʻzbekiston Respublikasi Vazirlar Mahkamasi apparatining boshqaruvchisi (R.V. Abduqodirov):
bir hafta muddatda — Oʻzbekiston Respublikasi Vazirlar Mahkamasi Ijro etuvchi apparatining shtatlar jadvaliga tegishli oʻzgartirishlar kiritsin;
10 kun muddatda — yangidan kiritilayotgan lavozimlarning funksional vazifalarini tasdiqlasin;
bir oy muddatda — Oʻzbekiston Respublikasi Bosh vazirining tegishli oʻrinbosarlari bilan birgalikda Ijro etuvchi apparatning tashkil etilgan axborot-tahlil departamentlarini va boshqa tarkibiy boʻlinmalarini chuqur maxsus bilimlarga ega boʻlgan va chet tillarini biladigan, departamentlarga yuklangan vazifalar va funksiyalarning bajarilishini yuqori kasbiy darajada taʼminlashga qodir boʻlgan tajribali va malakali mutaxassislar bilan toʻldirish yuzasidan takliflar kiritsin.
8. Quyidagilar:
Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirishlar kiritish toʻgʻrisida” 2016-yil 12-dekabrdagi PQ-2671-sonli qarorining 2-bandi;
Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini tasdiqlash toʻgʻrisida” 2016-yil 14-dekabrdagi PQ-2679-sonli qarori 2-bandining uchinchi, beshinchi, oltinchi xatboshilari, 3-bandining ikkinchi, uchinchi va toʻrtinchi xatboshilari, 4-bandi, shuningdek, qarorga barcha ilovalar;
Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirishlar kiritish toʻgʻrisida” 2017-yil 7-apreldagi PQ-2875-sonli qarorining 2 va 3-bandlari hamda qarorga 1 va 2-ilovalar oʻz kuchini yoʻqotgan deb hisoblansin.
9. Oʻzbekiston Respublikasi Adliya vazirligi bir oy muddatda qonun hujjatlariga ushbu qarordan kelib chiquvchi oʻzgartirish va qoʻshimchalar yuzasidan tegishli normativ-huquqiy hujjatlar loyihalarini belgilangan tartibda kiritsin.
10. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 12-iyun,
PQ-3051-son
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 2-ILOVA
Oʻzbekiston Respublikasi Bosh vaziri apparatining
TUZILMASI
Apparat mudiri 1 Oʻzbekiston Respublikasi Bosh vazirining Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Oʻzbekiston Respublikasi Bosh vazirining topshiriqlari nazorat qilinishi va ijro etilishini tashkil etish masalalari boʻyicha yordamchisi 1 Oʻzbekiston Respublikasi Bosh vazirining Oʻzbekiston Respublikasi Bosh vaziri nomiga tushgan xat-xabarlar va hujjatlarni koʻrib chiqish va axborot berish uchun tayyorlash masalalari boʻyicha yordamchisi 1 Oʻzbekiston Respublikasi Bosh vazirining OAV bilan aloqalar boʻyicha yordamchisi 1 Majlislarga (yigʻilishlarga, muzokaralarga) tahliliy materiallar va Oʻzbekiston Respublikasi Bosh vazirining maʼruzalari tayyorlanishini muvofiqlashtirish masalalari boʻyicha bosh mutaxassis 1 Oʻzbekiston Respublikasi Mudofaa vazirligi, DXX va Davlat xavfsizlik xizmatining chegara qoʻshinlarini moliyaviy va moddiy-texnik taʼminlash masalalari boʻyicha bosh mutaxassis 1 IIVni moliyaviy va moddiy-texnik taʼminlash masalalari boʻyicha bosh mutaxassis 1 Inspektor (kunduzgi vaqtda) 2 Inspektor (tungi vaqtda) 3 Jami: 12
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 3-ILOVA
Oʻzbekiston Respublikasi Vazirlar Mahkamasi apparati boshqaruvchisi apparatining
TUZILMASI
Oʻzbekiston Respublikasi Vazirlar Mahkamasi apparatining boshqaruvchisi 1 Apparat boshqaruvchisining apparati Yetakchi mutaxassis 1 Inspektor 1 Jami: 3 Oʻzbekiston Respublikasi Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari apparati tuzilmasi Oʻzbekiston Respublikasi Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari 1 Apparat boshqaruvchisi oʻrinbosarining apparati Yetakchi mutaxassis 1 Inspektor 1 Jami: 3 Oʻzbekiston Respublikasi Vazirlar Mahkamasi apparati boshqaruvchisining ijro intizomini mustahkamlash masalalari boʻyicha oʻrinbosari apparati tuzilmasi Oʻzbekiston Respublikasi Vazirlar Mahkamasi apparati boshqaruvchisining ijro intizomini mustahkamlash masalalari boʻyicha oʻrinbosari 1 Apparat boshqaruvchisi oʻrinbosarining apparati Yetakchi mutaxassis 1 Inspektor 1 Jami: 3
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 16-ILOVA
Bosh vazir oʻrinbosari — Oʻzbekiston Xotin-qizlar qoʻmitasi raisi kotibiyatining
TUZILMASI
Kotibiyat mudiri 1 Oʻzbekiston Respublikasi Bosh vaziri oʻrinbosarining yordamchisi 1 Yetakchi mutaxassis 1 Inspektor 1 Jami: 4 Mutasaddilik qilinadigan organlar va jamoat tashkilotlari 1. Oʻzbekiston Xotin-qizlar qoʻmitasi 2. Oʻzbekiston Ishbilarmon ayollar uyushmasi 3. “Oila” ilmiy-amaliy markazi 4. “Sogʻlom avlod uchun” xalqaro xayriya jamgʻarmasi 5. Vazirliklar, davlat qoʻmitalari, idoralar va tashkilotlar — oila, onalik va bolalik manfaatlarini taʼminlash, jamiyatda maʼnaviy-ahloqiy muhitni sogʻlomlashtirish masalalari qismida 6. Qoraqalpogʻiston Respublikasi Vazirlar Kengashi, viloyatlar, shahar va tumanlar hokimliklari — oila, onalik va bolalik manfaatlarini taʼminlash, jamiyatda maʼnaviy-ahloqiy muhitni sogʻlomlashtirish masalalari qismida
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 17-ILOVA
Huquqiy ekspertiza, xalqaro shartnomalar va tashqi aloqalarni rivojlantirish boshqarmasining
TUZILMASI
Boshqarma boshligʻi 1 Huquqiy ekspertiza boʻlimi Boʻlim mudiri 1 Maʼmuriy qonunchilik, normativ-huquqiy hujjatlarni tizimlashtirish masalalar boʻyicha bosh mutaxassis 1 Ijtimoiy qonunchilik masalalari boʻyicha bosh mutaxassis 2 Iqtisodiy qonunchilik masalalari boʻyicha bosh mutaxassis 1 Iqtisodiy qonunchilik masalalari boʻyicha yetakchi mutaxassis 2 Tashqi aloqalarni rivojlantirish, siyosiy va madaniy-gumanitar sohalardagi xalqaro shartnomalar ekspertizasi va ularni amalga oshirish monitoringi boʻlimi Boʻlim mudiri 1 MDH mamlakatlari va tuzilmalari bilan hamkorlik masalalari boʻyicha bosh mutaxassis 1 ShTH tuzilmalari va boshqa xalqaro tashkilotlar bilan hamkorlik masalalari boʻyicha bosh mutaxassis 1 Siyosiy va madaniy-gumanitar sohalardagi xalqaro shartnomalar ekspertizasi va ularni amalga oshirish monitoringi masalalari boʻyicha bosh mutaxassis 1 Inspektor 2 Jami: 14
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 18-ILOVA
Xoʻjalik faoliyati boshqarmasining
TUZILMASI
Boshqarma boshligʻi 1 Moddiy-texnika taʼminoti boʻlimi Boʻlim mudiri 1 Vazirlar Mahkamasi binosini jihozlash va foydalanish masalalari boʻyicha bosh mutaxassis 1 Qurilish ishlarini tashkil etish va transport bilan taʼminlash masalalari boʻyicha bosh mutaxassis 1 Transport bilan taʼminlash masalalari boʻyicha yetakchi mutaxassis 1 Inspektor 1 Jami: 5 Moliya-iqtisodiyot boʻlimi Boʻlim mudiri 1 Bosh mutaxassis 2 Yetakchi mutaxassis 1 IItoifali mutaxassis — buxgalter-kassir 1 Jami: 5 Hammasi: 11
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 19-ILOVA
Umumiy boʻlim
TUZILMASI
Boʻlim mudiri 1 Hukumat qarorlari va boshqa hujjatlarni rasmiylashtirish va chiqarish masalalari boʻyicha bosh mutaxassis 1 Hukumat qarorlari va boshqa hujjatlarni rasmiylashtirish va chiqarish masalalari boʻyicha yetakchi mutaxassis 1 Qonunlar, Oʻzbekiston Respublikasi Prezidenti hujjatlari, Hukumat qarorlari va boshqa hujjatlar loyihalarini tarjima qilishni tashkil etish masalalari boʻyicha bosh mutaxassis 2 Qonunlar, Oʻzbekiston Respublikasi Prezi�enti hujjatlari, Hukumat qarorlari va boshqa hujjatlar loyihalarini tarjima qilishni tashkil etish masalalari boʻyicha yetakchi mutaxassis 1 Qonunlar, Oʻzbekiston Respublikasi Prezidenti hujjatlari, Hukumat qarorlari, boshqa hujjatlar loyihalarini tahrir qilish va sinxron tarjima masalalari boʻyicha bosh mutaxassis 1 Qonunlar, Oʻzbekiston Respublikasi Prezidenti hujjatlari, Hukumat qarorlari, boshqa hujjatlar loyihalarini tahrir qilish va sinxron tarjima masalalari boʻyicha yetakchi mutaxassis 2 Ijro etuvchi apparatning tarkibiy boʻlinmalarida ish yuritilishini tashkil etish va nazorat qilish masalalari boʻyicha yetakchi mutaxassis 1 Kiritilgan hujjatlarni qabul qilish va roʻyxatd�n oʻtkazish masalalari boʻyicha inspektor 1 Kiritilgan hujjatlarni qabul qilish va roʻyxatdan oʻtkazish masalalari boʻyicha inspektor 1 Joʻnatiladigan hujjatlarni tarqatish masalalari boʻyicha inspektor 1 Joʻnatiladigan hujjatlarni tarqatish masalalari boʻyicha inspektor 1 Arxiv mudiri 1 Mashinkada yozuv byurosi mudiri 1 1-toifali mashinistka 1 Stenografistka 1 Boʻlim mudiri qabulxonasi inspektori 1 Jami 19
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 20-ILOVA
Axborot taʼminoti va kompyuter tizimlari boʻlimining
TUZILMASI
Boʻlim mudiri 1 Ijro etuvchi apparatda axborot tizimlari va resurslarini rivojlantirish va joriy etish masalalari boʻyicha bosh mutaxassis 1 Ijro etuvchi apparatda kompyuter tizimlarini, tarmoq uskunalarini va maʼlumotlar bazasini tizimli boshqarish, axborot xavfsizligini taʼminlash masalalari boʻyicha yetakchi mutaxassis 1 Inspektor 1 Jami: 4
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 21-ILOVA
Jismoniy va yuridik shaxslarning murojaatlarini koʻrib chiqish boʻlimining
TUZILMASI
Boʻlim mudiri 1 Jismoniy shaxslarni va yuridik shaxslarning vakillarini qabul qilish, ogʻzaki murojaatlarni koʻrib chiqish va nazorat qilish masalalari boʻyicha bosh mutaxassis 1 Jismoniy shaxslarni va yuridik shaxslarning vakillarini qabul qilish, ogʻzaki murojaatlarni koʻrib chiqish va nazorat qilish masalalari boʻyicha yetakchi mutaxassis 1 Yozma murojaatlarni koʻrib chiqish va nazorat qilish masalalari boʻyicha bosh mutaxassis 1 Yozma murojaatlarni koʻrib chiqish va nazorat qilish masalalari boʻyicha yetakchi mutaxassis 1 Inspektor 1 Jami: 6
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 22-ILOVA
Nazorat boʻlimining
TUZILMASI
Boʻlim mudiri 1 Oʻzbekiston Respublikasi Prezidenti, Oʻzbekiston Respublikasi Oliy Majlisi Qonunchilik palatasi va Senati topshiriqlari va hujjatlarining (1-kartoteka) vazirliklar, davlat qoʻmitalari, idoralar va xoʻjalik birlashmalarida bajarilishini nazorat qilish masalalari boʻyicha bosh mutaxassis 1 Oʻzbekiston Respublikasi Prezidenti, Oʻzbekiston Respublikasi Oliy Majlisi Qonunchilik palatasi va Senati topshiriqlari va hujjatlarining (1-kartoteka) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida bajarilishini nazorat qilish masalalari boʻyicha yetakchi mutaxassis 1 Hukumat qarorlari va Vazirlar Mahkamasi majlislari protokol topshiriqlarining (2-kartoteka) vazirliklar, davlat qoʻmitalari, idoralar va xoʻjalik birlashmalarida bajarilishini nazorat qilish masalalari boʻyicha bo� mutaxassis 1 Vazirlar Mahkamasi Rayosati majlislari protokol topshiriqlarining (2-kartoteka) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida bajarilishini nazorat qilish masalalari boʻyicha yetakchi mutaxassis 1 Inspektor 1 Jami: 6
Oʻzbekiston Respublikasi Prezidentining 2017-yil 12-iyundagi PQ-3051-son qaroriga 24-ILOVA
Kadrlar boʻlimining
TUZILMASI
Boʻlim mudiri 1 Bosh mutaxassis 1 Inspektor 1 Jami: 3