Soliq imtiyozlari tatbiq etiladigan farmatsevtika mahsulotlari va preparatlari, elektrotexnika mahsulotlari, shuningdek, pardozlash qurilish materiallariga taalluqli boʻlgan mahsulotlarning roʻyxatini tasdiqlash toʻgʻrisida (2888-son)

09.06.2017

Oʻzbekiston Respublikasi Iqtisodiyot vazirligi Oʻzbekiston Respublikasi Moliya vazirligi Oʻzbekiston Respublikasi Sogʻliqni saqlash vazirligi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2017-yil 9-iyunda roʻyxatdan oʻtkazildi, roʻyxat raqami 2888]

Oʻzbekiston Respublikasi Prezidentining 2017-yil 17-martdagi PQ-2843-son “Qoraqalpogʻiston Respublikasi va Xorazm viloyatida tadbirkorlik faoliyatini olib borish uchun qoʻshimcha qulay sharoitlar yaratish chora-tadbirlari toʻgʻrisida”gi qarorining 3-bandiga muvofiq, Oʻzbekiston Respublikasi Iqtisodiyot vazirligi, Moliya vazirligi, Sogʻliqni saqlash vazirligi va Davlat soliq qoʻmitasi qaror qiladi:

1. Soliq imtiyozlari tatbiq etiladigan farmatsevtika mahsulotlari va preparatlari, elektrotexnika mahsulotlari, shuningdek, pardozlash qurilish materiallariga taalluqli boʻlgan mahsulotlarning roʻyxati ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Iqtisodiyot vaziri G. SAIDOVA

Toshkent sh.,

2017-yil 9-iyun,

134-son

Moliya vaziri B. XODJAYEV

Toshkent sh.,

2017-yil 9-iyun,

62-son

Sogʻliqni saqlash vaziri A. SHADMANOV

Toshkent sh.,

2017-yil 9-iyun,

10-son

Davlat soliq qoʻmitasi raisi B. PARPIYEV

Toshkent sh.,

2017-yil 9-iyun

2017-26-son

Oʻzbekiston Respublikasi Iqtisodiyot vazirligi, Moliya vazirligi, Sogʻliqni saqlash vazirligi va Davlat soliq qoʻmitasining 2017-yil 9-iyundagi 134, 62, 10 va 2017-26-son qaroriga ILOVA

Soliq imtiyozlari tatbiq etiladigan farmatsevtika mahsulotlari va preparatlari, elektrotexnika mahsulotlari, shuningdek, pardozlash qurilish materiallariga taalluqli boʻlgan mahsulotlarning

ROʻYXATI

1. Farmatsevtika mahsulotlari va preparatlarini ishlab chiqarish:

Dori vositalarini ishlab chiqarish;

Provitaminlar, vitaminlar va ularning hosilalarini ishlab chiqarish;

Diagnostika reagentlarini ishlab chiqarish;

Imunobiologik preparatlarni ishlab chiqarish;

Paxta, doka, dokali bintlar, bandajlar va shu kabi boshqa tibbiy bogʻlovchi materiallarni ishlab chiqarish;

Tibbiy mahsulotlar ishlab chiqarish;

Biologik faol qoʻshimchalar ishlab chiqarish (BFQ).

2. Elektrotexnika mahsulotlarini ishlab chiqarish:

Qayta tiklanadigan muqobil manbalardan foydalangan holda maishiy va sanoat issiqlik manbalarini ishlab chiqarish;

Quyosh panellarini ishlab chiqarish;

Suv tayyorlash tizimlarini ishlab chiqarish;

Suv filtrlari va maxsus membranalarni ishlab chiqarish;

Sanoat va maishiy suv filtrlari uchun katrijlar ishlab chiqarish;

Elektron oʻyinchoqlar ishlab chiqarish;

Elektron qismlar ishlab chiqarish;

Elektron yuklash panellari ishlab chiqarish;

Kompyuterlar va periferik uskunalar ishlab chiqarish;

Kommunikatsiya uskunalarini ishlab chiqarish;

Maishiy elektronika asboblarini ishlab chiqarish;

Oʻlchash, nazorat qilish, sinash va navigatsiya uchun asbob va uskunalar ishlab chiqarish;

Elektr soatlar ishlab chiqarish;

Nurlantiruvchi, elektr tibbiyot va elektr terapiya uskunalari ishlab chiqarish;

Optika asboblari va fotografiya uskunalari ishlab chiqarish;

Axborot uzatishning magnit va optik vositalarini ishlab chiqarish;

Elektr dvigatellar, generatorlar va transformatorlar ishlab chiqarish;

Elektr taqsimlovchi va boshqaruv apparaturalarni ishlab chiqarish;

Batareya va akkumulyatorlar ishlab chiqarish;

Optik tolali kabel ishlab chiqarish;

Elektr asboblar ishlab chiqarish;

Elektr yoritish uskunalari ishlab chiqarish;

Maishiy elektr asboblar ishlab chiqarish;

Maishiy noelektr asboblar ishlab chiqarish;

Boshqa elektr asboblar ishlab chiqarish;

Boshqa nasos va kompressorlar ishlab chiqarish;

Plita, pechlar va pech gorelkalari ishlab chiqarish;

Ofis texnikasi va jihozlari ishlab chiqarish (kompyuterlar va periferik uskunalardan tashqari);

Elektr qoʻl asboblar ishlab chiqarish;

Sanoat sovitish va ventilyatsiya uskunalar ishlab chiqarish;

Maishiy va savdo sovutgichlar ishlab chiqarish;

Kir yuvish mashinalarini ishlab chiqarish;

Tibbiyot asbob-uskunalarini ishlab chiqarish;

Videokuzatuv tizimlar ishlab chiqarish;

Televizorlar ishlab chiqarish;

Maishiy konditsionerlar ishlab chiqarish;

Elektr qozonlar, radiatorlar va suv isitgichlar ishlab chiqarish;

Kassa apparatlari va terminallar ishlab chiqarish;

Elektr oʻrnatgich qurilmalarini va kichik maishiy elektr texnikalar ishlab chiqarish (dazmol, elektrchoynak, ventilyatorlar);

Avtotransport vositalari uchun elektr va elektron butlovchi qismlar ishlab chiqarish.

3. Pardozlash qurilish materiallarini ishlab chiqarish:

Gipsokarton plitalar, shuningdek gipsdan tayyorlangan mahsulotlar ishlab chiqarish;

Quruq qurilish qorishmalarini ishlab chiqarish;

Oq sement ishlab chiqarish;

Ohak va boʻr ishlab chiqarish;

Pardozlash ishlari uchun beton qorishmalarini ishlab chiqarish;

Sirtqi qismlarni qoplash uchun keramik plitkalarni ishlab chiqarish;

Shpaklyovka, zamazka, gruntovka, mastika, pardozlash pastalari va PVA yelimlarini ishlab chiqarish;

Devor va shiftlarga ishlov berish uchun plastik va kompozit panellarni ishlab chiqarish;

Tabiiy toshlardan pardozlash plitalarini ishlab chiqarish;

Keramogranit ishlab chiqarish;

Yogʻoch-qirindi plitalari (DSP) ishlab chiqarish;

Yogʻoch-tolali plitalari (DVP) ishlab chiqarish;

Oʻrtacha zichlikdagi yogʻoch-tolali plitalar ishlab chiqarish (MDF);

PVX (polivinilxlorid) panellari ishlab chiqarish (devor va shiftlar uchun material);

Osma, kassetali va tortiladigan shiftlar uchun materiallar ishlab chiqarish;

Alyumin-kompozit panellarini ishlab chiqarish;

Binoning plastikdan yasalgan eshiklari, derazalari, zinapoyalari, devorlari va boshqa qismlarida statsionar oʻrnatish uchun moʻljallangan fiting va mustahkamlovchi qismlarni ishlab chiqarish;

Plintuslar ishlab chiqarish;

Linoleum, parket, laminat, quyma pollar uchun qorishmalar, poʻkak pollar, kovrolin, kauchukli qoplamalar va modulli pol qoplamalarini ishlab chiqarish;

Yogʻochli pollar oʻrnatish uchun arralangan binokorlik materiallarini ishlab chiqarish;

Badiiy suvoq materiallari, gul qogʻozlari ishlab chiqarish;

Boʻyoqlar, laklar va boshqa boʻyoq materiallarini ishlab chiqarish;

Penoplastdan shift plitalarini ishlab chiqarish;

Magniy-oyna listlarini ishlab chiqarish;

Qurilish aralashmalari va qorishmalari (eritmalari ) ishlab chiqarish (sement, gips va boshqalardan);

Olovga bardosh bermaydigan sopol tom cherepitsalari, metall cherepitsa, shuningdek, yumshoq, rulonli, quyma (toʻldiruvchi), listli tom qoplamalari va boshqa donali materiallar ishlab chiqarish;

Issiqlik va tovush oʻtkazmaydigan materiallarni ishlab chiqarish;

Plastik plita, list, plyonka va zarqogʻozlar ishlab chiqarish (gʻovak, qatlamli, temir yoki boshqa materiallar bilan birlashgan yoki qoplanganlardan tashqari);

Sunʼiy boʻyalgan granulalar, marmardan boʻlgan kukunlar va uvoqlar, travertin va alebastr ishlab chiqarish.

4. Mazkur Roʻyxat “Oʻzfarmsanoat” AK, “Oʻzeltexsanoat” AK va “Oʻzqurilishmateriallari” AJ bilan kelishilgan.

“Oʻzfarmsanoat” AK boshqaruvi raisi M. DUSMURATOV

2017-yil 9-iyun

“Oʻzeltexsanoat” AK boshqaruvi raisi F. BOQIYEV

2017-yil 9-iyun

“Oʻzqurilishmateriallari” AJ boshqaruvi raisi B. ZARIPOV

2017-yil 9-iyun