Orolni qutqarish xalqaro jamgʻarmasi ijroiy qoʻmitasining Oʻzbekiston Respublikasidagi faoliyatini tugatish chora-tadbirlari toʻgʻrisida (367-son)

09.06.2017

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining 2017-yil 18-maydagi F-4942-sonli “Oʻzbekiston Respublikasida Orolni qutqarish xalqaro jamgʻarmasi Ijroiya qoʻmitasi faoliyatini tugatish toʻgʻrisida”gi farmoyishini ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining 2017-yil 18-maydagi F-4942-sonli “Orolni qutqarish xalqaro jamgʻarmasi Ijroiya qoʻmitasining Oʻzbekiston Respublikasidagi faoliyatini tugatish toʻgʻrisida”gi farmoyishiga muvofiq, Toshkent shahri, Sh. Rustaveli koʻchasi, 15-uyda joylashgan Orolni qutqarish xalqaro jamgʻarmasi (keyingi oʻrinlarda — OQXJ) Ijroiya qoʻmitasi faoliyatini tugatish toʻgʻrisida qaror qabul qilinganligi maʼlumot uchun qabul qilinsin.

2. Oʻzbekiston Respublikasi Tashqi ishlar vazirligi, Qishloq va suv xoʻjaligi vazirligi, Moliya vazirligi, Shuningdek, Oʻzbekiston Respublikasining Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda OQXJ Ijroiya qoʻmitasining Oʻzbekistondagi vakolatxonasi tomonidan ilgari surilgan, Oʻzbekiston Respublikasidagi OQXJ Ijroiya qoʻmitasiga tegishli asosiy vositalar va moddiy resurslarni OQXJ GEF agentligiga va OQXJ Ijroiya qoʻmitasining Nukus filiali tasarrufiga 1-ilovaga muvofiq roʻyxat asosida begʻaraz topshirish toʻgʻrisidagi taklifiga rozilik berilsin.

3. Oʻzbekiston Respublikasida Orolni qutqarish xalqaro jamgʻarmasi (OQXJ) Ijroiya qoʻmitasi faoliyatini tugatish boʻyicha taqdim etilgan Likvidatsiya komissiyasi belgilangan tartibda ushbu Qarorning 1-ilovasida koʻrsatilgan, Oʻzbekiston Respublikasidagi OQXJ Ijroiya qoʻmitasiga tegishli boʻlgan asosiy vositalar va moddiy boyliklarni OQXJ GEF agentligi hamda OQXJ Ijroiya qoʻmitasining Nukus filialiga topshirish va qabul qilish jarayonini tashkil etsin.

4. OQXJ GEF agentligi va OQXJ Ijroiya qoʻmitasining Nukus filiali ushbu Qarorning 1-ilovasida koʻrsatilgan asosiy vositalar va moddiy boyliklardan maqsadli va samarali foydalanilishini taʼminlasin.

5. Oʻzbekiston Respublikasi Hukumatining ayrim qarorlari ushbu Qarorning 2-ilovasiga muvofiq oʻz kuchini yoʻqotgan deb hisoblansin.

6. Ushbu qarorning ijrosini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 9-iyun,

367-son

Vazirlar Mahkamasining 2017-yil 9-iyundagi 367-sonli qaroriga 1-ILOVA

Oʻzbekiston Respublikasidagi Orolni qutqarish xalqaro jamgʻarmasi ijroiya qoʻmitasiga tegishli boʻlgan, GEF OQXJ agentligi hamda OQXJ ijroiya qoʻmitasining Nukus filialiga bepul topshirilayotgan asosiy vositalar va moddiy boyliklar

ROʻYXATI

T/rNomiUmumiy balans qiymati,soʻmAsosiy vositalarni qabul qiluvchi tashkilot nomi1.Transport vositalari (avtomobillar: “Damas”, “Lacetti”, “Volkswagen Tiguan 5N21T3”)90 757 196,24OQXJ GEF agentligi2.Kompyuter uskunalari va hisoblash texnikasi153 597 391,97OQXJ GEF agentligi3.Maishiy texnika39 361 733,22OQXJ GEF agentligi4.Mebel va ofis jihozlari135 130 336,44OQXJ GEF agentligi5.Inventar va xoʻjalik buyumlari1 022 850,00OQXJ GEF agentligi6.Yotoqxona anjomlari va interyer buyumlari14 466 210,00OQXJ GEF agentligi7.Oshxona va ovqatlanish anjomlari4 032 260,00OQXJ GEF agentligi8.Nashr etilgan adabiyotlar (broshyuralar)18 703 585,50OQXJ GEF agentligiJami:457 071 563,379.Transport vositalari (avtomobillar: “Captiva” va “Lacetti”)85 096 892,47OQXJ Ijroiya qoʻmitasining Nukus filialiJami:85 096 892,47Umumiy jami:542 168 455,84

Vazirlar Mahkamasining 2017-yil 9-iyundagi 367-sonli qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb topilayotgan ayrim qarorlari

ROʻYXATI

1. Oʻzbekiston Respublikasi Vazirlar Mahkamasining 2013-yil 10-apreldagi 103-sonli “Orolni qutqarish xalqaro jamgʻarmasi Ijroiya qoʻmitasi faoliyatini tashkil etish boʻyicha chora-tadbirlar toʻgʻrisida”gi qarori (Oʻzbekiston Respublikasi Qonun hujjatlari toʻplami, 2013-yil 15-aprel, 15-son, 203-modda).

2. Oʻzbekiston Respublikasi Vazirlar Mahkamasining 2016-yil 26-apreldagi 122-sonli “Oʻzbekiston Respublikasining ayrim hukumat qarorlariga oʻzgartirish va qoʻshimchalar kiritish, shuningdek, ularning ayrimlarini oʻz kuchini yoʻqotgan deb topish toʻgʻrisida”gi (Oʻzbekiston Respublikasining 2013-yil 26-dekabrdagi “Oʻzbekiston Respublikasining Budjet kodeksini tasdiqlash toʻgʻrisida”gi OʻRQ-360-sonli va 2015-yil 31-dekabrdagi “2016-yil uchun soliq va budjet siyosatining asosiy yoʻnalishlari qabul qilinishi munosabati bilan Oʻzbekiston Respublikasining Soliq kodeksiga oʻzgartirish va qoʻshimchalar kiritish toʻgʻrisida”gi OʻRQ-398-sonli qonunlari)” qaroriga 1 ilovaning 128-bandi (Oʻzbekiston Respublikasi Qonun hujjatlari toʻplami, 2016-yil, 4-son, 28-modda).