M.V. Lomonosov nomidagi Moskva davlat universitetining Toshkent shahridagi filialiga qabul qilish toʻgʻrisida (325-son)

31.05.2017

Oʻzbekiston Respublikasi Vazirlar Mahkamasining

qarori

M.V. Lomonosov nomidagi Moskva davlat universitetining Toshkent shahridagi filialida oliy maʼlumotli yuqori malakali mutaxassislar tayyorlashni taʼminlash hamda mamlakatni ijtimoiy-iqtisodiy rivojlantirishda iqtidorli yoshlar salohiyatidan samarali foydalanish maqsadida Vazirlar Mahkamasi qaror qiladi:

1. 2017/2018 oʻquv yilidan boshlab M.V. Lomonosov nomidagi Moskva davlat universitetining Toshkent shahridagi filialiga:

a) quyidagi taʼlim yoʻnalishlari boʻyicha har yili 100 nafar bakalavr:

“Amaliy matematika va informatika” yoʻnalishi boʻyicha — 50 nafar, shu jumladan davlat grantlari boʻyicha — 20 nafar;

“Psixologiya” yoʻnalishi boʻyicha — 50 nafar, shu jumladan davlat grantlari boʻyicha — 20 nafar;

b) quyidagi taʼlim mutaxassisliklari boʻyicha 20 kishidan iborat magistrlar:

“Amaliy matematika va informatika (magistratura dasturlari boʻyicha)” — 10 nafar, shu jumladan davlat grantlari boʻyicha — 4 nafar;

“Psixologiya (magistratura dasturlari boʻyicha)” — 10 nafar, shu jumladan davlat grantlari boʻyicha 4 nafar.

2. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Taʼlim va fan masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 31-may,

325-son