Oʻzbekiston Respublikasining 2016-yil 11-aprelda qabul qilingan “Parlament nazorati toʻgʻrisida”gi OʻRQ-403-sonli Qonunini roʻyobga chiqarishga doir tadbirlarning kompleks rejasini tasdiqlash toʻgʻrisida (440-III-son)

02.05.2016

Oʻzbekiston Respublikasi Oliy Majlisi Qonunchilik palatasi kengashining va Oʻzbekiston Respublikasi Oliy Majlisi Senati kengashining

qoʻshma qarori

Oʻzbekiston Respublikasining “Parlament nazorati toʻgʻrisida”gi Qonunini samarali roʻyobga chiqarish maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Oʻzbekiston Respublikasining 2016-yil 11-aprelda qabul qilingan “Parlament nazorati toʻgʻrisida”gi OʻRQ-403-sonli Qonunini roʻyobga chiqarishga doir kompleks tadbirlar rejasi ilovaga muvofiq tasdiqlansin.

2. Ushbu Qoʻshma qarorning ijro etilishini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari S. Otamuratov hamda Oʻzbekiston Respublikasi Oliy Majlisi Senati Raisining oʻrinbosari S. Artikova zimmasiga yuklatilsin.

3. Ushbu Qoʻshma qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2016-yil 2-may,

440-III-son

Oʻzbekiston Respublikasi Oliy Majlisi Senatining Raisi N. YOʻLDOShEV

Toshkent sh.,

2016-yil 2-may,

KQ-85-III-son

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2016-yil 2-maydagi № 440-III/KQ-85-III-sonli Qoʻshma qaroriga ILOVA

Oʻzbekiston Respublikasining 2016-yil 11-aprelda qabul qilingan “Parlament nazorati toʻgʻrisida”gi OʻRQ-403-sonli Qonunini roʻyobga chiqarishga doir

KOMPLEKS TADBIRLAR REJASI

T/r Tadbirlar nomi Ijro etish muddati Masʼul ijrochilar I. “Parlament nazorati toʻgʻrisida”gi Qonun (bundan buyon matnda Qonun deb yuritiladi) qabul qilinganligi munosabati bilan amaldagi normativ-huquqiy hujjatlarni qayta koʻrib chiqish 1. 1. Oʻzbekiston Respublikasi Oliy Majlisi palatalarining nazorat-tahlil faoliyatini tartibga solib turuvchi qonun hujjatlarini, shu jumladan palatalarning reglamentlarini Qonun talablariga muvofiqlashtirish. 2016-yil may-iyun Qonunchilik palatasining tegishli qoʻmitasi, Senatning Qonunchilik va sud-huquq masalalari qoʻmitasi, Oliy Majlis palatalari devonlari, Amaldagi qonun hujjatlari monitoringi instituti, Adliya vazirligi 1.1. Qonunlarni inventarizatsiyadan oʻtkazish. 1.2. Zarur boʻlganda tegishli qonun hujjatlarining loyihalarini ishlab chiqish va ularni Oliy Majlis palatalari koʻrib chiqishi uchun kiritish. 2. 2. Hukumat qarorlarini Qonunga muvofiqlashtirish, shuningdek Qonunga zid boʻlgan qonunosti normativ-huquqiy hujjatlarining qayta koʻrib chiqilishini va bekor qilinishini taʼminlash. 2016-yil may-iyun Vazirlar Mahkamasi, Adliya vazirligi, Iqtisodiyot vazirligi, Moliya vazirligi, manfaatdor vazirliklar va idoralar 2.1. Qonun hujjatlarini inventarizatsiyadan oʻtkazish. 2.2. Tegishli normativ-huquqiy hujjatlarning loyihalarini ishlab chiqish va ularni manfaatdor vazirlik hamda idoralar bilan kelishib olish. 2.3. Vazirlar Mahkamasiga tegishli normativ-huquqiy hujjatlarning loyihalarini kiritish. II. Deputatlar va senatorlarning Qonunni roʻyobga chiqarish borasidagi professional malakasini oshirishga qaratilgan tadbirlar 3. Deputatlar, senatorlar, olimlar, davlat boshqaruvi organlarining, fuqarolik jamiyati institutlarining vakillari ishtirokida “Parlament nazorati toʻgʻrisida”gi Qonunni samarali roʻyobga chiqarish boʻyicha deputatlar hamda senatorlarning birinchi galdagi vazifalari” mavzusida seminar tashkil etish va oʻtkazish. 2016-yil iyun Qonunchilik palatasi, Senatning Qonunchilik va sud-huquq masalalari qoʻmitasi, Senatning Budjet va iqtisodiy islohotlar masalalari qoʻmitasi, Amaldagi qonun hujjatlari monitoringi instituti 4. Parlament soʻrovi hamda Qonunchilik palatasi deputatining soʻrovini uyushtirish va ularni davlat hokimiyati va boshqaruvi organlarining mansabdor shaxslariga yuborishga doir uslubiy tavsiyalarni ishlab chiqish hamda tasdiqlash. 2016-yil iyun Qonunchilik palatasi 5. Parlament soʻrovi hamda Senat aʼzosi soʻrovini uyushtirish va ularni davlat hokimiyati va boshqaruvi organlarining mansabdor shaxslariga yuborishga doir uslubiy tavsiyalarni ishlab chiqish hamda tasdiqlash. 2016-yil iyun Senatning Qonunchilik va sud-huquq masalalari qoʻmitasi, Senatning Agrar, suv xoʻjaligi masalalari va ekologiya qoʻmitasi, Senat devoni 6. Qonunchilik palatasi qoʻmitalari tomonidan qonunlar ijro etilishining, huquqni qoʻllash amaliyotining holati oʻrganilishini uyushtirish va oʻtkazishga hamda qonunosti hujjatlari qabul qilinishini monitoring qilishga doir uslubiy tavsiyalar ishlab chiqish va tasdiqlash. 2016-yil may Qonunchilik palatasi 7. Senat qoʻmitalari tomonidan qonunlar ijro etilishining, huquqni qoʻllash amaliyotining holati oʻrganilishini uyushtirish va oʻtkazishga hamda qonunosti hujjatlari qabul qilinishini monitoring qilishga doir uslubiy tavsiyalar ishlab chiqish va tasdiqlash. 2016-yil may Senatning Fan, taʼlim, madaniyat va sport masalalari qoʻmitasi, Senatning Tashqi siyosat masalalari qoʻmitasi, Senat devoni 8. Deputatlar, senatorlar, olimlar, davlat boshqaruvi organlarining, fuqarolik jamiyati institutlarining vakillari ishtirokida “Parlament soʻrovini va Qonunchilik palatasi deputati, Senat aʼzosi soʻrovini yuborishning oʻziga xos jihatlari” mavzusida seminar tashkil etish hamda oʻtkazish. 2016-yil iyun Qonunchilik palatasi, Senatning Qonunchilik va sud-huquq masalalari qoʻmitasi, Senatning Agrar, suv xoʻjaligi masalalari va ekologiya qoʻmitasi 9. Deputatlar, senatorlar, olimlar, davlat boshqaruvi organlarining, fuqarolik jamiyati institutlarining vakillari ishtirokida “Qonunchilik palatasining, Senatning qoʻmitalari tomonidan qonunlar ijro etilishining, huquqni qoʻllash amaliyotining holati oʻrganilishini hamda qonunosti hujjatlari qabul qilinishini monitoring qilish uslubiyati” mavzusida seminar tashkil etish hamda oʻtkazish. 2016-yil iyul Qonunchilik palatasi, Senatning Fan, taʼlim, madaniyat va sport masalalari qoʻmitasi, Vazirlar Mahkamasi 10. Parlament nazorati oʻtkazilayotganda deputatlar va senatorlar amaliy foydalanishi uchun materiallar va hujjatlardan iborat risolalarni tayyorlash. 2016-yil iyul Qonunchilik palatasi, Senatning Fan, taʼlim, madaniyat va sport masalalari qoʻmitasi III. Qonunning mazmun va mohiyatini tushuntirishga doir tadbirlar 11. Davlat hokimiyati va boshqaruvi organlari uchun Qonunning mazmun-mohiyatini ularga yetkazishni nazarda tutuvchi respublika seminarini tashkil etish. 2016-yil may Qonunchilik palatasi, Senatning Qonunchilik va sud-huquq masalalari qoʻmitasi, Vazirlar Mahkamasi, Adliya vazirligi 12. Tele- va radiokoʻrsatuvlar uzatish, matbuotda hamda elektron ommaviy axborot vositalarida, davlat organlarining rasmiy veb-saytlarida Qonunning mazmun-mohiyati va amaliy ahamiyati toʻgʻrisida maqolalar chop etish boʻyicha qoʻshma media-rejani tasdiqlash. Tasdiqlangan media-rejaga muvofiq Qonunchilik palatasi, Senatning Qonunchilik va sud-huquq masalalari qoʻmitasi, OʻzA, MRTK, Axborot texnologiyalari va kommunikatsiyalarini rivojlantirish vazirligi, OʻzEOAVMA 13. Siyosiy partiyalarning barcha fraksiyalari vakillari, ularning elektorati, shuningdek senatorlar ishtirokida “Oʻzbekiston” teleradiokanalida “Parlament nazorati samaradorligini oshirishning dolzarb masalalari — milliy tajriba va uni yanada rivojlantirish istiqbollari” mavzusida tok-shou oʻtkazish. 2016-yil iyul Qonunchilik palatasi, Senatning Qonunchilik va sud-huquq masalalari qoʻmitasi, MRTK