Import isteʼmol tovarlari olib kelish va sotishni takomillashtirish chora-tadbirlari toʻgʻrisida (242-son)

24.06.2000

Oʻzbekiston Respublikasi Vazirlar Mahkamasining

qarori

Import isteʼmol tovarlari sotishni tartibga solish, savdoning tashkiliy shakllarini rivojlantirish va mustahkamlash, aholining xarid qobiliyatini oshirish, isteʼmol tovarlariga narx belgilash tizimini takomillashtirish va narxlarning sunʼiy ravishda oshirilishiga yoʻl qoʻymaslik maqsadida Vazirlar Mahkamasi qaror qiladi:

2. Almashtirish shoxobchalarida xorijiy valyuta xarid qilinganligi uchun 5 foiz miqdorida yigʻim undirish 2000-yil 1-iyuldan boshlab bekor qilinsin.

3. Oʻzbekiston Respublikasi Davlat soliq qoʻmitasi va Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi:

2000-yil 1-iyulgacha import qilinadigan isteʼmol tovarlari narxlari ustidan monitoring olib borish boʻyicha maxsus ishchi guruh tashkil etsinlar, unga narxlar darajasiga taʼsir koʻrsatuvchi omillarni oʻrganib chiqish va isteʼmol tovarlariga narx belgilash mexanizmini takomillashtirishga doir takliflar tayyorlashni yuklasinlar.

4. Oʻzbekiston Respublikasi Moliya vazirligi Davlat soliq qoʻmitasi bilan birgalikda oʻn kun muddatda Savdo korxonalarining yalpi daromad soligʻini hisoblab chiqish va toʻlash tartibiga mazkur qarordan kelib chiquvchi oʻzgartirishlarni belgilangan tartibda kiritsin, bunda, shuningdek, savdo maydonlari ijaraga olinganligi uchun savdo korxonalari daromadlariga soliq solish boʻyicha imtiyozlarni nazarda tutsin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2000-yil 1-iyuldan boshlab buyum bozorlarida savdo joyi ijaraga olinganligi uchun toʻlovning amaldagi stavkalarini 1,5 baravar oshirsinlar.

7. Toshkent shahar hokimligining jismoniy shaxslar tomonidan olib kelinayotgan import isteʼmol tovarlarini mayda ulgurji va chakana sotish boʻyicha savdo markazi tashkil etish va uni “Chorsu” univermagi tomonidan foydalanilayotgan binoga joylashtirish toʻgʻrisidagi taklifi qabul qilinsin.

Toshkent shahar hokimligi Oʻzbekiston Respublikasi Davlat mulki qoʻmitasi, Moliya vazirligi va Davlat soliq qoʻmitasi bilan birgalikda bir oy muddatda savdo markazi faoliyatini tashkil etish toʻgʻrisidagi taklifni belgilangan tartibda Vazirlar Mahkamasiga kiritsin, bunda turgʻun binolarda savdo qiluvchi jismoniy shaxslar uchun imtiyozlar tizimini nazarda tutsin.

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uyushtirilgan savdoni kengaytirish hamda tovar aylanishi hajmida uning ulushini koʻpaytirish boʻyicha kompleks chora-tadbirlarni, shu jumladan, quyidagi chora-tadbirlarni ishlab chiqsinlar va amalga oshirsinlar:

yuridik va jismoniy shaxslarning savdo faoliyatini amalga oshirishlari uchun mavjud ombor va savdo maydonlarini, shuningdek, turar joyga moʻljallanmagan fonddagi boʻsh maydonlarni koʻplab berish;

yuridik shaxslar tomonidan isteʼmol tovarlari bilan ulgurji va mayda ulgurji savdo qilish turgʻun markazlari tashkil etish, shu jumladan, ularga yuridik shaxs boʻlmagan tadbirkorlar sifatida tadbirkorlik faoliyatini amalga oshirayotgan jismoniy shaxslardan import tovarlar xarid qilish huquqini berish;

savdo korxonalarini yer uchun ijara haqi toʻlashdan ozod qilish;

uyushtirilgan savdo tizimida ombor binolari va savdo maydonlaridan foydalanilganligi uchun ijara toʻlovining buyum bozorlariga nisbatan tadbirkorlar faoliyatining iqtisodiy jihatdan foydaliroq shart-sharoitlarini taʼminlovchi imtiyozli miqdorlarini belgilash;

yuridik shaxslar, shuningdek, turgʻun binolarda chakana savdoni amalga oshiruvchi jismoniy shaxslar uchun kassa apparatlarini kreditga yoki lizing shartlarida sotib olishga koʻmaklashish.

Amalga oshirilgan ishlar toʻgʻrisida Vazirlar Mahkamasiga 2000-yil yakunlari boʻyicha axborot berilsin.

9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisidagi takliflarni bir oy muddatda Vazirlar Mahkamasiga kiritsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S. Hamidov va Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2000-yil 24-iyun,

242-son