Oʻzbekiston Respublikasi Ekologiya va atrof-muhitni muhofaza qilish davlat qoʻmitasi faoliyatini tashkil etishni taʼminlash chora-tadbirlari toʻgʻrisida (PQ-2915-son)

21.04.2017

Oʻzbekiston Respublikasi Prezidentining

Qarori

Oʻzbekiston Respublikasi Prezidentining “Ekologiya va atrof muhitni muhofaza qilish sohasida davlat boshqaruvi tizimini takomillashtirish toʻgʻrisida” 2017-yil 21-apreldagi PF-5024-son Farmoniga muvofiq hamda Oʻzbekiston Respublikasi Ekologiya va atrof muhitni muhofaza qilish davlat qoʻmitasi faoliyatini samarali tashkil etishni taʼminlash maqsadida:

2. Quyidagilar:

2017 — 2019-yillarda chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyalarining moddiy-texnik jihozlanishi parametrlari 10-ilovaga muvofiq tasdiqlansin.

* 1 — 9-ilovalar rus tilidagi matnda berilgan.

5. Quyidagilar:

b) Qoraqalpogʻiston Respublikasi Ekologiya va atrof muhitni muhofaza qilish qoʻmitasi, viloyatlar ekologiya va atrof muhitni muhofaza qilish boshqarmalari huzuridagi “Toza hudud” davlat unitar korxonalarining asosiy vazifalari va faoliyati yoʻnalishlari:

chiqindi yigʻish punktlarini ekspluatatsiya qilish, chiqindilarni oʻz vaqtida olib ketish, poligonlarni boshqarish, chiqindilarni utilizatsiya qilish, qayta ishlash, koʻmish va realizatsiya qilish masalalarida tumanlar (shaharlar) filiallari va ixtisoslashtirilgan sanitariya tozalash tashkilotlari faoliyatini muvofiqlashtirish, mahalliy davlat hokimiyati organlari bilan oʻzaro hamkorlik qilish;

chiqindilarni yigʻish, saralash, saqlash, tashish, utilizatsiya qilish, qayta ishlash, koʻmish va realizatsiya qilish tizimini samarali tashkil etish boʻyicha “yoʻl xaritalari”ni ishlab chiqish, shuningdek, chiqindilarni olib ketish boʻyicha maqbul jadvallar va xizmat koʻrsatish marshrutlarini ishlab chiqish;

fuqarolarning oʻzini-oʻzi boshqarish organlari bilan chambarchas hamkorlikda maishiy chiqindilarni yigʻish va olib ketish boʻyicha koʻrsatiladigan xizmatlarga shartnomalar tuzish va oʻz vaqtida haq toʻlashni taʼminlash borasida abonentlar bilan ishlarni tashkillashtirish;

yangi sanitariya tozalash obyektlarini qurish va foydalanishga topshirish majburiyatlari pudratchilar tomonidan oʻz vaqtida va sifatli bajarilishi monitoringini amalga oshirish, sanitariya tozalash tashkilotlari moddiy-texnika bazasidan samarali foydalanish, filiallarni maxsus mashina va mexanizmlar bilan qoʻshimcha jihozlash boʻyicha takliflar tayyorlash;

g) Atrof muhitni muhofaza qilish sohasidagi ixtisoslashtirilgan analitik nazorat markazining asosiy vazifalari va faoliyati yoʻnalishlari:

respublika atmosfera havosi, yuza suvlar, tuproq, hayvonot va oʻsimlik dunyosining ifloslanish manbalari toʻgʻrisidagi maʼlumotlarni, analitik nazorat natijalarini tizimlashtirish va umumlashtirish;

chiqindilarni koʻmish (joylashtirish)da ekologik xavfsizlik talablariga rioya qilinishi, radiatsiya xavfsizligi taʼminlanishining analitik nazoratini tashkil etish;

Oʻzbekiston Respublikasi Ekologiya va atrof muhitni muhofaza qilish davlat qoʻmitasining hududiy boshqarmalariga tabiatni muhofaza qilish qonunchiligi talablariga rioya etilishi ustidan inspeksiyaviy analitik nazorat, ifloslantirish manbalari monitoringi boʻyicha ishlarni amalga oshirishda rahbarlik qilish hamda tashkiliy-uslubiy va amaliy yordam koʻrsatish;

oqova va tashlanmalar, chiqindilar, tabiiy muhit obyektlari ifloslanishi namunalarini olish hamda ularning fizik-kimyoviy analizlarini olib borishning ilgʻor usullarini oʻzlashtirish, takomillashtirish, zarur hollarda, ishlab chiqish, qayta mukammal ishlash va joriy qilish;

atmosferaga moddalar tashlanmalari nazorati va arbitraj oʻlchovlari oʻtkazilishini, tabiiy muhit obyektlari ifloslanishi va chiqarib tashlanadigan oqova suvlar sifati analiz qilinishini taʼminlash.

7. Oʻzbekiston Respublikasi Vazirlar Mahkamasi bir oy muddatda:

Oʻzbekiston Respublikasi Ekologiya va atrof muhitni muhofaza qilish davlat qoʻmitasi toʻgʻrisidagi nizomni;

Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish fondi mablagʻlarini shakllantirish va foydalanish tartibi toʻgʻrisidagi nizomni;

Oʻzbekiston Respublikasi Ekologiya va atrof muhitni muhofaza qilish davlat qoʻmitasi markaziy apparati huzuridagi Chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyasi toʻgʻrisidagi nizomni;

Oʻzbekiston Respublikasi Ekologiya va atrof muhitni muhofaza qilish davlat qoʻmitasi huzuridagi Bioxilma-xillik va muhofaza etiladigan tabiiy hududlarni muhofaza qilish va ulardan foydalanishni nazorat qilish inspeksiyasi toʻgʻrisidagi nizomni:

Atrof muhitni muhofaza qilish sohasida ixtisoslashtirilgan analitik nazorat markazi toʻgʻrisidagi nizomni tasdiqlasin:

8. Oʻzbekiston Respublikasi Ekologiya va atrof muhitni muhofaza qilish davlat qoʻmitasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 21-aprel,

PQ-2915-son

Oʻzbekiston Respublikasi Prezidentining 2017-yil 21-apreldagi PQ-2915-son qaroriga 10-ILOVA

2017 — 2019-yillarda chiqindilarning hosil boʻlishi, toʻplanishi, saqlanishi, tashilishi, utilizatsiya qilinishi, qayta ishlanishi, koʻmilishi va realizatsiyasini nazorat qilish inspeksiyalarining moddiy-texnik jihozlanishi

PARAMETRLARI

T/r Moddiy-texnik jihozlanishining nomlanishi Jami Oʻzbekiston Respublikasi Davlat geologiya qoʻmitasi markaziy apparati inspeksiyasi uchun Qoraqalpogʻiston Respublikasi Qoʻmitasi, viloyatlar va Toshkent shahri inspeksiyasi uchun Tumanlarga (shaharlarga) biriktirilgan inspektorlar uchun dona mln soʻm* dona mln. soʻm* dona mln soʻm* dona mln soʻm* Jami 12 669,4 72,1 966,3 11 631,1 1. Tashkiliy va boshqa texnika 1 240 3 165,6 19 49,0 256 655,9 965 2 460,8 2. Mebel jamlanmalari 1 514 2 176,2 17 23,1 228 310,4 1 269 1 842,7 3. Avtotransport vositalarini xarid qilish va gaz uskunalarini oʻrnatish 7 327,6 7 327,6 shu jumladan: 3.1. Avtotransport vositalari (Damas) 193 6 652,1 193 6 652,1 3.2. Avtotransport vositalari uchun gaz uskunalarini xarid qilish va oʻrnatish 193 675,5 193 675,5

* xaridlar Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish fondi mablagʻlari hisobidan amalga oshiriladi.