Oʻzbekiston Respublikasi Oliy Majlisi Qonunchilik palatasining Oʻzbekiston Respublikasi davlat mustaqilligining 25 yillik bayramiga tayyorgarlik koʻrish va uni oʻtkazishga doir tadbirlari rejasini hamda media-rejasini tasdiqlash toʻgʻrisida (473-III-son)

24.06.2016

Oʻzbekiston Respublikasi Oliy Majlisi Qonunchilik palatasi Kengashining

qarori

Oʻzbekiston Respublikasi mustaqilligining 25 yillik bayramini yuksak darajada oʻtkazish, OAVda keng yoritish va davlatimiz Prezidenti rahbarligida barcha sohalarda olib borilayotgan keng koʻlamli islohotlarning mohiyati va ahamiyati toʻgʻrisida aholini xabardor qilish hamda Oʻzbekiston Respublikasi Prezidentining 2016-yil 2-iyundagi Qarori bilan tasdiqlangan Oʻzbekiston Respublikasi davlat mustaqilligining 25 yilligi munosabati bilan tashkiliy-amaliy, madaniy-maʼrifiy tadbirlar va targʻibot-tashviqot ishlari dasturidan kelib chiqadigan vazifalarni amalga oshirish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasining Oʻzbekiston Respublikasi davlat mustaqilligining 25 yillik bayramiga tayyorgarlik koʻrish va uni oʻtkazishga doir tadbirlari rejasi 1-ilovaga* muvofiq tasdiqlansin.

2. Oʻzbekiston Respublikasi Oliy Majlisi Qonunchilik palatasi deputatlarining Oʻzbekiston Respublikasi davlat mustaqilligining 25 yilligiga bagʻishlangan maqolalarini bosma OAVda eʼlon qilishga doir media-reja 2-ilovaga* muvofiq tasdiqlansin.

* 1, 2-ilovalar berilmaydi.

3. Ushbu qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari S. Otamuratov va Oʻzbekiston Respublikasi Oliy Majlisi Qonunchilik palatasi Devoni rahbari A. Irkaxodjayev zimmasiga yuklatilsin.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2016-yil 24-iyun,

473-III-son