Vazirlar Mahkamasining “Fermer xoʻjaligi toʻgʻrisida”, “Dehqon xoʻjaligi toʻgʻrisida”gi Oʻzbekiston Respublikasi qonunlarini amalga oshirish muddatlari va chora-tadbirlari toʻgʻrisida” 1998-yil 15-iyuldagi 300-son qaroriga oʻzgartirishlar kiritish haqida (235-son)

19.06.2000

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Yer kodeksining 53-moddasiga va “Davlat yer kadastri toʻgʻrisida”gi Oʻzbekiston Respublikasi Qonunining 10-moddasiga muvofiq Vazirlar Mahkamasi qaror qiladi:

Vazirlar Mahkamasining 1998-yil 15-iyuldagi 300-son qarori bilan tasdiqlangan Fermer xoʻjaligini yuritish uchun yer uchastkalarini fuqarolarga uzoq muddatli ijaraga berish tartibiga quyidagi oʻzgartirishlar kiritilsin:

21-bandning uchinchi xatboshidagi “tuman hokimligida” soʻzlaridan keyin “yer resurslari boʻyicha tuman xizmatida” soʻzlari qoʻshilsin;

22-banddagi “tuman bosh (katta) yer tuzuvchisi”, “tuman bosh (katta) yer tuzuvchisida” soʻzlari tegishli ravishda “yer resurslari boʻyicha tuman xizmati vakili” soʻzlari bilan almashtirilsin;

22 va 23-bandlardagi “tuman bosh (katta) yer tuzuvchisida” soʻzlari “yer resurslari boʻyicha tuman xizmatida” soʻzlari bilan almashtirilsin;

Yer uchastkasini uzoq muddatli ijaraga berishning namunaviy shartnomasi 19-bandi quyidagi tahrirda bayon qilinsin:

Mazkur Shartnoma toʻrt nusxada tuzilgan boʻlib, ulardan biri tuman hokimligida, ikkinchisi yer resurslari boʻyicha tuman xizmatida, uchinchisi — fermer xoʻjaligida, toʻrtinchisi — yerlarida fermer xoʻjaligi tuzilgan qishloq xoʻjaligi kooperativi (shirkat xoʻjaligi)da saqlanadi.

Oʻzbekiston Respublikasi Bosh vaziri Oʻ. SULTONOV

Toshkent sh.,

2000-yil 19-iyun,

235-son