Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida (2875-son)

21.04.2017

Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi Oʻzbekiston Respublikasi Mehnat vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2017-yil 21-aprelda roʻyxatdan oʻtkazildi, roʻyxat raqami 2875]

Oʻzbekiston Respublikasi Prezidentining 2010-yil 24-dekabrdagi PQ-1449-son “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Mehnat vazirligi hamda Moliya vazirligi qaror qiladi:

1. Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari ilovaga muvofiq tasdiqlansin.

2. Belgilansinki:

Namunaviy shtatlar Oʻzbekiston Respublikasi Davlat budjeti mablagʻlari hisobidan moliyalashtirilmaydigan oʻrta maxsus, kasb-hunar taʼlimi muassasalariga, harbiy-akademik litseylarga, olimpiya zaxiralari kollejlariga, ixtisoslashtirilgan kasb-hunar kollejlariga, shu jumladan imkoniyatlari cheklangan shaxslar uchun ixtisoslashtirilgan kasb-hunar kollejlariga nisbatan tatbiq etilmaydi;

Namunaviy shtat meʼyorlari oʻrta maxsus, kasb-hunar taʼlimi muassasalarining budjet mablagʻlari va oʻqitishning toʻlov kontrakt shaklidan tushadigan mablagʻlar hisobidan joriy qilinadi;

Namunaviy shtat meʼyorlari joriy qilinishi munosabati bilan boshqaruv, texnik, xizmat koʻrsatuvchi va oʻquv yordamchi xodimlar sonining qisqarishi qonun hujjatlarida belgilangan tartibda amalga oshiriladi;

ayrim taʼlim muassasalarining shtatlar jadvallarini tuzishda, ular faoliyatining oʻziga xos xususiyatlaridan kelib chiqib, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Mehnat vazirligi va Moliya vazirligi bilan kelishilgan holda Namunaviy shtatlarida koʻzda tutilmagan lavozimlar va xodimlar soni belgilanishi mumkin.

3. Oʻrta maxsus, kasb-hunar taʼlimi muassasalarining direktorlari shtat jadvallarini tasdiqlangan Namunaviy shtat meʼyorlariga qatʼiy amal qilgan holda moslashtirishini taʼminlasin.

4. Mazkur qaror rasmiy eʼlon qilingan kundan eʼtiboran kuchga kiradi.

Oʻrta maxsus, kasb-hunar taʼlimi markazi direktori U. SALIMOV

Toshkent sh.,

2017-yil 17-aprel,

26/qq-son

Mehnat vaziri A. ABDUHAKIMOV

Toshkent sh.,

2017-yil 17-aprel,

9-q/q-son

Moliya vaziri B. XODJAYEV

Toshkent sh.,

2017-yil 17-aprel,

39-son

Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Mehnat vazirligi hamda Moliya vazirligi 2017-yil 17-apreldagi 26/qq, 9-q/q va 39-son qaroriga ILOVA

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining

NAMUNAVIY ShTATLARI

T/r Lavozimlar nomlanishi Oʻquvchilar soniga nisbatan belgilanadigan lavozim birliklari 60 nafargacha 61 — 150 151 — 300 301 — 450 451 — 600 601 nafar va undan ortiq 1. Direktor (filial direktori) 1 1 1 1 1 1 2. Direktorning oʻquv ishlari boʻyicha oʻrinbosari 1 1 1 1 1 1 3. Direktorning ishlab chiqarish taʼlimi boʻyicha oʻrinbosari (faqat kasb-hunar kollejlari uchun) 1 1 1 1 1 4. Direktorning maʼnaviy va maʼrifiy ishlar boʻyicha oʻrinbosari 0,5 1 1 1 1 5. Direktorning xoʻjalik ishlari boʻyicha oʻrinbosari 1 1 1 6. Psixolog 0,5 0,5 1 1 1 1 7. Jismoniy tarbiya rahbari* 0,5 0,5 1 1 1 1 8. Harbiy chaqiriqqacha tayyorgarlik rahbari** 1 1 1 1 1 1 9. Xoʻjalik mudiri 1 1 1 10. Axborot-kutubxona texnologiyasi boʻyicha yetakchi mutaxassis*** 1 1 1 1 11. Axborot-kutubxona texnologiyasi boʻyicha mutaxassis*** 0,5 0,5 0,5 0,5 1 2 12. Bosh buxgalter 1 1 1 1 13. Buxgalter**** 0,5 0,5 1 1 14. Oʻquv boʻlimi uslubchisi 0,5 0,5 1 1 15. Kotib – ish yurituvchi 0,5 0,5 1 1 1 1 16. Kadrlar boʻyicha inspektor 0,5 1 1 17. Komendant 1 1 1 1 18. Ombor mudiri 1 1 1 1 19. Yuriskonsult 1 1 1 1

Izoh:

* yillik oʻquv yuklamasi 400 soat hisobidan kelib chiqqan holda belgilanadi.

** yillik oʻquv yuklamasi 530 soat hisobidan kelib chiqqan holda belgilanadi.

*** Axborot-resurs markazi tashkil etilgan oʻrta maxsus, kasb-hunar taʼlimi muassasalarida axborot-kutubxona texnologiyasi boʻyicha lavozimlar kiritilmaydi.

**** kasb-hunar kollejida oʻquvchilar soni 901 nafar va undan ortiq boʻlganda, 1,0 birlik buxgalter lavozimi qoʻshimcha kiritilishi mumkin.

Oʻrta maxsus, kasb-hunar taʼlimi muassasalari qoshidagi Axborot-resurs markazlarining xodimlari uchun lavozimlarni kiritish meʼyorlari mazkur Namunaviy shtatlarining 1-ilovasiga muvofiq belgilanadi.

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlari uchun alohida lavozimlarni kiritish meʼyorlari mazkur Namunaviy shtatlarning 2-ilovasiga muvofiq belgilanadi.

Mazkur Namunaviy shtatlar Oʻzbekiston Respublikasi Adliya vazirligi, Oliy va oʻrta maxsus taʼlim vazirligi, Qishloq va suv xoʻjaligi vazirligi, Sogʻliqni saqlash vazirligi, Madaniyat vazirligi, Oʻzbekiston Badiiy Akademiyasi, Davlat soliq qoʻmitasi bilan kelishilgan.

Adliya vaziri M. IKRAMOV

2017-yil 17-aprel

Oliy va oʻrta maxsus taʼlim vaziri R. KASIMOV

2017-yil 17-aprel

Qishloq va suv xoʻjaligi vaziri Z. MIRZAYEV

2017-yil 17-aprel

Sogʻliqni saqlash vaziri A. ShADMONOV

2017-yil 17-aprel

Madaniyat vaziri M. MURATOV

2017-yil 17-aprel

Oʻzbekiston Badiiy Akademiyasi raisi A. NURIDDINOV

2017-yil 17-aprel

Davlat soliq qoʻmitasi raisi B. PARPIYEV

2017-yil 17-aprel

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga 1-ILOVA

Oʻrta maxsus, kasb-hunar taʼlimi muassasalari qoshidagi Axborot-resurs markazlarining xodimlari uchun lavozimlarni kiritish

MEʼYORLARI

T/r Boʻlim va lavozim nomlari Axborot-resurs markazining guruhiga* nisbatan belgilanadigan lavozim birliklari YaTS boʻyicha lavozim razryadi 1-guruh 2-guruh 3-guruh 1. Axborot-resurs markazi rahbari 1 1 1 10 Elektron axborot-resurs texnologiyalari boʻlimi 2. Boʻlim boshligʻi** 1 8 3. Etakchi mutaxassis*** 1 1 7 4. 1-toifali muhandis-dasturchi** 1 7 5. 1-toifali mutaxassis*** 1 1 1 5 Axborot-kutubxona xizmati koʻrsatish boʻlimi 6. Boʻlim boshligʻi 1 8 7. Etakchi mutaxassis 1 1 1 7 8. 1-toifali mutaxassis 1 1 5 Axborot-resurslarni qabul qilish va fondlarni shakllantirish boʻlimi 9. Boʻlim boshligʻi 1 1 8 10. 1-toifali mutaxassis 1 1 1 5 Axborot-resurs markazi filiali (shoxobchasi) 11. Filial rahbari**** 1 1 1 9 12. 1-toifali mutaxassis**** 1 1 1 5 Jami 12 9 6

Izoh:

* Axborot-resurs markazida bir yilda adabiyotlardan (kitoblardan) foydalanuvchilar soni 5 ming kishidan ortiq va koʻrsatilgan axborot-kutubxona xizmati boʻyicha berilgan hujjatlar soni 135 ming va undan ortiq nusxa boʻlsa – 1-guruh;

Axborot-resurs markazida bir yilda adabiyotlardan (kitoblardan) foydalanuvchilar soni 2,5 ming kishidan 5 ming kishigacha va koʻrsatilgan axborot-kutubxona xizmati boʻyicha berilgan hujjatlar soni 75 ming nusxadan 135 ming nusxagacha boʻlsa – 2-guruh;

Axborot-resurs markazida bir yilda adabiyotlardan (kitoblardan) foydalanuvchilar soni 2,5 ming kishigacha va koʻrsatilgan axborot-kutubxona xizmati boʻyicha berilgan hujjatlar soni 75 ming nusxagacha boʻlsa – 3-guruh hisoblanadi.

Axborot-resurs markazlari har yili oʻtgan yilgi faoliyati davomida koʻrsatgan xizmatlaridan kelib chiqqan holda joriy yil uchun guruhlarga ajratiladi. Bunda Axborot-resurs markazlarining guruhini belgilash uchun bir yilda haqiqatda Axborot-resurs markazi tomonidan xizmat koʻrsatilgan foydalanuvchilar va ularga koʻrsatilgan axborot-kutubxona xizmatlari boʻyicha berilgan hujjatlar soni toʻgʻrisidagi maʼlumotlar hududiy oʻrta maxsus, kasb-hunar taʼlimi boshqarmalari tomonidan tasdiqlanadi. Mazkur tasdiqlangan maʼlumotlar taʼlim muassasasining xarajatlar smetasi va shtatlar jadvalini roʻyxatdan oʻtkazishda ilova qilinadi.

** Axborot-resurs markazida 6 tadan koʻp soz holatdagi kompyuterlar “ZiyoNET” taʼlim axborot tarmogʻiga ulangan boʻlib, skaner, nusxa koʻchirish va printer uskunalari bilan jihozlangan boʻlsa, mazkur lavozimlar kiritiladi.

*** Axborot-resurs markazida 3 tadan 6 tagacha soz holatdagi kompyuterlari “ZiyoNET” taʼlim axborot tarmogʻiga ulangan boʻlib, skaner va printer uskunalari bilan jihozlangan boʻlsa, mazkur lavozimlar kiritiladi.

**** Axborot-resurs markazining filialining (shoxobchasining) binosi taʼlim muassasasining balansida boʻlib, adabiyotlar (kitoblar) bilan taʼminlangan boʻlsa, mazkur lavozimlar kiritiladi.

Axborot-resurs markazi turli xalqaro grantlarda yoki loyihalarda ishtirok etayotgan boʻlsa, 1,0 birlik yetakchi mutaxassis lavozimi qoʻshimcha kiritilishi mumkin.

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga 2-ILOVA

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlari uchun alohida lavozimlarni kiritish

MEʼYORLARI

Oʻrta maxsus, kasb-hunar taʼlimi muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarida nazarda tutilmagan oʻrta maxsus, kasb-hunar taʼlimi muassasalarining (bundan buyon matnda taʼlim muassasalari deb yuritiladi) boshqaruv, texnik, xizmat koʻrsatuvchi va oʻquv-yordamchi xodimlarining alohida lavozimlari mazkur Meʼyorlarga muvofiq kiritiladi.

1-bob. Taʼlim muassasalarida alohida lavozimlarni kiritish meʼyorlari

1. Taʼlim muassasasida oʻquv yoʻnalishi boʻyicha oʻquvchilar soni 150 nafar va undan ortiq boʻlsa, har bir yoʻnalishga 1,0 birlik boʻlim mudiri lavozimi kiritiladi.

2. Taʼlim muassasasining oʻquv rejasida oʻquv-laboratoriya amaliy mashgʻulotlar oʻtkazilishi koʻzda tutilgan hamda amaliy mashgʻulotlar oʻtkazilish uchun jihozlangan oʻquv-laboratoriya xonasi mavjud boʻlsa, 1,0 birlik laborant lavozimi kiritiladi.

3. Taʼlim muassasasining lingafon, kompyuter va oʻquv texnika jihozlari oʻrnatilgan xonalariga xizmat koʻrsatish uchun — 1,0 birlik lingafon, kompyuter va oʻquv texnika jihozlariga xizmat koʻrsatuvchi texnik lavozimi kiritiladi.

4. Taʼlim muassasasining garderob xonasidagi mavjud 250 ta va undan ortiq jihozlangan kiyim saqlash joylari uchun — 1,0 birlik garderobchi (kiyim saqlovchi) lavozimi mavsumiy 5 oyga kiritiladi.

5. Taʼlim muassasasining 2500 kv. m va undan ortiq qoplama toʻshalgan (asfalt, beton, bruschatka) maydonini supurish uchun — 1,0 birlik hovli supuruvchi lavozimi kiritiladi. Qoplama toʻshalgan maydon 2500 kv. m dan kam boʻlsa, 0,5 birlikdan kam boʻlmagan hovli supuruvchi lavozimi kiritiladi.

6. Taʼlim muassasasining mevali bogʻ, gulzor va koʻkalamzorlashtirilgan 0,5 ga dan 2,0 ga gacha maydoni uchun — 1,0 birlik, keyingi har 2,0 ga maydon uchun — 1,0 birlik bogʻbon lavozimi kiritiladi. Taʼlim muassasasining ijaraga bergan maydoni bundan mustasno.

7. Taʼlim muassasasini kecha-kunduz qoʻriqlash uchun dam olish va bayram kunlari hamda taʼtil davrida har bir oʻrin almashish ish vaqti hisobga olingan holda 4,0 birlik qorovul lavozimi kiritiladi. Bunda taʼlim muassasasi hududidan tashqarida joylashgan binolar uchun alohida 4,0 birlik qorovul lavozimi kiritiladi.

8. Bino, inshoatlar va jihozlarni joriy taʼmirlovchi va xizmat koʻrsatuvchi:

elektromontyor lavozimi 700 tagacha yoritish nuqtalari (viklyuchatel, razetka va karoba) (taʼlim muassasasi balansida boʻlgan koʻcha yoritish nuqtalari ham hisoblanadi) uchun — 0,5 birlik, yoritish nuqtalari 700 dan ortiq boʻlsa, 1,0 birlik;

chilangar (santexnik) lavozimi — suv quvurlari, kanalizatsiya va issiqlik quvvati bilan jihozlangan har 2800 kv.m maydon uchun — 1,0 birlik (biroq, taʼlim muassasasida 2,0 birlikdan ortiq boʻlmagan holda);

duradgor lavozimi — taʼlim muassasasi binosining foydalaniladigan 3500 kv.m va undan ortiq maydoni uchun — 1,0 birlik (taʼlim muassasasida 1,0 birlikdan ortiq boʻlmagan holda) kiritiladi.

Muassasa balansidagi binolarning ekspluatatsiya ishlari ixtisoslashtirilgan tashkilot tomonidan shartnoma asosida amalga oshirilganda, inshoatlar va jihozlarni joriy taʼmirlovchi va xizmat koʻrsatuvchi ishchilar lavozimlari kiritilmaydi.

9. Binolarning ichki qismi, shu jumladan xizmat xonalari, yoʻlaklar, zinapoyalar, faollar zali va sport zal hamda oʻquv-auditoriya (yotoqxonaning oʻquvchilar yotadigan xonalari bundan mustasno) maydonini tozalovchi farrosh lavozimi har 700 kv.m tozalash maydoni uchun — 1,0 birlik hisobidan kelib chiqqan holda kiritiladi.

10. Uy-joy kommunal xoʻjalik tizimiga oʻtkazilmagan taʼlim muassasalarida isitish mavsumida (5 oy) oʻt yoquvchi lavozimi:

lokal isitish tizimida koʻmir, torf, mazut va hokazolar bilan isitiladigan har bir qozonxonaga har bir oʻrin almashish ish vaqti uchun — 2,0 birlikdan, tabiiy gaz yoqilgʻisi bilan ishlaydigan har bir qozonxonalarda (qozonxona hajmidan qatʼiy nazar) har bir oʻrin almashish ish vaqti uchun — 1,0 birlikdan;

alohida kichik qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti uchun qozonlar soni 6 tagacha boʻlsa — 1,0 birlikdan, 6 va undan ortiq boʻlsa, 2,0 birlikdan;

isitish pechlari orqali isitiladigan muassasalarda har 10 dona pech uchun — 1,0 birlikdan va keyingi har 5 — 9 dona pech uchun qoʻshimcha 0,5 birlikdan (lekin muassasa uchun 0,5 birlikdan kam boʻlmagan holda) kiritiladi.

11. Taʼlim muassasasida 1,0 birlik muassasa binosiga kompleks xizmat koʻrsatuvchi va binolarni joriy taʼmirlash ishchisi lavozimi doimiy kiritiladi.

12. Tarbiyachi lavozimi dam olish va bayram kunlarida har bir oʻrin almashish ish vaqti hisobga olingan holda, taʼlim muassasasi yotoqxonasida yashovchi oʻquvchilar 75 nafargacha boʻlganda, 1,0 birlik va keyingi har 100 nafar oʻquvchi uchun qoʻshimcha 1,0 birlik hisobidan kiritiladi.

13. Xoʻjalik bekasi lavozimi taʼlim muassasasi yotoqxonasida yashovchi oʻquvchilar soni 150 nafar va undan ortiq boʻlganda, 1,0 birlik kiritiladi.

14. Liftchi lavozimi bir binoda joylashgan va foydalanilayotgan har bir lift yoki liftlar guruhiga har bir oʻrin almashish ish vaqtida uchun — 1,0 birlik (biroq, 2,5 oʻrin almashish ish vaqtidan ortiq boʻlmagan holda) kiritiladi.

15. Taʼlim muassasasining har bir alohida joylashgan yotoqxonasida yashovchi oʻquvchilar soni 50 nafar va undan ortiq boʻlsa, ularning har bir oʻrin almashish ish vaqti uchun — 1,0 birlik (biroq 3,0 oʻrin almashish ish vaqtidan ortiq boʻlmagan holda) yotoqxona navbatchisi lavozimi kiritiladi.

16. Vazirlar Mahkamasining 2011-yil 26-maydagi 153-son qarori bilan tasdiqlangan Davlat budjeti hisobidan moliyalashtiriladigan vazirlik va idoralar apparatlari, ularga boʻysunuvchi tashkilotlari, mahalliy davlat hokimiyati organlari yengil xizmat avtomashinalari cheklangan miqdorlariga muvofiq Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi tomonidan taʼlim muassasalari uchun tasdiqlangan oʻquv mashqiga moʻljallanmagan transport vositalarining cheklangan sonidan (limitidan) kelib chiqib, soz holatdagi har bir avtotransport vositasi uchun — 1,0 birlik haydovchi lavozimi kiritiladi.

17. Taʼlim muassasasi balansiga kirim qilingan “Barkamol avlod” musobaqasida gʻolib boʻlganlik uchun berilgan transport vositalari uchun taʼlim muassasaning xarajatlar smetasida yoqilgʻi moylash materiallari uchun mablagʻlar rejalashtirilib, 1,0 birlik haydovchi lavozimi kiritiladi. Taʼlim muassasasi rahbari uchun xizmat avtomashinasi boʻlib foydalanilayotgan transport vositalari bundan mustasno.

18. Taʼlim muassasasi oʻquvchilarining turli xil tadbirlarda xavfsiz qatnashishini taʼminlash uchun moʻljallangan maxsus avtotransport (avtobus, mikroavtobus) vositasi mavjud boʻlsa, 1,0 birlik avtobus haydovchisi lavozimi kiritiladi.

19. Taʼlim muassasasi yotoqxonasida 300 nafar va undan ortiq oʻquvchilar istiqomat qilayotgan boʻlsa, 0,5 birlik pasportist lavozimi kiritiladi.

20. Chet tili chuqurlashtirilib oʻqitiladigan akademik litseylarda 0,5 birlik chet tillari boʻyicha direktor oʻrinbosari lavozimi kiritilishi mumkin.

21. Yangi tashkil etilayotgan oʻrta maxsus, kasb-hunar taʼlimi muassasalarida direktor, direktorning xoʻjalik ishlari boʻyicha oʻrinbosari (xoʻjalik mudiri), bosh buxgalter, katta ishlab chiqarish taʼlim ustasi lavozimlari 1,0 birlikdan, jami 4,0 birlik qurilish bitkazilgunga qadar (biroq, 6 oydan oshmagan holda) kiritiladi.

22. Yopiq va ochiq suv havzasi hamda basseynlari mavjud boʻlgan taʼlim muassasalarida 1,0 birlikdan dezinfektor hamda suzish boʻyicha yoʻriqchi lavozimlari taʼlim muassasasining budjetdan tashqari mablagʻlari hisobidan kiritilishi mumkin.

23. Akademik litseylarda oʻquv mashgʻulotlaridan tashqari turli yoʻnalishdagi toʻgarak mashgʻulotlari tashkil etiladigan boʻlsa, har bir toʻgarakda 26 nafar va undan ortiq oʻquvchilar uchun — 1,0 birlik toʻgarak rahbari lavozimi (biroq, 3,0 birlikdan ortiq boʻlmagan holda) hududiy oʻrta maxsus, kasb-hunar taʼlimi boshqarmasi bilan kelishilgan holda kiritiladi.

24. Kasb-hunar kollejining amaliyot oʻtaydigan har bir guruhi uchun — 1,0 birlik ishlab chiqarish taʼlimi ustasi lavozimi kiritiladi.

25. Kasb-hunar kollejida amaliyot oʻtaydigan oʻquvchilar soni 200 nafardan oshganda, 1,0 birlik katta usta lavozimi kiritiladi.

26. Kasb-hunar kollejida oʻquv amaliyotida foydalanishga yaroqli jihozlangan ustaxonasi mavjud boʻlsa, 1,0 birlik ustaxona mudiri lavozimi kiritiladi.

27. Vazirlar Mahkamasining 2006-yil 2-avgustdagi 156-son qarori bilan tasdiqlangan Oʻzbekiston Respublikasida avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini hisobga olish, imtihonlarga ruxsat berish va ularni oʻtkazish, haydovchilik guvohnomasini berish tartibi toʻgʻrisidagi nizomda belgilangan tartibda hisobga olingan taʼlim muassasalarining oʻquv mashqi uchun moʻljallangan har bir soz holatdagi avtotransport vositasi, shu jumladan ushbu maqsadda ijaraga olingan transport vositalari uchun — 1,0 birlikdan avtotransport vositalarini boshqarish boʻyicha ishlab chiqarish taʼlimi ustasi (avtotransport vositasini boshqarishni oʻrgatuvchi) lavozimi kiritiladi.

28. Kasb-hunar kollejining balansidagi mavjud oʻquv mashqi uchun moʻljallangan soz holatdagi traktor (buldozer, kombayn) texnikasi uchun — 1,0 birlik texnikani boshqarish boʻyicha ishlab chiqarish taʼlimi ustasi (oʻrgatuvchi) lavozimi kiritiladi. Bunda ushbu lavozim traktor, buldozer va kombayn texnikalari uchun alohida kiritilmaydi.

29. Kasb-hunar kollejida oʻquvchilarning amaliy va oʻquv mashgʻulotlari uchun moʻljallangan taʼlim jarayonida foydalaniladigan soz holatdagi transport vositalari va texnikalari (avtotransport vositalari, traktorlar, buldozer, kombaynlar) 10 ta va undan ortiq boʻlsa, 1,0 birlik mexanik lavozimi kiritiladi. Qishloq xoʻjaligi sohasi boʻyicha mutaxassislar tayyorlaydigan kasb-hunar kollejlarida mexanik lavozimi bir vaqtning oʻzida garaj mudiri boʻlib hisoblanadi.

30. Qurilish, texnika (sanoat) va qishloq xoʻjaligi yoʻnalishlari boʻyicha mutaxassislar tayyorlanadigan kasb-hunar kollejlarida asbob-uskunalar ombori mavjud boʻlganda, 1,0 birlik jihozlar boʻyicha omborchi lavozimi qoʻshimcha kiritiladi.

31. Kasb-hunar kollejida oʻquvchilarning amaliy va oʻquv mashgʻulotlari uchun moʻljallangan taʼlim jarayonida foydalaniladigan soz holatdagi jihozlar (stanoklar, mashinalar, tikuv mashinalari, tibbiyot texnikalari) mavjud boʻlganda 30 ta jihozga 1,0 birlik taʼmirlovchi-chilangar lavozimi kiritiladi.

32. Madaniyat, musiqa va sanʼat taʼlim muassasalari balansida mavjud musiqa cholgʻularini taʼmirlovchi usta lavozimi:

har 16 ta klavishli cholgʻular uchun — 1,0 birlik;

har 30 ta torli cholgʻular uchun — 1,0 birlik;

har 30 ta damli cholgʻular uchun — 1,0 birlik;

har 16 ta elektron musiqa cholgʻular uchun — 1,0 birlik;

har 30 ta xalq cholgʻulari uchun — 1,0 birlik;

har 50 ta urma zarbli cholgʻular uchun — 1,0 birlik kiritiladi.

33. Taʼlim muassasasi balansida mavjud 16 ta soz holatdagi klavishli musiqa cholgʻulari (royal, fortepiano, pianino va boshqalar) uchun — 1,0 birlik hisobidan musiqa cholgʻularini sozlovchi lavozimi kiritiladi.

34. Taʼlim muassasalarida ijrochilik yoʻnalishlari mavjud boʻlib, alohida liboslar uchun xona ajratilgan boʻlsa, 1,0 birlik liboschi (kiyim saqlovchi, kastyumer) lavozimi kiritiladi.

35. Madaniyat, sanʼat va musiqa yoʻnalishidagi taʼlim muassasalarida musiqa cholgʻulari, ovoz yozish va yoritish uskunalari bilan jihozlangan xonalar mavjud boʻlsa, 1,0 birlik laborant lavozimi kiritiladi.

36. Madaniyat, sanʼat va musiqa yoʻnalishidagi taʼlim muassasalarida ovoz yozish studiyalari, estrada yoʻnalishlari mavjud boʻlganda, 1,0 birlik ovoz operatori lavozimi kiritiladi.

37. Madaniyat, sanʼat va musiqa yoʻnalishidagi taʼlim muassasalarida oʻqituvchilar amaliy-ijodiy ishlarini (konsert dasturi, tadbir, spektakl va boshqalar) tartibga solish va nazorat qilish uchun — 1,0 birlik badiiy rahbar lavozimi kiritiladi.

38. Taʼlim muassasasida toʻlov kontrakt asosida qabul qilingan oʻquvchilar soni 90 nafar va undan ortiq boʻlsa, 0,5 birlikdan boʻlim boshligʻi va buxgalter lavozimlari budjetdan tashqari toʻlov kontrakt mablagʻlari hisobidan kiritilishi mumkin.

2-bob. Yakuniy qoidalar

39. Ushbu Meʼyorlar asosida tuziladigan shtatlar jadvalini roʻyxatdan oʻtkazish uchun taqdim qilishda, unga taʼlim muassasalarining asosiy ishlab chiqarish koʻrsatkichlari toʻgʻrisidagi maʼlumotlar (oʻquvchilar kontingenti, binolar soni, maydonlar hajmi, filiallar (agar mavjud boʻlsa) toʻgʻrisidagi maʼlumotlar) muassasa rahbari va bosh buxgalter tomonidan imzolangan holda ilova qilinadi.

40. Shtat jadvalini tuzishda taʼlim muassasasining yilning 1-yanvar holatidagi roʻyxatda mavjud boʻlgan oʻquvchilar soni hisobga olinadi va u oʻquvchilar soni oʻzgarishi bilan yilning 1-sentabr holatiga qayta koʻrib chiqilishi mumkin.