Fuqarolar yigʻini toʻgʻrisidagi Namunaviy nizomga oʻzgartirishlar kiritish toʻgʻrisida (219-son)

14.04.2017

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Mahalla institutini yanada takomillashtirish chora-tadbirlari toʻgʻrisida” 2017-yil 3-fevraldagi PF-4944-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining 2013-yil 7-oktabrdagi 274-son qarori (Oʻzbekiston Respublikasi qonun hujjatlari toʻplami, 2013-y., 41-son, 549-modda) bilan tasdiqlangan Fuqarolar yigʻini toʻgʻrisidagi namunaviy nizomga ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 14-aprel,

219-son

Vazirlar Mahkamasining 2017-yil 14-apreldagi 219-son qaroriga ILOVA

Fuqarolar yigʻini toʻgʻrisidagi namunaviy nizomga kiritilayotgan

oʻzgartirishlar

1. 11-bandning yettinchi xatboshi quyidagi tahrirda bayon etilsin:

“har chorakda fuqarolar yigʻini raisi (oqsoqoli), uning oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari) va maslahatchilari, fuqarolar yigʻini faoliyatining asosiy yoʻnalishlari boʻyicha komissiyalari hamda taftish komissiyasi raislari, “Mahalla posboni” jamoatchilik tuzilmasi rahbari, fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi, shuningdek hudud profilaktika inspektori, taʼlim muassasalari va qishloq vrachlik punktlari (oilaviy poliklinikalar) rahbarlari hisobotlarini eshitadi”.

3. 22-band quyidagi tahrirda bayon etilsin:

“22. Fuqarolar yigʻinining qarorlarini bajarish va fuqarolar yigʻinlari oraligʻidagi davrda fuqarolarning oʻzini oʻzi boshqarish organining joriy faoliyatini amalga oshirish uchun fuqarolar yigʻinining raisi (oqsoqoli), uning oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari) va maslahatchilari, masʼul kotib, fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi, “Mahalla posboni” jamoatchilik tuzilmasining rahbari, shuningdek hudud profilaktika inspektori, taʼlim muassasalari va qishloq vrachlik punktlari (oilaviy poliklinikalar) rahbarlaridan iborat fuqarolar yigʻinining kengashi shakllantiriladi”.

4. VI boʻlimning nomidagi “(oqsoqoli)” soʻzidan keyin “uning oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari)” soʻzlari qoʻshilsin.

5. 39-banddagi “(oqsoqoli)” soʻzidan keyin “uning oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari)” soʻzlari qoʻshilsin.

6. Ilovada:

“Fuqarolar yigʻini raisining maslahatchilari” blokida “raisining” soʻzidan keyin “(oqsoqolining) oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari) va” soʻzlari qoʻshilsin;

“Fuqarolar yigʻinining raisi” blokida “raisi” soʻzidan keyin “(oqsoqoli)” soʻzi qoʻshilsin.