Oʻzbekiston Respublikasi Tashqi savdo vazirligi faoliyatini tashkil etish chora-tadbirlari toʻgʻrisida (PQ-2887-son)

13.04.2017

Oʻzbekiston Respublikasi Prezidentining

Qarori

Oʻzbekiston Respublikasi Prezidentining “Tashqi savdo sohasini boshqarish tizimini takomillashtirish chora-tadbirlari toʻgʻrisida” 2017-yil 13-apreldagi PF-5012-sonli Farmonini ijro etish hamda tashqi savdo faoliyati sohasida yagona davlat siyosati yuritilishini taʼminlash, respublikaning eksport salohiyatini rivojlantirish va mahalliy mahsulotlarni tashqi bozorlarga olib chiqish boʻyicha ishlarni tashkillashtirish samaradorligini oshirish maqsadida:

1. Belgilansinki, Oʻzbekiston Respublikasi Tashki savdo vazirligi Oʻzbekiston Respublikasi Vazirlar Mahkamasining Tashki savdo faoliyatini, eksport salohiyatini, mashinasozlik, avtomobil, elektrotexnika, mudofaa, paxtani qayta ishlash sanoatini va yengil sanoatni rivojlantirish, mahsulotlarni standartlashtirish masalalari kompleksi tarkibiga kiradi.

2. Quyidagilar:

Oʻzbekiston Respublikasi Tashqi savdo vazirligining tashkiliy tuzilmasi 1-ilovaga* muvofiq;

3. Belgilansinki, Oʻzbekiston Respublikasi Tashqi savdo vazirligining Qoraqalpogʻiston Respublikasi, viloyatlar va Toshkent shahridagi vakolatli vakillarini lavozimlarga tayinlash va ozod etish Oʻzbekiston Respublikasi tashqi savdo vaziri tomonidan, tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari bilan kelishilgan holda amalga oshiriladi.

4. Oʻzbekiston Respublikasi Tashqi savdo vazirligi bir oy muddatda, oʻz zimmasiga yuklatilgan vazifalar va faoliyat yoʻnalishlarini hisobga olgan holda Oʻzbekiston Respublikasi Tashqi savdo vazirligi toʻgʻrisidagi Nizomni ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.

5. Oʻzbekiston Respublikasi Tashqi savdo vazirligi markaziy apparati xodimlariga Oʻzbekiston Respublikasi Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi qarorining 3-ilovasi bilan tasdiqlangan Yagona tarif setkasi boʻyicha mehnatga haq toʻlash razryadlari joriy etilsin.

6. Oʻzbekiston Respublikasi Tashqi savdo vazirligi Moliya vazirligi bilan birgalikda Oʻzbekiston Respublikasi Tashqi savdo vazirligi markaziy apparati xodimlarining shtat jadvalini belgilangan tartibda tasdiqlasin.

7. Oʻzbekiston Respublikasi Moliya vazirligi Oʻzbekiston Respublikasi Tashqi savdo vazirligiga asoslangan hisob-kitoblar boʻyicha Oʻzbekiston Respublikasi Tashqi savdo vazirligining markaziy apparatini zarur anjomlar, tashkiliy texnika bilan jihozlash va zarur miqdorda xizmat avtotransporti vositalarini xarid qilish uchun mablagʻlar, shuningdek, xizmat avtotransporti vositalari taʼminoti uchun tegishli limitlar ajratsin.

8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Tashqi savdo vazirligini belgilangan tartibda telefon aloqasi, jumladan, hukumat aloqasi bilan taʼminlasin.

9. Oʻzbekiston Respublikasi Tashqi savdo vazirligi Toshkent shahri, Istiqlol koʻchasi, 51a-uyga joylashtirilsin.

10. Oʻzbekiston Respublikasi Tashqi savdo vazirligi Iqtisodiyot vazirligi, Moliya vazirligi, Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov va Oʻzbekiston Respublikasi Prezidentining Davlat maslahatchisi V. Golishev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 13-aprel,

PQ-2887-son