Kichik tadbirkorlik subyektlariga tegishli boʻlgan tashkilotlar tasniflagichiga oʻzgartirishlar kiritish toʻgʻrisida (184-son)

06.04.2017

Oʻzbekiston Respublikasi Vazirlar Mahkamasining

qarori

Tadbirkorlik faoliyatini keng rivojlantirish uchun qoʻshimcha qulay shart-sharoitlar yaratish, shuningdek iqtisodiyotning mehnat koʻp sarflanadigan ayrim tarmoqlari boʻyicha kichik korxonalar xodimlarining cheklangan oʻrtacha yillik sonini koʻpaytirish maqsadida Vazirlar Mahkamasi qaror qiladi:

1. Vazirlar Mahkamasining 2016-yil 24-avgustdagi 275-son qarori (Oʻzbekiston Respublikasi QT, 2016-y., 8-son, 81-modda) bilan tasdiqlangan Kichik tadbirkorlik subyektlariga tegishli boʻlgan tashkilotlarning tasniflagichiga quyidagi oʻzgartirishlar kiritilsin:

2017-yil 1-apreldan boshlab 1-ilovaga* muvofiq;

2018-yil 1-yanvardan boshlab 2-ilovaga* muvofiq.

* 1, 2-ilovalar rus tilidagi matnda berilgan.

2. Oʻzbekiston Respublikasi Iqtisodiyot vazirligi, Moliya vazirligi, Davlat soliq qoʻmitasi va Savdo-sanoat palatasi:

kiritilayotgan oʻzgartirishlarning iqtisodiyot tarmoqlari rivojlanishiga va Oʻzbekiston Respublikasi Davlat budjeti tushumiga taʼsirining tizimli monitoringini olib borsinlar va baholasinlar;

ushbu qaror qoidalarini yoritish boʻyicha tadbirkorlik subyektlari oʻrtasida keng tushuntirish ishlari olib borilishini tashkil etsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 6-aprel,

184-son