Oʻzbekiston Respublikasi Oliy Majlisi Senatining beshinchi yalpi majlisini chaqirish toʻgʻrisida (KQ-73-III-son)

09.03.2016

Oʻzbekicton Respublikasi Oliy Majlisi Senati Kengashining

Qarori

Oʻzbekiston Respublikasi Oliy Majlisi Senatining Kengashi qaror qiladi:

I. Oʻzbekiston Respublikasi Oliy Majlisi Senatining beshinchi yalpi majlisi 2016-yil 31-mart kuni Toshkent shahrida chaqirilsin.

II. Oʻzbekiston Respublikasi Oliy Majlisi Senatining beshinchi yalpi majlisi muhokamasiga quyidagi masalalar kiritilsin:

1. “Parlament nazorati toʻgʻrisida”gi Oʻzbekiston Respublikasining Qonuni haqida.

Qonunchilik va sud-huquq masalalari qoʻmitasi

2. “Buxgalteriya hisobi toʻgʻrisida”gi Oʻzbekiston Respublikasining Qonuni haqida (yangi tahriri).

Budjet va iqtisodiy islohotlar masalalari qoʻmitasi

3. “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasining Qonuni haqida.

Oliy Majlis Senatining tegishli qoʻmitalari

4. “Islom hamkorlik tashkilotining Ustavini ratifikatsiya qilish toʻgʻrisida”gi Oʻzbekiston Respublikasining Qonuni haqida (Dakar, 2008-yil 14-mart).

Tashqi siyosat masalalari qoʻmitasi

5. Oʻzbekiston Respublikasi Oliy Majlisi Senatining prokuratura organlari faoliyatini nazorat qiluvchi komissiyasi tarkibi toʻgʻrisida.

Oʻzbekiston Respublikasi Oliy Majlisi Senatining Kengashi

6. Oʻzbekiston Respublikasi Oliy Majlisi Inson huquqlari boʻyicha vakilining (ombudsman) 2015-yildagi faoliyati toʻgʻrisidagi hisobot haqida.

Qonunchilik va sud-huquq masalalari qoʻmitasi

7. Oʻzbekiston Respublikasi Hisob palatasining 2015-yildagi faoliyati toʻgʻrisidagi hisobot haqida.

Budjet va iqtisodiy islohotlar masalalari qoʻmitasi

8. Oʻzbekiston Respublikasi Markaziy banki boshqaruvi raisining Oʻzbekiston Respublikasi Markaziy bankining 2015-yildagi faoliyati toʻgʻrisidagi hisoboti haqida.

Budjet va iqtisodiy islohotlar masalalari qoʻmitasi

9. Oʻzbekiston Respublikasi Tabiatni muhofaza qilish davlat qoʻmitasi raisining Oʻzbekiston Respublikasi Tabiatni muhofaza qilish davlat qoʻmitasining 2015-yildagi faoliyati toʻgʻrisidagi hisoboti haqida.

Agrar, suv xoʻjaligi masalalari va ekologiya qoʻmitasi

10. Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida.

Oʻzbekiston Respublikasi Oliy Majlisi Senatining Kengashi

III. Oʻzbekiston Respublikasi Oliy Majlisi Senatining beshinchi yalpi majlisiga tayyorgarlik koʻrish va uni oʻtkazish ishlarini muvofiqlashtirib borish Oʻzbekiston Respublikasi Oliy Majlisi Senati Raisining oʻrinbosari S.B. Artikova zimmasiga yuklatilsin.

Oʻzbekiston Respublikasi Oliy Majlisi Senatining Raisi N. YOʻLDOShEV

Toshkent sh.,

2016-yil 9-mart,

KQ-73-III-son