Hukumatning ayrim qarorlariga oʻzgartirish va qoʻshimchalar kiritish va ayrim qarorlarini oʻz kuchini yoʻqotgan deb hisoblash toʻgʻrisida (356-son)

21.07.1999

Oʻzbekiston Respublikasi Vazirlar Mahkamasining

qarori

“Oʻrmon toʻgʻrisida”gi Oʻzbekiston Respublikasi Qonuni qabul qilinishi munosabati bilan Vazirlar Mahkamasi qaror qiladi:

1. Hukumatning 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Hukumatning 2-ilovaga muvofiq qarorlari oʻz kuchini yoʻqotgan deb hisoblansin.

3. Oʻzbekiston Respublikasi Davlat oʻrmon qoʻmitasi:

Oʻzbekiston Respublikasi Moliya vazirligi, Makroiqtisodiyot va statistika vazirligi, Adliya vazirligi, Davlat tabiatni muhofaza qilish qoʻmitasi va boshqa manfaatdor organlar bilan birgalikda Oʻrmonlarda yongʻin xavfsizligi qoidalarini, Daraxt kesish qoidalarini, Kesilmasdan sotiladigan daraxtlar narxlarini uch oy muddatda ishlab chiqsin va tasdiqlash uchun Vazirlar Mahkamasiga kiritsin;

oʻrmonlarni qoʻriqlanish toifalariga kiritish boʻyicha olti oy muddatda Vazirlar Mahkamasiga taklif kiritsin.

4. Mazkur qarorning bajarilishini nazorat qilish Bosh vazir oʻrinbosari B.M. Olimjonov zimmasiga yuklansin.

Oʻzbekiston Respublikasining Bosh vaziri Oʻ. SULTONOV

Toshkent sh.,

1999-yil 21-iyul,

356-son

Vazirlar Mahkamasining 1999-yil 21-iyuldagi 356-son qaroriga 1-ILOVA

Oʻzbekiston Respublikasi Hukumatining oʻzgartirish va qoʻshimchalar kiritilayotgan qarorlari

ROʻYXATI

1. Oʻzbekiston SSR Ministrlar Sovetining 1987-yil 9-martdagi 104-son qarori bilan tasdiqlangan Oʻrmonlarda va davlat oʻrmon fondining oʻrmon bilan qoplanmagan yerlarida yovvoyi mevalar, yongʻoqlar, rezavor mevalar, dorivor oʻsimliklar va texnik xomashyolarni sanoat asosida tayyorlash tartibida:

a) 2-band, 3-bandning uchinchi xatboshi chiqarib tashlansin;

b) 6-banddagi:

birinchi xatboshi quyidagi tahrirda bayon qilinsin:

“Oʻrmondan qoʻshimcha tarzda foydalanish uchun oʻrmon chiptasini berishda oʻrmon xoʻjaligi (oʻrmon uchastkasi) oʻrmondan foydalanuvchini oʻrmondan qoʻshimcha tarzda foydalanish tartibi bilan, shuningdek uni buzganligi uchun javobgarlik bilan tanishtirishi shart, bu toʻgʻrida oʻrmondan foydalanuvchi oʻrmon chiptasiga imzo qoʻyadi”;

ikkinchi xatboshidagi “SSSR oʻrmonlarida oʻrmondan qoʻshimcha tarzda foydalanish boʻyicha instruksiyada, mazkur Sanoat asosida tayyorlash tartibida va boshqa qonunchilik hujjatlarida nazarda tutilgan” soʻzlari “mazkur Sanoat asosida tayyorlash tartibida va boshqa qonun hujjatlarida nazarda tutilgan” soʻzlari bilan almashtirilsin;

v) 7, 18-bandlardagi “OʻzSSR Oʻrmon xoʻjaligi ministrligi tomonidan” soʻzlari “Oʻzbekiston Respublikasi Davlat oʻrmon qoʻmitasi tomonidan” soʻzlari bilan almashtirilsin;

g) 9-banddagi:

birinchi xatboshidagi “SSSR oʻrmonlarida oʻrmondan qoʻshimcha tarzda foydalanish boʻyicha instruksiyada nazarda tutilgan” soʻzlari “qonun hujjatlarida nazarda tutilgan” soʻzlari bilan almashtirilsin;

toʻrtinchi xatboshi chiqarib tashlansin;

d) 12-banddagi “shartnoma boʻyicha zimmasiga qabul qilgan” soʻzlari va oxirgi gap chiqarib tashlansin;

e) 15-banddagi “SSSR Qizil kitobiga va Oʻzbekiston SSR” soʻzlari “Oʻzbekiston Respublikasi” soʻzlari bilan almashtirilsin;

j) 20-band chiqarib tashlansin.

Vazirlar Mahkamasining 1999-yil 21-iyuldagi 356-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan qarorlari

ROʻYXATI

1. “SSSR Ministrlar Sovetining “Oʻrmonlarni yongʻinlardan saqlash va ularni zararli hasharotlar va kasalliklardan himoya qilishni yaxshilash toʻgʻrisida” 1968-yil 31-maydagi 409-son qarori yuzasidan Oʻzbekiston SSR Ministrlar Sovetining 1968-yil 30-iyuldagi 349-son qarori.

2. Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining “Respublika oʻrmon xoʻjaligining ahvoli va uni yanada rivojlantirish chora-tadbirlari toʻgʻrisida” 1971-yil 28-sentabrdagi 473-son qarori.

3. Oʻzbekiston SSR Ministrlar Sovetining “Respublika oʻrmonlarini birinchi guruh oʻrmonlarga oʻtkazish haqida va ularni qoʻriqlanish toifalari boʻyicha taqsimlash toʻgʻrisida” 1980-yil 18-iyundagi 429-son qarorining respublika oʻrmonlarini birinchi guruh oʻrmonlarga oʻtkazishga oid qismi.

4. Oʻzbekiston SSR Ministrlar Sovetining “Oʻzbekiston SSR oʻrmonlaridan kesilmasdan sotiladigan daraxtlar uchun 07-01-04 narx preyskurantini va 07-02-preyskurantida nazarda tutilmagan gʻoʻlali yogʻoch materiallari va yogʻoch turlari uchun 07-28-04 ulgurji narx preyskurantini tasdiqlash haqida” 1980-yil 15-dekabrdagi 835-son qarori.

5. Oʻzbekiston SSR Ministrlar Sovetining “Ikkinchi darajali oʻrmon materiallarini tayyorlash tartibi va muddatlari toʻgʻrisida 1985-yil 22-oktabrdagi 533-son qarori (OʻzSSR QT, 1985-y, 10-son, 50-modda).