“Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisida”gi nizomni tasdiqlash haqida”gi qarorga oʻzgartirish va qoʻshimchalar kiritish haqida (1668-4-son)

07.02.2017

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2017-yil 7-fevralda roʻyxatdan oʻtkazildi, roʻyxat raqami 1668-4]

Oʻzbekiston Respublikasining “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi, “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi, “Auditorlik faoliyati toʻgʻrisida”gi qonunlariga hamda Oʻzbekiston Respublikasi Vazirlar Mahkamasining 2014-yil 31-dekabrdagi 377-son “Tadbirkorlik subyektlariga davlat xizmatlari koʻrsatish tartibini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Oʻzbekiston Respublikasi Moliya vazirligi qaror qiladi:

1. Oʻzbekiston Respublikasi Davlat mulkini boshqarish davlat qoʻmitasi va Oʻzbekiston Respublikasi Moliya vazirligining 2007-yil 12-fevraldagi 01/12-18/03, 20-son “Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisidagi nizomni tasdiqlash toʻgʻrisida”gi qaroriga (roʻyxat raqami 1668, 2007-yil 28-mart) (Oʻzbekiston Respublikasi qonun hujjatlari toʻplami, 2007-y., 13-son, 128-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV

Toshkent sh.,

2017-yil 26-yanvar,

01/09-26/49-son

Moliya vaziri B. XODJAYEV

Toshkent sh.,

2017-yil 26-yanvar,

8-son

Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi va Moliya vazirligining 2017-yil 26-yanvardagi 01/09-26/49, 8-son qaroriga ILOVA

Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisidagi nizomni tasdiqlash haqidagi qarorga kiritilayotgan oʻzgartirish va qoʻshimchalar

1. Muqaddima quyidagi tahrirda bayon etilsin:

“Oʻzbekiston Respublikasi Prezidentining 2006-yil 27-sentabrdagi PQ-475-sonli “Qimmatli qogʻozlar bozorini yanada rivojlantirish chora-tadbirlari toʻgʻrisida”gi qarorining 3-bandiga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi va Moliya vazirligi qaror qiladi:”.

2. Nizomda:

a) Muqaddima quyidagi tahrirda bayon etilsin:

“Mazkur Nizom Oʻzbekiston Respublikasining “Auditorlik faoliyati toʻgʻrisida”gi Qonuni, Oʻzbekiston Respublikasi Prezidentining 2012-yil 13-noyabrdagi PF–4483-sonli “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini tashkil etish toʻgʻrisida”gi Farmoni, Oʻzbekiston Respublikasi Prezidentining 2006-yil 27-sentabrdagi PQ-475-sonli “Qimmatli qogʻozlar bozorini yanada rivojlantirish chora-tadbirlari toʻgʻrisida”gi qarori, Oʻzbekiston Respublikasi Vazirlar Mahkamasining 2012-yil 14-noyabrdagi 322-sonli “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi faoliyatini tashkil etish toʻgʻrisida”gi, 2012-yil 30-dekabrdagi 374-sonli “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi faoliyatini tashkil etish chora-tadbirlari toʻgʻrisida”gi, 2013-yil 11-iyundagi 165-sonli “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi huzuridagi Davlat aktivlarini boshqarish markazi faoliyatini tashkil etish chora-tadbirlari toʻgʻrisida”gi qarorlariga muvofiq, auditorlik tashkilotlarini ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga kiritish tartibini belgilaydi.”;

b) 1-banddan “ochiq” degan soʻz chiqarib tashlansin;

v) 3-band quyidagi tahrirda bayon etilsin:

“3. Tanlovda qatnashadigan auditorlik tashkilotlari har yili 1-fevraldan 25-fevralgacha Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi huzuridagi Davlat aktivlarini boshqarish markaziga (bundan buyon matnda Markaz deb yuritiladi) mazkur Nizomning 13-bandida koʻrsatilgan hujjatlarni ilova qilgan holda ushbu Nizomning ilovasidagi shaklga muvofiq arizani taqdim etadi.

Belgilangan muddatda taqdim etilmagan ariza koʻrib chiqilmaydi.”;

g) 4 va 5-bandlardagi “hujjatlarini” va “hujjatlarni” degan soʻzlar tegishlicha “arizalarini” va “arizalarni” degan soʻzlar bilan almashtirilsin;

d) 6-banddagi “internet-saytlarida” degan soʻzlar “veb-saytlarida” degan soʻzlar bilan almashtirilsin;

e) 10-banddagi “hujjatlarni taqdim etish” degan soʻzlar “ariza berish” degan soʻzlar bilan almashtirilsin;

j) 11-bandda “axborot vositalarida” degan soʻzlardan keyin “, shuningdek, Davlat raqobat qoʻmitasi, Markaz va Moliya vazirligining rasmiy veb-saytlarida” degan soʻzlar bilan toʻldirilsin;

z) 12 va 13-bandlar quyidagi tahrirda bayon etilsin:

“12. Tanlovda ishtirok etish uchun auditorlik tashkilotiga quyiladigan talablar:

a) barcha xoʻjalik yurituvchi subyektlarda auditorlik tekshiruvini oʻtkazish yoki tashabbus tarzdagi va banklar, sugʻurta tashkilotlari va aksiyadorlik jamiyatlaridan tashqari xoʻjalik yurituvchi subyektlarda majburiy auditorlik tekshiruvini oʻtkazish boʻyicha auditorlik faoliyatini amalga oshirish uchun litsenziyaning mavjudligi;

b) auditorlik tashkiloti rahbari va shtatdagi auditorlarda amalda boʻlgan auditorlik sertifikatlarining (ariza berilgan paytda) mavjudligi;

v) auditorlik faoliyati sohasida kamida 2 yillik tajribaga ega boʻlishi;

g) auditorlik tashkilotida qimmatli qogʻozlar bozori sohasida malakaga ega boʻlgan kamida bitta mutaxassisning mavjudligi (malaka mazkur ixtisoslik boʻyicha maʼlumotga ega boʻlishi yoki qimmatli qogʻozlar bozori mutaxassisi malaka attestatining mavjudligi yoki ushbu sohada ish tajribasiga ega boʻlishi bilan tasdiqlanadi);

d) auditorlik tashkiloti javobgarligining sugʻurta polisining mavjudligi;

e) 4-sonli auditorlik faoliyatining milliy standarti “Auditorlik tashkilotlarining ichki standartlariga qoʻyiladigan talablar”ga (roʻyxat raqami 1624, 2006-yil 25-sentabr) muvofiq ichki standartlarning mavjudligi.

13. Tanlovda ishtirok etish uchun auditorlik tashkiloti quyidagi hujjatlarni taqdim etadi:

qimmatli qogʻozlar bozori ixtisosligi boʻyicha maʼlumoti toʻgʻrisida diplom nusxasi yoxud qimmatli qogʻozlar bozori sohasida malakaga ega ekanligini tasdiqlovchi mehnat daftarchasidan koʻchirma;

auditorlik tashkiloti javobgarligining sugʻurta polisining nusxasi;

auditorlik tashkiloti rahbari tomonidan tasdiqlangan ichki standartlar roʻyxati.

Ushbu hujjatlar bir nusxada taqdim etiladi. Auditorlik tashkilotidan mazkur Nizomda koʻrsatilmagan hujjatlarni taqdim etishni talab qilishga yoʻl qoʻyilmaydi.”;

i) quyidagi mazmundagi 131 — band bilan toʻldirilsin:

“131. Markaz mazkur Nizomning 12 — bandi:

“a” va “b” kichik bandlarida koʻrsatilgan axborotlarni Moliya vazirligidan;

“g” kichik bandida koʻrsatilgan qimmatli qogʻozlar bozori mutaxassisi malaka attestatining mavjudligi toʻgʻrisidagi axborotlarni Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazidan belgilangan tartibda oʻzaro axborot hamkorligi yoʻli bilan, shu jumladan elektron tarzda mustaqil ravishda oladi.

k) V bob oʻz kuchini yoʻqotgan deb topilsin;

l) mazkur oʻzgartirish va qoʻshimchalarning ilovasiga muvofiq tahrirda ilova bilan toʻldirilsin.

“Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisida”gi nizomni tasdiqlash haqida” qarorga kiritilayotgan oʻzgartirish va qoʻshimchalarga ILOVA

“Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisidagi nizomga ILOVA

(Oʻzbekiston Respublikasi qonun hujjatlari toʻplami, 2017-y., 6-son, 81-modda)