Qattiq maishiy chiqindilarni toʻplash va olib chiqib ketish xizmatlari uchun yangi tariflarni belgilash toʻgʻrisida (189-Q-son)

18.04.2016

Andijon viloyati hokimining

Qarori

Oʻzbekiston Respublikasi Vazirlar Mahkamasining 2013-yil 3-dekabrdagi “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi 315-sonli, 2014-yil 15-iyuldagi “Kommunal xizmatlar koʻrsatish qoidalarini tasdiqlash toʻgʻrisida”gi 194-sonli, 2015-yil 26-martdagi “Respublikaning sanitariya jihatidan tozalash tashkilotlari xodimlarini moddiy ragʻbatlantirish mexanizmini yanada takomillashtirish, ularda talab yuqori boʻlgan mutaxassisliklar boʻyicha kadrlar tayyorlash va qayta tayyorlash uchun shart-sharoitlar yaratish chora-tadbirlari toʻgʻrisida”gi 68-sonli qarorlariga hamda Moliya vazirligining 2015-yil 2-oktabrdagi BYu/15-04-34-26/124-1817-sonli xatiga asosan viloyat hududida qattiq maishiy chiqindilarni toʻplash hamda olib chiqib ketish xizmatlari uchun yangi tariflarni belgilash maqsadida Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 25-moddalariga asosan qaror qilaman:

1. Tumanlar va shaharlar hokimliklarining joylardagi obodonlashtirish boshqarmalari hamda sanitariya jihatdan tozalashga ixtisoslashtirilgan korxonalar tomonidan qattiq maishiy chiqindilarni toʻplash hamda olib chiqib ketish xizmatlari uchun amaldagi tariflarni qayta koʻrib chiqqan holda yangi tariflarni belgilash boʻyicha viloyat hokimligiga taqdim etilgan murojaat xatlari maʼlumot uchun qabul qilinsin.

2. Obodonlashtirish boshqarmalari hamda sanitariya jihatdan tozalashga ixtisoslashtirilgan korxonalar tomonidan qattiq maishiy chiqindilarni toʻplash hamda olib chiqib ketish xizmatlari uchun tumanlar va shaharlar hokimliklari tomonidan taklif etilgan yangi tarif narxlari ilovaga muvofiq tasdiqlansin.

3. Ushbu qaror bilan tasdiqlangan qattiq maishiy chiqindilarni toʻplash hamda olib chiqib ketish xizmatlari boʻyicha yangi tariflar 2016-yil 15-apreldan boshlab amalga kiritilsin.

4. Tumanlar hokimliklari, Obodonlashtirish boshqarmalari hamda sanitariya jihatdan tozalashga ixtisoslashtirilgan korxonalari oʻrnatilgan tartibda joriy yilning 15-apreliga qadar qattiq maishiy chiqindilarni toʻplash hamda olib chiqib ketish xizmatlari uchun tasdiqlangan yangi tariflar boʻyicha isteʼmolchilarni xabardor qilsinlar.

5. “Andijonnoma” va “Andijanskaya pravda” gazetalari tahririyati (Abdullayev)ga, viloyat hududidagi Obodonlashtirish boshqarmalari hamda sanitariya jihatdan tozalashga ixtisoslashtirilgan korxonalari qattiq maishiy chiqindilarni toʻplash hamda olib chiqib ketish xizmatlari uchun tasdiqlangan yangi tariflari toʻgʻrisida targʻib qilib borish tavsiya etilsin.

6. Mazkur qaror rasmiy eʼlon qilingan kundan eʼtiboran kuchga kiradi.

7. Mazkur qaror ijrosini nazorat qilish viloyat hokimining oʻrinbosarlari Sh. Sheraliyev hamda A. Egamberdiyev zimmalariga yuklatilsin.

Hokim Sh. ABDURAXMONOV

Andijon sh.,

2016-yil 18-aprel,

189-Q-son

Viloyat hokimining 2016-yil 18-apreldagi 189-Q sonli qaroriga ILOVA

Qattiq maishiy chiqindilarni toʻplash va olib chiqib ketish xizmatlari uchun yangi tariflar

T/r Shaharlar va tumanlar nomi Yangi tarif darajalari* Aholiga bir oyga bir kishi uchun soʻm Yuridik tashkilotlarga 1m3 uchun soʻm 1. Andijon shahar “Tozalik trans servis” MChJ va “Andijon tezkor tozalik” MChJ 1 000,0 21 700,0 2. Xonobod shahar “Xonobod inter trans” MChJ 1 000,0 21 000,0 3. Andijon tumani Obodonlashtirish boshqarmasi 1 000,0 18 200,0 4. Asaka tumani Obodonlashtirish boshqarmasi 1 100,0 20 500,0 5. Baliqchi tumani Obodonlashtirish boshqarmasi 1 000,0 18 700,0 6. Boʻz tumani Obodonlashtirish boshqarmasi 1 000,0 20 500,0 7. Buloqboshi tumani Obodonlashtirish boshqarmasi 1 000,0 20 800,0 8. Jalaquduq tumani Obodonlashtirish boshqarmasi 1 000,0 21 000,0 9. Izboskan tumani Obodonlashtirish boshqarmasi 1 000,0 18 000,0 10. Oltinkoʻl tumani Obodonlashtirish boshqarmasi 1 000,0 21 400,0 11. Marhamat tumani Obodonlashtirish boshqarmasi 1 300,0 21 000,0 12. Paxtaobod tumani Obodonlashtirish boshqarmasi 1 000,0 15 900,0 13. Ulugʻnor tumani Obodonlashtirish boshqarmasi 1 300,0 21 500,0 14. Xoʻjaobod tumani Obodonlashtirish boshqarmasi 1 300,0 22 000,0 15. Shaxrixon tumani Obodonlashtirish boshqarmasi 1 000,0 20 600,0 16. Qoʻrgʻontepa tumani Obodonlashtirish boshqarmasi 1 000,0 22 500,0

Izoh: * Ushbu tariflar xizmat koʻrsatuvchi korxonalar tomonidan ishlab chiqilib, hududiy hokimliklar tomonidan tasdiqlangan kalkulatsiyalar asosida belgilangan.