Haq toʻlanadigan jamoat ishlarini 2017-yilda tashkil etish toʻgʻrisida (2285-son)

18.10.2016

Toshkent viloyati Zangiota tumani hokimining

QarorI

Oʻzbekiston Respublikasi “Aholini ish bilan taʼminlash toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1998-y., 5-6-son, 97-modda) 17-moddasi xamda Vazirlar Mahkamasining 1999-yil 19-iyuldagi 353-son “Haq toʻlanadigan jamoat ishlarini tashkil qilish toʻgʻrisidagi nizomni tasdiqlash haqida”gi qarori (Oʻzbekiston Respublikasi Hukumatining qarorlari toʻplami, 1999-y., 7-son, 40-modda) ijrosini taʼminlash, ish qidirayotgan shaxs sifatida tumanda Bandlikka koʻmaklashish markazida roʻyxatga olingan fuqarolarga ularning vaqtincha ish haqi olishi va ish qidirayotgan davrida ularni moddiy jihatdan qoʻllab-quvvatlash, Bandlikka koʻmaklashish markazi tomonidan “ishsiz” deb eʼtirof etilgan fuqarolarni vaqtincha ish bilan taʼminlash uchun shart-sharoitlar yaratish, birinchi marta ish qidirayotgan va kasbi boʻlmagan shaxslarni mehnatga jalb qilish maqsadida qaror qilaman:

1. Haq toʻlanadigan jamoat ishlarini 2017-yilda tashkil etuvchi korxona, muassasa va tashkilotlar roʻyxati ilovaga muvofiq tasdiqlansin.

2. Haq toʻlanadigan jamoat ishlarini 2017-yilda tashkil etuvchi korxona, muassasa va tashkilotlar rahbarlariga:

ilovada qayd etilgan haq toʻlanadigan jamoat ishlarini tashkil etish taʼminlansin;

jamoat ishlariga jalb qilingan fuqarolar mehnatiga haq toʻlash xarajatlarining, mahalliy davlat hokimiyati organlariga qarashli korxona, muassasa va tashkilotlar boʻyicha 50 foizi ish beruvchilar mablagʻlari va 50 foizi ish bilan taʼminlashga koʻmaklashish davlat jamgʻarmasi mablagʻlari hisobidan;

boshqa korxonalar, muassasalar va tashkilotlar boʻyicha 75 foizi ish beruvchilar mablagʻlari va 25 foizi ish bilan taʼminlashga koʻmaklashish mablagʻlari hisobidan amalga oshiriladi;

tuman Bandlikka koʻmaklashish markazi yoʻllanmasi boʻyicha haq toʻlanadigan jamoat ishlariga yuborilgan fuqarolarni jamoat ishiga qabul qilingani toʻgʻrisidagi maʼlumot 3 kunlik muddatida Bandlikka koʻmaklashish markaziga yozma ravishda xabar berilsin.

3. Tuman Bandlikka koʻmaklashish markazi (J. Koriyev):

korxona, muassasa va tashkilotlar rahbarlari tomonidan mazkur qarorning toʻliq bajarilishi yuzasidan qaʼti nazorat oʻrnatilsin;

haq toʻlanadigan jamoat ishlariga yuborilgan va ish bilan taʼminlangan fuqarolar belgilangan tartibda hisobga olinsin.

4. Zangiota tuman hokimining 2015-yil 8-oktabrdagi “Haq toʻlanadigan jamoat ishlarini 2016-yilda tashkil etish toʻgʻrisida”gi 1009-sonli qarori 2016-yil 31-dekabrdan oʻz kuchini yoʻqotgan deb hisoblansin.

5. Mazkur qaror rasmiy eʼlon qilingan kundan eʼtiboran kuchga kiradi.

6. Mazkur qarorning ijrosini nazorat qilish tuman hokimining oʻrinbosari D. Muxamedov zimmasiga yuklatilsin.

Hokim S. ShERMATOV

Zangiota t.,

2016-yil 18-oktabr,

2285-son

Tuman hokimining 2016-yil 18-oktabrdagi 2285-sonli qaroriga ILOVA

Haq toʻlanadigan jamoat ishlarini 2017-yilda tashkil etuvchi korxona, muassasa va tashkilotlar

roʻyxati

T/r Korxona, muassasa va tashkilotlar Jalb qilinganlar soni Ish haqini toʻlash manbai (foiz hisobida) Haq toʻlanadigan jamoat ishlarining turlari ish beruvchi korxona, muassasa va tashkilotlar mablagʻlari hisobidan ish bilan taʼminlashga koʻmaklashish davlat jamgʻarmasi hisobidan 1. “Garant Azia” MChJ 14 75 25 Obodonlashtirish va koʻkalamzorlashtirish 2. Obodonlashtirish boshqarmasi 10 50 50 Obodonlashtirish ishlari Jami 24