Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida (PF-4854-son)
02.11.2016
Oʻzbekiston Respublikasi Prezidentining
Farmoni
“Oʻzpaxtasanoateksport” xolding kompaniyasining paxta xom ashyosini qabul qilish va qayta ishlash, paxta tolasini eksport qilish yagona kompleksi tashkil etilishini hisobga olgan holda paxta tolasini sotish mexanizmini yanada takomillashtirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.
2. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari, moliya vaziri R. Azimov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 2-noyabr,
PF-4854-son
Oʻzbekiston Respublikasi Prezidentining 2016-yil 2-noyabrdagi PF-4854-sonli Farmoniga ILOVA
Oʻzbekiston Respublikasi Prezidentining ayrim hujjatlariga kiritiladigan oʻzgartishlar
2. Oʻzbekiston Respublikasi Prezidentining “Paxta narxini shakllantirish mexanizmi toʻgʻrisida” 2002-yil 20-avgustdagi PF-3114-sonli Farmoni 2-bandidagi “Oʻzpaxtasanoat” uyushmasi” soʻzlari “Oʻzpaxtasanoateksport” XK, “Oʻzpaxtasanoat” AJ” soʻzlari bilan almashtirilsin.
3. Oʻzbekiston Respublikasi Prezidentining “Toʻqimachilik sanoati korxonalarini moliyaviy sogʻlomlashtirish va ularga paxta tolasi sotish mexanizmini takomillashtirish chora-tadbirlari toʻgʻrisida” 2006-yil 21-apreldagi PQ-330-sonli qarori 3-bandining uchinchi xatboshidagi “tashqi savdo kompaniyalari” soʻzlaridan keyin “va Oʻzpaxtaeksport” AJ” soʻzlari bilan toʻldirilsin.
7. Oʻzbekiston Respublikasi Prezidentining “2012 — 2016-yillarda Qishloq xoʻjaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi toʻgʻrisida” 2012-yil 21-maydagi PQ-1758-sonli qarori 4-bandining ikkinchi xatboshidagi “Oʻzpaxtasanoat” uyushmasining hududiy boʻlinmalari” soʻzlari “Oʻzpaxtasanoat” AJning hududiy filiallari” soʻzlari bilan almashtirilsin.
8. Oʻzbekiston Respublikasi Prezidentining “Oʻzpaxtasanoateksport” xolding kompaniyasi faoliyatini tashkil etish chora-tadbirlari toʻgʻrisida” 2015-yil 28-oktabrdagi PQ-2422-sonli qarori 4-bandining ikkinchi xatboshi quyidagi mazmundagi ikkinchi va uchinchi xatboshilar bilan almashtirilsin:
“Oʻzpaxtasanoat” AJga qarashli paxtani qayta ishlash korxonalarining ularga biriktirilmagan paxta terminallari va yogʻ zavodlariga paxta tolasi va texnik chigitni tayyor mahsulot sifatida yetkazib berishi taqiqlansin, Oʻzbekiston Respublikasi Vazirlar Mahkamasining qarorlarida nazarda tutilgan holatlar bundan mustasno.
“Oʻzpaxtasanoateksport” XK boshqaruvi raisiga “Oʻzpaxtasanoat” AJning tegishli paxtani qayta ishlash korxonalarining paxta terminallariga paxta tolasini joʻnatishning viloyat ichki dislokatsiyasini tasdiqlash huquqi berilsin”.