Oʻzbekiston Respublikasining davlat korxonalari va muassasalari hisobi va reyestrini yuritish tartibi toʻgʻrisidagi nizomga oʻzgartirishlar kiritish toʻgʻrisida (1708-2-son)

04.11.2016

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining

Qarori

[Oʻzbekiston Respublikasi Adliya vazirligi tomonidan 2016-yil 4-noyabrda roʻyxatdan oʻtkazildi, roʻyxat raqami 1708-2]

Oʻzbekiston Respublikasi Vazirlar Mahkamasining 2016-yil 24-avgustdagi 275-son “Iqtisodiy faoliyat turlarini tasniflashning xalqaro tizimiga oʻtish chora-tadbirlari toʻgʻrisida”gi qaroriga muvofiq Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi qaror qiladi:

1. Oʻzbekiston Respublikasi Davlat mulkini boshqarish davlat qoʻmitasining 2007-yil 13-iyuldagi 01/16-712-son qarori (roʻyxat raqami 1708, 2007-yil 3-sentabr) (Oʻzbekiston Respublikasining qonun hujjatlari toʻplami, 2007-yil, 35-36-son, 366-modda) bilan tasdiqlangan Oʻzbekiston Respublikasining davlat korxonalari va muassasalari hisobi va reyestrini yuritish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Ushbu qaror 2017-yil 1-yanvardan boshlab kuchga kiradi.

Rais D. XIDOYATOV

Toshkent sh.,

2016-yil 25-oktabr,

01/14-26/42-son

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining 2016-yil 25-oktabrdagi 01/14-26/42-son qaroriga ILOVA

Oʻzbekiston Respublikasining davlat korxonalari va muassasalari hisobi va reyestrini yuritish tartibi toʻgʻrisidagi nizomga kiritilayotgan oʻzgartirishlar

1. 1-ilovadagi “XXTUT kodi” degan soʻzlar “IFUT kodi” degan soʻzlar bilan almashtirilsin.

2. 3-ilovadagi “XXTUT kodi” degan soʻzlar “IFUT kodi” degan soʻzlar bilan almashtirilsin.

3. 4-ilovadagi “XXTUT kodi” degan soʻzlar “IFUT kodi” degan soʻzlar bilan almashtirilsin.

4. Mazkur oʻzgartirishlar Oʻzbekiston Respublikasi Moliya vazirligi va Oʻzbekiston Respublikasi Davlat statistika qoʻmitasi bilan kelishilgan.

Moliya vaziri R. AZIMOV

2016-yil 11-oktabr

Davlat statistika qoʻmitasi raisi B. TURAYEV

2016-yil 11-oktabr