“Auditorlik faoliyati toʻgʻrisidagi maʼlumot shakli va uni toʻldirish qoidalarini tasdiqlash haqida”gi buyruqqa oʻzgartirishlar va qoʻshimcha kiritish toʻgʻrisida (2515-2-son)

03.11.2016

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2016-yil 3-noyabrda roʻyxatdan oʻtkazildi, roʻyxat raqami 2515-2]

Oʻzbekiston Respublikasining “Auditorlik faoliyati toʻgʻrisida”gi Qonuniga va Oʻzbekiston Respublikasi Vazirlar Mahkamasining 2016-yil 24-avgustdagi 275-son “Iqtisodiy faoliyat turlarini tasniflashning xalqaro tizimiga oʻtish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2013-yil 9-sentabrdagi 83-son “Auditorlik faoliyati toʻgʻrisidagi maʼlumot shakli va uni toʻldirish qoidalarini tasdiqlash haqida”gi buyrugʻiga (roʻyxat raqami 2515, 2013-yil 9-oktabr) (Oʻzbekiston Respublikasi qonun hujjatlari toʻplami, 2013-y., 41-son, 553-modda) ilovaga muvofiq oʻzgartirishlar va qoʻshimcha kiritilsin.

2. Mazkur buyruq 2017-yil 1-yanvardan kuchga kiradi.

Vazir R. AZIMOV

Toshkent sh.,

2016-yil 19-oktabr,

81-son

Oʻzbekiston Respublikasi moliya vazirining 2016-yil 19-oktabrdagi 81-son buyrugʻiga ILOVA

“Auditorlik faoliyati toʻgʻrisidagi maʼlumot shakli va uni toʻldirish qoidalarini tasdiqlash haqida”gi buyruqqa kiritilayotgan oʻzgartirishlar va qoʻshimcha

1. 1-ilovada:

a) V bobda:

nomidagi “tarmoqlar” degan soʻz “iqtisodiy faoliyat turlari” degan soʻzlar bilan almashtirilsin;

“Koʻrsatkichlar nomi” ustunining 29 — 36-satrlari quyidagi tahrirda bayon etilsin:

“ togʻ-kon sanoati va ochiq konlarni ishlash 29 ishlab chiqaradigan sanoat 30 elektr, gaz, bugʻ bilan taʼminlash va havoni konditsiyalash 31 qurilish 32 tashish va saqlash 33 qishloq, oʻrmon va baliq xoʻjaligi 34 ulgurji va chakana savdo; motorli transport vositalari va mototsikllarni taʼmirlash 35 moliyaviy va sugʻurta faoliyati 36 ”;

b) “M.Oʻ.” degan qisqartmadan keyin “(muhr mavjud boʻlgan taqdirda)” degan soʻzlar bilan toʻldirilsin.

2. 2-ilovada:

a) VI bobning nomidagi va 25-banddagi “tarmoqlar” degan soʻz “iqtisodiy faoliyat turlari” degan soʻzlar bilan almashtirilsin;

b) 27-bandning uchinchi — oʻn ikkinchi xatboshilari quyidagi tahrirda bayon etilsin:

“Auditorlik tekshiruvi oʻtkazilgan xoʻjalik yurituvchi subyektning asosiy faoliyat turi ushbu xoʻjalik yurituvchi subyektga berilgan Iqtisodiy faoliyat turlarining umumdavlat tasniflagich (IFUT) kodi boʻyicha aniqlanadi:

29-satrning 5 va 6-ustunlarida asosiy faoliyat turi boʻyicha “Togʻ-kon sanoati va ochiq konlarni ishlash” “V” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

30-satrning 5 va 6-ustunlarida asosiy faoliyat turi boʻyicha “Ishlab chiqaradigan sanoat” “S” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

31-satrning 5 va 6-ustunlarida asosiy faoliyat turi boʻyicha “Elektr, gaz, bugʻ bilan taʼminlash va havoni konditsiyalash” “D” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

32-satrning 5 va 6-ustunlarida asosiy faoliyat turi boʻyicha “Qurilish” “F” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

33-satrning 5 va 6-ustunlarida asosiy faoliyat turi boʻyicha “Tashish va saqlash” “N” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

34-satrning 5 va 6-ustunlarida asosiy faoliyat turi boʻyicha “Qishloq, oʻrmon va baliq xoʻjaligi” “A” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

35-satrning 5 va 6-ustunlarida asosiy faoliyat turi boʻyicha “Ulgurji va chakana savdo; motorli transport vositalari va mototsikllarni taʼmirlash” “G” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

36-satrning 5 va 6-ustunlarida asosiy faoliyat turi boʻyicha “Moliyaviy va sugʻurta faoliyati” “K” Seksiyasida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi;

37-satrning 5 va 6-ustunlarida asosiy faoliyat turi boʻyicha, 29–36-satrlarda qayd etilganlardan tashqari, boshqa iqtisodiy faoliyat turlarida IFUT kodiga ega boʻlgan xoʻjalik yurituvchi subyektlarda oʻtkazilgan majburiy auditorlik tekshiruvlari boʻyicha koʻrsatilgan xizmatlar soni va summasi, 7 va 8-ustunlarda esa, xuddi shunday koʻrsatkichlar tashabbus tarzidagi auditorlik tekshiruvlari boʻyicha mos ravishda koʻrsatiladi.”.

3. Mazkur oʻzgartirishlar va qoʻshimcha Oʻzbekiston auditorlar palatasi, Oʻzbekiston buxgalterlar va auditorlar milliy assotsiatsiyasi va Oʻzbekiston buxgalterlar federatsiyasi bilan kelishilgan.

Oʻzbekiston auditorlar palatasi Kengashi raisi N. KARIMOV

2016-yil 19-oktabr

Oʻzbekiston buxgalterlar va auditorlar milliy assotsiatsiyasi Kengashi raisi M. TULAXODJAYEVA

2016-yil 19-oktabr

Oʻzbekiston buxgalterlar federatsiyasi ijrochi direktori D. SULTANOVA

2016-yil 19-oktabr