Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksining rahbari hamda uning Maslahatchisining funksional vazifalari, shuningdek Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti toʻgʻrisidagi nizomlarni tasdiqlash haqida (352-son)

20.10.2016

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirish kiritish toʻgʻrisida” 2016-yil 10-sentabrdagi PQ-2584-son qarorini bajarish yuzasidan Vazirlar Mahkamasi qaror qiladi:

1. Quyidagilar:

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbarining funksional vazifalari toʻgʻrisidagi nizom 1-ilovaga muvofiq;

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari maslahatchisining funksional vazifalari toʻgʻrisidagi nizom 2-ilovaga muvofiq;

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti toʻgʻrisidagi nizom 3-ilovaga muvofiq tasdiqlansin.

2. Oʻzbekiston Respublikasi Bosh vazirining oʻrinbosari A.N. Aripov Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti rahbarlari va mutaxassislarining funksional vazifalari taqsimotini bir hafta muddatda tasdiqlasin.

3. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish kiritilsin.

4. Oʻzbekiston Respublikasi Hukumatining 5-ilovaga muvofiq baʼzi qarorlari oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 20-oktabr,

352-son

Vazirlar Mahkamasining 2016-yil 20-oktabrdagi 352-son qaroriga 1-ILOVA

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbarining funksional vazifalari toʻgʻrisida

NIZOM

I bob. Umumiy qoidalar

1. Ushbu Nizom Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirish kiritish toʻgʻrisida” 2016-yil 10-sentabrdagi PQ-2584-son qaroriga muvofiq Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbarining funksional vazifalarini belgilaydi.

2. Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari Oʻzbekiston Respublikasi Prezidentiga va Oʻzbekiston Respublikasining Bosh vaziriga hisobot beradi.

3. Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari (keyingi oʻrinlarda Bosh vazir oʻrinbosari deb ataladi) oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek ushbu Nizomga amal qiladi.

4. Bosh vazir oʻrinbosarining faoliyati davlatning yoshlar siyosatini yanada takomillashtirish, jamoat birlashmalari bilan oʻzaro hamkorlik qilish, maʼnaviy-maʼrifiy sohani, kinematografiya, ommaviy axborot vositalari, matbaa va noshirlik ishi, madaniyat, sanʼat, milliy axborot makoni monitoringi, pochta, telekommunikatsiyalar va teleradioeshittirishni rivojlantirish, axborot faoliyati samaradorligini oshirish, arxiv ishi, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalarini hal etishga yoʻnaltirilgan.

5. Bosh vazir oʻrinbosari maqomiga koʻra Oʻzbekiston Respublikasi Hukumatining aʼzosi hisoblanadi va Oʻzbekiston Respublikasi Vazirlar Mahkamasi Rayosati tarkibiga kiradi.

Bosh vazir oʻrinbosari Oʻzbekiston Respublikasi Vazirlar Mahkamasi va uning Rayosati majlislarida bevosita ishtirok etadi.

II bob. Bosh vazir oʻrinbosarining vazifalari va funksional majburiyatlari

6. Quyidagilar Bosh vazir oʻrinbosarining asosiy vazifalari hisoblanadi:

a) yoshlar siyosati va maʼnaviy kamolot sohasida:

ommaviy madaniyatning mentalityetimizga yot boʻlgan elementlariga, diniy fanatizmga va mafkuraviy ekstremizmning boshqa koʻrinishlariga qarshi turishga qodir boʻlgan yigit va qizlarning ichki immunitetini shakllantirishning muhim omillari boʻlgan, maʼnaviy boy va barkamol, yuqori maʼlumotli va jismonan sogʻlom, mustaqil fikrlovchi va oʻz hayotiy nuqtai nazariga, keng dunyoqarashga, mustahkam bilimlarga, qatʼiy eʼtiqodlarga, milliy madaniyat va maʼnaviy qadriyatlarga, asrlar boʻyi toʻplangan noyob tajribaga va jahon sivilizatsiyasi yutuqlarini chuqur hurmat qilishga asoslangan yuksak maʼnaviy va axloqiy tamoyillarga ega boʻlgan oʻsib kelayotgan avlodni voyaga yetkazishga yoʻnaltirilgan yoshlar siyosatini yanada takomillashtirish boʻyicha tizimli ishlarni amalga oshirish;

yoshlar jamoat tashkilotlarining kamol topayotgan avlodni tarbiyalashdagi, yoshlarning huquqiy madaniyatini va ijtimoiy-iqtisodiy faolligini oshirishdagi, “fuqarolik burchi”, “daxldorlik tuygʻusi” va “yoshlar madaniyati” kabi tushunchalarni yoshlar ongiga singdirishdagi rolini kuchaytirishga yoʻnaltirilgan chora-tadbirlar kompleksini amalga oshirishdagi faoliyatini samarali muvofiqlashtirishni taʼminlash;

yosh avlodning ijodiy va intellektual salohiyatini aniqlash, rivojlantirish va roʻyobga chiqarish, yoshlarni va yosh oilalarni ijtimoiy qoʻllab-quvvatlash, davlat va jamoat tashkilotlarini jalb etgan holda ular uchun munosib shart-sharoitlar yaratish sohasidagi chora-tadbirlar kompleksini amalga oshirish boʻyicha tizimli ishlarni tashkil etish;

mamlakat fuqarolari, ayniqsa oʻsib kelayotgan avlod ongida milliy gʻoyaga, milliy mafkuraga, umuminsoniy qadriyatlar va demokratik tamoyillarga asoslangan dunyoqarashni shakllantirishga, jamoatchilik ongiga mustaqillik gʻoyalariga cheksiz sodiqlik tamoyillarini, Vatanga muhabbatni, erkin va ravnaq topayotgan davlat qurishdek buyuk va ezgu maqsadlarga erishishga ishonchni, fidoyilikni singdirishga yoʻnaltirilgan kompleks chora-tadbirlarni ishlab chiqish va amalda roʻyobga chiqarish;

mamlakatda yuz berayotgan keng koʻlamli qayta oʻzgartirishlar va oʻzgarishlarning mohiyatini ochib berish, milliy manfaatlarni amaliy va faol tashviq va targʻib qilish, mamlakat mustaqilligining maʼnaviy asosini mustahkamlash, milliy anʼanalar va urf-odatlarni saqlash boʻyicha aholi oʻrtasida olib borilayotgan maʼnaviy-maʼrifiy va tashviqot-targʻibot ishlarining taʼsirchanligi va samaradorligini oshirishga yoʻnaltirilgan chora-tadbirlarni amalga oshirishda jamoat birlashmalariga, fuqarolarning oʻzini oʻzi boshqarish organlariga, mahalliy ijro etuvchi hokimiyat organlariga koʻmaklashish;

demokratik qadriyatlarni, odamlarning huquqlari, erkinliklari va qonuniy manfaatlarini himoya qilish, fuqarolarning oʻz salohiyatini roʻyobga chiqarishlari uchun shart-sharoitlar yaratish, ularning ijtimoiy, ijtimoiy-iqtisodiy faolligini va huquqiy madaniyatini oshirish, ijtimoiy hayotning turli sohalarida muhim davlat dasturlarini amalga oshirishda va katta ijtimoiy ahamiyatga molik boshqa muammolarni hal etishda nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish shakllari va usullarini takomillashtirish maqsadida nodavlat notijorat tashkilotlari bilan oʻzaro hamkorlikda ijtimoiy sheriklik va jamoatchilik nazorati tizimini yanada takomillashtirish chora-tadbirlarini ishlab chiqish va amalga oshirish;

aholining taʼlim va madaniy saviyasini oshirishga, milliy anʼanalarni, tarixiy va maʼnaviy merosni ehtiyotlab saqlashga, yoshlar va oʻsib kelayotgan avlodni vatanparvarlik, Vatanga muhabbat, milliy va umuminsoniy qadriyatlarni hurmat qilish ruhida tarbiyalashga yoʻnaltirilgan teleradio dasturlarning yuqori sifatli, professional, badiiy yuksak darajasini taʼminlash;

Oʻzbekistonning siyosiy, iqtisodiy, ijtimoiy va madaniy hayotida yuz berayotgan huquqiy demokratik davlatni, ochiq fuqarolik jamiyatini shakllantirishga, mustaqil ommaviy axborot vositalarini rivojlantirishga, insonning huquq va erkinliklarini himoya qilishga yoʻnaltirilgan demokratik qayta oʻzgarishlar toʻgʻrisida aholini, shuningdek xorijiy jamoatchilikni keng xabardor qilish;

jamiyatning madaniy va maʼnaviy hayoti darajasi yuksalishida milliy kino sanʼatining oʻrni va ahamiyatini hisobga olgan holda umuminsoniy va milliy qadriyatlar birligi tamoyillari asosida uni rivojlantirishning ustuvor yoʻnalishlarini ishlab chiqish, mamlakatda erkin demokratik jamiyat qurish yoʻlida yuz berayotgan oʻzgarishlar va real yutuqlarni, milliy mustaqillik gʻoyasining mohiyatini kino vositalari orqali aks ettirish, jamiyat hayotida, ayniqsa yoshlar tarbiyasida kinematografiyaning oʻrni va ishtirokini kuchaytirish, kino mahsulotlarining gʻoyaviy-badiiy saviyasini oshirish va uni yanada takomillashtirish;

badiiy jihatdan yuksak boʻlgan, kamol topayotgan avlod munosib darajada ibrat oladigan zamonaviy qahramon obrazini shakllantiradigan kino asarlari yaratishga qodir boʻlgan eng yangi texnologiyalarni joriy etishni hamda mahalliy kino maktabini, eng iqtidorli kinematografchilarni qoʻllab-quvvatlashni hisobga olgan holda, umum tomonidan qabul qilingan jahon standartlariga muvofiq boʻlgan kino asarlari yaratadigan zamonaviy infratuzilmani rivojlantirish;

ijodiy jamoalarning kinostudiyalarini qoʻllab-quvvatlash, ularning manfaatlarini himoya qilish, kinematografiya sohasida tadbirkorlik va raqobat muhitini rivojlantirish uchun qulay shart-sharoitlar yaratish;

demokratik islohotlarni, davlatning yoshlar siyosatini, yoshlarning bilimi va dunyoqarashini kengaytirishni, turli axborot xurujlarining oldini olishni, ommaviy axborot vositalarida axborotlar va boshqa materiallar berish shakllari va usullarini muntazam ravishda takomillashtirish, mahalliy, ayniqsa yoshlarning ommaviy axborot vositalarini yanada keng ommalashtirish orqali yoshlarning ongi va tafakkurini ommaviy madaniyatning salbiy taʼsiridan saqlashni amalga oshirishda ommaviy axborot vositalarining roli va taʼsirini yanada kuchaytirish chora-tadbirlari kompleksini amalga oshirish;

ommaviy axborot vositalarini, noshirlik va matbaa faoliyatini, kitob mahsulotlari va boshqa bosma mahsulotlarni tarqatishni rivojlantirish sohalarida yagona davlat siyosatini amalga oshiri, axborot-kommunikatsiya texnologiyalarini joriy etish, ushbu sohalarda sifat oʻzgarishlari va tendensiyalarni baholash;

ommaviy axborot vositalarining mustaqilligini, jurnalist kasbining ijtimoiy maqomi va nufuzini, ommaviy axborot vositalari xodimlari malakasi va mahoratini oshirish, jurnalist kadrlarning yangi farmatsiyasini tayyorlashni takomillashtirish chora-tadbirlarini amalga oshirish;

b) madaniyat va sanʼat sohasida:

Oʻzbekiston xalqining milliy madaniy va maʼnaviy merosini asrash va koʻpaytirish, aholining madaniy darajasini oshirish, jamiyatning tobora oʻsib borayotgan intellektual, estetik va madaniy ehtiyojlarini hisobga olgan holda aholining keng qatlamlarini, ayniqsa yoshlarni madaniy-ommaviy tadbirlar bilan toʻliq qamrab olishni taʼminlash, yoshlarning ijodiy salohiyatini namoyon qilish va qoʻllab-quvvatlash, shuningdek madaniyat muassasalari, bolalar musiqa va sanʼat maktablarining moddiy-texnika bazasini yanada mustahkamlash, ular faoliyati samaradorligini oshirish chora-tadbirlarini roʻyobga chiqarish;

estrada sanʼatini rivojlantirish, ommaviy bayramlar, festivallar, koʻriklar va tanlovlar, xalq sayillarini va boshqa madaniy-maʼrifiy tadbirlarni tashkil etish chora-tadbirlarini amalga oshirish;

teatrlarni ommaviylashtirish orqali xalqning badiiy didi va madaniy darajasini oshirish, davrimizning qahramoni obrazini zamonaviy talqin qilishda jahon va milliy teatrni rivojlantirish tendensiyalarini hisobga olgan holda teatrlarning repertuarlarini shakllantirishga koʻmaklashish, teatr arboblari — dramaturglar, rejissorlar va aktyorlarning yosh avlodini tayyorlashni takomillashtirish, teatr sanʼatining moddiy-texnika bazasini mustahkamlash boʻyicha kompleks chora-tadbirlarni amalga oshirish;

v) axborot-kommunikatsiya texnologiyalarini rivojlantirish sohasida:

axborot-kommunikatsiya texnologiyalari sohasida, shu jumladan “Elektron hukumat” tizimini joriy etish, davlat interaktiv xizmatlarini rivojlantirish va sifatini oshirish, maʼmuriy tartib-taomillarning axborotlashtirilishi darajasini oshirish, axborot texnologiyalari va dasturiy mahsulotlarning zamonaviy bozorini shakllantirish, shuningdek sohaviy turdosh xizmatlar sifatini oshirishga oid yagona davlat siyosatini shakllantirish;

mamlakatni ijtimoiy-iqtisodiy rivojlantirish strategiyasiga va zamonaviy xalqaro tendensiyalarga muvofiq davlat boshqaruvi va mahalliy ijro etuvchi hokimiyat organlari tizimida axborot-kommunikatsiya texnologiyalarini yanada rivojlantirishning ustuvor yoʻnalishlarini belgilash;

axborot-kommunikatsiya texnologiyalari sohasida kadrlar tayyorlash, ularni qayta tayyorlash va ularning malakasini oshirish chora-tadbirlarini amalga oshirish;

davlat boshqaruvi va mahalliy ijro etuvchi hokimiyat organlari tizimida axborot-kommunikatsiya texnologiyalaridan foydalanish sohasida xalqaro hamkorlikni tashkil etish, xalqaro tashkilotlar va xorijiy mamlakatlar bilan oʻzaro foydali hamkorlikni kengaytirish yuzasidan takliflar ishlab chiqish;

g) milliy axborot makoni monitoringi va axborot xavfsizligini taʼminlash sohasida:

milliy axborot makonining yaxlitligini saqlash, davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning axborot resurslari va tizimlarining axborot xavfsizligini taʼminlash boʻyicha yagona davlat siyosati amalga oshirilishini tashkil etish;

milliy axborot makoni va ommaviy axborot vositalari faoliyatining, shu jumladan zamonaviy axborot-kommunikatsiya texnologiyalari, yoʻldosh tizimlar, Internet tarmogʻi, axborotlarni, shuningdek bosma mahsulotlarni yetkazib berish va tarqatishning boshqa elektron vositalarining, shuningdek bosma mahsulotlarning tizimli monitoringi olib borilishini shakllantirish;

normativ-huquqiy va tashkiliy-texnik bazani takomillashtirish, axborot xavfsizligini taʼminlash talablari boʻyicha majburiy tartibda attestatsiyadan oʻtkazish tizimini rivojlantirish, axborot ayirboshlashning himoyalangan elektron shakllariga bosqichma-bosqich oʻtish, axborot xavfsizligiga tahdidlarni prognoz qilish, ushbu tahdidlarga qarshi harakat tizimlarini shakllantirish;

d) pochta va telekommunikatsiyalarni rivojlantirish, arxiv ishi, intellektual mulk huquqlarini himoya qilish sohasida:

pochta, telekommunikatsiyalar va teleradioeshittirish tarmoqlarining faoliyat koʻrsatishi va ularni rivojlantirish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalarida davlat siyosatini shakllantirish va taʼminlash;

telekommunikatsiyalar sohasida ishlab chiqarishni mahalliylashtirish darajasini yanada chuqurlashtirishni, tarmoqlararo sanoat kooperatsiyasini kengaytirishni taʼminlash, importning oʻrnini bosishni va mahalliy xomashyo resurslari bazasida ichki bozorni zarur isteʼmol tovarlari va butlovchi buyumlar bilan taʼminlaydigan zamonaviy, yuqori texnologiyali raqobatbardoshli ishlab chiqarishlarni tashkil etish;

pochta va telekommunikatsiyalar sohasidagi tashkilotlarda korporativ boshqaruvning zamonaviy usullarini joriy etishni tashkil etish, ishlab chiqarish, investitsiya, moddiy-texnik, moliyaviy va mehnat resurslaridan foydalanish samaradorligini oshirish;

umumiy qabul qilingan xalqaro normalar va standartlarga muvofiq pochta, telekommunikatsiyalar, teleradioeshittirish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish sohalarida qonunchilikni yanada takomillashtirish chora-tadbirlarini ishlab chiqish va amalga oshirish;

telekommunikatsiya infratuzilmasini yanada rivojlantirish va modernizatsiyalash, shu jumladan Internet tarmogʻining axborot tizimlari va resurslaridan, mobil va yoʻldosh aloqa tarmoqlaridan keng polosali foydalanishni kengaytirish, teleradioeshittirishning raqamli tizimlariga toʻliq oʻtishni taʼminlash;

pochta va telekommunikatsiyalar va teleradioeshittirish tarmoqlari va vositalarini modernizatsiya qilish va texnika bilan qayta jihozlash hamda arxiv ishi, ushbu sohaga xorijiy investitsiyalar va texnologiyalarni jalb etish masalalari boʻyicha ishlarni muvofiqlashtirish;

xalqaro standartlarga muvofiq intellektual mulk obyektlarini huquqiy muhofaza qilish va ularga boʻlgan huquqlarni himoya qilish ishlari samaradorligini oshirish va yanada takomillashtirish yuzasidan takliflar ishlab chiqish va chora-tadbirlarni amalga oshirish;

pochta, telekommunikatsiyalar, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish sohalari uchun yuqori malakali kadrlarni tayyorlash va qayta tayyorlash metodlarini takomillashtirish boʻyicha tizimli ishlarni taʼminlash;

davlat va xoʻjalik boshqaruvi organlarida, mahalliy ijro etuvchi hokimiyat organlarida va davlatning boshqa tashkilotlarida, shu jumladan elektron hujjatlar aylanishi tizimlarini qoʻllagan holda arxiv ishi va ish yuritish samaradorligini oshirish, Milliy arxiv fondi hujjatlari saqlanishi chora-tadbirlarini amalga oshirish;

pochta, telekommunikatsiyalar va teleradioeshittirish sohalarida, axborot bozorini tartibga solish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish sohasida xalqaro tashkilotlar va xorijiy mamlakatlar bilan hamkorlik samaradorligini taʼminlash.

7. Bosh vazir oʻrinbosari oʻz zimmasiga yuklangan vazifalarga muvofiq:

yoshlar siyosati, madaniyat, axborot tizimlari va telekommunikatsiyalar masalalari boʻyicha Oʻzbekiston Respublikasi Prezidenti Devonining tegishli xizmatlari bilan oʻzaro hamkorlik qiladi;

Oʻzbekiston Respublikasi Bosh vazirining topshiriqlariga binoan respublikaning tegishli hududlarida ijtimoiy-iqtisodiy rivojlantirish, iqtisodiy islohotlarning ustuvor vazifalari va dasturlari bajarilishini muvofiqlashtirib boradi;

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentiga bevosita rahbarlik qiladi, yoshlar siyosati, madaniyat, axborot-kommunikatsiya texnologiyalarini, telekommunikatsiyalarni rivojlantirish, axborot xavfsizligini taʼminlash masalalari boʻyicha — Madaniyat va sport ishlari vazirligi (madaniyat masalalari boʻyicha), Axborot texnologiyalari va kommunikatsiyalarini rivojlantirish vazirligi, Oʻzbekiston matbuot va axborot agentligi, “Oʻzbekkino” milliy agentligi, Oʻzbekiston Milliy axborot agentligi (OʻzA), Intellektual mulk agentligi, “Oʻzarxiv” agentligi, Oʻzbekiston milliy teleradiokompaniyasi, Vazirlar Mahkamasi huzuridagi Din ishlari boʻyicha qoʻmita, Respublika maʼnaviyat targʻibot markazi, “Kamolot” yoshlar ijtimoiy harakati, Badiiy akademiya, Milliy gʻoya va mafkura ilmiy-amaliyot markazi, “Sharq” nashriyot-matbaa aksiyadorlik kompaniyasi, Alisher Navoiy nomidagi Oʻzbekiston Milliy kutubxonasi, “Mahalla” fondi, “Oʻzbeknavo” estrada birlashmasi, Oʻzbekiston Yozuvchilar uyushmasi, Oʻzbekiston Jurnalistlar ijodiy uyushmasi, “Aloqa-bank” ATB, davlat va xoʻjalik boshqaruvi organlari, mahalliy ijro etuvchi hokimiyat organlarining, shuningdek oʻz faoliyatini axborot tizimlari va telekommunikatsiyalar sohasida litsenziya bitimlariga muvofiq amalga oshiruvchi xoʻjalik yurituvchi subyektlar faoliyatini muvofiqlashtiradi va nazorat qiladi;

mutasaddilik qilinadigan davlat va xoʻjalik boshqaruvi organlaridagi, jamoat tashkilotlaridagi Oʻzbekiston Respublikasi Prezidenti hamda Oʻzbekiston Respublikasi Prezidentining Davlat maslahatchilari nomenklaturasiga kiradigan lavozimlarga nomzodlar boʻyicha takliflarni Oʻzbekiston Respublikasi Bosh vaziri bilan kelishgan holda, belgilangan tartibda kiritadi;

Kompleks boshqaradigan sohaga kiruvchi masalalar boʻyicha Oʻzbekiston Respublikasi Vazirlar Mahkamasiga kiritilgan takliflarni va hujjatlar loyihalarini koʻrib chiqishda davlat manfaatlariga qatʼiy rioya etilishini taʼminlaydi, tayyorlangan hujjatlar loyihalariga ruxsat belgisi (viza) qoʻyadi. Tegishli hujjatlar qabul qilingandan keyin ularning amalga oshirilishi yuzasidan tizimli nazorat tashkil etilishini taʼminlaydi;

Oʻzbekiston Respublikasi Vazirlar Mahkamasi Reglamentiga muvofiq qonun hujjatlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari loyihalarining ekspertizadan oʻtkazilishini va sifatli tayyorlanishini tashkil etish masalalarida Vazirlar Mahkamasi apparati boshqaruvchisi bilan hamkorlik qiladi;

Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari, farmoyishlari va topshiriqlarining, Hukumat qarorlarining davlat va xoʻjalik boshqaruvi organlari, ijro etuvchi hokimiyat organlari tomonidan bajarilishi yuzasidan nazoratni taʼminlaydi;

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentining departament mudiri, shuʼbalari mudirlari, bosh va yetakchi mutaxassislari lavozimlariga kadrlar tanlashni Vazirlar Mahkamasi apparati boshqaruvchisi bilan birgalikda amalga oshiradi;

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudirini, shuʼbalari mudirlarini va mutaxassislarini qayta tayyorlash, ularning malakasini oshirish, ularni ragʻbatlantirish hamda ularga nisbatan intizomiy jazo choralarini qoʻllanish toʻgʻrisida takliflar kiritadi;

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentida, tegishli davlat va xoʻjalik boshqaruvi organlarining markaziy apparatlarida kadrlar zaxirasini shakllantirish ishlarini tizimli asosda tashkil qiladi.

8. Bosh vazir oʻrinbosari ushbu Nizomga 1-ilovaga muvofiq Oʻzbekiston Respublikasining Bosh vaziri boshchilik qiladigan komissiyalar (kengashlar) faoliyatini, shuningdek ularning qarorlari bajarilishini tashkil etish yuzasidan nazoratni taʼminlaydi.

9. Bosh vazir oʻrinbosari ushbu Nizomga 2-ilovaga muvofiq komissiyalar va kengashlarga rahbarlik qiladi.

III bob. Bosh vazir oʻrinbosarining huquqlari va javobgarligi

10. Bosh vazir oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni davlat va xoʻjalik boshqaruvi organlaridan, mahalliy ijro etuvchi hokimiyat organlaridan va tashkilotlardan belgilangan tartibda soʻrash va olish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar rahbarlari va vakillari ishtirokida yigʻilishlar oʻtkazish;

mutasaddilik qilinadigan vazirliklar, idoralar, xoʻjalik boshqaruvi organlari kollegial organlarining majlislarida, shuningdek Oʻzbekiston Respublikasi Bosh vazirining topshiriqlari boʻyicha — davlatning boshqa organlarining, nodavlat notijorat tashkilotlarining Kompleks boshqaradigan sohaga kiruvchi masalalar boʻyicha oʻtkaziladigan majlislari va yigʻilishlarida qatnashish;

davlat va xoʻjalik boshqaruvi organlari, ilmiy muassasalar va boshqa tashkilotlar rahbarlari va vakillarini Vazirlar Mahkamasida koʻrib chiqiladigan masalalarni ishlab chiqish uchun belgilangan tartibda jalb etish, tegishli masalalar boʻyicha vaqtinchalik ishchi guruhlar tuzish;

“Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Vazirlar Mahkamasi Reglamenti talablari buzilgan holda tushadigan hujjatlarni qaytarish.

Bosh vazir oʻrinbosarining zarur materiallar, maʼlumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va boshqa hujjatlar loyihalarini puxta ishlab chiqish boʻyicha talablari va topshiriqlari uning tomonidan belgilangan muddatlarda bajarilishi kerak.

Bosh vazir oʻrinbosarining oʻzi boshqaradigan masalalar boʻyicha davlat va xoʻjalik boshqaruvi organlari va boshqa tashkilotlar rahbarlariga topshiriqlari belgilangan tartibda bajarilishi majburiydir.

11. Bosh vazir oʻrinbosari:

zimmasiga yuklangan vazifalarning zarur tarzda va sifatli bajarilishi;

oʻzi rahbarlik qiladigan Kompleksdagi ishlarning holati, tegishli davlat va xoʻjalik boshqaruvi organlarining, tashkilotlarning faoliyati muvofiqlashtirilishi va nazorat qilinishini, Kompleks yurituviga kiradigan masalalar boʻyicha Vazirlar Mahkamasiga kiritilgan takliflarning va hujjatlar loyihalarining har tomonlama koʻrib chiqilishini taʼminlash;

Vazirlar Mahkamasi Reglamentiga muvofiq taqdim etiladigan Hukumat qarorlari loyihalarini respublika davlat manfaatlarini, iqtisodiy samaradorligini nazarda tutib va ulardagi masalalarni barcha manfaatdor tuzilmalar bilan bogʻlagan holda puxta ekspertizadan oʻtkazilishi yuzasidan nazoratni taʼminlash;

Oʻzbekiston Respublikasi qonunlarining, Oʻzbekiston Respublikasi Oliy Majlisi palatalari qarorlarining, Oʻzbekiston Respublikasi Prezidentining farmonlari, qarorlari, farmoyishlari va topshiriqlarining, Hukumat qarorlari va farmoyishlarining, Vazirlar Mahkamasi rahbariyati topshiriqlarining Yoshlar siyosati, madaniyat, axborot tizimlari va telekommunikatsiyalar masalalari kompleksi tarkibiga kiradigan davlat va xoʻjalik boshqaruvi organlari, tashkilotlar tomonidan oʻz vaqtida va sifatli bajarilishini taʼminlash;

Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomining mustahkamlanishi uchun javob beradi.

IV bob. Bosh vazir oʻrinbosari faoliyatini tashkil etish

12. Bosh vazir oʻrinbosarining ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasi Reglamentiga, ushbu Nizomga, Oʻzbekiston Respublikasi Prezidentining, Oʻzbekiston Respublikasi Bosh vazirining topshiriqlariga muvofiq, shuningdek Vazirlar Mahkamasining ish rejalari hamda Yoshlar siyosati, madaniyat, axborot tizimlari va telekommunikatsiyalar masalalari kompleksining ish rejasi asosida tashkil etiladi.

Kompleksning ish rejasi Oʻzbekiston Respublikasi Vazirlar Mahkamasi Rayosati tomonidan tasdiqlanadi.

Bosh vazir oʻrinbosarining Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Hukumat qarorlarining mutasaddilik qilinadigan davlat va xoʻjalik boshqaruvi organlarida, mahalliy ijro etuvchi hokimiyat organlarida amalga oshirilishi tizimli monitoringini taʼminlash boʻyicha faoliyati Vazirlar Mahkamasining ish rejasiga, shuningdek Oʻzbekiston Respublikasi Bosh vazirining topshiriqlariga muvofiq kompleks oʻrganishlarni amalga oshirish yoʻli bilan, Vazirlar Mahkamasi, Vazirlar Mahkamasining Rayosati, Yoshlar siyosati, madaniyat, axborot tizimlari va telekommunikatsiyalar masalalari kompleksi majlislarida hisobotlarni eshitgan holda tashkil etiladi.

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbarining funksional vazifalari toʻgʻrisidagi nizomga 1-ILOVA

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari tomonidan faoliyatining tashkil etilishini va qarorlarining bajarilishini nazorat qilish taʼminlanadigan komissiyalar (kengash)

Oʻzbekiston Respublikasining Bosh vaziri boshqaradigan komissiyalar (kengash)

1. Mustaqillik kuni va Navroʻz umumxalq bayramlarini nishonlashni tashkil etish boʻyicha doimiy ishlaydigan Respublika komissiyasi.

2. Geografik obyektlarga nom berish va ularni qayta nomlash masalalari boʻyicha Respublika komissiyasi.

3. “Maʼnaviyat va maʼrifat” Respublika kengashi.

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbarining funksional vazifalari toʻgʻrisidagi nizomga 2-ILOVA

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari boshchilik qiladigan komissiyalar va kengashlar

1. 2013 — 2020-yillarda Oʻzbekiston Respublikasining Milliy axborot-kommunikatsiya tizimini rivojlantirish kompleks dasturi amalga oshirilishini muvofiqlashtirish boʻyicha Respublika komissiyasi.

2. Axborot faoliyati va maʼlumotlar uzatishni takomillashtirish va samaradorligini oshirish boʻyicha Idoralararo muvofiqlashtiruvchi komissiya.

3. Vazirlar Mahkamasining noshirlik faoliyatini litsenziyalash boʻyicha komissiyasi.

4. Madaniy va arxeologik meros obyektlarini muhofaza qilish va ulardan foydalanish masalalarini muvofiqlashtirish boʻyicha Hukumat komissiyasi.

5. Respublika axborot-kutubxona tizimi faoliyatini muvofiqlashtirish boʻyicha Idoralararo kengash.

6. Radiochastotalar boʻyicha Respublika kengashi.

7. Fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika kengashi.

8. Isteʼdodli yoshlarga “Nihol” mukofotlari berish boʻyicha Respublika kengashi.

Vazirlar Mahkamasining 2016-yil 20-oktabrdagi 352-son qaroriga 2-ILOVA

Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari maslahatchisining funksional vazifalari toʻgʻrisida

NIZOM

I bob. Umumiy qoidalar

1. Ushbu Nizom Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirish kiritish toʻgʻrisida” 2016-yil 10-sentabrdagi PQ-2584-son qaroriga muvofiq Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari maslahatchisining funksional vazifalarini belgilaydi.

2. Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari maslahatchisi (keyingi oʻrinlarda Maslahatchi deb ataladi) oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek ushbu Nizomga amal qiladi.

3. Maslahatchining faoliyati Oʻzbekiston Respublikasi Bosh vazirining oʻrinbosari — Yoshlar siyosati, madaniyat, axborot tizimlari va telekommunikatsiyalar masalalari kompleksi rahbari (keyingi oʻrinlarda Bosh vazir oʻrinbosari deb ataladi) boshchiligida amalga oshiriladi hamda Bosh vazir oʻrinbosarining milliy gʻoya va mafkura, maʼnaviy-maʼrifiy ishlar va yoshlar siyosati masalalariga doir faoliyatini axborot, ekspert-tahlil va maslahatlar bilan taʼminlashga yoʻnaltirilgan.

Maslahatchi manfaatdor vazirliklar va idoralar, mahalliy ijro etuvchi hokimiyat organlari, nodavlat notijorat tashkilotlari bilan birgalikda, Bosh vazir oʻrinbosari zimmasiga yuklangan vazifalarni amalga oshirishga yoʻnaltirilgan milliy gʻoya va mafkura, maʼnaviy-maʼrifiy ishlar va yoshlar siyosati masalalari boʻyicha izchil va muvofiqlashtirilgan tavsiyalar va takliflar ishlab chiqishda Bosh vazir oʻrinbosariga koʻmaklashadi.

4. Maslahatchi oʻz faoliyatida Oʻzbekiston Respublikasi Bosh vazirining oʻrinbosariga hisobot beradi.

Maslahatchi oʻz faoliyatini Bosh vazir oʻrinbosari topshiriqlariga binoan hamda Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti bilan oʻzaro hamkorlikda amalga oshiradi.

II bob. Maslahatchining vazifalari va funksional majburiyatlari

5. Quyidagilar Maslahatchining asosiy vazifalari hisoblanadi:

milliy gʻoya va mafkura, maʼnaviy-maʼrifiy ishlar va yoshlar siyosati masalalarida Kompleks mutasaddilik qiladigan vazirliklar, idoralar faoliyatini muvofiqlashtirish mexanizmini takomillashtirish va natijadorligini taʼminlash yuzasidan takliflar kiritish;

mamlakat fuqarolari, ayniqsa oʻsib kelayotgan avlod ongida oʻzining milliy gʻoyasiga, mustaqil milliy mafkuraga, umuminsoniy qadriyatlar va demokratik tamoyillarga asoslangan dunyoqarashni shakllantirish shakllari, usullari va mexanizmlarini yanada takomillashtirish boʻyicha tavsiyalar ishlab chiqish;

jamoatchilik ongida mustaqillik gʻoyalariga cheksiz sodiqlikni, milliy oʻzlikni anglashni, Vatanga muhabbat va uning taqdiriga daxldorlikni, erkin va ravnaq topayotgan davlat qurish yoʻlida fidoyilikni singdirishga, aholining, ayniqsa yoshlarning terrorizm, diniy ekstremizm, radikalizm, yot mentalitet mafkuralari, “ommaviy madaniyat” va maʼnaviyatga boshqa tahdidlar taʼsiriga qarshi mustahkam mafkuraviy immunitetni shakllantirishga yoʻnaltirilgan tadbirlarni amalga oshirish boʻyicha takliflar kiritish;

aholi oʻrtasida oʻtkaziladigan milliy gʻoyani targʻib qilish va maʼnaviy-maʼrifiy ishlar taʼsirchanligi hamda samaradorligini oshirishga yoʻnaltirilgan chora-tadbirlarni amalga oshirishda jamoat birlashmalari, fuqarolarning oʻzini oʻzi boshqarish organlari, mahalliy ijro etuvchi hokimiyat organlari bilan oʻzaro hamkorlikni takomillashtirish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar faoliyatida milliy gʻoyani targʻib qilish va maʼnaviy-maʼrifiy ishlar boʻyicha materiallar va maʼlumotlarni oʻrganish, baholash;

mamlakatda yuz berayotgan keng koʻlamli tarkibiy oʻzgartirishlar va oʻzgarishlarning mohiyatini ochib berish, milliy manfaatlarni chuqur oʻylangan faol tashviq va targʻib qilish konsepsiyasini, yoshlarda “fikrga qarshi — fikr bilan, gʻoyaga qarshi — gʻoya bilan, jaholatga qarshi — maʼrifat bilan kurashish” tamoyillariga amal qilish uquvi va malakasini shakllantirish maqsadida, mamlakat mustaqilligining maʼnaviy asosini doimiy mustahkamlash, milliy anʼanalar va urf-odatlarni avaylab asrash, zamonaviylik jihatidan boyitish boʻyicha tavsiyalarni ishlab chiqish, tahlil qilish va baholash;

nodavlat notijorat tashkilotlari bilan oʻzaro hamkorlik qilishda demokratik qadriyatlar, fuqarolarning huquqlari, erkinliklari va qonuniy manfaatlarini himoya qilish, ularning oʻz ijtimoiy-shaxsiy, ijodiy-intellektual, professional salohiyatini amalga oshirishi uchun shart-sharoitlar yaratish, ularning jamoatchilik, ijtimoiy-iqtisodiy faolligini hamda huquqiy madaniyatini oshirish maqsadida ijtimoiy sheriklik va jamoatchilik nazorati tizimini takomillashtirish;

ijtimoiy hayotning turli sohalaridagi eng muhim davlat dasturlarini amalga oshirishda hamda katta ijtimoiy ahamiyatga molik boshqa muammolarni hal etishda nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish shakllari va usullarini takomillashtirish.

6. Maslahatchi oʻz zimmasiga yuklangan vazifalarga muvofiq:

Bosh vazir oʻrinbosariga tegishli masalalar boʻyicha Kompleks faoliyatida asosiy yoʻnalishlarni, ustuvor vazifalarni ishlab chiqishga doir takliflar kiritadi;

Bosh vazir oʻrinbosari topshiriqlariga muvofiq tahliliy va umumlashtirilgan materiallarni tayyorlaydi, qoʻyilgan masalalarni samarali hal etish boʻyicha tavsiyalar ishlab chiqilishini taʼminlaydi;

Bosh vazir oʻribosariga hamda Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentiga konsultativ va metodik yordam koʻrsatadi;

Kompleksning joriy va istiqbolli ish rejalariga muvofiq Kompleks tarkibiga kiradigan vazirliklar va idoralar tomonidan bajariladigan eng muhim loyihalar va dasturlarning amalga oshirilishi hamda ularning natijalari monitoringini olib borish va prognozi boʻyicha tahliliy materiallarni oʻz vaqtida, tizimli asosda tayyorlashni taʼminlaydi;

Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlarining, boshqa materiallar va hujjatlarning kiritilgan loyihalarini koʻrib chiqadi va, zarurat boʻlganda, tegishli takliflar tayyorlagan holda Bosh vazir oʻrinbosariga axborot beradi;

normativ-huquqiy hujjatlar, rejalar va dasturlar loyihalarini ishlab chiqish va ekspertizadan oʻtkazishda, shuningdek ularning amalga oshirilishini nazorat qilishda ishtirok etadi;

majlislar va yigʻilishlarga tayyorgarlik koʻrish doirasida Bosh vazir oʻrinbosariga materiallar, shu jumladan maʼruzalar loyihalarining puxta ishlab chiqilishini tashkil etadi;

Oʻzbekiston Respublikasi Vazirlar Mahkamasi va uning Rayosati majlislarida ishtirok etadi;

Bosh vazir oʻrinbosari topshirigʻiga binoan mutasaddilik qilinadigan davlat va xoʻjalik boshqaruvi organlari hamda boshqa tashkilotlarning majlislarida, Oʻzbekiston Respublikasining Bosh vaziri topshirigʻi boʻyicha esa — davlatning boshqa organlari, nodavlat notijorat tashkilotlari va boshqa tashkilotlarning Kompleks yuritishi sohasiga kiradigan masalalar boʻyicha majlislari va yigʻilishlarida ishtirok etadi.

III bob. Maslahatchining huquqlari va javobgarligi

7. Maslahatchi oʻz zimmasiga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlardan soʻrash;

Bosh vazir oʻrinbosari topshirigʻiga binoan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar rahbarlari va vakillari ishtirokida yigʻilishlar oʻtkazish;

Vazirlar Mahkamasida koʻrib chiqiladigan masalalarni puxta ishlab chiqish uchun davlat va xoʻjalik boshqaruvi organlari, ilmiy muassasalar hamda boshqa tashkilotlar rahbarlari va vakillarini belgilangan tartibda jalb qilish, tegishli masalalar boʻyicha vaqtinchalik ishchi guruhlar tashkil etish yuzasidan takliflar tayyorlash.

8. Maslahatchi:

oʻz zimmasiga yuklangan vazifalarning oʻz vaqtida va zarur darajada bajarilishi;

Oʻzbekiston Respublikasi Bosh vazirining oʻrinbosari va Bosh vazir topshiriqlarining oʻz vaqtida va sifatli bajarilishini taʼminlash yuzasidan javob beradi.

IV bob. Maslahatchi faoliyatini tashkil etish

9. Maslahatchining ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Reglamentiga, ushbu Nizomga, Oʻzbekiston Respublikasi Bosh vazirining oʻrinbosari va Bosh vazirning topshiriqlariga muvofiq, shuningdek Vazirlar Mahkamasining ish rejalari hamda Yoshlar siyosati, madaniyat, axborot tizimlari va telekommunikatsiyalar masalalari kompleksining ish rejasi asosida tashkil etiladi.

10. Maslahatchining shaxsiy ish rejasi Bosh vazir oʻrinbosari tomonidan tasdiqlanadi.

Vazirlar Mahkamasining 2016-yil 20-oktabrdagi 352-son qaroriga 3-ILOVA

Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti toʻgʻrisida

NIZOM

I bob. Umumiy qoidalar

1. Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti (keyingi oʻrinlarda Departament deb ataladi) Oʻzbekiston Respublikasi Vazirlar Mahkamasi Ijro etuvchi apparatining tarkibiy boʻlinmasi hisoblanadi.

2. Departamentning faoliyati Vazirlar Mahkamasini, uning Rayosatini, shuningdek Vazirlar Mahkamasining Ijro etuvchi apparatini:

yoshlar siyosati va maʼnaviy rivojlantirish, chuqur axloqiy va barkamol yosh avlodni tarbiyalash, axborot faoliyati, madaniyat va sanʼat, nodavlat notijorat tashkilotlari bilan oʻzaro hamkorlik qilish masalalari boʻyicha;

davlat va xoʻjalik boshqaruvi organlari, mahalliy ijro etuvchi hokimiyat organlari, iqtisodiyot tarmoqlari va sohalarida axborot-kommunikatsiya texnologiyalarini rivojlantirish va axborot xavfsizligini taʼminlash, shuningdek milliy axborot makoni monitoringi, pochta, telekommunikatsiyalar va teleradioeshittirishni rivojlantirish, axborot faoliyati, arxiv ishi samaradorligini oshirish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalari boʻyicha axborot-tahliliy materiallar bilan taʼminlashga yoʻnaltirilgan.

3. Departament oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Departament oʻz faoliyatini Oʻzbekiston Respublikasining Bosh vaziri rahbarligida amalga oshiradi.

Departament oʻz vakolatiga kiruvchi masalalar boʻyicha Oʻzbekiston Respublikasi Bosh vaziri oʻrinbosariga boʻysunadi, ayni vaqtda uning faoliyati Vazirlar Mahkamasi apparatining boshqaruvchisi tomonidan muvofiqlashtirib boriladi.

5. Departament oʻz faoliyatini Vazirlar Mahkamasi Ijro etuvchi apparatining boshqa tarkibiy boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan oʻzaro hamkorlikda amalga oshiradi.

II bob. Departamentning vazifalari va funksiyalari

6. Quyidagilar Departamentning asosiy vazifalari hisoblanadi:

a) yoshlar siyosati va maʼnaviy kamolot sohasida:

ommaviy madaniyatning mentalityetimizga yot boʻlgan elementlariga, diniy fanatizmga va mafkuraviy ekstremizmning boshqa koʻrinishlariga qarshi turishga qodir boʻlgan yigit va qizlarning ichki immunitetini shakllantirishning muhim omillari boʻlgan, maʼnaviy boy va barkamol, yuqori maʼlumotli va jismonan sogʻlom, mustaqil fikrlovchi va oʻz hayotiy nuqtai nazariga, keng dunyoqarashga, mustahkam bilimlarga, qatʼiy eʼtiqodlarga, milliy madaniyat va maʼnaviy qadriyatlarga, asrlar boʻyi toʻplangan noyob tajribaga va jahon sivilizatsiyasi yutuqlarini chuqur hurmat qilishga asoslangan yuksak maʼnaviy va axloqiy tamoyillarga ega boʻlgan oʻsib kelayotgan avlodni voyaga yetkazishga yoʻnaltirilgan yoshlar siyosatini yanada takomillashtirish boʻyicha tizimli ishlarni amalga oshirish;

yoshlar jamoat tashkilotlarining kamol topayotgan avlodni tarbiyalashdagi, yoshlarning huquqiy madaniyatini va ijtimoiy-iqtisodiy faolligini oshirishdagi, “fuqarolik burchi”, “daxldorlik tuygʻusi” va “yoshlar madaniyati” kabi tushunchalarni yoshlar ongiga singdirishdagi rolini kuchaytirishga yoʻnaltirilgan chora-tadbirlar kompleksini amalga oshirishdagi faoliyatini samarali muvofiqlashtirishni taʼminlash;

yosh avlodning ijodiy va intellektual salohiyatini aniqlash, rivojlantirish va roʻyobga chiqarish, yoshlarni va yosh oilalarni ijtimoiy qoʻllab-quvvatlash, davlat va jamoat tashkilotlarini jalb etgan holda ular uchun munosib shart-sharoitlar yaratish sohasidagi chora-tadbirlar kompleksini amalga oshirish boʻyicha tizimli ishlarni tashkil etish;

mamlakat fuqarolari, ayniqsa oʻsib kelayotgan avlod ongida milliy gʻoyaga, milliy mafkuraga, umuminsoniy qadriyatlar va demokratik tamoyillarga asoslangan dunyoqarashni shakllantirishga, jamoatchilik ongiga mustaqillik gʻoyalariga cheksiz sodiqlik tamoyillarini, Vatanga muhabbatni, erkin va ravnaq topayotgan davlat qurishdek buyuk va ezgu maqsadlarga erishishga ishonchni, fidoyilikni singdirishga yoʻnaltirilgan kompleks chora-tadbirlarni ishlab chiqish va amalda roʻyobga chiqarish;

mamlakatda yuz berayotgan keng koʻlamli qayta oʻzgartirishlar va oʻzgarishlarning mohiyatini ochib berish, milliy manfaatlarni amaliy va faol tashviq va targʻib qilish, mamlakat mustaqilligining maʼnaviy asosini mustahkamlash, milliy anʼanalar va urf-odatlarni saqlash boʻyicha aholi oʻrtasida olib borilayotgan maʼnaviy-maʼrifiy va tashviqot-targʻibot ishlarining taʼsirchanligi va samaradorligini oshirishga yoʻnaltirilgan chora-tadbirlarni amalga oshirishda jamoat birlashmalariga, fuqarolarning oʻzini oʻzi boshqarish organlariga, mahalliy ijro etuvchi hokimiyat organlariga koʻmaklashish;

demokratik qadriyatlarni, odamlarning huquqlari, erkinliklari va qonuniy manfaatlarini himoya qilish, fuqarolarning oʻz salohiyatini roʻyobga chiqarishlari uchun shart-sharoitlar yaratish, ularning ijtimoiy, ijtimoiy-iqtisodiy faolligini va huquqiy madaniyatini oshirish, ijtimoiy hayotning turli sohalarida muhim davlat dasturlarini amalga oshirishda va katta ijtimoiy ahamiyatga molik boshqa muammolarni hal etishda nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish shakllari va usullarini takomillashtirish maqsadida nodavlat notijorat tashkilotlari bilan oʻzaro hamkorlikda ijtimoiy sheriklik va jamoatchilik nazorati tizimini yanada takomillashtirish chora-tadbirlarini ishlab chiqish va amalga oshirish;

aholining taʼlim va madaniy saviyasini oshirishga, milliy anʼanalarni, tarixiy va maʼnaviy merosni ehtiyotlab saqlashga, yoshlar va oʻsib kelayotgan avlodni vatanparvarlik, Vatanga muhabbat, milliy va umuminsoniy qadriyatlarni hurmat qilish ruhida tarbiyalashga yoʻnaltirilgan teleradio dasturlarning yuqori sifatli, professional, badiiy yuksak darajasini taʼminlash;

Oʻzbekistonning siyosiy, iqtisodiy, ijtimoiy va madaniy hayotida yuz berayotgan huquqiy demokratik davlatni, ochiq fuqarolik jamiyatini shakllantirishga, mustaqil ommaviy axborot vositalarini rivojlantirishga, insonning huquq va erkinliklarini himoya qilishga yoʻnaltirilgan demokratik oʻzgarishlar toʻgʻrisida aholini, shuningdek xorijiy jamoatchilikni keng xabardor qilish;

jamiyatning madaniy va maʼnaviy hayoti darajasi yuksalishida milliy kino sanʼatining oʻrni va ahamiyatini hisobga olgan holda umuminsoniy va milliy qadriyatlar birligi tamoyillari asosida uni rivojlantirishning ustuvor yoʻnalishlarini ishlab chiqish, mamlakatda erkin demokratik jamiyat qurish yoʻlida yuz berayotgan oʻzgarishlar va real yutuqlarni, milliy mustaqillik gʻoyasining mohiyatini kino sanʼati vositalari orqali aks ettirish, jamiyat hayotida, ayniqsa yoshlar tarbiyasida kinematografiyaning oʻrni va ishtirokini kuchaytirish, kino mahsulotlarining gʻoyaviy-badiiy saviyasini oshirish va uni yanada takomillashtirish;

badiiy jihatdan yuksak boʻlgan, kamol topayotgan avlod munosib darajada ibrat oladigan zamonaviy qahramon obrazini shakllantiradigan kino asarlari yaratishga qodir boʻlgan eng yangi texnologiyalarni hisobga olgan holda, umum tomonidan qabul qilingan jahon standartlariga muvofiq boʻlgan kino asarlari yaratadigan zamonaviy infratuzilmani rivojlantirish;

ijodiy jamoalarning kinostudiyalarini qoʻllab-quvvatlash, ularning manfaatlarini himoya qilish, kinematografiya sohasida tadbirkorlik va raqobat muhitini rivojlantirish uchun qulay shart-sharoitlar yaratish;

demokratik islohotlarni, davlatning yoshlar siyosatini, yoshlarning bilimi va dunyoqarashini kengaytirishni, turli axborot xurujlarining oldini olishni, ommaviy axborot vositalarida axborotlar va boshqa materiallar berish shakllari va usullarini muntazam ravishda takomillashtirish, mahalliy, ayniqsa yoshlarning ommaviy axborot vositalarini yanada keng ommalashtirish orqali yoshlarning ongi va tafakkurini ommaviy madaniyatning salbiy taʼsiridan saqlashni amalga oshirishda ommaviy axborot vositalarining roli va taʼsirini yanada kuchaytirish chora-tadbirlari kompleksini amalga oshirish;

ommaviy axborot vositalarini, noshirlik va matbaa faoliyatini, kitob mahsulotlari va boshqa bosma mahsulotlarni tarqatishni rivojlantirish sohalarida yagona davlat siyosatini amalga oshirish, axborot-kommunikatsiya texnologiyalarini joriy etish, ushbu sohalarda sifat oʻzgarishlari va tendensiyalarni baholash;

ommaviy axborot vositalarining mustaqilligini, jurnalist kasbining ijtimoiy maqomi va nufuzini, ommaviy axborot vositalari xodimlari malakasi va mahoratini oshirish, jurnalist kadrlarning yangi farmatsiyasini tayyorlashni takomillashtirish chora-tadbirlarini amalga oshirish;

b) madaniyat va sanʼat sohasida:

Oʻzbekiston xalqining milliy madaniy va maʼnaviy merosini asrash va koʻpaytirish, aholining madaniy darajasini oshirish, jamiyatning tobora oʻsib borayotgan intellektual, estetik va madaniy ehtiyojlarini hisobga olgan holda aholining keng qatlamlarini, ayniqsa yoshlarni madaniy-ommaviy tadbirlar bilan toʻliq qamrab olishni taʼminlash, yoshlarning ijodiy salohiyatini namoyon qilish va qoʻllab-quvvatlash, shuningdek madaniyat muassasalari, bolalar musiqa va sanʼat maktablarining moddiy-texnika bazasini yanada mustahkamlash, ular faoliyati samaradorligini oshirish chora-tadbirlarini roʻyobga chiqarish;

estrada sanʼatini rivojlantirish, ommaviy bayramlar, festivallar, koʻriklar va tanlovlar, xalq sayillarini va boshqa madaniy-maʼrifiy tadbirlarni tashkil etish chora-tadbirlarini amalga oshirish;

teatrlarni ommaviylashtirish orqali xalqning badiiy didi va madaniy darajasini oshirish, davrimizning qahramoni obrazini zamonaviy talqin qilishda jahon va milliy teatrni rivojlantirish tendensiyalarini hisobga olgan holda teatrlarning repertuarlarini shakllantirishga koʻmaklashish, teatr arboblari — dramaturglar, rejissorlar va aktyorlarning yosh avlodini tayyorlashni takomillashtirish, teatr sanʼatining moddiy-texnika bazasini mustahkamlash boʻyicha kompleks chora-tadbirlarni amalga oshirish;

v) axborot-kommunikatsiya texnologiyalarini rivojlantirish sohasida:

1) davlat hokimiyati va boshqaruvi organlarida:

axborot-kommunikatsiya texnologiyalari sohasida, shu jumladan “Elektron hukumat” tizimini joriy etish, davlat interaktiv xizmatlarini rivojlantirish va sifatini oshirish, maʼmuriy tartib-taomillarning axborotlashtirilishi darajasini oshirish, axborot texnologiyalari va dasturiy mahsulotlarning zamonaviy bozorini shakllantirish, shuningdek sohaviy turdosh xizmatlar sifatini oshirishga oid yagona davlat siyosatini shakllantirish;

mamlakatni ijtimoiy-iqtisodiy rivojlantirish strategiyasiga va zamonaviy xalqaro tendensiyalarga muvofiq davlat boshqaruvi va mahalliy ijro etuvchi hokimiyat organlari tizimida axborot-kommunikatsiya texnologiyalarini yanada rivojlantirishning ustuvor yoʻnalishlarini belgilash;

davlat organlari tomonidan tadbirkorlik subyektlari va aholiga koʻrsatiladigan interaktiv davlat xizmatlarini yanada rivojlantirish va sifatini yaxshilashni taʼminlash, tegishli axborot resurslaridan, shu jumladan qishloq joylarda keng foydalanishni taʼminlash;

davlat boshqaruvi va mahalliy ijro etuvchi hokimiyat organlari tomonidan axborot-kommunikatsiya texnologiyalarini rivojlantirish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini tashkil etish va nazorat qilish;

2013 — 2020-yillarda Oʻzbekiston Respublikasining Milliy axborot-kommunikatsiya tizimini rivojlantirish kompleks dasturi amalga oshirilishini taʼminlash;

axborot-kommunikatsiya texnologiyalari, dasturiy mahsulotlarni ishlab chiqish va joriy etish, axborot tizimlari va maʼlumotlar bazalari sohasida kadrlar tayyorlash, ularni qayta tayyorlash va ularning malakasini oshirishni muvofiqlashtirish;

axborot tizimlari, ularning komplekslari, axborot resurslari va maʼlumotlar bazalari reyestrlarini, shuningdek davlat boshqaruvi va mahalliy ijro etuvchi hokimiyat organlarining davlat xizmatlarini, shakllari va blankalarini shakllantirish va yuritishni muvofiqlashtirish;

keyinchalik aniq tavsiyalar va takliflar tayyorlangan holda axborot-kommunikatsiya texnologiyalarini va “Elektron hukumat” tizimini rivojlantirish boʻyicha kompleks dasturlar amalga oshirilishi monitoringini olib borish, tahlil qilish va samaradorligini baholash;

davlat boshqaruvi va mahalliy ijro etuvchi hokimiyat organlarining maʼmuriyatchilik tartib-taomillarini, funksional va operatsiya jarayonlarini tizimli qayta tashkil etish va axborotlashtirishni tahlil qilish va uning natijalari asosida takliflar tayyorlash;

davlat boshqaruvi va mahalliy ijro etuvchi hokimiyat organlari va ularning idoraviy mansub tashkilotlari xodimlarini kompyuter savodxonligining eng kam darajasi boʻyicha talablarga muvofiqligi yuzasidan attestatsiyadan oʻtkazish natijalarini tahlil qilish;

Internet tarmogʻidagi Oʻzbekiston Respublikasining Hukumat portalini rivojlantirish va takomillashtirish, shuningdek Oʻzbekiston Respublikasining Interaktiv davlat xizmatlari yagona portali orqali yuridik va jismoniy shaxslarga interaktiv davlat xizmatlari koʻrsatish roʻyxatini kengaytirish va sifatini oshirish boʻyicha takliflar tayyorlash;

davlat boshqaruvi va mahalliy ijro etuvchi hokimiyat organlarida davlat axborot tizimlari va resurslarini, axborot texnologiyalari va xizmatlari bozorini rivojlantirish, axborot tizimlarini boshqarish tuzilmasini takomillashtirish boʻyicha takliflar ishlab chiqish;

qishloq joylarda axborot-kommunikatsiya texnologiyalarini rivojlantirishni maqsadli va manzilli ragʻbatlantirish mexanizmlarini shakllantirish va amalga oshirishda ishtirok etish;

hududlar oʻrtasida axborot-kommunikatsiya texnologiyalaridan foydalanishda va ularni rivojlantirishda tengsizlikni bartaraf etish boʻyicha amaliy va samarali mexanizmlarni ishlab chiqish va amalga oshirish;

davlat boshqaruvi va mahalliy ijro etuvchi hokimiyat organlari tizimida axborot-kommunikatsiya texnologiyalaridan foydalanish sohasida xalqaro hamkorlikni tashkil etish, xalqaro tashkilotlar va xorijiy mamlakatlar bilan oʻzaro foydali hamkorlikni kengaytirish yuzasidan takliflar ishlab chiqish;

2) iqtisodiyot tarmoqlari va sohalarida:

mamlakatni ijtimoiy-iqtisodiy rivojlantirish strategiyasiga va zamonaviy xalqaro tendensiyalarga muvofiq iqtisodiyot tarmoqlari va sohalarida axborot-kommunikatsiya texnologiyalarini rivojlantirishda davlat siyosati amalga oshirilishini taʼminlash hamda ustuvor yoʻnalishlarni belgilash;

iqtisodiyot tarmoqlari va sohalarida axborot tizimlari va resurslarini, axborot texnologiyalari va xizmatlari bozorini yanada rivojlantirish, axborot tizimlari va tarmoqlarini boshqarish tuzilmasini takomillashtirish, modernizatsiya qilish va texnika bilan qayta jihozlash, ushbu sohaga xorijiy investitsiyalar va texnologiyalarni jalb etish uchun shart-sharoitlar yaratish yuzasidan takliflar ishlab chiqish;

raqobatbardoshli milliy dasturiy mahsulotlarni ishlab chiqarishni va uning ichki bozorini ragʻbatlantirish sohasida davlat siyosati shakllantirilishida qatnashish;

iqtisodiyotning real sektori tarmoqlarida zamonaviy dasturiy mahsulotlarni, axborot tizimlari va resurslarini joriy etishni muvofiqlashtirish;

raqobatbardoshli milliy dasturiy mahsulotlarni ishlab chiqishni, shuningdek istiqbolli loyihalarni va innovatsion texnologiyalarni yaratishda band boʻlgan iqtidorli yosh dasturchilarni qoʻllab-quvvatlashni ragʻbatlantirishni tahlil qilish va takliflar tayyorlash;

iqtisodiyot tarmoqlari va sohalariga axborot-kommunikatsiya texnologiyalari joriy etilishini, ularni xalqaro standartlar va talablarga muvofiq oʻzaro bogʻliq holda mutanosib rivojlantirishni tahlil qilish;

iqtisodiyot tarmoqlari va sohalarida axborot-kommunikatsiya texnologiyalarini rivojlantirish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishini tashkil etish va nazorat qilish;

iqtisodiyot tarmoqlari va sohalarida, boshqaruv tizimida, bank va moliya tizimlarida, ishlab chiqarish korxonalarida axborot-kommunikatsiya texnologiyalarini, Internet tarmogʻi va axborot tizimlaridan foydalanishning samaradorligini rivojlantirish ishlarining holati mezonlari va tahlili tizimlarini ishlab chiqishga doir ishlarni tashkil etish;

xoʻjalik boshqaruvi organlari va boshqa tashkilotlarning axborotlashtirish, axborot tizimlarining faoliyat koʻrsatishi va ularni rivojlantirish masalalari boʻyicha faoliyatini muvofiqlashtirish;

moliya, bank va sugʻurta sektorlarida, toʻlov tizimlarida axborot-kommunikatsiya texnologiyalaridan keng foydalanishni ragʻbatlantirish va tashkil etish, elektron tijoratni rivojlantirish boʻyicha takliflar tayyorlash;

tadbirkorlik, ishlab chiqarish, fan va taʼlim, moliya, tibbiyot, axborot va bank xizmatlari, transport sohasida axborot-kommunikatsiya texnologiyalarini yanada joriy etish monitoringini olib borish, tahlil qilish va takliflar tayyorlash, aholi keng qatlamlarining zamonaviy kompyuter va axborot tizimlaridan keng foydalanishi uchun shart-sharoitlar yaratish;

sifatli dasturiy mahsulotlarni mahalliy ishlab chiqarishni rivojlantirish va ularni eksport qilishni ragʻbatlantirishning samarali mexanizmini yaratish, kompyuter texnikasi va unga butlovchi buyumlarni yaratish va ishlab chiqarishni tashkil etish, erkin ilm-fan va texnologiya zonalari tashkil etish yuzasidan takliflar ishlab chiqish;

iqtisodiyot tarmoqlari va sohalarida axborot-kommunikatsiya texnologiyalaridan foydalanish borasida xalqaro hamkorlikni tashkil etish, xalqaro tashkilotlar va xorijiy mamlakatlar bilan oʻzaro foydali hamkorlikni kengaytirish yuzasidan takliflar ishlab chiqish;

g) milliy axborot makoni monitoringi va axborot xavfsizligini taʼminlash sohasida:

milliy axborot makonining yaxlitligini saqlash, davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning axborot resurslari va tizimlarining axborot xavfsizligini taʼminlash boʻyicha davlat siyosati amalga oshirilishini tashkil etish;

davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning axborot tizimlaridan foydalanishda axborotlashtirish va axborot xavfsizligini taʼminlash sohasida normativ-huquqiy hujjatlar, axborot resurslarining ishlab chiqilishi va foydalanilishi, texnik talablar, qoidalar va standartlarning bajarilishi monitoringini olib borish, tahlil qilish, maqsadli oʻrganishlarni tashkil etish;

milliy axborot makoni va ommaviy axborot vositalari faoliyatining, shu jumladan zamonaviy axborot-kommunikatsiya texnologiyalari, yoʻldosh tizimlar, Internet tarmogʻi, axborotlarni, shuningdek bosma mahsulotlarni yetkazib berish va tarqatishning boshqa elektron vositalarining tizimli monitoringini amalga oshirish;

milliy axborot makonini tahlil qilish, uning monitoringini tashkil etish, axborot xavfsizligini taʼminlash shakllari va usullarini takomillashtirish, axborot resurslari va xizmatlari bozorini rivojlantirish, axborotlar ayirboshlashning himoyalangan elektron shakllariga izchil ravishda bosqichma-bosqich oʻtish boʻyicha takliflar ishlab chiqish;

davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning axborot tizimlariga ruxsatsiz kirish hollarini bartaraf etishni taʼminlaydigan dasturiy-texnik vositalarini qoʻllash boʻyicha Internet tarmogʻi axborot resurslariga, axborot tizimlarini boshqarishga yagona talablarni shakllantirishda qatnashish;

tashkiliy-texnik va normativ-huquqiy bazani takomillashtirish, operatorlar va provayderlarning davlat vakolatli tuzilmalari bilan oʻzaro hamkorligi samaradorligini oshirish;

milliy axborot makoni monitoringini olib borish va axborot xavfsizligini taʼminlash masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlari bajarilishini tashkil etish va nazorat qilish;

davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning milliy axborot makoni monitoringini olib borish va axborot xavfsizligini taʼminlash masalalari boʻyicha faoliyatini muvofiqlashtirish;

davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek xoʻjalik yurituvchi subyektlarning axborot tizimlari va kompyuter tarmoqlarini axborot xavfsizligini taʼminlash talablari boʻyicha majburiy tartibda attestatsiyadan oʻtkazish tizimini joriy etish va rivojlantirish yuzasidan takliflar tayyorlash;

obyektlarni tasniflash va baholashni tashkil etish, axborot xavfsizligiga tahdidlarni, shuningdek ushbu tahdidlarga qarshi harakat tizimlarini prognoz qilish, elektron toʻlov tizimlarining ishonchli va uzluksiz ishlashini taʼminlash;

axborot xavfsizligini taʼminlashning texnik infratuzilmasi rivojlanishini nazorat qilish, shu jumladan Internet-oqimlar. veb-saytlar, ijtimoiy tarmoqlar, ommaviy axborot vositalari va telekommunikatsiyalar tarmoqlari monitoringini olib borish va tahlil qilish tizimini yaratish;

axborot xavfsizligi boʻyicha yuqori malakali kadrlarni tayyorlash va qayta tayyorlashni tashkil etish va samaradorligi monitoringini olib borish, axborot xavfsizligini taʼminlash sohasida yuqori malakali kadrlarga boʻlgan ehtiyojni taʼminlash yuzasidan takliflar ishlab chiqish;

d) pochta va telekommunikatsiyalarni rivojlantirish, arxiv ishi, intellektual mulk huquqlarini himoya qilish sohasida:

pochta, telekommunikatsiyalar va teleradioeshittirish tarmoqlarini rivojlantirish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalarida davlat siyosati shakllantirilishi va amalga oshirilishi taʼminlanishida qatnashish;

pochta, telekommunikatsiyalar va teleradioeshittirishni rivojlantirishda iqtisodiy islohotlarni amalga oshirishni, sifat oʻzgarishlari va tendensiyalarni baholashni, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilishni tizimli va kompleks oʻrganishni tashkil etish;

telekommunikatsiyalar sohasida ishlab chiqarishni mahalliylashtirish, darajasini yanada chuqurlashtirishni, tarmoqlararo sanoat kooperatsiyasini kengaytirishni taʼminlash, importning oʻrnini bosishni va mahalliy xomashyo resurslari bazasida ichki bozorni zarur isteʼmol tovarlari va butlovchi buyumlar bilan taʼminlaydigan zamonaviy, yuqori texnologiyali raqobatbardoshli ishlab chiqarishlarni tashkil etish;

pochta va telekommunikatsiyalar sohasidagi tashkilotlarda korporativ boshqaruvning zamonaviy usullarini joriy etishni tashkil etish, ishlab chiqarish, investitsiya, moddiy-texnik, moliyaviy va mehnat resurslaridan foydalanish samaradorligini oshirish;

pochta, telekommunikatsiyalar, teleradioeshittirish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Vazirlar Mahkamasining qarorlari va farmoyishlari bajarilishini tashkil etish;

pochta, telekommunikatsiyalar, teleradioeshittirish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalari boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

telekommunikatsiya infratuzilmasini yanada rivojlantirish va modernizatsiyalash, shu jumladan Internet tarmogʻining axborot tizimlari va resurslaridan, mobil va yoʻldosh aloqa tarmoqlaridan keng polosali foydalanishni kengaytirish, telefon aloqasi va teleradioeshittirishning raqamli tizimlariga toʻliq oʻtishni taʼminlash;

umumiy qabul qilingan xalqaro normalar va standartlarga muvofiq axborot-kommunikatsiya texnologiyalari va telekommunikatsiyalar, pochta aloqasi, axborotlashtirish va radiochastota spektri sohasida qonunchilikni yanada takomillashtirish boʻyicha takliflar tayyorlash;

pochta va telekommunikatsiyalar korxonalarini davlat tasarrufidan chiqarish va xususiylashtirish jarayonlarini muvofiqlashtirish;

pochta, telekommunikatsiyalar va teleradioeshittirish sohalarida iqtisodiy islohotlarni yanada chuqurlashtirish, ushbu sohalarda boshqaruv shakllari, usullari va tuzilmasini takomillashtirish boʻyicha takliflar tayyorlash;

davlat va xoʻjalik boshqaruvi organlarida, mahalliy ijro etuvchi hokimiyat organlarida va boshqa tashkilotlarda arxiv ishi va ish yuritishning ahvoli monitoringini olib borish va ularni tahlil qilish, arxiv ishi tizimi ishlarining samaradorligini oshirish va takomillashtirish, Oʻzbekiston Respublikasi Milliy arxiv fondi hujjatlari saqlanishini taʼminlash, davlat va xoʻjalik boshqaruvi organlarida, mahalliy ijro etuvchi hokimiyat organlarida va boshqa davlat tashkilotlarida ish yuritishning, shu jumladan, elektron hujjatlar aylanishi tizimini qoʻllagan holda ish yuritishning samaradorligi va funksionalligini oshirish boʻyicha takliflar ishlab chiqish;

intellektual mulk obyektlarini huquqiy muhofaza qilish va ularga boʻlgan huquqlarni himoya qilishning samarali tizimi faoliyat koʻrsatishi monitoringini olib borish va uni taʼminlash, Oʻzbekiston Respublikasining xalqaro majburiyatlarini hisobga olgan holda ushbu tizim ishlari samaradorligini oshirish va uni yanada takomillashtirish boʻyicha takliflar ishlab chiqish;

EHM uchun audiovizual asarlar, fonogrammalar va dasturlar tarqatish masalalari boʻyicha, soxta mahsulotlar tarqalishining oldini olish usullarini takomillashtirish boʻyicha takliflar tayyorlash orqali davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtirish;

pochta va telekommunikatsiyalar tashkilotlarining eksport salohiyatini rivojlantirish masalalari boʻyicha monitoring olib borilishini tashkil etish va uni tahlil qilish va takliflar tayyorlash;

pochta va telekommunikatsiyalar va teleradioeshittirish tarmoqlari va vositalarini modernizatsiya qilish va texnika bilan qayta jihozlash hamda arxiv ishi, ushbu sohalarga xorijiy investitsiyalar va texnologiyalarni jalb etish masalalari boʻyicha ishlarni muvofiqlashtirish;

pochta va telekommunikatsiyalar xizmatlari sifatini oshirish, ularning xalqaro standartlarga muvofiqligini taʼminlash, pochta va telekommunikatsiyalar xizmatlaridan foydalanuvchilar huquqlarini himoya qilish, shuningdek pochta aloqa vositalari orqali pensiyalarni oʻz vaqtida yetkazib berish masalalarini oʻrganish, tahlil qilish va ular yuzasidan takliflar ishlab chiqish;

pochta va telekommunikatsiyalar sohasi, shuningdek mutasaddilik qilinadigan boshqa tarmoqlar uchun yuqori malakali kadrlar tayyorlashning holati monitoringini olib borish, ularning zarur ixtisosdagi kadrlarga boʻlgan ehtiyojini taʼminlash yuzasidan takliflar ishlab chiqish;

innovatsion texnologiyalar va ixtirolar, ilmiy-texnika va sanoat ishlanmalari, badiiy konstruktorlik va ijodiy ishlarning boshqa turlarini monitoring qilish, tahlil qilishni tashkil etish va ularni ishlab chiqarishga keng joriy etish boʻyicha takliflar tayyorlash;

intellektual mulk obyektlarini huquqiy muhofaza qilish va ularga boʻlgan huquqlarni himoya qilish, arxiv ishi va ish yuritish sohasiga axborot-kommunikatsiya texnologiyalari keng joriy etilishini tashkil qilish;

davlat va xoʻjalik boshqaruvi organlari bilan birgalikda arxiv ishi va ish yuritish samaradorligini oshirish va rivojlantirish vazifalarini kompleks hal etishni tashkil qilish;

pochta, telekommunikatsiyalar va teleradioeshittirish sohalarida, axborot bozorini tartibga solish, arxiv ishi va ish yuritish, intellektual mulk obyektlarini huquqiy muhofaza qilish va ularga boʻlgan huquqlarni himoya qilish sohasida xalqaro hamkorlik qilish monitoringini olib borish va uni tahlil qilish, ushbu sohalarda xalqaro tashkilotlar va xorijiy mamlakatlar bilan hamkorlikni yanada kengaytirish va uning samaradorligini oshirish boʻyicha takliflar ishlab chiqish.

7. Departament oʻziga yuklangan vazifalarni bajarish uchun quyidagi funksiyalarni amalga oshiradi:

oʻz vakolatiga kiradigan masalalar boʻyicha axborotlarni toʻplaydi va umumlashtiradi;

oʻzi mutasaddi boʻlgan sohalarda ishlarning holatini oʻrganadi hamda Oʻzbekiston Respublikasi Prezidenti, Oʻzbekiston Respublikasining Bosh vaziri, Oʻzbekiston Respublikasi Bosh vazirining birinchi oʻrinbosari va Bosh vazirning oʻrinbosari uchun tegishli materiallarni tayyorlaydi;

tegishli tarmoqlar va sohalarni, axborot-kommunikatsiya texnologiyalarini rivojlantirish va axborot xavfsizligini taʼminlash, shuningdek tegishli tarmoqlarda korporativ boshqaruvning zamonaviy usullarini joriy etish dasturlari amalga oshirilishi monitoringini olib boradi;

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Vazirlar Mahkamasining qarorlari va farmoyishlari, Oʻzbekiston Respublikasining Bosh vaziri va uning oʻrinbosarlari, Vazirlar Mahkamasi apparati boshqaruvchisining topshiriqlari ijrosini nazorat qiladi;

tegishli tarmoqlar boʻyicha tizimlashtirilgan maʼlumotlar bazalari yaratilishi va yuritilishini, ularning muntazam ravishda toʻldirib va yangilab borilishini taʼminlaydi;

Vazirlar Mahkamasining koʻrib chiqishi uchun tahliliy, maʼlumotnoma materiallar va boshqa materiallarni, Oʻzbekiston Respublikasining Bosh vaziri va uning oʻrinbosarlari topshiriqlari loyihalarini tayyorlaydi;

Vazirlar Mahkamasiga kiritilgan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalari ekspertizasini amalga oshiradi va ularni ishlab chiqadi, ular yuzasidan zarur tahliliy va maʼlumotnoma materiallar tayyorlaydi;

Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari tomonidan oʻtkaziladigan yigʻilishlarga materiallar tayyorlashda va ularda qabul qilinadigan qarorlarni rasmiylashtirishda qatnashadi;

materiallar, Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalari kompleks va sifatli ishlab chiqilishi va tayyorlanishini hamda davlat va xoʻjalik boshqaruvi manfaatdor organlari, Vazirlar Mahkamasi Ijro etuvchi apparatining tarkibiy boʻlinmalari bilan kelishilishini taʼminlaydi;

Departament vakolatiga kiruvchi masalalar boʻyicha qonun loyihalari ishlab chiqilishini va belgilangan tartibda Oʻzbekiston Respublikasi Oliy Majlisiga taqdim etilishini va ularning himoya qilinishini tashkil qiladi;

oʻziga yuklangan vazifalarga muvofiq davlat va xoʻjalik boshqaruvining mutasaddilik qilinadigan organlari faoliyatini muvofiqlashtiradi;

Departament vakolatiga kiruvchi masalalar boʻyicha xalqaro shartnomalar loyihalarini tayyorlashda qatnashadi;

Oʻzbekiston Respublikasining Bosh vaziri va uning oʻrinbosarlari boshchilik qiladigan tegishli Hukumat komissiyalari va idoralararo komissiyalar hamda kengashlar ishlari samaradorligini taʼminlaydi, ular tomonidan qabul qilingan qarorlarning bajarilishini muvofiqlashtiradi va nazorat qiladi;

jismoniy va yuridik shaxslarning murojaatlarini koʻrib chiqadi va ularda qoʻyilgan masalalarni hal etish boʻyicha takliflar tayyorlaydi, ushbu murojaatlarni koʻrib chiqish va chora-tadbirlar koʻrish uchun tegishli davlat va xoʻjalik boshqaruvi organlariga, mahalliy ijro etuvchi hokimiyat organlariga yuboradi, ularning oʻz vaqtida koʻrib chiqilishini nazorat qiladi, jismoniy shaxslarni va yuridik shaxslarning vakillarini shaxsan qabul qilishni amalga oshiradi.

Departament oʻziga yuklangan boshqa funksiyalarni ham belgilangan tartibda amalga oshiradi.

III bob. Departamentning huquqlari va javobgarligi

8. Departament oʻziga yuklangan vazifalar va funksiyalarni bajarish uchun quyidagi huquqlarga ega:

Vazirlar Mahkamasida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni Vazirlar Mahkamasi Ijro etuvchi apparatining boshqa tarkibiy boʻlinmalaridan, davlat va xoʻjalik boshqaruvi organlaridan, mahalliy ijro etuvchi hokimiyat organlaridan, boshqa organlar va tashkilotlardan belgilangan tartibda soʻrash va olish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

mutasaddilik qilinadigan davlat va xoʻjalik boshqaruvi organlari va boshqa tashkilotlarning kollegial organlari majlislarida, Oʻzbekiston Respublikasi Bosh vazirining, Bosh vazir birinchi oʻrinbosarining va Bosh vazir oʻrinbosarining topshirigʻiga binoan esa — davlat boshqa organlarining, nodavlat notijorat va boshqa tashkilotlarning Departament yuritadigan sohaga kiruvchi masalalar boʻyicha oʻtkaziladigan majlislarida va yigʻilishlarida qatnashish;

zarurat boʻlganda, Vazirlar Mahkamasida koʻrib chiqiladigan masalalarni ishlab chiqish uchun davlat va xoʻjalik boshqaruvi organlarining, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil etish;

zarurat boʻlganda, “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Oʻzbekiston Respublikasi Vazirlar Mahkamasining Reglamenti va boshqa normativ-huquqiy hujjatlar talablari buzilgan holda tushayotgan hujjatlarni qaytarib yuborish.

Departamentning zarur materiallarni, maʼlumotlarni taqdim etish, shuningdek Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari hamda boshqa hujjatlar loyihalarini puxta ishlab chiqish boʻyicha talablari, agar Oʻzbekiston Respublikasi Prezidentining, Oʻzbekiston Respublikasi Bosh vazirining, uning oʻrinbosarlarining va Vazirlar Mahkamasi apparati boshqaruvchisining topshiriqlarida bajarishning boshqa muddatlari belgilanmagan boʻlsa, Departament tomonidan belgilangan muddatlarda bajarilishi kerak.

9. Departament:

oʻziga yuklangan vazifalarning zarur tarzda va samarali bajarilishi uchun;

Vazirlar Mahkamasiga kiritilgan hujjatlar loyihalarini, takliflar va masalalarni ekspert jihatidan sifatli ishlab chiqishning tashkil etilishi uchun;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Vazirlar Mahkamasi rahbariyati topshiriqlarining mutasaddilik qilinadigan davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan oʻz vaqtida va sifatli bajarilishi taʼminlanishi uchun;

Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomi mustahkamlanishi uchun javob beradi.

IV bob. Departamentning tuzilmasi

10. Departamentning tuzilmasiga quyidagilar kiradi:

yoshlar siyosati va maʼnaviy rivojlantirish masalalari shuʼbasi;

madaniyat va sanʼat masalalari shuʼbasi;

axborot-kommunikatsiya texnologiyalarini rivojlantirish masalalari shuʼbasi;

milliy axborot makoni monitoringi va axborot xavfsizligini taʼminlash masalalari shuʼbasi;

pochta va telekommunikatsiyalarni rivojlantirish, arxiv ishi, intellektual mulk huquqlarini himoya qilish masalalari shuʼbasi.

Har bir shuʼba tarkibiga shuʼba mudiri, bosh va yetakchi mutaxassislar kiradi.

Departament tuzilmasiga ikki nafar inspektor kiradi.

Departament tuzilmasi Oʻzbekiston Respublikasi Prezidenti tomonidan tasdiqlanadi.

11. Departament ishlariga Departament mudiri rahbarlik qiladi.

12. Departament mudiri, shuʼba mudirlari va mutaxassislar belgilangan tartibda lavozimga tayinlanadi va lavozimdan ozod qilinadi.

V bob. Departament faoliyatini tashkil etish

13. Departament ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining Reglamentiga, Oʻzbekiston Respublikasi Vazirlar Mahkamasining Ijro etuvchi apparati toʻgʻrisidagi Nizomga, ushbu Nizomga, Vazirlar Mahkamasi Ijro etuvchi apparatida ish yuritish boʻyicha Yoʻriqnomaga, Oʻzbekiston Respublikasi Prezidentining, Oʻzbekiston Respublikasi Bosh vazirining, uning oʻrinbosarlarining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek Vazirlar Mahkamasining ish rejalari, Departamentning ish rejalari, Departament mudiri, shuʼbalar mudirlari va mutaxassislarning shaxsiy ish rejalari asosida tashkil etiladi.

Departamentning ish rejasi Kompleksning Oʻzbekiston Respublikasi Vazirlar Mahkamasi Rayosati tomonidan tasdiqlangan ish rejasi asosida shakllantiriladi.

Departamentning ish rejasi va Departament mudirining shaxsiy ish rejasi Vazirlar Mahkamasi apparati boshqaruvchisi bilan kelishiladi va Oʻzbekiston Respublikasi Bosh vazirining oʻrinbosari tomonidan tasdiqlanadi.

Shuʼbalar mudirlari va mutaxassislarning shaxsiy ish rejalari Departament mudiri tomonidan tasdiqlanadi.

Departamentning Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasi qarorlari va farmoyishlari amalga oshirilishi tizimli monitoringini amalga oshirish boʻyicha faoliyati mutasaddilik qilinadigan davlat va xoʻjalik boshqaruvi organlarida, mahalliy ijro etuvchi hokimiyat organlarida, boshqa organlar va tashkilotlarda Vazirlar Mahkamasining ish rejasiga muvofiq kompleks oʻrganishlarni oʻtkazish yoʻli bilan, shuningdek Oʻzbekiston Respublikasi Bosh vazirining, Bosh vazir birinchi oʻrinbosarining hamda Oʻzbekiston Respublikasi Bosh vaziri oʻrinbosarining topshiriqlariga muvofiq, Vazirlar Mahkamasi, Vazirlar Mahkamasi Rayosati, Kompleks majlislarida hisobotlarni eshitish orqali taʼminlanadi.

14. Departament mudiri:

Departamentga bevosita rahbarlik qiladi, shuʼba mudirlari va mutaxassislar ishlarini tashkil qiladi hamda Departamentga yuklangan vazifalar va funksiyalarning bajarilishi uchun shaxsan javob beradi;

Oʻzbekiston Respublikasi Vazirlar Mahkamasiga kiritilgan Departament mutasaddilik qiladigan sohaga kiruvchi masalalar boʻyicha takliflarni va hujjatlar loyihalarini koʻrib chiqishda davlat manfaatlariga qatʼiy rioya qilinishini taʼminlaydi, ularning ekspert jihatdan puxta ishlab chiqilishini tashkil qiladi va tayyorlangan hujjatlar loyihalariga ruxsat belgisi (viza) qoʻyadi. Tegishli hujjatlar qabul qilingandan keyin ularning bajarilishi yuzasidan tizimli nazoratni taʼminlaydi;

iqtisodiyotning tegishli tarmoqlari va sohalari hamda respublika hududlarida iqtisodiy islohotlarning holati va natijadorligi toʻgʻrisida tizimli monitoring tashkil etilishini hamda maʼlumotlar banki shakllantirilishini, shuningdek muammoli masalalarni hal etish, respublika tarmoqlari va hududlarini rivojlantirishning istiqbolli vazifalarini amalga oshirish boʻyicha amaliy chora-tadbirlar ishlab chiqilishi va bajarilishini taʼminlaydi;

Departamentning tasdiqlangan tuzilmasi va shtatlar jadvaliga muvofiq lavozimga tavsiya etilayotgan nomzodlar, shuʼba mudirlari va mutaxassislarning kasbiy darajasi va ish malakasini oshirish, ularni ragʻbatlantirish va jazolash choralari boʻyicha takliflarni puxta ishlab chiqadi hamda Vazirlar Mahkamasi apparati boshqaruvchisi bilan kelishgan holda Kompleks rahbariga koʻrib chiqish uchun kiritadi;

shuʼba mudirlari va mutaxassislar oʻrtasida vazifalarning taqsimlanishini tasdiqlash, shuningdek Kompleksning yarim yillik uchun ish rejasi loyihasini kelishish uchun Kompleks rahbariga kiritadi, Departament shuʼba mudirlari va mutaxassislarining ish rejalarini tasdiqlaydi;

Oʻzbekiston Respublikasi Vazirlar Mahkamasiga tushgan respublika Hukumati qarorini talab qilmaydigan hujjatlarni tegishli davlat va xoʻjalik boshqaruvi organlari, mahalliy ijro etuvchi hokimiyat organlariga koʻrib chiqish uchun yuboradi;

Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi tomonidan Departament yuritadigan sohaga kiruvchi masalalar boʻyicha oʻtkaziladigan yigʻilishlarda qatnashadi;

Departamentning kadrlari zaxirasini shakllantirish va yangilashni, kadrlar zaxirasiga kiritilgan shaxslar bilan tizimli ish olib borish tashkil etilishini taʼminlaydi.

Ijro etuvchi apparatda amalda boʻlgan Yoʻriqnomaga muvofiq ish yuritishni taʼminlaydi;

chiquvchi xat-xabarlarni imzolaydi.

15. Departament mudiri vaqtinchalik boʻlmaganda uning vazifasini Oʻzbekiston Respublikasi Bosh vazirining oʻrinbosari tomonidan belgilanadigan Departamentning shuʼba mudirlaridan biri bajaradi.

16. Shuʼba mudiri:

shuʼba mutaxassislari ishlarini muvofiqlashtiradi va shuʼbaga yuklangan vazifalar va funksiyalarning bajarilishi uchun shaxsan javob beradi;

shuʼbaga birkitilgan masalalar boʻyicha maʼlumotnoma, tahliliy, statistik va boshqa materiallarning, shuningdek qonun hujjatlari va boshqa normativ-huquqiy hujjatlar loyihalarining mutaxassislar tomonidan sifatli va oʻz vaqtida tayyorlanishini tashkil etadi;

qabul qilingan Oʻzbekiston Respublikasi qonunlarini, Oʻzbekiston Respublikasi Prezidentining farmonlari, qarorlari va farmoyishlarini, Hukumat qarorlarini amalga oshirish boʻyicha mutaxassislar tomonidan tashkiliy chora-tadbirlar yoki nazorat rejalari tayyorlanishini, ularning Oʻzbekiston Respublikasining Bosh vaziri yoki uning oʻrinbosari tomonidan tasdiqlanishini muvofiqlashtiradi, erishilgan natijalarning monitoringini doimiy ravishda taʼminlaydi;

masalalarni oʻrganib chiqishni muvofiqlashtirishni va tegishli davr uchun mutaxassislar, Departament va Oʻzbekiston Respublikasi Vazirlar Mahkamasining tasdiqlangan ish rejalaridagi chora-tadbirlarning amalga oshirilishini taʼminlaydi, tanqidiy tahlil asosida tegishli takliflarni koʻrib chiqish uchun Departament mudiriga va Oʻzbekiston Respublikasi Bosh vazirining oʻrinbosariga kiritadi;

iqtisodiyotning tegishli tarmoqlari, sohalari va sektorlari, shuningdek respublika hududlari boʻyicha turkumlangan maʼlumotlar bazasining mutaxassislar tomonidan yaratilishi va yuritilishi yuzasidan nazoratni amalga oshiradi;

maʼlumotnoma materiallar va hujjatlar loyihalari toʻgʻrisida Departament mudiriga, shuningdek belgilangan tartibda Oʻzbekiston Respublikasi Bosh vaziriga, Bosh vazirning oʻrinbosariga, Vazirlar Mahkamasi apparati boshqaruvchisiga axborot beradi;

islohotlarni chuqurlashtirish, shuningdek Departament vakolatiga kiruvchi masalalar boʻyicha mavjud kamchiliklarni bartaraf etish yuzasidan takliflar ishlab chiqilishini tashkil qiladi va ularni Departament mudiriga taqdim etadi;

Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari oʻtkazadigan yigʻilishlarda, Hukumat komissiyalari hamda idoralararo komissiyalar va kengashlar majlislarida, shuʼba yuritadigan sohaga kiradigan masalalar boʻyicha Vazirlar Mahkamasi apparati boshqaruvchisi oʻtkazadigan yigʻilishlarda qatnashadi;

Departament mudiri topshirigʻiga binoan chiquvchi xat-xabarlarni imzolaydi;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar rahbarlari va vakillari, olimlar va mutaxassislar bilan Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda koʻrib chiqishga materiallar tayyorlash uchun oʻziga birkitilgan masalalar boʻyicha yigʻilishlar oʻtkazadi, shuningdek ijrodagi Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari va farmoyishlari loyihalarini ularni zarur darajada tayyorlash maqsadida muhokama qiladi;

vazifalar taqsimotiga muvofiq boshqa funksiyalarni amalga oshiradi.

17. Departamentning bosh mutaxassisi:

oʻz funksional vazifalariga muvofiq takliflarning va normativ-huquqiy hujjatlar loyihalarining sifati, ishonchliligi va oʻz vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning taʼminlanishi uchun shaxsan javob beradi;

davlat va xoʻjalik boshqaruvining, mahalliy ijro etuvchi hokimiyatning tegishli organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert xulosalarni tayyorlaydi, shuningdek ularning Oʻzbekiston Respublikasi Vazirlar Mahkamasi Reglamentiga muvofiq zarur kelishuvlarini taʼminlaydi;

materiallar va hujjatlarning loyihalari toʻgʻrisida Departament mudiriga va shuʼba mudiriga, shuningdek belgilangan tartibda — Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Oʻzbekiston Respublikasi Prezidentining, Oʻzbekiston Respublikasi Bosh vazirining hamda uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlarining davlat va xoʻjalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha maʼlumotlarning turkumlangan bazasini shakllantirishni va yuritishni, uning muntazam ravishda toʻldirib va yangilab borilishini tashkil qiladi;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik xizmatlari)ning tarkibiy boʻlinmalari ishlarining holati va natijadorligini doimiy ravishda oʻrganib boradi, ularning kollegial organlari majlislarida qatnashadi, ularning faoliyati samaradorligini oshirish boʻyicha takliflar kiritadi;

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

Vazirlar Mahkamasi va uning Rayosati majlislarida, Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda koʻrib chiqishga materiallar tayyorlash uchun, shuningdek ijrodagi Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini ularni zarur darajada tayyorlash maqsadida muhokama qilish uchun oʻziga birkitilgan masalalar boʻyicha davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar vakillari, olimlar va mutaxassislar bilan yigʻilishlar oʻtkazadi;

tegishli masalalar boʻyicha yetakchi mutaxassisning faoliyatini nazorat qiladi;

vazifalar taqsimotiga muvofiq boshqa funksiyalarni amalga oshiradi.

18. Departamentning yetakchi mutaxassisi:

oʻz funksional vazifalariga muvofiq takliflarning va hujjatlar loyihalarining sifati, ishonchliligi va oʻz vaqtida tayyorlanishi, topshiriqlar va qabul qilingan hujjatlarning bajarilishi yuzasidan nazoratning taʼminlanishi uchun shaxsan javob beradi;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar tomonidan taqdim etilgan takliflarni va hujjatlar loyihalarini har tomonlama tahlil qiladi, ular yuzasidan zarur tahliliy materiallarni va ekspert xulosalarni tayyorlaydi, shuningdek ularning Oʻzbekiston Respublikasi Vazirlar Mahkamasi Reglamentiga muvofiq zarur kelishilishini taʼminlaydi;

materiallar va hujjatlarning loyihalari toʻgʻrisida Departament mudiriga, shuʼba mudiriga va bosh mutaxassisga, shuningdek belgilangan tartibda — Oʻzbekiston Respublikasi Bosh vazirining oʻrinbosariga va Vazirlar Mahkamasi apparati boshqaruvchisiga axborot beradi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va belgilangan tartibda tasdiqlash uchun kiritadi, Oʻzbekiston Respublikasi qonunlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining, Oʻzbekiston Respublikasi Prezidenti, Oʻzbekiston Respublikasining Bosh vaziri hamda uning oʻrinbosarlarining iqtisodiyotning tegishli tarmoqlari va sohalari yoki respublika hududlari boʻyicha topshiriqlarining davlat va xoʻjalik boshqaruvi organlari, mahalliy ijro etuvchi hokimiyat organlari tomonidan bajarilishi yuzasidan tizimli nazoratni amalga oshiradi;

tegishli funksional masalalar va hujjatlar boʻyicha maʼlumotlarning turkumlangan bazasini shakllantirishni va yuritishni, uning muntazam ravishda toʻldirib va yangilab borilishini tashkil qiladi;

tegishli davlat va xoʻjalik boshqaruvi organlari, mahalliy ijro etuvchi hokimiyat organlari markaziy apparatlari (iqtisodiy, moliyaviy va yuridik xizmatlari)ning tarkibiy boʻlinmalari ishlarining ahvoli va natijadorligini doimiy ravishda oʻrganib boradi, ular faoliyatining samaradorligini oshirish boʻyicha takliflar kiritadi.

oʻziga birkitilgan masalalar boʻyicha oʻtkaziladigan Oʻzbekiston Respublikasi Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri va uning oʻrinbosarlari oʻtkazadigan yigʻilishlarda, Hukumat komissiyalari va idoralararo komissiyalar hamda kengashlar majlislarida, Vazirlar Mahkamasi apparati boshqaruvchisi oʻtkazadigan yigʻilishlarda belgilangan tartibda qatnashadi;

shuʼba mudiri bilan kelishgan holda davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa organlar va tashkilotlar vakillari, olimlar va mutaxassislar bilan ijrodagi Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari loyihalarini ularni tayyorlash maqsadida muhokama qiladi;

vazifalar taqsimotiga muvofiq boshqa funksiyalarni amalga oshiradi.

19. Inspektor Departamentda ish yuritishni amalga oshiradi, hujjatlarning oʻtishini nazorat qiladi, hujjatlar yigʻmajildlarining tayyorlanishini va arxivda saqlashga oʻz vaqtida berilishini taʼminlaydi, oʻziga yuklangan boshqa funksiyalarni bajaradi.

Vazirlar Mahkamasining 2016-yil 20-oktabrdagi 352-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Noshirlik faoliyatini litsenziyalash toʻgʻrisidagi Nizomni tasdiqlash haqida” 2004-yil 11-iyundagi 275-son qarorida (Oʻzbekiston Respublikasi QT, 2004-y., 6-son, 57-modda):

a) 4-banddagi “A.A. Azizxoʻjayev” soʻzi “A.N. Aripov” soʻzi bilan almashtirilsin;

b) 2-ilova matni quyidagi tahrirda bayon qilinsin:

“Vazirlar Mahkamasining Noshirlik faoliyatini litsenziyalash komissiyasi TARKIBI

Aripov A.N. — Oʻzbekiston Respublikasi Bosh vazirining oʻrinbosari, Komissiya raisi lavozimiga koʻra — Oʻzbekiston matbuot va axborot agentligining bosh direktori, Komissiya raisining oʻrinbosari Usmanov A.A. — Oʻzbekiston Respublikasi Adliya vazirining oʻrinbosari Qoʻchqorov J.A. — Oʻzbekiston Respublikasi Moliya vazirining oʻrinbosari Turdiyev D.R. — Oʻzbekiston Respublikasi Iqtisodiyot vazirining oʻrinbosari Gafarov S.X. — Oʻzbekiston Respublikasi Davlat raqobat qoʻmitasi raisining birinchi oʻrinbosari Gadoyev E.F. — Oʻzbekiston Respublikasi Davlat soliq qoʻmitasi raisining oʻrinbosari Djumabayev R.T. — “Sharq” nashriyot-�atbaa aksiyadorlik kompaniyasi bosh direktorining oʻrinbosari Mamatov X.S. — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Ommaviy kommunikatsiyalar sohasida monitoring markazi boshligʻi lavozimiga koʻra — Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti Yoshlar siyosati va maʼnaviy rivojlantirish masalalari shuʼbasi bosh mutaxassisi, Komissiyaning masʼul kotibi.

Izoh: Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

2. Vazirlar Mahkamasining “Mustaqillik kuni va Navroʻz umumxalq bayramlariga tayyorgarlikni tashkil etishni takomillashtirish toʻgʻrisida” 2004-yil 23-iyuldagi 357-son qaroriga ilova matni quyidagi tahrirda bayon qilinsin:

“Mustaqillik kuni va Navroʻz umumxalq bayramlarini tashkil etish boʻyicha doimiy faoliyat koʻrsatuvchi Respublika komissiyasining TARKIBI

Mirziyoyev Sh.M. — Oʻzbekiston Respublikasining Bosh vaziri, Komissiya raisi Aripov A.N. — Oʻzbekiston Respublikasi Bosh vazirining oʻrinbosari, Komissiya raisining oʻrinbosari Sultonov X.M. — Oʻzbekiston Respublikasi Prezidentining Davlat maslahatchisi (kelishuv boʻyicha), Komissiya raisining oʻrinbosari Sadikov Sh.M. — Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri Komissiya aʼzolari: Zakirov B.I. — Oʻzbekiston Respublikasi Bosh vazirining oʻrinbosari Usmonov R.J. — Toshkent shahri hokimi Alimov A.V. — Oʻzbekiston Respublikasi Sogʻliqni saqlash vaziri Axmedbayev A.A. — Oʻzbekiston Respublikasi Ichki ishlar vaziri Axmedov B.M. — Oʻzbekiston Respublikasi Madaniyat va sport ishlari vaziri Ahmedov M. — Oʻzbekiston Yozuvchilar uyushmasi raisi Berdiyev K.R. — Oʻzbekiston Respublikasi Mudofaa vaziri Gʻaniyev E.M. — Oʻzbekiston Respublikasi Tashqi iqtisodiy aloqalar, investitsiyalar va savdo vaziri Dusanov Z.A. — Oʻzbekiston Respublikasi Davlat bojxona qoʻmitasi raisi Inogʻomov J.S. — “Mahalla” xayriya jamoat fondi raisi Inoyatov R.R. — Milliy xavfsizlik xizmati raisi Inoyatov U.I. — Oʻzbekiston Respublikasi Xalq taʼlimi vaziri Komilov A.X. — Oʻzbekiston Respublikasi Tashqi ishlar vaziri Qosimov N.U. — Respublika Maʼnaviyat targʻibot markazining rahbari v. b. Qosimov R.S. — Oʻzbekiston Respublikasi Oliy va oʻrta maxsus taʼlim vaziri Qoʻchqorov J.A. — Moliya vazirining oʻrinbosari Matchanov J.M. — Toshkent shahar Madaniyat va sport ishlari bosh boshqarmasi boshligʻi Mirzaliyev I. (Iqbol Mirzo) — Oʻzbekiston xalq shoiri Mirzoxidov X.M. — Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Musayev A.E. — “Oʻzbekkino” milliy agentligining bosh direktori Narbayeva T.K. — Oʻzbekiston Kasaba uyushmalari Federatsiyasi Kengashi raisi Nuridinov A.V. — Oʻzbekiston Badiiy akademiyasi raisi Rahmatov Oʻ. — “Xalq soʻzi” — “Narodnoye slovo” gazetalari bosh muharriri Rizayev F.M. — “Oʻzbekturizm” milliy kompaniyasi raisi Sayfullayev B.S. — Oʻzbekiston davlat sanʼat va madaniyat institutining rektori Salixov Sh.I. — Oʻzbekiston Fanlar akademiyasi prezidenti Sodiqov A.X. — “Toshshaharyoʻlovchitrans” kompaniyasi raisi lavozimiga koʻra — Oʻzbekiston matbuot va axborot agentligi bosh direktori Tyan V.N. — “Oʻzbekiston havo yoʻllari” milliy aviakompaniyasi bosh direktori Usmonov Sh.Gʻ. — “Nuroniy” jamgʻarmasi raisi Fayziyev Z.O. — “Oʻzbekoziqovqatzaxira” uyushmasi boshqaruvi raisi Xadjayev A.D. — Oʻzbekiston milliy teleradiokompaniyasi raisi Hazratqulov M. — Oʻzbekiston Milliy axborot agentligi bosh direktori Xaydarov I.U. — “Oʻzbekyengilsanoat” aksiyadorlik jamiyati raisi Yusupov O.O. — Vazirlar Mahkamasi huzuridagi Din ishlari boʻyicha qoʻmita raisi

Qoraqalpogʻiston Respublikasi Vazirlar Kengashi Raisining birinchi oʻrinbosari, viloyatlar hokimlarining birinchi oʻrinbosarlari.

Izoh: Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

3. Vazirlar Mahkamasining “Geografik obyektlarning nomlari toʻgʻrisida”gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari toʻgʻrisida” 2012-yil 16-oktabrdagi 295-son qarorida:

a) 11-banddagi “A.I. Ikramov” soʻzi “A.N. Aripov” soʻzi bilan almashtirilsin;

b) 2-ilova matni quyidagi tahrirda bayon qilinsin:

“Geografik obyektlarni nomlash va qayta nomlash masalalari boʻyicha Respublika komissiyasi TARKIBI

Mirziyoyev Sh.M. — Oʻzbekiston Respublikasining Bosh vaziri, Komissiya raisi Aripov A.N. — Oʻzbekiston Respublikasi Bosh vazirining oʻrinbosari, Komissiya raisining oʻrinbosari Sultonov X.M. — Oʻzbekiston Respublikasi Prezidentining Davlat maslahatchisi (kelishuv boʻyicha), Komissiya raisining oʻrinbosari Arabov S.A. — Oʻzbekiston Respublikasi “Yergeodezkadastr” davlat qoʻmitasining raisi Qoʻchqorov J.A. — Oʻzbekiston Respublikasi Moliya vazirining oʻrinbosari Lutpullayev S.L. — Oʻzbekiston Respublikasi Fanlar akademiyasining vitse-prezidenti Madjidov I.U. — Oʻzbekiston Respublikasi Oliy va oʻrta maxsus taʼlim vazirining birinchi oʻrinbosari Djalolov F.X. — Oʻzbekiston Respublikasi Madaniyat va sport ishlari vazirining birinchi oʻrinbosari Nishanbayev S.A. — Oʻzbekiston Respublikasi Ichki ishlar vazirining oʻrinbosari Toxtayev A.R. — Oʻzbekiston Respublikasi “Davarxitektqurilish” qoʻmitasi raisining birinchi oʻrinbosari Mirusmanov B.M. — Oʻzbekiston Respublikasi Davlat statistika qoʻmitasi raisining birinchi oʻrinbosari Fayziyev R.X. — Oʻzbekiston Respublikasi Tabiatni muhofaza qilish davlat qoʻmitasi raisining oʻrinbosari Mavlonov A.A. — Davlat geologiya qoʻmitasi raisining oʻrinbosari Qosimov N.U. — Respublika Maʼnaviyat targʻibot markazining rahbari v. b. Inogʻomov J.S. — “Mahalla” xayriya fondi raisi Saidov S.S. — Oʻzbekiston Yozuvchilar uyushmasi raisining birinchi oʻrinbosari Yunusova X.E. — Mirzo Ulugʻbek nomidagi Oʻzbekiston Milliy universiteti Oʻzbekiston tarixi kafedrasining mudiri Komilova N.K. — Mirzo Ulugʻbek nomidagi Oʻzbekiston Milliy universiteti geografiya kafedrasining mudiri Abdullayev R.M. — Mirzo Ulugʻbek nomidagi Oʻzbekiston Milliy universiteti huzuridagi Tarix instituti direktori Mahmudov N.M. — Alisher Navoiy nomidagi Toshkent davlat oʻzbek tili va adabiyoti universitetining prorektori — Til va adabiyot ilmiy-tadqiqot instituti direktori lavozimiga koʻra — Vazirlar Mahkamasi Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentining Yoshlar siyosati va maʼnaviy rivojlantirish masalalari shuʼbasi mudiri

Izoh: Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

4. Vazirlar Mahkamasining “Moddiy madaniy va arxeologiya merosi obyektlarini muhofaza qilish va ulardan foydalanishni yanada takomillashtirish yuzasidan qoʻshimcha chora-tadbirlar toʻgʻrisida” 2014-yil 21-iyuldagi 200-son qarorida:

a) 10-banddagi “A.I. Ikramov” soʻzi “A.N. Aripov” soʻzi bilan almashtirilsin;

b) 1-ilova matni quyidagi tahrirda bayon qilinsin:

“Moddiy madaniy va arxeologiya merosi obyektlarini muhofaza qilish va ulardan foydalanish masalalarini muvofiqlashtirish boʻyicha Hukumat komissiyasi TARKIBI

Aripov A.N. — Oʻzbekiston Respublikasi Bosh vazirining oʻrinbosari, Komissiya raisi Axmedov B.M. — Madaniyat va sport ishlari vaziri, Komissiya raisining oʻrinbosari Toxtayev A.R. — Oʻzbekiston Respublikasi “Davarxitektqurilish” qoʻmitasi raisining birinchi oʻrinbosari Davletov R.K. — Oʻzbekiston Respublikasi Adliya vazirining birinchi oʻrinbosari Tulyaganov Sh.A. — Oʻzbekiston Respublikasi Tashqi iqtisodiy aloqalar, investitsiyalar va savdo vazirining oʻrinbosari Nishanbayev S.A. — Oʻzbekiston Respublikasi Ichki ishlar vazirining oʻrinbosari Gafarov S.X. — Oʻzbekiston Respublikasi Davlat raqobat qoʻmitasi raisining birinchi oʻrinbosari Rizayev F.M. — “Oʻzbekturizm” milliy kompaniyasi raisi Salixov Sh.I. — Oʻzbekiston Fanlar akademiyasi prezidenti Nuridinov A.V. — Oʻzbekiston Badiiy akademiyasi raisi Qoʻchqorov J.A. — Oʻzbekiston Respublikasi Moliya vazirining oʻrinbosari Esonov M.T. — Buxoro viloyati hokimi Roʻziyev Z.Sh. — Qashqadaryo viloyati hokimi Mirzayev Z.T. — Samarqand viloyati hokimi Bobojonov P.R. — Xorazm viloyati hokimi Zairov Sh.Sh. — Madaniyat va sport ishlari vazirligi Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasi boshligʻi, Komissiya kotibi

Izoh: Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

5. Vazirlar Mahkamasining “Davlat hokimiyati va boshqaruvi organlarining ochiqligi toʻgʻrisida”gi Oʻzbekiston Respublikasi Qonuni qoidalarini amalga oshirishga yoʻnaltirilgan kompleks chora-tadbirlar toʻgʻrisida” 2015-yil 6-noyabrdagi 320-son qarorida:

a) 7-banddagi “B.Y. Xodiyev” soʻzi “A.N. Aripov” soʻzi bilan almashtirilsin;

b) 2-ilova matni quyidagi tahrirda bayon qilinsin:

“Davlat hokimiyati va boshqaruvi organlari faoliyatining ochiqligini taʼminlash faoliyatini muvofiqlashtirish va monitoring olib borish boʻyicha jamoatchilik kengashi TARKIBI

Abdullayev I.Z. (kelishuv boʻyicha) — Oʻzbekiston Respublikasi Oliy Majlisi Qonunchilik palatasining Axborot va kommunikatsiya texnologiyalari masalalari qoʻmitasi raisi, Jamoatchilik kengashi raisi Sadikov Sh.M. — Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri, Jamoatchilik kengashi raisining oʻrinbosari Fayzullayev A.N. — Oʻzbekiston Respublikasi Axborot texnologiyalari va kommunikatsiyalarini rivojlantirish vazirining birinchi oʻrinbosari Usmanov A.A. — Oʻzbekiston Respublikasi Adliya vazirining oʻrinbosari lavozimiga koʻra — Oʻzbekiston matbuot va axborot agentligining bosh direkto�i Abdullayev A.X. — “Oʻzarxiv” agentligining bosh direktori Xodjayev A.A. — Alisher Navoiy nomidagi Oʻzbekiston Milliy kutubxonasi-axborot resurs markazi direktori Xikmatullayev N.N. — Oʻzbekiston Milliy teleradiokompaniyasi raisining birinchi oʻrinbosari Suyarov S.L. — Oʻzbekiston Milliy axborot agentligi (OʻzA) bosh direktorining oʻrinbosari Xabibullayev Sh.X. — Oʻzbekiston Respublikasi Axborot texnologiyalari va kommunikatsiyalarini rivojlan�irish vazirligi huzuridagi “Elektron hukumat” tizimini rivojlantirish markazi direktori Abdukarimov G.O. — Fuqarolik jamiyati shakllanishini monitoring qilish mustaqil instituti direktori Xalimbekov I.T. — Oʻzbekiston jurnalistlari ijodiy uyushmasi raisi Abdullayev A.A. — Oʻzbekiston mustaqil bosma ommaviy axborot vositalari va axborot agentliklarini qoʻllab-quvvatlash va rivojlantirish jamoat fondi direktori Abduxalikov F.F. — Oʻzbekiston elektron ommaviy axborot vositalari milliy assotsiatsiyasining raisi Karimov A.M. — Oʻzbekiston Nodavlat notijorat tashkilotlar milliy assotsiatsiyasining raisi lavozimiga koʻra — Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentining shuʼba mudiri, Jamoatchilik kengashi kotibi

Izoh: jamoatchilik kengashi aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

6. Vazirlar Mahkamasining “Axborot faoliyati va maʼlumotlarni uzatishni takomillashtirish hamda samaradorligini oshirish boʻyicha idoralararo muvofiqlashtirish komissiyasi tarkibini tasdiqlash toʻgʻrisida” 2016-yil 19-maydagi 162-son qarorida:

a) 3-band quyidagi tahrirda bayon qilinsin:

“3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin”.

b) ilova matni quyidagi tahrirda bayon qilinsin:

“Axborot faoliyati va maʼlumotlarni uzatishni takomillashtirish hamda samaradorligini oshirish boʻyicha Idoralararo muvofiqlashtirish komissiyasi TARKIBI

Aripov A.N. — Oʻzbekiston Respublikasi Bosh vazirining oʻrinbosari, Komissiya raisi Olmatov B.A. — Axborot texnologiyalari va kommunikatsiyalarini rivojlantirish vazirining oʻrinbosari, Komissiya raisining oʻrinbosari Umarxodjayev F.T. — Komissiya ishchi guruhining rahbari, Komissiyaning masʼul kotibi Komissiya aʼzolari: Abdullayev I.Z. — Oʻzbekiston Respublikasi Oliy Majlisi Qonunchilik palatasining Axborot va kommunikatsiya texnologiyalari masalalari qoʻmitasi raisi (kelishuv boʻyicha) Sadikov Sh.M. — Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri Akabirov A.M. — Oʻzbekiston Respublikasi Prezidenti Matbuot xizmati konsultanti (kelishuv boʻyicha) Saidjanov D.M. — Oʻzbekiston Respublikasi Prezidenti huzuridagi Xavfsizlik kengashi apparatining yetakchi inspektori (kelishuv boʻyicha) Par�iyev B.R. — Oʻzbekiston Respublikasi Davlat soliq qoʻmitasi raisi Xadjayev A.D. — Oʻzbekiston milliy teleradiokompaniyasi raisi Xodjayev A.K. — Oʻzbekiston Respublikasi Tashqi ishlar vazirining oʻrinbosari Nishanbayev S.A. — Oʻzbekiston Respublikasi Ichki ishlar vazirining oʻrinbosari Ikramov M.M. — Oʻzbekiston Respublikasi Adliya vaziri Saliyev M.O. — Oʻzbekiston Respublikasi Davlat bojxona qoʻmitasi raisining oʻrinbosari l�vozimiga koʻra — Oʻzbekiston matbuot va axborot agentligining bosh direktori Muxtarov F.Sh. — Oʻzbekiston Respublikasi Mudofaa vazirligi Bosh shtabi boshligʻining oʻrinbosari — Bosh shtab bosh boshqarmasi boshligʻi Xamidov M.M. — Milliy xavfsizlik xizmatining boʻlim boshligʻi Abduxoliqov F.F. — Oʻzbekiston elektron ommaviy axborot vositalari milliy assotsiatsiyasi raisi.

Izoh. Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi”.

Vazirlar Mahkamasining 2016-yil 20-oktabrdagi 352-son qaroriga 5-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari

ROʻYXATI

1. Vazirlar Mahkamasining “Bosh vazir oʻrinbosari — Yoshlar siyosati, taʼlim, madaniyat va sport masalalari kompleksi rahbari hamda uning Maslahatchisining funksional vazifalari, shuningdek Yoshlar siyosati, taʼlim, madaniyat va sport masalalari axborot-tahlil departamenti toʻgʻrisidagi nizomlarni tasdiqlash haqida” 2015-yil 31-dekabrdagi 382-son qarori.

2. Vazirlar Mahkamasining “Oʻzbekiston Respublikasi Vazirlar Mahkamasi Ijro etuvchi apparatining axborot-tahlil departamentlari toʻgʻrisidagi nizomlarni tasdiqlash haqida” 2016-yil 23-martdagi 81-son qarori 1-bandining yettinchi xatboshi hamda qarorga 6-ilova.