Shovot tumanidagi aholi punktlarining tarkibiy qismlariga nom berish va qayta nomlash toʻgʻrisida (29-124-son)

04.11.2014

xorazm viloyati Xalq deputatlari Shovot tumani Kengashining

Qarori

“Mahalliy davlat hokimiyati toʻgʻrisida”gi, “Fuqarolarning oʻzini oʻzi boshqarish organlari toʻgʻrisida”gi va “Geografik obyektlarning nomlari toʻgʻrisida”gi Oʻzbekiston Respublikasi qonunlariga asosan, tumandagi aholi punktlarining tarkibiy qismlari (mahallalar, shohkoʻchalar, koʻchalar, maydonlar, bogʻlar, xiyobonlar)ga (keyingi oʻrinlarda matnda “geografik obyektlar” deb yuritiladi) nom berish va qayta nomlash maqsadida xalq deputatlari tuman Kengashi qaror qiladi:

1. Geografik obyektlarni nomlash va qayta nomlash masalalari boʻyicha tuman komissiyasining takliflari asosida Xorazm viloyati komissiyasi tomonidan taqdim qilingan geografik obyektlar nomlarining roʻyxati Respublika toponomika xizmati tomonidan koʻrib chiqilganligi va shu asosda geografik va kartografiya milliy markazining 2014-yil 10-fevraldagi ekspert xulosasi rahbarlik va ijro uchun qabul qilinsin.

2. Tumanda geografik obyektlar nomlari ilovaga* muvofiq tasdiqlansin.

* Ilova berilmaydi.

3. Tuman arxitektura va qurilish boʻlimi, tuman fuqarolar yigʻinlari bilan birgalikda, tuman boʻyicha tasdiqlangan yagona zamonaviy milliy dizayn asosida bir oy muddatda geografik obyektlar nomlari qayd qilingan peshlavhalarni oʻrnatsin.

4. Belgilansinki, geografik obyektlar nomlari qayd qilingan peshlavhalarni oʻrnatish bilan bogʻliq sarf-xarajatlar qonunda belgilangan tartibda mahalliy budjet mablagʻlari va homiylar hisobiga qoplanadi.

5. Mazkur qaror rasmiy eʼlon qilingan kundan kuchga kiradi.

6. Ushbu qarorning ijrosini nazorat qilish tuman hokimining birinchi oʻrinbosari O. Xolboyev zimmasiga yuklatilsin.

Xalq deputatlari tuman Kengashining raisi S. MATKARIMOV

Shovot t.,

2014-yil 4-noyabr

29-124-son