Oʻzbekiston Respublikasi Prezidentining ayrim qarorlariga oʻzgartishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (PQ-2601-son)

19.09.2016

Oʻzbekiston Respublikasi Prezidentining

Qarori

Xalqaro standartlarga muvofiq ishlab chiqilgan, Oʻzbekiston Respublikasi iqtisodiy faoliyat turlarining Umumdavlat klassifikatorini davlat boshqaruvi organlari faoliyatida qoʻllashni taʼminlash maqsadida:

1. Oʻzbekiston Respublikasi Prezidentining ayrim qarorlariga 1-ilovaga muvofiq oʻzgartishlar kiritilsin.

2. Oʻzbekiston Respublikasi Prezidentining baʼzi qarorlari 2-ilovaga muvofiq oʻz kuchini yoʻqotgan deb hisoblansin.

3. Ushbu qaror 2017-yilning 1-yanvaridan kuchga kiradi.

4. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov zimmasiga yuklansin.

Oʻzbekiston Respublikasi Prezidenti vazifasini bajaruvchi Sh. MIRZIYOYEV

Toshkent sh.,

2016-yil 19-sentabr,

PQ-2601-son

Oʻzbekiston Respublikasi Prezidentining 2016-yil 19-sentabrdagi PQ-2601-sonli qaroriga 1-ILOVA

Oʻzbekiston Respublikasi Prezidentining ayrim qarorlariga kiritiladigan oʻzgartishlar

1. Oʻzbekiston Respublikasi Prezidentining 2005-yil 10-fevraldagi PQ-3-sonli qarori bilan tasdiqlangan uy-joy mulkdorlari shirkatlarini davlat roʻyxatidan oʻtkazish va hisobga qoʻyish tartibi toʻgʻrisidagi Nizomda:

4-ilovaning 7-pozitsiyasidagi “Faoliyat turi XXTUT kod” chiqarib tashlansin;

6-ilovadagi “Tarmoq kodi: (faoliyat turi) — XXTUT” soʻzlari chiqarib tashlansin;

Oʻzbekiston Respublikasi Prezidentining 2016-yil 19-sentabrdagi PQ-2601-sonli qaroriga 2-ILOVA

Oʻzbekiston Respublikasi Prezidentining oʻz kuchini yoʻqotgan qarorlari

ROʻYXATI

2. Oʻzbekiston Respublikasi Prezidentining “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2015-yil 22-dekabrdagi PQ-2455-sonli qarori 36-ilovasining 19-bandi.