Tuman iqtisodiyoti tarmoqlarini 2016/2017-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida (1052-son)

11.07.2016

buxoro viloyati Jondor tumani hokimining

Qarori

Oʻzbekiston Respublikasi Prezidentining 2016-yil 10-iyundagi PQ-2545-sonli “Respublika iqtisodiyoti tarmoqlarini 2016/2017-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi hamda Buxoro viloyat hokimining 2016-yil 16-iyundagi 257-sonli qarorlari (“Buxoronoma” gazetasi, 22.06.2016-y., 51-son) ijrosini taʼminlash maqsadida qaror qilaman:

1. Oʻzbekiston Respublikasi Prezidentining 2016-yil 10-iyundagi PQ-2545-sonli “Respublika iqtisodiyoti tarmoqlarini 2016/2017-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi hamda Buxoro viloyat hokimining 2016-yil 16-iyundagi 257-sonli qarorlari rahbarlik va ijro uchun qabul qilinsin.

2. Quyidagilar:

tuman iqtisodiyot tarmoqlarining 2016/2017-yillar kuz-qish davriga barqaror ishlashga tayyorlash chora-tadbirlar rejasi 1-ilovaga muvofiq;

asosiy muhandislik tarmoqlari va texnologik uskunalarni, shuningdek ijtimoiy soha obyektlarini tuman hududi boʻyicha 2016/2017-yillar kuz-qish davriga barqaror ishlashga tayyorlash hamda mukammal va joriy taʼmirlash topshiriqlari 2 — 4-ilovalarga muvofiq;

asosiy yoqilgʻi energetika resurslari, texnik tuz, tayyorlash hamda tuman hududi boʻyicha budjet sohasi va aholi ehtiyojlari uchun koʻmir, suyultirilgan gaz va gaz ballonlari yetkazib berish jadvali 5-ilovaga muvofiq;

tuman ijtimoiy soha obyektlari, iqtisodiyot tarmoqlari va koʻp qavatli uy-joylarni 2016/2017-yillar kuz-qish davriga tayyorlash ishlarini muvofiqlashtirish boʻyicha tuman komissiyasi tarkibi 6-ilovaga muvofiq;

1991-yilga qadar qurilgan koʻp qavatli uylarni mukammal taʼmirlash ishlarini nazorat qiluvchi tuman ishchi guruhi tarkibi 7-ilovaga muvofiq;

tuman ijtimoiy soha obyektlarini 2016/2017-yillar kuz-qish davriga tayyorlash boʻyicha dasturlar ijrosini nazorat qilish uchun sohalarga biriktirilgan ishchi guruhlar tarkibi 8-ilovaga muvofiq;

tuman muhandislik kommunikatsiya tizimlarini 2016/2017-yillar kuz-qish mavsumiga tayyorlash boʻyicha dasturlar ijrosini nazorat qilish uchun sohalarga biriktirilgan ishchi guruhlar tarkibi 9-ilovaga muvofiq;

tuman hududidagi chekka va tabiiy gaz bilan taʼminlash muammosi boʻlgan aholi yashash punktlarida istiqomat qiladigan oilalarni hamda iqtisodiyot tarmoqlarini koʻmir yoqilgʻisi bilan taʼminlash ishlarini tashkil etish va nazorat qilish boʻyicha tuman ishchi guruhi tarkibi 10-ilovaga muvofiq tasdiqlansin.

Mazkur ishchi guruhlar rahbarlari har hafta yoʻnalishlari boʻyicha belgilangan tadbirlar ijrosi toʻgʻrisidagi maʼlumotlarni 2016/2017-yillar kuz-qish davriga tayyorlash ishlarini muvofiqlashtirish boʻyicha tuman komissiyasiga taqdim etib borsinlar.

3. Tuman ijtimoiy soha obyektlari, iqtisodiyot tarmoqlari va koʻp qavatli uy-joylarni 2016/2017-yillar kuz-qish davriga tayyorlash ishlarini muvofiqlashtirish boʻyicha tuman komissiyasining vazifalari etib quyidagilar belgilansin:

chora-tadbirlarda belgilangan topshiriqlar ijrosini tashkil etish, mazkur yoʻnalishda tuman korxonalari va tashkilotlari faoliyatini muvofiqlashtirish;

qattiq va suyuq yoqilgʻi hamda texnik tuzi, zaxiralarining yaratilishini nazoratga olish;

uy-joylar, ijtimoiy soha obyektlari, iqtisodiyot tarmoqlarini kuz-qish davriga tayyorlash masalasida tuman korxonalari va tashkilotlari rahbarlarining masʼuliyatini oshirish, ularning qatʼiy javobgarligini talab qilgan holda faol ishlashini tashkil etish;

chora-tadbirlar rejasining bajarilishi boʻyicha monitoring yuritish, ijrosini joyida muntazam oʻrganib borib, komissiya yigʻilishlarida muhokama qilish va aniqlangan kamchiliklarni bartaraf etish yuzasidan tegishli choralarni belgilash.

4. Tuman hokimining birinchi oʻrinbosari A. Boboyorov tegishli tashkilotlar bilan birgalikda;

bir hafta muddatda tuman kommunal xoʻjaligi korxonalari va ijtimoiy soha rahbarlari bilan birgalikda birinchi navbatda 2015/2016-yillar kuz-qish davrida yuzaga kelgan muammolar va yoʻl qoʻyilgan kamchiliklarni chuqur tahlil qilgan holda kommunal xoʻjaligi tarmoqlarining 2016/2017-yillarda barqaror ishlashini taʼminlash borasidagi tadbirlarni ishlab chiqib, ijrosini taʼminlasin;

ijtimoiy soha obyektlarining tayyorgarligini baholash boʻyicha har bir soha faollari ishtirokida jamoatchilik kengashlarini tuzsinlar;

chekka va tabiiy gaz bilan taʼminlash muammosi boʻlgan aholi yashash punktlarida istiqomat qiladigan oilalar kesimida koʻmir yoqilgʻisi va suyultirilgan gaz bilan taʼminlash tadbirlarini ishlab chiqib, bu boradagi shartnomalarni rasmiylashtirish ishlarini nazoratga olsinlar hamda moliyalashtirish masalasini hal qilsinlar;

hududdagi mavjud koʻp qavatli uylarning texnik holatini xatlovdan oʻtkazish ishlarini tashkil etib, bir hafta muddatda har bir uyni kuz-qish davriga tayyorlash boʻyicha aniq tadbirlarni ishlab chiqsinlar;

hududdagi korxona, tashkilot va muassasalar tomonidan kuz-qish mavsumiga tayyorgarlik koʻrish tadbirlarining ishlab chiqilishini taʼminlasinlar;

dastur ijrosini komissiyaning har kunlik yigʻilishlarida muhokama qilib, maʼlumotlarni 2016/2017-yillar kuz-qish davriga tayyorlash ishlarini muvofiqlashtirish boʻyicha viloyat komissiyasiga taqdim etib borsinlar.

5. Tuman hokimining birinchi oʻrinbosari A. Boboyorov tumandagi taʼlim va sogʻliqni saqlash muassasalari hamda tuman Madaniyat va sport ishlari boʻlimi bilan birgalikda:

muassasalarni qayta xatlovdan oʻtkazib, obyektlar kesimida taʼmirlash va tiklash ishlari hajmlari hamda moliyalashtirish manbalarini aniq belgilab olish;

muassasalarda tadbirlar asosida amalga oshirilgan ishlar boʻyicha har haftalik umumlashtirilgan maʼlumotlarni tuman komissiyasiga taqdim etib borish topshirilsin.

6. Tuman hokimining 2015-yil 1-avgustdagi “Tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi 776-sonli qarori oʻz kuchini yoʻqotgan deb hisoblansin.

7. Ushbu qaror “Jondor ovozi” gazetasida eʼlon qilinsin hamda hokimlikning rasmiy veb-saytiga joylashtirilsin.

8. Mazkur qaror rasmiy eʼlon qilingan kundan eʼtiboran kuchga kiradi.

9. Ushbu qarorning ijrosini nazorat qilishni oʻz zimmamda qoldiraman.

Hokim Q. SALOMOV

Jondor t.,

2016-yil 11-iyul,

1052-son

Tuman hokimining 2016-yil 11-iyuldagi 1052-sonli qaroriga 1-ILOVA

Tuman iqtisodiyot tarmoqlarining 2016/2017-yillar kuz-qish davrida barqaror ishlashga tayyorlash

ChORA-TADBIRLAR REJASI

T/r Belgilangan tadbirlar Ijro muddati va masʼullar muddati bajarish uchun masʼul 1. Tumandagi iqtisodiyot tarmoqlarini 2016/2017-yillar kuz-qish mavsumiga barqaror ishlashini taʼminlash boʻyicha tashkiliy tadbirlar 1.1. Har bir qishloq va mahalla fuqarolar yigʻinlari hududlarida, aholi yashash punktlarini, kommunal xizmat koʻrsatish korxonalarini, ishlab chiqarish va xizmat koʻrsatuvchi korxonalarni, ijtimoiy soha obyektlarini, qozonxonalar va muhandislik inshootlarini 2016/2017-yillarda kuz-qish davrida barqaror ishlashga tayyorlash boʻyicha tadbirlarni ishlab chiqish va tasdiqlash. 2016-yil 20-iyulgacha Tuman hokimligi, kommunal xizmat koʻrsatish korxonalari, ijtimoiy sohaga qarashli tashkilot va muassasalar 1.2. Tabiiy gaz yetib bormagan aholi xonadonlariga suyultirilgan gaz (ovqat tayyorlash maqsadida) va koʻmir yoqilgʻisi bilan, ichimlik suvi tarmoqlariga ulanmagan aholi yashash maskanlarini ichimlik suvining muqobil manbalari (shu jumladan tashib keltiriladigan suvni eʼtiborga olgan holda) bilan uzluksiz taʼminlash boʻyicha tadbirlarni ishlab chiqish va tasdiqlash. Tuman hokimligi, “Gʻarbgaztaʼminot” UK Jondor filiali, “Buxoro koʻmir yetkazuvchi” XDM UK tuman shoxobchasi, “Suvoqova” ishlab chiqarish korxonasi 1.3. Suyultirilgan gaz, koʻmir yoqilgʻisi, texnik tuz, neft mahsulotlari, shuningdek muhandislik tarmoqlarini kuz-qish mavsumiga tayyorlash ishlari bilan bogʻliq boʻlgan materiallarni oʻz vaqtida tashib keltirishni taʼminlash boʻyicha tadbirlarni ishlab chiqish va tasdiqlash. 2016-yil 20-iyulgacha Tuman hokimligi, tuman transport departamenti, “Gʻarbgaztaʼminot” UK Jondor filiali, “Buxoro koʻmir yetkazuvchi” HDM UK tuman shoxobchasi 1.4. Kuz-qish mavsumida gaz bosimi past boʻlish ehtimoli boʻlgan aholi yashash maskanlarining roʻyxatini tuzish. Tabiiy gaz taʼminotining yetishmasligini inobatga olib, aholi va ijtimoiy soha obyektlarini koʻmir va suyultirilgan gaz bilan taʼminlash grafigini tasdiqlash. 2016-yil 20-iyulgacha Tuman hokimligi, “Gʻarbgaztaʼminot” UK Jondor filiali, “Buxoro koʻmir yetkazuvchi” HDM UK tuman shoxobchasi 1.5. Aholiga koʻmir yetkazib berish tizimini ishlab chiqib, jadvallarini tasdiqlash. 2016-yil 20-iyulgacha Tuman hokimligi, “Buxoro koʻmir yetkazuvchi” HDM UK tuman shoxobchasi 1.6. Tegishli hududlarda aholiga koʻmir yetkazib berish ishlarini muvofiqlashtirish funksiyalarini aniqlash va yuk qabul qiluvchi xoʻjalik subyektini belgilash, suyultirilgan gaz va koʻmirni uzluksiz yetkazib berish tizimini ishlab chiqish. 2016-yil 20-iyulgacha Tuman hokimligi, “Buxoro koʻmir yetkazuvchi” HDM UK tuman shoxobchasi 1.7. Aholiga oyma-oy suyultirilgan gaz yetkazib berish reja-jadvalini ishlab chiqib, tasdiqlash. 2016-yil 20-iyulgacha “Gʻarbgaztaʼminot” UK Jondor filiali, tuman hokimlgi 1.8. Maishiy gaz ballonlaridan foydalanish bilan bogʻliq favqulodda hodisalar sodir boʻlishidan ogohlantirish boʻyicha kompleks chora-tadbirlar ishlab chiqish. 2016-yil 20-iyulgacha “Gʻarbgaztaʼminot” UK Jondor filiali, tuman hokimligi 1.9. Kichik irrigatsiya tarmoqlarini tiklash, taʼmirlash boʻyicha chora-tadbirlar ishlab chiqish: aholi yashash mavzelari ichidagi; koʻchalar va shox koʻchalardagi. 2016-yil 20-iyulgacha Tuman hokimligi 1.10. 2016/2017-yillar kuz-qish mavsumining keskin sovuq boʻladigan va tabiiy gaz tanqis kunlarida yetkazib beriladigan gaz hajmi qisqartiriladigan ulgurji isteʼmolchilarning roʻyxatini ishlab chiqib, tasdiqlash. 2016-yil 1-avgustga qadar “Gʻarbgaztaʼminot” UK Jondor filiali, tuman hokimligi 1.11. 2016/2017-yillar kuz-qish davrida elektr energiya tizimida yuklamaning yuqori boʻlgan soatlarida elektr energiya isteʼmolini differensiatsiya qilish boʻyicha chora-tadbirlarini ishlab chiqish va tasdiqlash. 2016-yi� 1-sentabrgacha Tuman hokimligi, “Buxoro elektr tarmoqlari” OAJ Jondor elektr tarmoqlari korxonasi 1.12. 2016/2017-yillar kuz qish mavsumi davomida elektr va tabiiy gaz tarmoqlaridan uzib qoʻyilmasligi lozim boʻlgan tumandagi oʻta muhim va toifalangan obyektlarning roʻyxatini ishlab chiqish va tasdiqlash. 2016-yil 1-sentabrgacha Tuman hokimligi, “Gʻarbgaztaʼminot” UK Jondor filiali, “Buxoro elektr tarmoqlari” OAJ Jondor tuman filiali 2. 2016/2017-yillar kuz-qish davrida yoqilgʻi-energetika kompleksini barqaror ishlashga tayyorlash 2.1. Aholini koʻmir briketlari bilan taʼminlash (mazkur qarorning 5-ilovasiga asosan). 2016-yil 31-dekabrgacha Tuman hokimligi, “Buxoro koʻmir yetkazuvchi” HDM UK tuman shoxobchasi, korxona va tashkilotlar 2.2. 2016/2017-yillarda viloyat hokimligi tomonidan tasdiqlangan roʻyxatga asosan kuz-qish mavsumida tabiiy gaz tanqisligi kuzatiladigan aholi punktlarini belgilangan meʼyorda suyultirilgan gaz bilan taʼminlash. 2016-yil 1-oktabrdan 2017-yil 1-martgacha Tuman iqtisodiyot boʻlimi, “Gʻarbgaztaʼminot” UK Jondor filiali, tuman hokimligi 2.3. Kuz-qish davrida korxona va tashkilotlardagi qozonxonalarni muqobil yoqilgʻi (suyultirilgan yoqilgʻi va koʻmir) zaxiralari bilan taʼminlash. Ushbu yoʻnalishdan boʻsh�gan tabiiy gazni aholi ehtiyojiga yetkazib berish choralarini koʻrish. 2016-yil 1-noyabrgacha Tuman hokimligi, tuman korxona va tashkilotlari, “Gʻarbgaztaʼminot” UK Jondor filiali, “Buxoro elektr tarmoqlari” OAJ Jondor filiali, “Buxoro koʻmir yetkazuvchi” HDM UK tuman shoxobchasi 2.4. Manzilli dasturga asosan muassasalardagi isitish qozonlarini belgilangan muddatlarda koʻmirga moslashtirish. 2016-yil 1-noyabrgacha Tuman hokimligi xalq taʼlimi, sogʻliqni saqlash, oʻrta maxsus, kasb-hunar taʼlimi oʻquv muassasasalari 3. 2016/2017-yillar kuz-qish davriga koʻp qavatli uy-joylarni tayyorlash 3.1. Tasdiqlangan dasturda belgilangan kuz-qish mavsumiga tayyorgarlik koʻrish va hududlarni obodonlashtirish ishlarini amalga oshirishda tashkilotlar, idoralar va tuman tijorat banklaridan biriktirilgan masʼul xodimlar, uchastka nozirlari va tuman Davlat soliq inspeksiyasi inspektorlari, tuman Davlat sanitariya, epidemiologiya nazorati markazi xodimlarining bevosita ishtirokida xar bir XUJMSh va mahallalarda: uy-joy fondidan foydalanishning texnik holatini texnika qoidalari va talablari asosida saqlanishini taʼminlash; koʻp qavatli uylarning uskuna-jihozlarining soz va uzluksiz ishlashini taʼminlash; uylar ichida yuzaga kelishi mumkin boʻlgan nosozliklarni oldini olish maqsadida doimiy koʻrik-tekshiruvlarni tashkil etish va joriy taʼmirlashni taʼminlash; “Madadkor” HUJMSh raisi faoliyatini baholab, egallagan lavozimiga loyiqligini oʻrganib, belgilangan tartibda umumiy yigʻilishda qayta saylovlarini tashkil etish; “Madadkor” HUJMSh raisi amalga oshirgan ishlari boʻyicha aholi oldida doimiy hisobot berib borish tizimini yoʻlga qoʻyish. Tasdiqlangan reja jadvali asosida Tuman hokimligi, biriktirilgan tuman tashkilotlari, idora va tijorat banklari bilan hamkorlikda 3.2. Tuman obodonlashtirish boshqarmasi uchun ichki avtomobil yoʻllarini taʼmirlash va yaxmalak boʻlishining oldini olish boʻyicha uskunalar xamda moddiy texnika resurslarini tayyorlashning chora-tadbirlarini ishlab chiqish. 2016-yil 20-iyulgacha Tuman hokimligi, tuman obodonlashtirish boshqarmasi 3.3. Kommunal xizmat koʻrsatish korxonalari, XUJMShlarning moddiy-texnika bazasi, avariya-tiklash va dispetcherlik xizmatlarini rivojlantirish boʻyicha chora-tadbirlar ishlab chiqish. 2016-yil 20-iyulgacha Tuman hokimligi, “Gʻarbgaztaʼminot” UK Jondor filiali, “Buxoro elektr tarmoqlari” OAJ Jondor filiali, tuman “Suvoqava” ishlab chiqarish korxonasi 3.4. Koʻp qavatli uylarni mukammal va joriy taʼmirlash dasturining ijrosini taʼminlash maqsadida mahalliy budjet, xususiy uy-joy mulkdorlari shirkatlari va homiylar mablagʻlari hamda tijorat banklari kreditlari hisobiga moliyaviy mablagʻlarning oʻz vaqtida ajratilishini taʼminlash. 2016-yil 1-oktabrgacha Tuman hokimligi, Moliya boʻlimi, tuman tijorat banklari bilan hamkorlikda 3.5. Koʻp qavatli uylar va bino inshootlarni yongʻin xavfsizligi talablariga muvofiqligi boʻyicha tekshiruvlarni oʻtkazish. 2016-yil 1-sentabrgacha Tuman IIB YoXB 3.6. Koʻp qavatli uy-joylarni xatlovdan oʻtkazish, oʻtkazilgan xatlov natijalari asosida uylarning tom qismini mukammal va joriy taʼmirlash ishlarini amalga oshirish. 2016-yil 1-oktabrgacha Tuman hokimligi, Xususiy uy-joy mulkdorlari shirkati 3.7. Koʻp qavatli turar-joy binolarini qish mavsumiga tayyorlash ishlari bilan bogʻliq boʻlgan issiqlik tarmoqlarini izolatsiya qilish, koʻp xonadonli uylarning issiqlik taʼminoti sifatini oshirish uchun yoʻlaklar derazalariga shishalar oʻrnatish, yoʻlaklar eshiklarini oʻrnatilgan tartibda yopilishini va uyning chordoq hamda yertoʻla qismidagi kommunikatsiya tizimining tekshirilishini taʼminlash. 2016-yil 1-oktabrgacha Tuman hokimligi, Xususiy uy-joy mulkdorlari shirkati 4. Ijtimoiy soha obyektlarini kuz-qish davrida barqaror ishlashiga tayyorlash boʻyicha tadbirlarni amalga oshirish 4.1. Bolalar bogʻchalari, umumtaʼlim maktablari, oʻquv muassasalari, kasalxona va tibbiyot muassasalari, qishloq vrachlik punktlarini kuz-qish mavsumiga tayyorgarlik ishlarini tugatish tadbirlarini amalga oshirish 2016-yil 1-sentabrgacha Tuman hokimligi mehnat va aholini ijtimoiy muhofaza qilish boʻlimi, tuman hokimligi xalq taʼlimi boshqarmasi, tuman tibbiyot birlashmasi, tuman kasb-hunar kollejlari. 4.2. Ijtimoiy sohaga qarashli bino, inshoot, muhandislik kommunikatsiya tarmoqlarini taʼmirlash, ayniqsa qishloq joylarida joylashgan ijtimoiy soha obyektlarining hojatxonalarini sanitariya-gigiyena talablariga javob beradigan holga keltirish va taʼmirlash, shuningdek asosiy qurilish materiallarini (ruberoid, bitum, shifer, oyna va boshqalar) sotib olish uchun aniq hisob, kitoblar asosida moliyaviy mablagʻlar ajratish boʻyicha chora-tadbirlar ishlab chiqish. 2016-yil 20-iyulgacha Tuman hokimligi hududlarni kompleks rivojlantirish yigʻma boʻlimi, Moliya boʻlimi, tuman tibbiyot birlashmasi, Xalq taʼlimi, kasb–hunar kollejlari, tuman hokimligi 5. Tadbirlarning ijrosi boʻyicha monitoring yuritish 5.1. Kuz-qish davriga tadbirlar ijrosini tuman komissiyasi yigʻilishlarida tanqidiy muhokama qilib borish. 2016-yil 20-iyuldan har 10 kunda Tuman hokimligi ishchi komissiyasi 5.2. Kuz-qish davriga tayyorgarlik tadbirlarining bajarilishini ommaviy axborot vositalarida yoritib borish. doimiy tuman mahalliy televideniyasi, “Jondor ovozi” gazetasi tahririyati

Tuman hokimining 2016-yil 11-iyuldagi 1052-sonli qaroriga 2-ILOVA

2016/2017-yillar kuz-qish davrida asosiy muhandislik tarmoqlari va texnologik uskunalarni tayyorlash boʻyicha mukammal taʼmirlash

topshirigʻi

Tuman hokimining 2016-yil 11-iyuldagi 1052-sonli qaroriga 3-ILOVA

2016/2017-yillar kuz-qish davrida asosiy muhandislik tarmoqlari va texnologik uskunalarni tayyorlash boʻyicha joriy taʼmirlash

topshirigʻi

Tuman hokimining 2016-yil 11-iyuldagi 1052-sonli qaroriga 4-ILOVA

Tuman ijtimoiy soha obyektlarini 2016/2017-yillar kuz-qish davrida barqaror ishlashga tayyorlash boʻyicha mukammal va joriy taʼmirlash

topshirigʻi

Tuman hokimining 2016-yil 11-iyuldagi 1052-sonli qaroriga 5-ILOVA

Asosiy yoqilgʻi energetika resurslari, texnik tuz tayyorlash hamda hududlar boʻyicha budjet sohasi va aholi ehtiyojlari uchun koʻmir, suyultirilgan gaz va gaz ballonlari yetkazib berish

jadvali

Tuman hokimining 2016-yil 11-iyuldagi 1052-sonli qaroriga 6-ILOVA

Tuman ijtimoiy soha obyektlari, iqtisodiyot tarmoqlari va koʻp qavatli uy-joylarni 2016/2017-yillar kuz-qish davriga tayyorlash ishlarini muvofiqlashtirish boʻyicha tuman komissiyasi

tarkibi

Tuman hokimining 2016-yil 11-iyuldagi 1052-sonli qaroriga 7-ILOVA

1991-yilga qadar qurilgan koʻp qavatli uylarni mukammal taʼmirlash ishlarini nazorat qiluvchi tuman ishchi guruhi

TARKIBI

Tuman hokimining 2016-yil 11-iyuldagi 1052-sonli qaroriga 8-ILOVA

Tuman ijtimoiy soha obyektlarini 2016/2017-yillar kuz-qish davriga tayyorlash boʻyicha dasturlar ijrosini nazorat qilish uchun sohalarga biriktirilgan ishchi guruhlar

TARKIBI

Tuman hokimining 2016-yil 11-iyuldagi 1052-sonli qaroriga 9-ILOVA

Tuman muhandislik kommunikatsiya tizimlarini 2016/2017-yillar kuz-qish mavsumiga tayyorlash boʻyicha dasturlar ijrosini nazorat qilish uchun sohalarga biriktirilgan ishchi guruhlar

tarkibi

Tuman hokimining 2016-yil 11-iyuldagi 1052-sonli qaroriga 10-ILOVA

Tuman hududidagi chekka va tabiiy gaz bilan taʼminlash muammosi boʻlgan aholi yashash punktlarida istiqomat qiladigan oilalarni hamda iqtisodiyot tarmoqlarini koʻmir yoqilgʻisi bilan taʼminlash ishlarini tashkil etish va nazorat qilish boʻyicha tuman ishchi guruhi

tarkibi