Oʻzbekiston Respublikasi Oliy xoʻjalik sudi Plenumining ayrim qarorlariga oʻzgartish va qoʻshimchalar kiritish toʻgʻrisida (277-son)

13.03.2015

Oʻzbekiston Respublikasi Oliy xoʻjalik sudi plenumining

Qarori

Oʻzbekiston Respublikasining ayrim qonun hujjatlariga oʻzgartish va qoʻshimchalar kiritilganligi munosabati bilan “Sudlar toʻgʻrisida”gi Oʻzbekiston Respublikasi Qonunining 47-moddasiga asosan Oʻzbekiston Respublikasi Oliy xoʻjalik sudi Plenumi qaror qiladi:

I. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasining “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunini xoʻjalik sudlari amaliyotida qoʻllashning ayrim masalalari haqida”gi 2002-yil 4-martdagi 103-sonli qaroriga quyidagi oʻzgartishlar kiritilsin:

1) kirish qismining uchinchi xatboshisidagi “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunning” degan soʻzlar “Qonunning” degan soʻzi bilan almashtirilsin;

2) 1-bandidagi “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunni” degan soʻzlar “Qonunni” degan soʻzi bilan almashtirilsin;

3) 3-bandidagi “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunning” degan soʻzlar “Qonunning” degan soʻzi bilan almashtirilsin;

4) 16-bandidagi “Tadbirkorlik faoliyati bilan bogʻliq qonunchilikni qoʻllash sud amaliyoti toʻgʻrisida”gi 2000-yil 28-apreldagi 84-sonli” degan soʻzlar “Oliy sud Plenumi va Oliy xoʻjalik sudi Plenumining 2000-yil 28-apreldagi “Tadbirkorlik faoliyati bilan bogʻliq qonunchilikni qoʻllash sud amaliyoti toʻgʻrisida”gi 2/84-sonli” degan soʻzlari bilan almashtirilsin.

II. Oʻzbekiston Respublikasi Oliy xoʻjalik sudi Plenumining “Bankrotlik toʻgʻrisida”gi Oʻzbekiston Respublikasi Qonunini xoʻjalik sudlari tomonidan qoʻllashning ayrim masalalari haqida”gi 2006-yil 27-yanvardagi 142-sonli qarori 4-bandining birinchi xatboshisidagi “soliqlar, yigʻimlar hamda boshqa majburiy toʻlovlarning” degan soʻzlar “soliqlar va boshqa majburiy toʻlovlarning” degan soʻzlar bilan almashtirilsin.

III. Oʻzbekiston Respublikasi Oliy xoʻjalik sudi Plenumining “Birinchi instansiya sudida ishlarni koʻrishda Oʻzbekiston Respublikasi Xoʻjalik protsessual kodeksining qoʻllanilishi toʻgʻrisida”gi 2007-yil 15-iyundagi 162-sonli qarorining 43-bandidagi ““Sudlar toʻgʻrisida”gi Oʻzbekiston Respublikasi Qonuni 53-moddasi birinchi qismining 7-bandiga” degan soʻzlar ““Sudlar toʻgʻrisida”gi Oʻzbekiston Respublikasi Qonuni 53-moddasining yettinchi xatboshisiga” degan soʻzlar bilan almashtirilsin.

IV. Oʻzbekiston Respublikasi Oliy xoʻjalik sudi Plenumining “Apellatsiya instansiyasi sudida ishlarni koʻrishda Oʻzbekiston Respublikasi Xoʻjalik protsessual kodeksini qoʻllash haqida”gi 2007-yil 28-dekabrdagi 173-sonli qarorining 9-bandidagi “Sudlar toʻgʻrisida”gi Oʻzbekiston Respublikasi Qonuni 53-moddasining 6-bandiga” degan soʻzlar “Sudlar toʻgʻrisida”gi Oʻzbekiston Respublikasi Qonuni 53-moddasining yettinchi xatboshisiga” degan soʻzlar bilan almashtirilsin.

V. Oʻzbekiston Respublikasi Oliy xoʻjalik sudi Plenumining oʻzbek tili matnidagi “Xoʻjalik sudlari tomonidan davlat boji toʻgʻrisidagi qonun hujjatlarini qoʻllashning ayrim masalalari haqida”gi 2008-yil 18-apreldagi 180-sonli qarori 14-bandining ikkinchi jumlasidagi “(talabnoma bildirish)” degan soʻzlar “(pretenziya bildirish)” degan soʻzlar bilan almashtirilsin.

VI. Oʻzbekiston Respublikasi Oliy xoʻjalik sudi Plenumining oʻzbek tili matnidagi “Xoʻjalik sudlari tomonidan moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav fondlarini shakllantirmagan korxonalarni tugatish toʻgʻrisidagi qonun hujjatlarini qoʻllashning ayrim masalalari haqida” gi 2010-yil 19-noyabrdagi 221-sonli qarori 6-bandining birinchi xatboshisidagi “namunaviy nizomning 1-bandiga muvofiq” degan soʻzlardan keyin “shahar (tuman) hokimligi huzuridagi tadbirkorlik subyektlarini roʻyxatdan oʻtkazish inspeksiyasi” degan soʻzlar bilan toʻldirilsin.

VII. Oʻzbekiston Respublikasi Oliy xoʻjalik sudi Plenumining “Chet davlat sudi yoki hakamlik qarorini tan olish va ijroga qaratish hamda chet davlat sudining topshirigʻini ijro etish toʻgʻrisidagi ishlarning xoʻjalik sudlari tomonidan koʻrilishida qonun hujjatlarini qoʻllashning ayrim masalalari haqida”gi 2013-yil 24-maydagi 248-sonli qarorining 15.2-bandidagi “XPK 118-moddasining 2-bandiga” degan soʻzlar “XPK 118-moddasi birinchi qismining 2-bandiga” degan soʻzlar bilan almashtirilsin.

VIII. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasi Fuqarolik kodeksining bitimlarni haqiqiy emas deb topish toʻgʻrisidagi normalarini qoʻllashning ayrim masalalari haqida”gi 2014-yil 28-noyabrdagi 269-sonli qarorining 25-bandidagi “XPK 112-moddasining 7-bandiga” degan soʻzlar “XPK 112-moddasi ikkinchi qismining 7-bandiga” degan soʻzlar bilan almashtirilsin.

Oliy xoʻjalik sudi Raisi K. KAMILOV

Plenum kotibi, Oliy xoʻjalik sudi sudyasi K. DAVLETOVA

Toshkent sh.,

2015-yil 13-mart,

277-son