Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy buyum va asboblar roʻyxatiga qoʻshimchalar kiritish toʻgʻrisida (2422-1-son)

19.07.2016

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2016-yil 19-iyulda roʻyxatdan oʻtkazildi, roʻyxat raqami 2422-1]

Oʻzbekiston Respublikasi Prezidentining 2007-yil 2-oktabrdagi PQ-700-son “Respublika tibbiyot muassasalari faoliyatini tashkil etishni takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2013-yil 28-yanvardagi 16-son buyrugʻi (roʻyxat raqami 2422, 2013-yil 5-fevral) (Oʻzbekiston Respublikasi qonun hujjatlari toʻplami, 2013-y., 6-son, 75-modda) bilan tasdiqlangan Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy buyum va asboblar roʻyxatiga ilovaga muvofiq qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. ALIMOV

Toshkent sh.,

2016-yil 15-iyul,

61-son

Oʻzbekiston Respublikasi sogʻliqni saqlash vazirining 2016-yil 15-iyuldagi 61-son buyrugʻiga ILOVA

Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy buyum va asboblar roʻyxatiga kiritilayotgan qoʻshimchalar

Quyidagi mazmundagi pozitsiyalar bilan toʻldirilsin:

“ 36. Steril tibbiy rezina qoʻlqoplar 37. Nosteril tibbiy rezina qoʻlqoplar ”.