Tuman hududidagi yuridik va jismoniy shaxslarga tegishli avtomototransport vositalari va ularga tirkamalarni majburiy texnik koʻrikdan oʻtkazish toʻgʻrisida (292-son)

14.03.2016

Namangan viloyati Mingbuloq tumani hokimining

Qarori

“Mahalliy davlat hokimiyati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6, 25-moddalari, “Yoʻl harakati xavfsizligi toʻgʻrisida”gi Qonunining (Oʻzbekiston Respublikasi qonun hujjatlari toʻplami, 2013-y., 15-son, 197-modda) 17-moddasi, Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi nizomga (Oʻzbekiston Respublikasi qonun hujjatlari toʻplami, 2003-y., 1-2-son, 17-modda) muvofiq transport vositalarining 2016-yilda majburiy texnik koʻrigini tashkil qilish maqsadida qaror qilaman:

1. Tuman hududidagi mulkchilik shaklidan qatʼi nazar, yuridik va jismoniy shaxslarga tegishli avtomototransport vositalari va ularga tirkamalar tegishli tartibda majburiy texnik koʻrikdan oʻtkazilsin.

2. Tumanda transport vositalarini texnik koʻrikdan oʻtkazish quyidagi davriylikka muvofiq belgilansin:

a) tijorat asosida yoʻlovchilar tashish uchun foydalaniladigan yengil avtomobillar, avtobuslar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;

b) ishlab chiqarilganligiga besh yildan koʻp boʻlmagan (ishlab chiqarilgan yili ham shu jumlaga kiradi) transport vositalari (mazkur bandning “a” kichik bandida koʻrsatilgan transport vositalaridan tashqari) — ikki yilda bir marta;

v) ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning “a” kichik bandida koʻrsatilgan transport vositalaridan tashqari) — bir yilda bir marta;

g) tirkamalar koʻrikka transport vositasi — shatakchi uchun belgilangan muddatlarda.

3. Mazkur qarorning 2-bandi “a” kichik bandida koʻrsatilgan transport vositalarining texnik koʻrigi:

birinchi marta — joriy yilning 10-aprelidan 30-iyungacha;

ikkinchi marta — joriy yilning 1-sentabridan 31-oktabrgacha oʻtkazilsin.

Yuridik shaxslarga qarashli boʻlgan transport vositalarining texnik koʻrigi joriy yilning 10-aprelidan 30-iyungacha oʻtkazilsin.

Jismoniy shaxslarga qarashli boʻlgan transport vositalarining texnik koʻrigi joriy yilning 15-fevralidan 31-avgustgacha oʻtkazilsin.

4. Tumanda texnik koʻrikni oʻtkazish uchun tuzilgan komissiya tarkibi 1-ilovaga muvofiq, jismoniy va yuridik shaxslarga tegishli boʻlgan transport vositalarining 2016-yilgi majburiy texnik koʻrigini oʻtkazish jadvali 2-ilovaga muvofiq tasdiqlansin.

5. Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida”gi 54-sonli qarori 3-bandi talablaridan kelib chiqib, tuman mudofaa boʻlimi, ichki ishlar boʻlimi va Milliy xavfsizlik xizmati harbiy boʻlinmalari transport vositalari majburiy texnik koʻriklari oʻz yuqori tashkilotlarining qarori va ish rejasi asosida amalga oshirilishi nazarda tutilsin.

6. Majburiy texnik koʻrik davomida komissiya tarkibida ish olib boruvchi xodimlarning doimiy ish joylaridagi oylik ish haqlari saqlanib qolinsin.

7. Mazkur qaror “Mingbuloq” gazetasida eʼlon qilinsin va hokimlikning rasmiy veb saytiga joylashtirilsin.

8. Ushbu qaror rasmiy eʼlon qilingan kundan eʼtiboran kuchga kiradi.

9. Mazkur qarorning ijrosini nazorat qilish tuman hokimining birinchi oʻrinbosari M. Kamalov zimmasiga yuklatilsin.

Hokim A. IZATULLAYEV

Mingbuloq t.,

2016-yil 14-mart,

292-son

Tuman hokimining 2016-yil 14-martdagi 292-sonli qaroriga 1-ILOVA

Tumanda transport vositalarni texnik koʻrigini oʻtkazishni tashkil etuvchi komissiya

TARKIBI

Komissiya raisi: M. Kamalov — Tuman hokimining birinchi oʻrinbosari Komissiya raisi oʻrinbosari: S. Raxmatov — Mingbuloq tuman ichki ishlar boʻlimi yoʻl harakati xavfsizligi guruhi MA inspektori, serjant Komissiya kotibi: N. Esonova — Tuman avtomotohavaskorlar jamiyati raisi Komissiya aʼzolari: A. Bekzamatov — “Oʻzavtodaryotrans” agentligi Namangan viloyat hududiy boʻlimi sektor mudiri O. Gʻoyipov — “Davtexnazorat” qishloq xoʻjalik texnikalari tuman davlat inspektori A. Abdurazzakov — “Muxammad Bobur Yengilmastrans” MChJ harakat xavfsizligi muhandisi A. Mirzamaxmudov — Mudofaaga koʻmaklash�vchi “Vatanparvar” tashkiloti tuman kengashi oʻqituvchisi B. Yoʻldoshev — “Mingbuloqtrans ekspress” xususiy avtokorxona texnik-mexanigi T. Rayimov — Tuman “Mashina-traktor parki” AJ mutaxassisi S. Azizov — Tuman yoʻl xoʻjaligi pudrat taʼmirlash foydalanish korxonasi mexanigi

Tuman hokimining 2016-yil 14-martdagi 292-sonli qaroriga 2-ILOVA

Tumandagi transport vositalarni texnik koʻrigini oʻtkazish

JADVALI

T/r Tashkilot, korxona, xoʻjaliklar, muassasalar nomlari Texnik koʻrikni oʻtkazish kuni Texnik koʻrik oʻtkaziladigan joy Koʻrikni oʻtkazish vaqti Transport vositalari soni 1. Mudofaaga koʻmaklashuvchi “Vatanparvar” tashkiloti tuman kengashi 15.04.2016-yil Avtosaroyida 9:00 — 16:00 15 ta 2. Mingbuloq tuman hokimligi 17.04.2016-yil Avtosaroyida 9:00 — 16:00 2 ta 3. Mingbuloq telekommunikatsiya bogʻlamasi 16.04.2016-yil Avtosaroyida 9:00 — 16:00 2 ta 4. Mingbuloq pochta aloqa tarmogʻi 16.04.2016-yil Avtosaroyida 9:00 — 16:00 2 ta 5. Tuman sanitariya-epidemiologiya nazorat markazi 17.04.2016-yil Avtosaroyida 9:00 — 16:00 2 ta 6. Tuman “Agromashservis” MChJ 23.04.2016-yil Avtosaroyida 9:00 — 16:00 12 ta 7. “Mingbuloq qurilish savdo” xususiy korxonasi 24.04.2016-yil Avtosaroyida 9:00 — 16:00 18 ta 8. Tuman “Matlubot ulgurji chakana savdo” hissadorlik jamiyati 25.04.2016-yil Avtosaroyida 9:00 — 16:00 6 ta 9. “Vodiygaztaʼminot” unitar korxonasi “Mingbuloq tumangaz” filiali 27.04.2016-yil Avtosaroyida 9:00 — 16:00 5 ta 10. Tuman Tibbiyot birlashmasi 01.05.2016-yil Avtosaroyida 9:00 — 16:00 10 ta 11. Tuman veterinariya boʻlimi 02.05.2016-yil Avtosaroyida 9:00 — 16:00 1 ta 12. DT “Xalq banki” tuman filiali 04.05.2016-yil Avtosaroyida 9:00 — 16:00 1 ta 13. Dovduq aloqa kasb-hunar kolleji 07.05.2016-yil Avtosaroyida 9:00 — 16:00 1 ta 14. Zardaryo irrigatsiya tizimi boshqarmasi 10.05.2016-yil Avtosaroyida 9:00 — 16:00 5 ta 15. Tuman Obodonlashtirish boshqarmasi 11.05.2016y. Avtosaroyida 9:00 — 16:00 2 ta 16. “Mingbuloqdavsuvmaxsuspudrat” davlat unitar korxonasi 13.05.2016-yil Avtosaroyida 9:00 — 16:00 2 ta 17. Mingbuloq “Agrotexservis” MChJ 14.05.2016-yil Avtosaroyida 9:00 — 16:00 1 ta 18. “Muxammad Bobur Yengilmastrans”MChJ birinchi marta 10.04.2016-yil — 30.06.2016-yil ikkinchi marta 01.09.2016-yil — 31.10.2016-yil Avtosaroyida 9:00 — 16:00 26 ta 19. “Javoxirbek Sardorbek trans ekspress” MChJ birinchi marta 10.04.2016-yil — 30.06.2016-yil ikkinchi marta 01.09.2016-yil — 31.10.2016-yil Avtosaroyida 9:00 — 16:00 2 ta 20. “Diyor Zamondosh” MChJ 18.05.2016-yil Avtosaroyida 9:00 — 16:00 6 ta 21. “Zamondosh” MChJ 20.05.2016-yil Avtosaroyida 9:00 — 16:00 2 ta 22. Tumandagi fermer xoʻjaliklar, xususiy korxonalar 10.04.2016-yil — 01.06.2016-yil Avtosaroyida 9:00 — 16:00 80 ta