Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomni tasdiqlash haqida (2812-son)

14.07.2016

Oʻzbekiston Respublikasi Vazirlar Mahkamasi huzuridagi Davlat test markazi direktorining

buyrugʻi

[Oʻzbekiston Respublikasi Adliya vazirligi tomonidan 2016-yil 14-iyulda roʻyxatdan oʻtkazildi, roʻyxat raqami 2812]

Oʻzbekiston Respublikasi Prezidentining 2015-yil 30-sentabrdagi PQ-2414-son “Korporativ boshqaruv ilmiy-taʼlim markazi faoliyatini tashkil etish chora-tadbirlari toʻgʻrisida”gi qarori va Vazirlar Mahkamasining 2015-yil 27-oktabrdagi 305-son “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida”gi qaroriga muvofiq buyuraman:

1. Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Direktor J. ISMAILOV

Toshkent sh.,

2016-yil 4-iyul,

01-215-son

Oʻzbekiston Respublikasi Vazirlar Mahkamasi huzuridagi Davlat test markazi direktorining 2016-yil 4-iyuldagi 01-215-son buyrugʻiga ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi

NIZOM

Mazkur Nizom Vazirlar Mahkamasining 2015-yil 27-oktabrdagi 305-son “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida”gi qaroriga muvofiq, Korporativ boshqaruv ilmiy-taʼlim markazi (bundan buyon matnda Markaz deb yuritiladi) magistraturasiga kirish test sinovlarini tashkil etish va oʻtkazish tartibini belgilaydi.

1-bob. Umumiy qoidalar

1. Markaz magistraturasiga kirish imtihonlari test sinovlari shaklida oʻtkaziladi. Nomzodlar (bundan buyon matnda abituriyent deb yuritiladi) uchun test sinovlari amalga oshiriladigan fanlar roʻyxati Markaz qabul komissiyasi (bundan buyon matnda qabul komissiyasi deb yuritiladi) tomonidan belgilanadi.

2. Test sinovlarining savollari fanlarning oʻquv dasturlari asosida Davlat test markazi tomonidan shakllantiriladi.

Test savollarini tuzish uchun test oʻtkaziladigan fanlarning tasdiqlangan dasturlari test sinovlari boshlanishidan kamida 2 oy oldin Markaz tomonidan Davlat test markaziga taqdim etiladi.

3. Test materiallarining sifatli, nuqsonsiz tayyorlanishi hamda maxfiyligini taʼminlash uchun Davlat test markazi masʼul hisoblanadi.

4. Markaz Davlat test markazi bilan kelishilgan holda test sinovlari oʻtkaziladigan kunni belgilaydi.

5. Test sinovlari oʻtkaziladigan kuni Davlat test markazining tegishli ruxsatnomasiga ega boʻlmagan shaxslarning test sinovlari oʻtkaziladigan binolarga kirishi taqiqlanadi.

6. Test sinovlarini tashkil etish va adolatli oʻtkazish Davlat test markazi vakillari, tegishli oʻquv yili uchun tashkil etilgan qabul komissiyasi raisi va tayinlangan auditoriya rahbarlari zimmasiga yuklanadi.

2-bob. Test sinovlarini oʻtkazishga tayyorgarlik koʻrish va oʻtkazish

1-§. Qabul komissiyasi ishini tashkil etish

7. Qabul komissiyasi aʼzolarining soni va shaxsiy tarkibi Vasiylik kengashi bilan kelishgan holda Markaz direktori tomonidan tasdiqlanadi.

8. Test sinovlarini oʻtkazish bilan bogʻliq ishlarni amalga oshirish boʻyicha qabul komissiyasi ish rejasi ishlab chiqiladi va qabul komissiyasi raisi tomonidan tasdiqlanadi.

9. Qabul jarayonini yuqori darajada uyushqoqlik bilan, tartibli ravishda tashkil etish, abituriyentlarga ularning test sinovlari jarayonidagi vazifalari, huquq va majburiyatlarini tushuntirish, test sinovlarini oʻtkazish bilan bogʻliq barcha zarur sharoitlarni yaratish hamda test sinovlari natijalari boʻyicha abituriyentlarga toʻliq maʼlumotlar berish qabul komissiyasining asosiy vazifalari hisoblanadi.

10. Qabul komissiyasi test sinovlari boshlanishidan bir oy oldin Vazirlar Mahkamasining 2015-yil 27-oktabrdagi 305-son “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida”gi qarori va mazkur Nizom nusxasini, shuningdek qabul jarayoniga oid zarur maʼlumotlarni Markaz rasmiy veb-saytiga va qabul komissiyasi eʼlonlar taxtasiga joylashtiradi.

11. Qabul komissiyasi:

test sinovlari oʻtkazilishidan 20 kun oldin — tegishli binolar va auditoriyalarni test sinovlarini oʻtkazish uchun tayyorlaydi;

test sinovlari oʻtkazilishidan 10 kun oldin — test sinovlarini oʻtkazish rejalashtirilgan binolar va auditoriyalar haqidagi maʼlumotlarni mazkur Nizomning 1-ilovasi 1 — 7-shakllariga muvofiq Davlat test markaziga taqdim etadi, ushbu maʼlumotlarga keyinchalik oʻzgartirish va qoʻshimchalar kiritish taqiqlanadi;

test sinovlari oʻtkazilishidan 8 kun oldin — abituriyentlarning qayd raqami, taʼlim muassasasining nomi, fuqaroligi, familiyasi, ismi, otasining ismi, millati, jinsi, pasport seriyasi va raqami, yashash joyi, tugʻilgan yili va joyi, tugatgan oliy taʼlim muassasasining nomi, manzili hamda uni tugatgan yili, diplom seriyasi va raqami, diplomdagi umumiy reyting balli, taʼlim tili, mutaxassisligi va test sinovi topshiradigan chet tili haqidagi maʼlumotlar bazasini mutaxassislik boʻyicha maxsus dasturga xatosiz kiritadi va abituriyentlarning elektron surati bilan Davlat test markaziga yuboradi;

test sinovlari oʻtkazilishidan 8 kun oldin — mazkur Nizomning 2-ilovasiga muvofiq abituriyentlardan tushgan arizalar haqida maʼlumotni Davlat test markaziga taqdim etadi, ushbu roʻyxatga keyinchalik oʻzgartirish va qoʻshimchalar kiritish taqiqlanadi;

test sinovlari oʻtkazilishidan 7 kun oldin — mazkur Nizomning 3-ilovasiga muvofiq shakldagi titul varaqasi, mazkur Nizomning 4-ilovasiga muvofiq shakldagi abituriyent ruxsatnomasi, mazkur Nizomning 5-ilovasi 1-shakliga muvofiq abituriyentlarning umumiy roʻyxati hamda mazkur Nizomning 5-ilovasi 2-shakliga muvofiq abituriyentlarga ruxsatnomalarni tarqatish qaydnomasini chop etish boʻyicha Davlat test markazi bilan shartnoma tuzadi;

test sinovlari oʻtkazilishidan 5 kun oldin — Davlat test markazidan abituriyentlarning umumiy roʻyxatini tasdiqlangan holda qabul qiladi va uni shu kunning oʻzida Markaz rasmiy veb-saytiga va qabul komissiyasi eʼlonlar taxtasiga joylashtiradi;

test sinovlari oʻtkazilishidan 3 kun oldin — Davlat test markazidan abituriyentlar ruxsatnomalari va abituriyentlarga ruxsatnomalarni tarqatish qaydnomalarini qabul qilib oladi;

test sinovlari oʻtkazilishidan 2 kun oldin — test sinovlari oʻtkaziladigan binolarda abituriyentlarni test sinovi oʻtkazish tartibi bilan yana bir bor tanishtirish maqsadida maslahat punktlari tashkil qiladi va abituriyentlarga abituriyent ruxsatnomasini tarqatadi;

test sinovlari oʻtkazilishidan 2 kun oldin — test sinovi oʻtkazish uchun tayyorlangan binolarni Davlat test markazining bino vakiliga topshiradi va bu haqda mazkur Nizomning 6-ilovasi 1-shakliga muvofiq binoning test sinovlariga tayyorligi toʻgʻrisidagi bayonnomani rasmiylashtiradi;

test sinovlari oʻtkazilishidan 1 kun oldin — soat 7.30 ga qadar Davlat test markazi direktori tomonidan tasdiqlangan mazkur Nizomning 6-ilovasi 2-shakliga muvofiq bino hududiga kirishga ruxsat berilgan Davlat test markazi vakillari (muassasa, bino, hudud va qavat vakillari), videooperatorlari, auditoriya rahbarlari va kuzatuvchilari roʻyxatini oladi hamda nazorat xizmati postlariga topshiradi, shuningdek abituriyentlar uchun repetitsiya tashkil etadi va oʻtkazadi;

test sinovlari oʻtkaziladigan kuni — abituriyentlarni bino hududi va binoga oʻz vaqtida tartibli kiritish uchun har bir bino eshigida nazorat xizmati postlarini, Markazda tashkil etilgan Bosh shtabda, binolarning kirish eshigida va test materiallarini tarqatish-qabul qilish xonasida (shtabda) videotasvir oʻrnatilishini taʼminlaydi;

repetitsiya oʻtkazilgandan soʻng, mazkur Nizomning 6-ilovasi 3-shakliga muvofiq binoda repetitsiya oʻtkazish bayonnomasini rasmiylashtirishda ishtirok etadi;

kompyuter texnikalari, nusxa koʻchirish va aloqa vositalari saqlanadigan xonalar, test sinovlari oʻtkazilmaydigan auditoriyalar, xonalar va qavatlarning kirish-chiqish eshiklari hamda test sinovlari oʻtkaziladigan auditoriya va xonalarning muhrlanishida ishtirok etadi;

Davlat test markazidan test sinovi natijalari qaydnomasi hamda abituriyent tomonidan toʻldirilgan titul varaqalarining asl nusxalarini va toʻldirilmagan titul varaqalarining nusxalarini tekshirib, mazkur Nizomning 7-ilovasiga muvofiq shakldagi titul varaqalari solingan paketni ochish haqidagi dalolatnoma asosida qabul qilib oladi va belgilangan tartibda toʻldirilmagan titul varaqalarining asl nusxalari Davlat test markazida qoldiriladi;

test sinovlari natijalarini Davlat test markazidan olgan kuni eʼlon qiladi.

12. Qabul komissiyasiga yuklatilgan barcha vazifalarning sifatli bajarilishini taʼminlash boʻyicha javobgarlik qabul komissiyasi raisi va masʼul kotibi zimmasiga yuklatiladi.

2-§. Test sinovini tashkil etish va oʻtkazishda Davlat test markazining asosiy vazifalari

13. Quyidagilar test sinovlarini tashkil etish va oʻtkazishda Davlat test markazining asosiy vazifalari hisoblanadi:

test savollarini tuzadi va ularni ekspertiza qiladi;

test materiallarining sifatli, nuqsonsiz tayyorlanishini taʼminlaydi hamda maxfiylikni saqlagan holda tayyorlaydi va chop etadi;

Markazdan mazkur Nizomda nazarda tutilgan tegishli maʼlumotlarni tasdiqlangan holda oladi va ularga ishlov beradi;

Davlat test markazi vakillari, auditoriya rahbarlari va kuzatuvchilarini qurʼa tashlash yoʻli bilan taqsimlaydi;

auditoriyalar boʻyicha abituriyentlar roʻyxatlarini shakllantiradi;

test materiallarini test sinovi oʻtkaziladigan binoga va test sinovi tugagandan soʻng, Davlat test markaziga yetkazilishini taʼminlaydi;

qabul komissiyasiga test sinovi natijalari va toʻldirilgan titul varaqalarini topshiradi;

test sinovi natijalarini 2 kun ichida tekshiradi va chiqaradi.

14. Davlat test markazi test sinovlarini tashkil etish va oʻtkazishda:

Markazdan test sinovlarini oʻtkazish rejalashtirilgan binolar va auditoriyalar haqidagi maʼlumotlarni qabul qiladi, tahlil qiladi, ularning reja-chizmalarini tasdiqlaydi;

test sinovlari oʻtkazilishidan 3 kun oldin — abituriyentlar ruxsatnomalari va abituriyentlarga ruxsatnomalarni tarqatish qaydnomasini tasdiqlangan holda qabul komissiyasiga topshiradi;

test sinovlari oʻtkazilishidan 2 kun oldin — auditoriya rahbarlari va kuzatuvchilari uchun seminar mashgʻulotlarini oʻtkazadi;

test sinovlari oʻtkazilishidan 1 kun oldin — Davlat test markazi vakillari, auditoriya rahbarlari va kuzatuvchilarining binolar boʻyicha taqsimotini tasdiqlangan holda qabul komissiyasiga taqdim etadi;

Davlat test markazi vakillari, auditoriya rahbarlari va kuzatuvchilarining oʻz vazifalarini aniq bilishlarini taʼminlaydi.

3-§. Test sinovini tashkil etish va oʻtkazishda Davlat test markazi vakillarining vazifalari

15. Davlat test markazi vakillari Davlat test markazi tomonidan tanlab olinadi.

16. Davlat test markazining vakillari test sinovlari jarayoniga shartnoma asosida jalb etiladi.

17. Davlat test markazining Markaz boʻyicha vakili (bundan buyon matnda muassasa vakili deb yuritiladi) Davlat test markazining bino boʻyicha vakili (bundan buyon matnda bino vakili deb yuritiladi), Davlat test markazining bino hududi boʻyicha vakili (bundan buyon matnda hudud vakili deb yuritiladi) va Davlat test markazining qavat boʻyicha vakiliga (bundan buyon matnda qavat vakili deb yuritiladi) umumiy rahbarlik qiladi hamda ular faoliyatini nazorat qiladi.

Bino vakili qavat vakillarining faoliyatiga umumiy rahbarlik qiladi. Qavat vakili auditoriya rahbarlari faoliyatini boshqaradi.

Qavat vakili bino vakilining, bino vakili muassasa vakilining, muassasa vakili Davlat test markazining masʼul xodimi rahbarligida faoliyat yuritadi.

18. Davlat test markazi vakillari:

test sinovlarini oʻtkazish tartibini mukammal bilishi;

qabul komissiyasi bilan hamkorlikda auditoriya rahbarlari va kuzatuvchilari sifatida jalb etiladigan shaxslar uchun test sinovini oʻtkazish boʻyicha tushuntirishlar olib borishi;

test sinovlari oʻtkazish tartibiga qatʼiy rioya qilinishi, test sinovlarining xolisona va adolatli oʻtkazilishini taʼminlashi;

test sinovlari jarayonida auditoriya rahbariga amaliy yordam berishi;

test sinovlari oʻtkaziladigan bino hududiga kirish joyidagi nazorat postida mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilgan abituriyentlarni test sinovidan chetlashtirish boʻyicha dalolatnoma tuzishi lozim.

19. Davlat test markazi vakillarining test sinovlari oʻtkaziladigan bino hududiga yon daftarcha, sumka va shunga oʻxshash buyumlar bilan kirishi taqiqlanadi.

20. Muassasa vakili:

test sinovlari oʻtkazilishidan 2 kun oldin — qabul komissiyasi masʼul kotibi bilan birgalikda tegishli bino, qavat va auditoriyalarning test sinovlariga tayyorligini tekshiradi, aniqlangan kamchiliklarni bartaraf etadi. Qabul komissiyasi masʼul kotibidan dislokatsiya hujjatlari asosida binoni qabul qiladi va binoning test sinovlariga tayyorligi toʻgʻrisida bayonnoma rasmiylashtiradi;

test sinovlari oʻtkazilishidan 1 kun oldin — soat 8.00 dan boshlab qabul komissiyasi, auditoriya rahbarlari va kuzatuvchilari ishtirokida test sinovlariga tayyorgarlik koʻrish uchun repetitsiya oʻtkazadi hamda binoda repetitsiya oʻtkazish bayonnomasini rasmiylashtiradi va shu kuni Davlat test markaziga taqdim etadi.

21. Muassasa vakili test sinovlari oʻtkaziladigan kuni:

soat 12.00 gacha — Markazga yetib keladi va pasporti bilan nazorat xizmati postlari orqali binoga kiradi;

soat 12.15 gacha — Bosh shtabda bino vakillari ishtirokida Davlat test markazining test sinovini oʻtkazishga masʼul xodimidan test materiallarini ularning muhri buzilmaganligini tekshirib, qabul qiladi;

mazkur Nizomning 8-ilovasiga muvofiq shakldagi bino vakillarining binolar boʻyicha taqsimotini eʼlon qiladi;

kelmagan bino vakili oʻrniga zaxiradagi vakillardan birini tayinlaydi;

soat 12.30 gacha — mazkur Nizomning 9-ilovasiga muvofiq shaklda binolar boʻyicha test materiallarini tarqatish va qabul qilish bayonnomasining tegishli ustunini rasmiylashtiradi;

Markazda test sinovlarining oʻz vaqtida boshlanishi va tugashini nazorat qiladi;

vujudga kelgan muammolarni oʻz vakolatlari doirasida bartaraf etish choralarini koʻradi;

soat 17.40 gacha — binolar boʻyicha test materiallarini tarqatish va qabul qilish bayonnomasi asosida bino vakilidan test materiallarini qabul qiladi va tegishli ustunni rasmiylashtiradi;

oʻz vaqtida topshirilgan test materiallarini bino vakillari ishtirokida Davlat test markazining test sinovlarini oʻtkazishga masʼul xodimiga topshiradi va bu haqda Davlat test markaziga telefon orqali xabar beradi. Uzrli sabablarsiz oʻz vaqtida olib kelinmagan test materiallarini qabul qilmaydi va hisobot shaklining boshqa muammolar qismiga bu haqda batafsil maʼlumot kiritadi;

soat 17.50 gacha — mazkur Nizomning 10-ilovasi 1-2-shakllariga muvofiq qavat vakili hisoboti, bino vakili hisoboti, shuningdek bino boʻyicha toʻldirilgan barcha shakllar, rasmiylashtirilgan dalolatnomalar, testga kelmagan Davlat test markazi vakillari, auditoriya rahbarlari va kuzatuvchilari ruxsatnomalari, test materiallarini tarqatish va yigʻib olish bayonnomalari, abituriyentlarning binoga kirish jarayoni videotasviri solingan va muhrlangan maxsus paketlarni qabul qilib oladi hamda mazkur Nizomning 10-ilovasi 3-shakliga muvofiq muassasa vakili hisoboti bilan birgalikda test sinovi oʻtkazilgan kuni soat 18.20 gacha Davlat test markaziga topshiradi;

muassasa vakili test sinovini oʻtkazish tartibini buzgan taqdirda, Davlat test markazi masʼul xodimi tomonidan dalolatnoma tuzilib, test sinovidan chetlashtiriladi hamda uning oʻrniga zaxiradan boshqa vakil tayinlanadi.

22. Bino vakili test sinovlari oʻtkaziladigan kuni:

soat 12.20 gacha — Bosh shtabda muassasa vakilidan bino boʻyicha qavat vakillari, auditoriya rahbarlari, kuzatuvchilari roʻyxatlarini, ularning va videooperatorlar ruxsatnomalarini, test materiallarini qabul qilib oladi hamda soat 12.40 gacha binoga yetib boradi;

zaxira test materiallari solingan qutilarni seyfga joylashtiradi va muhrlaydi;

soat 13.00 gacha — qavat vakillari orqali mazkur Nizomning 11-ilovasi 1-shakliga muvofiq qavat vakili, auditoriya rahbarlari va kuzatuvchilari taqsimotini eʼlon qilib, ularga va videooperatorlarga ruxsatnomalarni tarqatadi. Kelmagan qavat vakillari, auditoriya rahbarlari va kuzatuvchilari oʻrniga zaxiradan tayinlaydi va bu haqda mazkur Nizomning 11-ilovasi 2-shakliga muvofiq test sinovlariga kelmagan Davlat test markazi vakillari, auditoriya rahbarlari va kuzatuvchilari toʻgʻrisida dalolatnoma rasmiylashtiradi;

soat 13.00 da — hudud vakiliga mazkur Nizomning 12-ilovasiga muvofiq shakldagi abituriyentlarning bino va guruhlar boʻyicha umumiy roʻyxatini, auditoriya rahbarlariga abituriyentlarning auditoriyalar boʻyicha roʻyxatini va abituriyentlarning guruhlar boʻyicha titul varaqalari solingan paketlarni beradi;

soat 13.00 gacha — bino boʻyicha toʻldirilgan barcha shakllar, rasmiylashtirilgan dalolatnomalar hamda test sinovi jarayoniga kelmagan Davlat test markazi vakillari, auditoriya rahbarlari, kuzatuvchilari ruxsatnomalarini maxsus paketga solib muhrlaydi;

soat 13.15 gacha — qavat vakillari orqali mazkur Nizomning 13-ilovasi 1-shakliga muvofiq binoda test materiallarini tarqatish va qabul qilish bayonnomasi asosida test materiallari qutilarini auditoriya rahbarlariga topshiradi va bu haqda bayonnomaning tegishli ustunlarini rasmiylashtiradi;

soat 14.00 gacha — qavat vakillarining abituriyentlar tomonidan test materialida tipografik nuqson borligi haqidagi murojaati yuzasidan zudlik bilan zaxira qutisidan taʼlim yoʻnalishi va tiliga mos test materiallarini olib qavat vakiliga beradi va bu haqda mazkur Nizomning 13-ilovasi 2-shakliga muvofiq zaxira test materiallarini tarqatish bayonnomasini rasmiylashtiradi;

soat 17.20 gacha — abituriyentlarning test sinovlari topshirishini nazorat qilib boradi va test sinovlari jarayonida muammo paydo boʻlsa, uni zudlik bilan hal qilish choralarini koʻradi;

auditoriyada test sinovini oʻtkazish tartibini buzgan abituriyentlarning test sinovidan chetlashtirilishi va bu haqda dalolatnoma tuzilishini nazorat qiladi;

soat 17.30 gacha — qavat vakillari orqali binoda test materiallarini tarqatish va qabul qilish bayonnomasi asosida auditoriya rahbarlaridan test materiallari qutilarini muhrlangan holda qabul qilib oladi, bayonnomaning tegishli ustunlarini rasmiylashtiradi hamda oʻz vaqtida topshirgan auditoriya rahbarlari ruxsatnomasining tegishli joylarini toʻldirib imzo qoʻyadi, auditoriyadan sababsiz oʻz vaqtida olib kelinmagan test materiallari qutilarini qabul qilmaydi va hisobot shaklining boshqa muammolar qismiga bu haqda batafsil maʼlumot kiritadi;

soat 17.30 gacha — qavat vakillari ishtirokida muhrlangan test materiallari qutilarini qoplarga solib muhrlaydi. Muhrlangan test materiallarini Bosh shtabga olib boradi va taʼlim muassasasi vakiliga topshiradi hamda Davlat test markazining test sinovlarini oʻtkazishga masʼul xodimiga topshirilishida ishtirok etadi;

soat 17.40 gacha — qavat vakillaridan hisobotlarni qabul qiladi va bino vakili hisobotini yozadi. Bino boʻyicha toʻldirilgan barcha shakllar, rasmiylashtirilgan dalolatnomalar, bayonnomalar, testga kelmagan Davlat test markazi vakillari, auditoriya rahbarlari, kuzatuvchilari ruxsatnomalari, abituriyentlarning binoga kirish jarayoni videotasviri solingan va muhrlangan maxsus paketni muassasa vakiliga topshiradi.

23. Toʻldirilmagan yoki Davlat test markaziga keltirilmagan shakllar uchun bino vakili javobgar hisoblanadi.

24. Qavat vakili test sinovlari oʻtkaziladigan kuni:

soat 13.00 gacha — auditoriya rahbarlari va kuzatuvchilariga bino vakili boshchiligida ruxsatnomalarni tarqatadi hamda ularni belgilangan auditoriyalarga olib boradi;

oʻziga tegishli qavatda auditoriya rahbarlari va kuzatuvchilarining faoliyatini nazorat qiladi;

test sinovi oʻtkazilayotgan auditoriyada abituriyent tomonidan test oʻtkazish tartibi buzilishi aniqlanganda, auditoriya rahbaridan ushbu holat boʻyicha test sinovlaridan chetlashtirish toʻgʻrisida dalolatnoma rasmiylashtirishni talab qiladi;

test sinovlarini oʻtkazishning mazkur Nizomda belgilangan tartibini buzgan auditoriya rahbari yoki kuzatuvchisini test sinovidan chetlashtiradi, ularning oʻrniga zaxiradan boshqa shaxsni tayinlaydi hamda ushbu holatlarni oʻz hisobotida koʻrsatadi;

auditoriyalarda paketlar va test materiallari qutisini muhrlashda amaliy yordam koʻrsatadi;

qavatdagi auditoriyalar rahbarlari tomonidan test materiallari qutilarining bino vakiliga topshirilishini nazorat qiladi;

qavat vakili hisobotini yozib, bino vakiliga topshiradi.

25. Hudud vakili test sinovlari oʻtkaziladigan kuni:

soat 13.00 da — bino vakilidan abituriyentlarning bino va guruhlar boʻyicha umumiy roʻyxatini oladi va bino hududidagi eʼlonlar taxtasiga joylashtiradi;

abituriyentlarni bino hududi va binoga tartibli ravishda kirishini nazorat qiladi;

bino hududiga kirishda mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilgan abituriyentlarni test sinovlaridan chetlashtirish va tegishli dalolatnomani rasmiylashtirishda ishtirok etadi.

26. Test sinovini oʻtkazish davomida mazkur Nizomning 67-bandida koʻrsatilgan holatlardan birortasini sodir etgan Davlat test markazi vakili test sinovidan chetlashtiriladi. Bunda qavat vakili bino vakili tomonidan, bino vakili muassasa vakili tomonidan, muassasa vakili Davlat test markazi masʼul xodimi tomonidan test sinovidan chetlashtiriladi va uning oʻrniga zaxiradan boshqa vakil tayinlanadi hamda ushbu holatlar tegishli hisobotlarda koʻrsatiladi.

27. Mahalliy davlat hokimiyati organlari Markazning murojaatiga asosan:

test sinovini oʻtkazish bilan bogʻliq barcha zarur shart-sharoitlarni yaratishda amaliy yordam beradi;

oʻz vakolatlari doirasida test sinovlarining tartibli oʻtishini taʼminlaydi.

4-§. Test sinovini oʻtkazishda auditoriya rahbarlari va kuzatuvchilarining vazifalari

28. Auditoriya rahbarlari va kuzatuvchilari Davlat test markazi tomonidan tanlab olinadi.

29. Auditoriya rahbarlari va kuzatuvchilari auditoriyalarga Davlat test markazi tomonidan qurʼa tashlash yoʻli bilan taqsimlanadi.

30. Auditoriya rahbarlari va kuzatuvchilari tomonidan binoga yon daftarcha, sumka, uyali aloqa vositalari va shunga oʻxshash buyumlarning olib kirilishi man etiladi. Test sinovi oʻtkaziladigan auditoriyada tegishli qonun hujjatlari talablariga qatʼiy rioya qilingan holda toʻgʻri va adolatli oʻtkazilishini taʼminlash boʻyicha javobgarlik auditoriya rahbari zimmasiga yuklanadi.

31. Har bir auditoriyaga 1 nafar auditoriya rahbari, 30 tagacha abituriyent uchun 1 nafar auditoriya kuzatuvchisi biriktiriladi. Auditoriya kuzatuvchisi auditoriyadagi abituriyentlarga test materiallarini tarqatish va yigʻib olish hamda test sinovini belgilangan tartibda oʻtkazilishida masʼul hisoblanadi. Auditoriya rahbari auditoriya kuzatuvchilari faoliyatini nazorat qiladi, mazkur Nizomning 14-ilovasiga muvofiq auditoriyada test sinovini oʻtkazish bayonnomasini rasmiylashtiradi.

32. Test sinovlari oʻtkaziladigan kuni auditoriya rahbari va kuzatuvchisi oʻziga biriktirilgan binoga soat 12.30 dan kechikmasdan pasporti bilan yetib keladi va soat 13.00 gacha bino shtabida ruxsatnomasi hamda mazkur Nizomning 15-ilovasiga muvofiq shakldagi abituriyentlarning auditoriyalar boʻyicha roʻyxatini oladi va imzo qoʻyadi hamda ruxsatnomada koʻrsatilgan auditoriyaga borib, ism va familiyasini yozuv taxtasiga (doskaga) yozib qoʻyadi.

33. Auditoriya rahbari soat 13.15 gacha bino shtabida bino vakilidan tegishli titul varaqalari solingan paketni va test materiallari qutisini ularning muhri buzilmaganligini tekshirib qabul qiladi, qavat vakili boshchiligida auditoriyaga olib keladi hamda titul varaqalari solingan paketni guvohlar ishtirokida ochib, auditoriya kuzatuvchilariga topshiradi.

34. Auditoriya rahbari soat 13.30 da auditoriya kuzatuvchilari va ikki nafar abituriyentlar guvohligida test materiallari qutisini ochadi. Test materiallari qutisidan abituriyentlar soniga mos ravishda mazkur Nizomning 16-ilovasiga muvofiq shakldagi savollar kitobi hamda mazkur Nizomning 17-ilovasiga muvofiq shakldagi javoblar varaqasi, mazkur Nizomning 18-ilovasi 1 — 3-shakllariga muvofiq titul varaqalari paketi, javoblar varaqasi paketi va ishlatilmagan savollar kitoblari paketi, mazkur Nizomning 19-ilovasiga muvofiq shakldagi test sinovlaridan chetlashtirish toʻgʻrisida dalolatnoma, test materiallarini muhrlash uchun Davlat test markazining 4 ta emblemasi va auditoriyada test sinovini oʻtkazish bayonnomasi mavjudligini tekshirib oladi.

35. Auditoriya rahbari abituriyentlarga tarqatish uchun javoblar varaqalari va javoblar varaqasi raqamiga mos raqamli savollar kitoblarini kuzatuvchilarga topshiradi hamda abituriyentlarning auditoriyalar boʻyicha roʻyxatiga abituriyentlarning test materiallarini qabul qilib olganliklarini tasdiqlab, imzo qoʻyishlarini nazorat qiladi.

36. Auditoriya rahbari soat 14.00 gacha:

abituriyentlarni javoblar varaqasini bukmaslik, uning marker chizigʻiga yozmaslik va javoblar varaqasi raqami ostida joylashgan doirachalarni boʻyamaslik haqida ogohlantiradi;

abituriyentlarga savollar kitobi raqami bilan javoblar varaqasi raqami mosligini hamda test materiallari nuqsonsizligini tekshirib chiqish, javoblar varaqasi va savollar kitobi muqovasining tegishli joyiga familiyasi, ismi, otasining ismini yozib imzo qoʻyish, titul varaqasi va abituriyent ruxsatnomasining tegishli joyiga javoblar varaqasidan javoblar varaqasi raqamini xatosiz koʻchirib yozib imzo qoʻyish va titul varaqasidan javoblar varaqasining tegishli joyiga maxsus kodni toʻgʻri koʻchirish boʻyicha koʻrsatma beradi;

kuzatuvchilardan test sinoviga kelmagan abituriyentlarning javoblar varaqalari va savollar kitoblarini sanab qabul qilib oladi;

kuzatuvchilarga abituriyentlar tomonidan toʻldirilgan titul varaqalarini yigʻib olish boʻyicha koʻrsatma beradi;

abituriyent savollar kitobi nuqsonli ekanligi haqida murojaat qilganda, nuqson borligiga shaxsan oʻzi ishonch hosil qilgandan keyin tezkorlik bilan qavat vakiliga murojaat qilib, zaxiradan shu taʼlim yoʻnalishi va tiliga mos boʻlgan savollar kitobi hamda javoblar varaqasini keltirib berishni soʻraydi hamda abituriyentga nuqsonsiz test materiallarini topshiradi;

nuqsonli savollar kitobi va javoblar varaqasi ustiga “Nuqsonli” degan yozuv kiritadi, nuqsonli test savollari kitobi ustiga uning almashtirilgan vaqtini, abituriyentning familiyasi, ismi, otasining ismini yozib imzo qoʻyadi hamda nuqsonli test savollari kitobi va javoblar varaqasini javoblar varaqasi paketiga soladi.

37. Auditoriya rahbari soat 14.00 da test sinovi boshlanganini eʼlon qilib, test sinovining tugash vaqtini doskaga yozib qoʻyadi.

38. Auditoriya rahbari soat 14.20 gacha:

test sinoviga kelmagan abituriyentga tegishli savollar kitobini ishlatilmagan savollar kitobi paketiga solib muhrlaydi, javoblar varaqasini javoblar varaqasi paketiga solib qoʻyadi va abituriyentlarning auditoriyalar boʻyicha roʻyxatiga test sinoviga kelmagan abituriyent haqida “Qatnashmadi” deb yozib qoʻyadi;

yigʻilgan titul varaqalariga yozilgan javoblar varaqalari raqamlarini abituriyentlarning auditoriyalar boʻyicha roʻyxatiga yozilgan javoblar varaqalari raqamlari bilan mosligini birma-bir tekshirib chiqadi, tegishli joyiga imzo qoʻyib, titul varaqalari paketiga solib qoʻyadi;

auditoriyada test sinovlarini oʻtkazish bayonnomasining tegishli bandlarini rasmiylashtiradi.

39. Auditoriya rahbari soat 17.00 da test savollari bilan ishlash uchun ajratilgan vaqt tugaganligini va javoblarni javoblar varaqasiga koʻchirish uchun ajratilgan 20 daqiqalik vaqt boshlanganligini eʼlon qiladi.

40. Auditoriya rahbari soat 17.20 da test sinovi uchun ajratilgan vaqt tugaganligini eʼlon qiladi va abituriyentlarni oʻrinlaridan turishlarini talab qiladi hamda kuzatuvchilarga abituriyentlardan test materiallarini yigʻib olish boʻyicha koʻrsatma beradi.

Test materiallari yigʻib olinganidan soʻng, auditoriya rahbari savollar kitobi va javoblar varaqasiga shikast yetmaganligini tekshiradi va abituriyentlarga test materiallarini topshirganligini tasdiqlash maqsadida abituriyentlarning auditoriyalar boʻyicha roʻyxatiga imzo qoʻydirib, auditoriyadan chiqishlarini nazorat qiladi.

Test sinovi uchun ajratilgan vaqt tugaganligini inobatga olmagan abituriyentlarning test materiallarini qabul qilmaydi. Abituriyentlarning auditoriyalar boʻyicha roʻyxatiga “Topshirmadi” degan yozuv kiritib, imzo bilan tasdiqlaydi, mazkur holat boʻyicha dalolatnoma rasmiylashtiradi va dalolatnomaga abituriyentning titul varaqasini yelimlaydi.

41. Auditoriya rahbari soat 17.20 dan 17.30 gacha:

javoblar varaqasi paketiga testda qatnashgan abituriyentlarning javoblar varaqalarini, ishlatilmagan javoblar varaqalarini, test sinovlaridan chetlashtirish toʻgʻrisidagi dalolatnoma yelimlangan javoblar varaqalari va titul varaqalarini, test materiallarini oʻz vaqtida topshirmagan abituriyentlarning titul varaqalari yelimlangan dalolatnomalarni, test sinoviga kelmagan abituriyentlarning titul varaqalarini, ustiga “Nuqsonli” deb yozilgan savollar kitobi va unga tegishli javoblar varaqasini soladi;

titul varaqalari paketiga test sinovida qatnashgan abituriyentlarning titul varaqalari hamda abituriyentlarning auditoriyalar boʻyicha roʻyxatini soladi;

javoblar varaqasi paketi va titul varaqalari paketi ustidagi shaklni rasmiylashtiradi va ularni auditoriya kuzatuvchilari va ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi;

test materiallari qutisiga, ishlatilgan savollar kitoblarini, ishlatilmagan savollar kitoblari paketini, javoblar varaqasi paketini, titul varaqalari paketini, auditoriyada test sinovini oʻtkazish bayonnomasini soladi;

test materiallari qutisini auditoriya kuzatuvchilari va ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi.

42. Auditoriya rahbari soat 17.30 gacha muhrlangan test materiallari qutisini auditoriya kuzatuvchilari ishtirokida bino vakiliga topshiradi va ushbu materiallarni oʻz vaqtida topshirilganligini tasdiqlatib, ruxsatnomasining tegishli joyiga imzo qoʻydiradi.

43. Test sinovlarini oʻtkazish tartibini buzgan abituriyentning dalolatnoma asosida test sinovidan chetlashtirilmaganligi, test sinovi jarayonida ishlatilgan shakllar yoki paketlar ustidagi rekvizitlar toʻldirilmaganligi yoki chala toʻldirilganligi, qutining auditoriyada muhrlanmaganligi, paketning ustiga yozilgan yozuvning paket ichidagi test materiallari soniga mos kelmasligi, test materiallarining toʻliq emasligi, shikastlangan test materiallari boʻyicha dalolatnoma tuzilmaganligi uchun auditoriya rahbari javobgar hisoblanadi.

44. Auditoriya kuzatuvchisi soat 13.10 gacha:

auditoriyaning test sinovlariga tayyorligini tekshiradi, test jarayoniga salbiy taʼsir etuvchi omillar aniqlanganda, ularni bartaraf etish choralarini koʻradi;

auditoriyada abituriyentlar boʻlsa, ularni tashqariga chiqaradi, auditoriyadagi oʻtirish oʻrinlari belgilangan namuna asosida raqamlanganligini tekshiradi;

auditoriya rahbaridan abituriyentlarning auditoriyalar boʻyicha roʻyxati va titul varaqalarini qabul qilib oladi;

abituriyentlarni titul varaqasi, abituriyent ruxsatnomasi va pasporti asosida tekshirib (rasmlarning shu abituriyentga tegishliligiga ishonch hosil qilib), abituriyentlarning auditoriyalar boʻyicha roʻyxati asosida ularni auditoriyaga kiritadi;

abituriyentga titul varaqasini topshirib, ularga titul varaqasida koʻrsatilgan joyga borib oʻtirish haqida koʻrsatma beradi;

test sinoviga kelmagan abituriyentning oʻrni test sinovi davomida boʻsh qoladi;

test sinoviga kelmagan abituriyentlarga tegishli titul varaqalarini sanab auditoriya rahbariga topshiradi.

45. Auditoriya kuzatuvchisi soat 13.30 da auditoriya rahbaridan javoblar varaqalari va javoblar varaqasi raqamiga mos raqamli savollar kitoblarini qabul qilib oladi va abituriyentlarga tarqatib chiqadi. Abituriyentlarga javoblar varaqasi raqamini abituriyentlarning auditoriyalar boʻyicha roʻyxatiga yozdirib, imzo qoʻydiradi va abituriyentlar tomonidan toʻldirilgan titul varaqalarini yigʻib oladi hamda auditoriya rahbariga topshiradi.

46. Auditoriya kuzatuvchisi soat 14.00 dan 17.20 gacha test sinovining belgilangan tartibda oʻtishini nazorat qiladi, abituriyentlardan test materiallarini yigʻib oladi va auditoriya rahbariga topshiradi.

Soat 17.30 gacha test materiallari qutisini auditoriyada muhrlashda va bino vakiliga topshirishda ishtirok etadi.

47. Test sinovi davomida mazkur Nizomning 68-bandida koʻrsatilgan holatlardan birortasini sodir etgan auditoriya rahbari yoki kuzatuvchisi qavat vakili tomonidan test sinovidan chetlashtiriladi, oʻrniga zaxiradan boshqa auditoriya rahbari yoki kuzatuvchisi tayinlanadi hamda bu haqda tegishli hisobotlarda koʻrsatiladi.

5-§. Test sinovlari oʻtkaziladigan bino va auditoriyalarni test sinovlariga tayyorlash

48. Qabul komissiyasi bino va auditoriyalarni test sinovlarini oʻtkazish uchun tayyorlaydi.

49. Qabul komissiyasi joriy yilda test sinovlariga qatnashadigan abituriyentlar sonini oʻtgan yilga nisbatan yigirma foiz qoʻshgan holda rejalashtiradi.

50. Test sinovlari oʻtkaziladigan binolarning reja-chizmasi Davlat test markazi tomonidan tasdiqlangandan keyin haqiqiy hisoblanadi.

51. Markazda test materiallarini qabul qilish va topshirish uchun maxsus xona (Bosh shtab), binolarda esa, test materiallarini tarqatish va qabul qilib olish uchun moʻljallangan xona (shtab) tayyorlanadi va ular Davlat test markazining vakillari uchun yetarli miqdorda stol-stullar, statsionar telefon aloqasi, test jarayonida hujjatlarni saqlash uchun seyf va soat bilan jihozlanishi lozim.

52. Test sinovi oʻtkaziladigan bino va auditoriyalar quyidagi talablarga javob berishi shart:

binolar hududiy joylashuvi boʻyicha bir-biriga yaqin boʻlishi;

binoga kirish yoʻlagi koʻpi bilan 500 nafar abituriyentga moʻljallangan boʻlishi;

abituriyentlarni tartibli va oʻz vaqtida kiritish uchun binolarning kirish eshiklarida nazorat xizmati postlari tashkil etilishi;

bino hududida abituriyentlarning auditoriyalar boʻyicha roʻyxatini osib qoʻyish uchun eʼlonlar taxtasi boʻlishi;

binoda test jarayoni uchun zarur boʻlgan axborot, texnik va maishiy sharoitlar yaratilishi;

bino va auditoriyalarning holati tegishli sanitariya va yongʻin xavfsizligi qoidalariga toʻliq javob berishi;

auditoriyalar Davlat test markazining qavat vakili tomonidan nazorat qilish uchun qulay masofada joylashgan boʻlishi;

auditoriyalarning eshiklariga guruh raqami yozilgan koʻrsatkich osib qoʻyilishi;

test sinovlari oʻtkaziladigan auditoriyalar raqami bino raqamining oʻsishi tartibida, bino boʻyicha auditoriyalar raqami esa, yuqori qavatdan pastki qavatga oʻsishi tartibida raqamlanishi;

har bir auditoriyadagi oʻtirish oʻrinlari soni 15 nafardan 60 nafargacha abituriyentga moʻljallangan boʻlishi;

auditoriyalar yetarli miqdorda stol-stullar va test materiallari uchun alohida stol bilan taʼminlanishi (bunda stol-stullar boshlangʻich sinf oʻquvchilariga moʻljallangan boʻlmasligi kerak);

auditoriyalarni tayyorlashda yorugʻlik tushishi, shamollatish, abituriyentni tik tushuvchi quyosh nuridan himoyalash imkoniyatlari hisobga olinishi;

auditoriya soat, boʻr yoki marker, yozuv taxtasi (doska), yelim, ichimlik suvi hamda abituriyentlar, auditoriya rahbari va kuzatuvchilari soniga teng miqdorda stol, stul va havo rang pastali sharikli ruchka bilan taʼminlanishi shart.

Test sinovlari nechta binoda oʻtkazilishidan qatʼi nazar, auditoriyalarning tartib raqami ketma-ketligi takrorlanmasligi, auditoriya sifatida oshxona, yoʻlak (koridor) va shunga oʻxshagan xonalardan foydalanilmasligi, auditoriyalar xonadan-xonaga oʻtiladigan boʻlmasligi va ular bir nechta shartli auditoriyalarga boʻlinmasligi hamda auditoriyalarda test sinovlari topshiriladigan fanlarga taalluqli koʻrgazmali vositalar boʻlmasligi lozim.

6-§. Test sinovlari jarayonini videotasvirga olishni tashkil qilish

53. Qabul komissiyasi tomonidan test sinovlari jarayonini videotasvirga olishni tashkil qilish quyidagicha amalga oshiriladi:

har bir nazorat xizmati postida va shtablarda kamida 2 tadan videotasvirga tushirish qurilmasi oʻrnatiladi, 2 ta videotasvir orqali jarayonni toʻliq qamrab olishda muammolar yuzaga kelgan taqdirda, qoʻshimcha videotasvirga tushirish qurilmalari oʻrnatiladi;

videotasvirga tushirish qurilmasi uzluksiz ishlashi, videotasvirda sana va vaqt aniq yozilgan boʻlishi, tasvirga olinayotgan jarayonni toʻliq qamrab olishi, jarayon ishtirokchilarining kimligi videotasvir orqali aniqlanadigan darajada boʻlishi lozim;

videotasvirga tushirish qurilmasining uzluksiz ishlashini taʼminlash maqsadida videotasvirga tushirish va diskka yozish (koʻchirish) malakasiga ega boʻlgan shaxs (videooperator) tayinlanadi;

videotasvirni oʻrnatish joylarining reja-chizmalari Davlat test markazi tomonidan tasdiqlanadi;

videooperatorlar roʻyxati qabul komissiyasi raisi tomonidan tasdiqlanadi;

videooperatorlar test sinovlari oʻtkaziladigan kuni biriktirilgan binoga soat 12.30 da yetib keladi va bino hududiga nazorat xizmati postlari orqali qabul qabul komissiyasi taqdim etgan roʻyxat asosida pasporti bilan kiritiladi. Soat 13.00 gacha bino vakilidan tegishli ruxsatnomani oladi;

videotasvirga tushirish qurilmasi reja-chizmada belgilangan joyga oʻrnatiladi va uning ishlashga tayyorligi tekshirilib, aniqlangan kamchiliklarni bartaraf etish choralari koʻriladi;

videotasvirning test sinovlari tugagunga qadar uzluksiz ishlashi taʼminlanadi;

videotasvirlarni koʻchirish yoki montaj qilish, videotasvirga tushirish jarayonida ularning obyektiv holatiga oʻzgartirish kiritish taqiqlanadi;

test sinovlari tugashi bilan videotasvirlar tushirilgan disklar ketma-ket raqamlangan holda bino boʻyicha alohida konvertga solinadi. Konvert taʼlim muassasasi nomi va kodi, bino raqami, videooperator familiyasi, ismi, otasining ismi koʻrsatilgan, muhrlangan va imzolangan holda bino vakiliga topshiriladi.

54. Videotasvirlarning Davlat test markaziga yetkazilishi bino vakili tomonidan taʼminlanadi.

7-§. Test sinovlarini oʻtkazish

55. Test sinovi oʻtkaziladigan kuni abituriyentlar test sinovlari oʻtkaziladigan bino hududiga soat 13.00 dan boshlab videotasvir orqali pasporti va abituriyent ruxsatnomasi bilan kiritiladi. Abituriyent eʼlonlar taxtasidagi umumiy roʻyxatdan qaysi guruhda ekanligini aniqlab, binoga kiradi va koʻrsatkichlardan foydalanib, oʻziga tegishli auditoriyaga boradi. Abituriyentlar auditoriyaga soat 13.30 gacha kiritiladi. Test sinovlari boshlangandan keyin abituriyentlar auditoriyaga kiritilmaydi.

Test sinovlariga kelmagan abituriyentlar uchun qoʻshimcha test sinovlari oʻtkazilmaydi.

56. Test savollari kitobidan nusxa berilmaydi.

57. Test sinovi soat 13.30 da boshlanadi.

Soat 13.30 dan 14.00 gacha abituriyentlar javoblar varaqasini toʻgʻri toʻldirish tartibi bilan tanishtiriladi va javoblar varaqasining tegishli joyiga oʻzlari toʻgʻrisidagi maʼlumotlarni yozadi. Bu vaqt test oʻtkazish uchun ajratilgan vaqt meʼyoriga kirmaydi.

58. Test sinovi boshlangandan keyin hech kim auditoriyaga kiritilmaydi va test savollari boʻyicha abituriyentlar bilan savol-javob qilinmaydi.

Test sinovi davomida auditoriya eshiklari ochiq holatda turadi. Auditoriya rahbari yoki kuzatuvchining auditoriyadan chiqishi taqiqlanadi.

59. Abituriyent javoblar varaqasi raqami bilan savollar kitobi raqamining bir-biriga mosligini va savollar kitobida fanlar boʻyicha test savollarida tipografik xato yoki boshqa nuqsonlar yoʻqligini tekshiradi. Agar test savollarida nuqson boʻlganda soat 14.00 gacha bu haqda auditoriya rahbariga xabar beradi va soat 14.00 dan keyin eʼtirozlar qabul qilinmaydi.

60. Abituriyentlar abituriyent ruxsatnomasi va titul varaqasining tegishli joylariga javoblar varaqasi raqamini, titul varaqasida koʻrsatilgan maxsus kodni esa, javoblar varaqasiga koʻchirib yozadi va tegishli doirachalarni boʻyaydi.

61. Abituriyent tomonidan toʻldirilmagan javoblar varaqasi boʻyicha eʼtirozlar koʻrib chiqilmaydi.

Abituriyent javoblar varaqasining 1-blokiga va savollar kitobi muqovasining belgilangan joyiga oʻzi haqidagi tegishli maʼlumotlarni yozib, imzo qoʻyadi. Ushbu maʼlumotlar kiritilmagan yoxud qisman yoki notoʻgʻri kiritilgan taqdirda, abituriyentning eʼtirozi koʻrib chiqilmaydi.

62. Abituriyentga 3 ta fandan 108 ta test topshirigʻi va ularni bajarish uchun 3 soat vaqt beriladi.

Savollar kitobida har bir fandan 36 tadan test topshiriqlari boʻladi.

Har bir savolga 4 tadan (“A”, “V”, “S”, “D”) javoblar varianti berilgan boʻlib, abituriyent ulardan toʻgʻri deb hisoblagan javobni topib, savollar kitobiga belgilashi (savollar kitobida belgilangan javoblarni oʻzgartirish mumkin), keyinchalik javoblar varaqasidagi mos doirachalarini belgilangan tartibda boʻyashi kerak (javoblar varaqasida belgilangan javoblarni oʻzgartirish mumkin emas).

Har bir test savoliga faqat bitta javob belgilanishi shart. Agar javoblar varaqasidagi “Belgilash uchun namuna” qoidasiga rioya etilmasa, jumladan bitta savolga javoblar varaqasida tegishli doiracha boʻyalmasa yoki ikki va undan ortiq doiracha boʻyalsa yoxud toʻliq boʻyalmasa ushbu javobga ball berilmaydi. Savollar kitobida belgilangan javoblar natija chiqarish uchun asos boʻlmaydi.

Toʻldirilgan javoblar varaqasi abituriyentning bilim darajasini belgilovchi asosiy hujjat hisoblanadi.

63. Javoblar varaqasi abituriyent tomonidan havorang pastali sharikli ruchka bilan toʻldiriladi.

Javoblar varaqasi toʻgʻri toʻldirilishi uchun abituriyent shaxsan javobgardir. Javoblar varaqasidagi tegishli doirachalarni notoʻgʻri boʻyagan abituriyentlarning eʼtirozi koʻrib chiqilmaydi.

Javoblar varaqasini toʻldirish uchun test sinovi uchun belgilangan vaqtga qoʻshimcha 20 daqiqa ajratiladi.

64. Test sinovlarini topshirish vaqtida abituriyentning auditoriyadan chiqishi taqiqlanadi, auditoriyadan chiqqan abituriyent qaytadan test sinovlariga qoʻyilmaydi, sogʻligʻi yomonlashgan holatlarda test materiallarisiz qavat vakili kuzatuvi ostida auditoriyadan chiqish hollari bundan mustasno.

65. Auditoriya rahbari tomonidan testni bajarish uchun ajratilgan vaqt tugaganligi va savollar kitobida belgilangan javoblarni javoblar varaqasining mos doirachalariga boʻyash uchun qoʻshimcha 20 daqiqalik vaqt boshlanganligi eʼlon qilinganda, abituriyent savollar kitobida belgilangan javoblarni javoblar varaqasining mos doirachalariga boʻyashni boshlashi, qoʻshimcha ajratilgan vaqt tugaganligi eʼlon qilinganda javoblar varaqasi bilan ishlashni toʻxtatishi shart.

Abituriyentning test savollari yoki test sinovlarini oʻtkazish jarayoni yuzasidan eʼtirozlari mavjud boʻlganda, Davlat test markaziga mazkur Nizomning 20-ilovasiga muvofiq test savollari yoki test sinovlarini oʻtkazish jarayoni yuzasidan eʼtirozlarini koʻrsatgan holda ariza bilan murojaat qilishi mumkin.

66. Test sinovlarini belgilangan muddatdan oldin tugatgan yoki test sinovlari uchun ajratilgan vaqt tugagach, abituriyentlar belgilangan tartibda test materiallarini topshiradi.

67. Davlat test markazi vakillari quyidagi hollarda test sinovi jarayonidan chetlashtiriladi:

bino va qavatga taqiqlangan vositalar olib kirganda;

taqiqlangan vositalardan foydalanish uchun abituriyentga sharoit yaratib berganda;

bino va qavatda test sinovi jarayoniga ruxsatnomasi boʻlmagan begona shaxslarning aralashuviga yoʻl qoʻyganda;

oʻziga berilgan vakolatlarni suiisteʼmol qilganda;

xatti-harakatlari test sinovini oʻtkazish tartibining buzilishiga olib kelganda;

test sinovi vaqtida auditoriya rahbari va kuzatuvchisi tomonidan auditoriya eshigining yopib qoʻyilishi yoki auditoriya eshigi oldida turib qavatdagi harakatlarning kuzatilishiga yoʻl qoʻyganda;

test sinovi jarayonida bino va qavatda nazoratni qoʻldan chiqarganda va tartibsizlik kelib chiqishiga sabab boʻlganda;

auditoriyalarda test sinovi tartibini buzgan abituriyentlarni chetlashtirish toʻgʻrisida dalolatnoma tuzilishiga qarshilik qilganda;

test sinovi jarayonida oʻziga yuklatilgan vazifalarni bajara olmayotganligi aniqlanganda.

68. Auditoriya rahbari va kuzatuvchisi quyidagi hollarda test sinovi jarayonidan chetlashtiriladi:

auditoriyaga taqiqlangan vositalarni olib kirganda;

taqiqlangan vositalardan foydalanish uchun abituriyentga sharoit yaratib berganda;

auditoriyada oʻtkazilayotgan test sinovi jarayoniga ruxsatnomasi boʻlmagan begona shaxslarning aralashuviga yoki kirishiga yoʻl qoʻyganda;

oʻziga berilgan vakolatlarni suiisteʼmol qilganda;

xatti-harakatlari test sinovini oʻtkazish tartibining buzilishiga olib kelganda;

test sinovi boshlangandan keyin auditoriyadan test materiallarining olib chiqilishi va olib kirilishiga yoʻl qoʻyganda;

auditoriya eshigini yopib qoʻyganda;

test sinovi vaqtida auditoriyadan tashqariga chiqqanda;

auditoriya eshigidan turib qavatdagi harakatlarni kuzatganda;

test sinovi jarayonida auditoriyada nazoratni qoʻldan chiqarganda va tartibsizlik kelib chiqishiga sabab boʻlganda;

test sinovi jarayonida oʻziga yuklatilgan vazifalarni bajara olmayotganligi aniqlanganda.

69. Test sinovlari oʻtkaziladigan binoga kirishda abituriyent mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilsa yoki olib kirgan boʻlsa, test sinovlari davomida test materiallarini boshqa abituriyentga uzatsa yoki yordam bersa, test sinovi uchun ajratilgan vaqt tugaganidan keyin test materiallarini topshirishdan bosh tortsa, test materiallarini auditoriyadan tashqariga chiqarsa, savollar kitobi varagʻini yirtsa abituriyent test sinovlarini oʻtkazish tartibini buzgan hisoblanadi va Davlat test markazi vakili yoki auditoriya rahbari va kuzatuvchilari tomonidan dalolatnoma tuzilib, abituriyent test jarayonidan chetlashtiriladi.

70. Test sinovidan chetlashtirilgan abituriyentning javoblar varaqasi boʻyicha natija hisoblanmaydi va javoblar varaqasi nusxasi berilmaydi.

3-bob. Test sinovlari natijalari yuzasidan nomzodlarning arizalarini koʻrib chiqish

71. Magistraturaga kirish test sinovlari natijalari yuzasidan nomzodlarning arizalarini koʻrib chiqish uchun Markaz direktorining buyrugʻiga asosan Apellatsiya komissiyasi tashkil etiladi.

Apellatsiya komissiyasi tarkibiga Markazning professor-oʻqituvchilari va fanlar boʻyicha ekspertlar kiritiladi.

Arizani koʻrib chiqish jarayoniga qabul komissiyasi aʼzolari, Davlat test markazi vakillari hamda auditoriya rahbari va kuzatuvchilari ularga tegishli masalalar boʻyicha jalb qilinishi mumkin.

72. Arizalar kirish test sinovlari natijalari eʼlon qilingan kundan boshlab 2 ish kuni mobaynida Apellatsiya komissiyasi raisi nomiga nomzodlar tomonidan mazkur Nizomning 21-ilovasiga muvofiq shaklda berilishi mumkin.

Apellatsiya komissiyasi taqdim etilgan arizalarni ular kelib tushgan kundan boshlab 3 kundan oshmagan muddatda koʻrib chiqadi. Ariza koʻrib chiqiladigan kun haqida abituriyentga xabarnoma yuboriladi (beriladi).

73. Ariza tushgan kuni Markaz tomonidan Davlat test markazidan murojaat qilgan abituriyentning test materiallari (savollar kitobi, javoblar varaqasining nusxasi va test sinovida yoʻl qoʻygan notoʻgʻri javoblari roʻyxati) soʻrab olinadi. Test materiallaridan nusxa koʻchirish taqiqlanadi.

74. Apellatsiya jarayoni tugaganidan soʻng test materiallari Davlat test markaziga toʻliq qaytariladi.

Javoblar varaqasi, savollar kitobi yoki titul varaqasi abituriyent tomonidan mazkur Nizomda belgilangan tartibda toʻldirilmagan, shuningdek u test sinovidan chetlashtirilgan boʻlsa, abituriyentning arizasi koʻrib chiqilmaydi.

75. Ariza bilan murojaat qilgan abituriyent xabarnomada koʻrsatilgan vaqtda Apellatsiya komissiyasiga oʻzining pasporti va abituriyent ruxsatnomasi bilan kelishi shart.

76. Apellatsiyani koʻrib chiqishda abituriyentga uning javoblar varaqasi nusxasi, notoʻgʻri javoblari roʻyxati hamda testda tushgan savollar kitobi beriladi.

Abituriyent oʻzining eʼtirozlarini yozib, oʻziga berilgan test materiallari bilan birga Apellatsiya komissiyasiga topshiradi.

77. Apellatsiya komissiyasi tomonidan qabul qilingan qaror toʻgʻrisida Davlat test markazi va abituriyentga yozma ravishda maʼlum qilinadi.

78. Koʻrsatilgan eʼtirozlar oʻz tasdigʻini topmagan boʻlsa, Apellatsiya komissiyasi test sinovlari natijalarini oʻzgarishsiz qoldirish va arizani qanoatlantirishni rad etish toʻgʻrisida qaror qabul qilishi mumkin.

79. Apellatsiya komissiyasining arizani koʻrib chiqish natijalari boʻyicha qabul qilgan qarori yuzasidan qonun hujjatlarida belgilangan tartibda sudga shikoyat qilinishi mumkin.

4-bob. Yakuniy qoida

80. Mazkur Nizom Korporativ boshqaruv ilmiy-taʼlim markazi bilan kelishilgan.

Korporativ boshqaruv ilmiy-taʼlim markazi direktori B. GANIXODJAYEV

2016-yil

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 1-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 2-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 3-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 4-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 5-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 6-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 7-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 8-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 9-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 10-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 11-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 12-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 13-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 14-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 15-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 16-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 17-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 18-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 19-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 20-ILOVA

Korporativ boshqaruv ilmiy-taʼlim markazi magistraturasiga kirish test sinovlarini tashkil etish va oʻtkazish tartibi toʻgʻrisidagi nizomga 21-ILOVA

(Oʻzbekiston Respublikasi qonun hujjatlari toʻplami, 2016-y., 28-son, 345-modda)