Bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymatining miqdorlarini belgilash toʻgʻrisida (66-son)
30.01.2016
Jizzax viloyati hokimining
Qarori
Oʻzbekiston Respublikasi Prezidentining 2010-yil 26-apreldagi “Dehqon bozorlari va savdo komplekslari faoliyatini tashkil qilishni yanada takomillashtirish chora-tadbirlari toʻgʻrisida”gi PQ-1326-sonli Qarori (Oʻzbekiston Respublikasi qonun hujjatlari toʻplami 2010-y., 17-son, 131-modda) va Moliya vazirligi hamda Davlat soliq qoʻmitasining 2016-yil 8-yanvardagi 1, 2016-1-son “Bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymatining minimal miqdorlarini belgilash toʻgʻrisida”gi qarori (roʻyxat raqami 2751, 2016-yil 14-yanvar) (Oʻzbekiston Respublikasi qonun hujjatlari toʻplami, 2016-y., 2-son, 22-modda) ijrosini taʼminlash, shuningdek bozorlarda naqd puldagi hisob-kitoblarni tartibga solish va mahalliy budjetga daromadlar tushumini koʻpaytirish maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6-moddasiga muvofiq qaror qilaman:
1. Viloyat hokimligi Moliya boshqarmasi hamda Davlat soliq boshqarmasining bozorlar va savdo komplekslari maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymati miqdorlariga oʻzgartirish kiritish toʻgʻrisidagi taklifi maʼqullansin.
2. Bozorlar va savdo komplekslari maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymati miqdorlarini belgilashda Oʻzbekiston Respublikasi Moliya vazirligi va Davlat soliq qoʻmitasining 2016-yil 8-yanvardagi 1, 2016-1-sonli qarori bilan belgilangan minimal miqdorlar eʼtiborga olinganligi qayd etib oʻtilsin.
3. Viloyatdagi bozorlar va savdo komplekslari tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymati miqdorlari 1, 2, 3, 4 va 5-ilovalarga muvofiq tasdiqlansin.
4. Jizzax shahar va tumanlardagi bozorlar va savdo komplekslarida bir martalik yigʻimlar, ijara va koʻrsatiladigan xizmatlar uchun toʻlovlarning undirilishi yangi miqdorlarga asosan amalga oshirilishi belgilab qoʻyilsin.
5. Viloyat bozorlar va savdo komplekslari uyushmasi boshqaruvi (Q. Hoshimov), Jizzax shahar va tuman hokimliklari bir martalik yigʻimlar, ijara toʻlovi va koʻrsatiladigan xizmatlar qiymati miqdorlari toʻgʻrisidagi maʼlumotlarni bozorlar va savdo komplekslari hamda ularga qarashli shoxobchalarining aholiga koʻrinarli joylariga ilib qoʻyilishini taʼminlasinlar.
6. Viloyat hokimligi moliya boshqarmasi (B. Oʻralov), Davlat soliq boshqarmasi (A. Mustanov), Davlat soliq qoʻmitasining bozorlar va savdo komplekslari faoliyatini nazorat qilish Bosh boshqarmasining viloyat boʻlimi (R. Xudoyberdiyev), bozorlar va savdo komplekslari uyushmasi boshqaruvi (Q. Hoshimov), shahar va tumanlar hokimliklariga:
bir martalik yigʻimlar, ijara va koʻrsatiladigan xizmatlar uchun toʻlovlarning holati boʻyicha monitoring kuzatuvini yuritish va natijalari yuzasidan viloyat hokimligiga aniq takliflar kiritib borish;
bir martalik yigʻimlar, ijara va koʻrsatiladigan xizmatlar uchun toʻlovlarining yangi miqdorlarini toʻgʻri qoʻllanilishi hamda toʻliq undirilishi va bozorlar daromadlarining belgilangan qismini mahalliy budjetga oʻz vaqtida oʻtkazilishi ustidan qatʼiy nazorat oʻrnatish vazifalari topshirilsin.
7. Ushbu qarorning qabul qilinishi munosabati bilan viloyat hokimining 2015-yil 14-yanvardagi 31-sonli qarori oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish viloyat hokimining oʻrinbosari R. Kenjayev zimmasiga yuklatilsin.
9. Ushbu qaror rasmiy eʼlon qilingan kundan eʼtiboran kuchga kiradi.
Hokim S. ISMOILOV
Jizzax sh.,
2016-yil 30-yanvar,
66-son
Viloyat hokimining 2016-yil 30-yanvardagi 66-sonli qaroriga 1-ILOVA
Viloyatdagi bozorlar va savdo komplekslari maʼmuriyati tomonidan undirib olinadigan bir martalik yigʻimlarning
MIQDORLARI
(soʻm) hisobida T/r Mahsulot turlari Oʻlchov birligi Olinadigan toʻlovlar Jizzax shahridagi bozorlarda Jizzax, Gʻallaorol, Paxtakor, Doʻstlik, Mirzachoʻl, Zomin, Zarbdor tumanlaridagi bozorlarda Arnasoy, Baxmal, Forish va Yangiobod tumanlaridagi bozorlarda 1. Mahsulotlarni savdo oʻrinlarida sotish 1.1. Mevalar: Hoʻl mevalar (olma, anor, nok, shaftoli, anjir, olxoʻri, gilos, koʻk va qizil sulton, oʻrik, uzum, olcha, qulupnay, malina va h.k.) 1 oʻrin/kunga 3 000 2 500 2 000 sitrus va tropik mevalar (apelsin, mandarin, limon,banan, ananas, kivi va h.k) hamda chet eldan keltirilgan boshqa hoʻl mevalar 1 oʻrin/kunga 6 500 5 000 4 000 1.2. Quruq mevalar, yongʻoqlar: (turshak, bargak, mayiz, yongʻoq, yer yongʻoq, bodom, pistalar, shoʻr danak va h.k) 1 oʻrin/kunga 7 000 5 000 4 000 1.3. Sabzavotlar: (kartoshka, piyoz, karam, sabzi, sarimsoq piyoz, lavlagi, sholgʻom,bolgar qalampiri, baqlajon, patisson pomidor, bodring va pishirilgan joʻxori 1 oʻrin/kunga 3 000 2 500 2 000 shu jumladan, issiqxonalarda yetishtirilgan pomidor va bodring 1 oʻrin/kunga 4 500 3 500 3 000 1.4. Poliz mahsulotlari: handalak, qovun, tarvuz, qovoq (6 kv.metrgacha) 1 oʻrin/kunga 7 500 6 500 5 500 1.5. Don mahsulotlari: guruch, kungaboqar, yormalar (krupa) bugʻdoy, arpa, suli va x.k. 1 oʻrin/kunga 4 000 3 000 2 500 1.6. Dukkakli mahsulotlar: mosh, loviya, noʻxat va h.k. 1 oʻrin/kunga 4 500 3 500 3 000 1.7. Sut mahsulotlari: sut,qatiq,qaymoq,smetana,sariyogʻ,uy pishlogʻi,suzma va h.k. 1 oʻrin/kunga 3 000 2 500 2 000 1.8. Tuzlama va boshqa mahsulotlar: (karam, bodring, pomidor, koreys salatlari, sabzavot va mevalardan uyda tayyorlangan salatlar) 1 oʻrin/kunga 4 000 3 000 2 500 1.9. Ziravor va dorivorlar:(zira, murch, qalampir va h.k.) 1 oʻrin/kunga 3 500 3 000 2 500 1.10. Koʻkatlar: (shu jumladan, issiqxonada yetishtirilganlar) 1 oʻrin/kunga 2 500 2 200 2 000 1.11. Tuxum 1 oʻrin/kunga 3 500 2 500 2 500 1.12. Gullar va koʻchatlar (6 kv. metrgacha) Mevali, manzarali daraxt koʻchatlari va gullar 1 oʻrin/kunga 5 000 4 500 4 000 Koʻchatlar (pomidor, bulgʻor, qalampiri, baqlajon, karam, gul va h.k.) 1 oʻrin/kunga 2 500 2 000 2 000 1.13. Non mahsulotlari (obi non, yogʻli patir va h.k.) 1 oʻrin/kunga 3 000 2 500 2 000 1.14. Uyda tayyorlangan konservalangan mahsulotlar, pazandalik mahsulotlari va uy sharoitida tayyorlangan qandolatchilik mahsulotlari 1 oʻrin/kunga 3 500 3 000 2 500 hasip, xonim, somsa, baliq va h.k. 1 oʻrin/kunga 3 500 2 500 2 500 1.15. Sanoat yoʻli bilan ishlab chiqarilgan oziq-ovqat mahsulotlari va salqin ichimliklar 1 oʻrin/kunga 5 500 4 500 4 000 1.16. Milliy taomlar 1 oʻrin/kunga 6 500 4 000 3 500 1.17. Polietilen va qogʻoz paketlar, savatlar va posilka qutilari 1 oʻrin/kunga 3 500 3 000 2 500 1.18. Supurgi, isiriq va h.k. 1 oʻrin/kunga 3 500 2 500 2 000 1.19. Tirik baliq (baliq mahsulotlari) 1 oʻrin/kunga 6 500 5 500 5 000 1.20. Asal 1 oʻrin/kunga 4 500 4 000 3 500 1.21. Muzqaymoq sotish 1 oʻrin/kunga 5 500 4 000 3 000 1.22. Nosvoy 1 oʻrin/kunga 6 000 5 000 4 000 2. Xalq ijodkorligi, xalq hunarmandchiligi va kosibchilik mahsulotlari (oʻroq, bolgʻa, ketmon, bolta, tesha, beshik, oʻqlov, andava, randa, arra, arqon, kosibchilik mahsulotlari va boshqa) 6 kv.metrgacha 1 oʻrin/kunga 3 500 3 000 2 500 Milliy kiyimlar: (toʻn, doʻppi, belbogʻ va h.k.) 1 oʻrin/kunga 4 000 3 500 3 000 3. Goʻsht mahsulotlari: (mol, qoʻy, choʻchqa, parranda goʻshti, jigar, dumba va h.k.) 1 oʻrin/kunga 12 000 10 000 8 000 submahsulotlar (kalla-pocha, ichak va h.k.) 1 oʻrin/kunga 6 000 5 000 4 000 4. Mahsulotlarni avtomashinalaridan sotish: yengil avtotransportlardan 1 mashina 6 500 5 000 4 000 yuk avtotransportlardan 1 mashina 10 000 8 500 7 500 tirkamali, yarim tirkamali yuk avtomashinalari va avtopoyezdlardan 1 mashina 12 000 9 000 8 000 mahsulotlarni yerdan sotish (savdo rastalaridan tashqarida maxsus ajratilgan joylarda) (6 kv.metrgacha) 1 oʻrin/kunga 8 000 6 500 5 000 5. Uy hayvonlari uchun yem-ozuqalar (xar bir tirkama yoki yuk avtomashinasi uchun): shrot, sheluxa, kombikorma, pichan, somon, makkajoʻxori poyasi va h.k. 1 mashina 8 000 6 000 5 000 6. Nooziq-ovqat mahsulotlari Kiyim-kechaklar, gazlamalar, attorlik va poyabzal mahsulotlari, uy-roʻzgʻor, maishiy va taʼmirlash buyumlari va boshqalar 1 oʻrin/kunga 6 000 5 000 5000 Ehtiyot qismlar, elektro tovarlar, har-xil jihozlar (kabel, elektr va gaz hisoblagich, gayka, bolt, gaz plita ehtiyot qismlari, shlanglar va boshqalar) 1 oʻrin/kunga 7 000 5 000 5000
Izoh:
1. Qishloq xoʻjaligi mahsulotlari va xalq isteʼmol mollari bilan savdo qilinganda, bir joy (savdo oʻrni) oʻlchami 1 — 1,2 pogon metr deb belgilanadi va shu oʻlchamdan ortiq oʻrin uchun qoʻshimcha ravishda har bir savdo oʻrni uchun belgilangan toʻlov miqdorida joy haqi undiriladi.
2. Qishloq xoʻjaligi mahsulotlari va xalq isteʼmoli mollari aralash holda sotilganda, toʻlov sotiladigan mahsulot turlari boʻyicha belgilangan eng yuqori stavka boʻyicha undiriladi.
Viloyat hokimining 2016-yil 30-yanvardagi 66-sonli qaroriga 2-ILOVA
Viloyatdagi bozorlar va savdo komplekslari maʼmuriyati tomonidan undirib olinadigan bir martalik yigʻimlarning
MIQDORLARI
(soʻm) hisobida T/r Mahsulot turlari Oʻlchov birligi Olinadigan toʻlovlar Jizzax shahridagi bozorlarda Jizzax, Gʻallaorol, Paxtakor, Doʻstlik, Mirzachoʻl, Zomin, Zarbdor tumanlaridagi bozorlarda Arnasoy, Baxmal, Zafarobod, Forish va Yangiobod tumanlaridagi bozorlarda 1. Avtotransport vositalarini sotish: 1.1. Oʻzbekiston va xorij davlatlarida ishlab chiqarilgan yengil avtomobillar 1 dona 12 000 12 000 12 000 Vaz, Uaz, Moskvich, Gaz-24, Gaz-31 va boshqalar 1 dona 10 000 10 000 10 000 yuk avtomashinalari, avtobuslar, traktorlar va boshqa yuk koʻtaruvchi transport vositalari 1 dona 15 000 15 000 15 000 mototsikl, motorollyerlar va mopedlar 1 dona 5 500 4 500 4 000 velosipedlar 1 dona 3 500 2 500 2 300 1.2. Ilgari foydalanishda boʻlgan ehtiyot qismlarni sotish: (transport vositalari uchun ehtiyot qismlar) Avtomobillar va qishloq xoʻjaligi texnikalari uchun ehtiyot qismlar 1 oʻrin/kunga 6 000 5 000 4 000 Uy-roʻzgʻor jihoz buyumlari va kiyim-kechaklar 1 oʻrin/kunga 4 500 4 000 3 500 San-texnika mahsulotlari, elektro tovarlar va boshqalar 1 oʻrin/kunga 6 000 4 500 4 000 2. Mol bozori shoxobchalariga olib kiriladigan har bir bosh chorva mollari uchun: 2.1. Ot, toy, tuya 1 bosh 16 000 16 000 16 000 boʻtaloq, eshak 1 bosh 9 000 9 000 9 000 2.2. Yirik shoxli qoramol Sigir buzogʻi bilan 1 bosh 18 000 18 000 18 000 Qoramol 1 bosh 14 000 14 000 14 000 Buzoq (6 oygacha) 1 bosh 8 000 8 000 8 000 2.3. Mayda shoxli qoramol 1 bosh Qoʻy 1 bosh 9 000 9 000 9 000 Echki 1 bosh 8 000 8 000 8 000 Qoʻzi 1 bosh 6 000 6 000 6 000 Uloq 1 bosh 5 000 5 000 5 000 Qoʻy qoʻzisi bilan 1 bosh 12 000 12 000 12 000 Echki ulogʻi bilan 1 bosh 10 000 10 000 10 000 2.4. Choʻchqa 1 bosh 7 000 5 000 5 000 Choʻchqa bolasi 1 bosh 4 000 3 500 3 500 2.5. Uy parrandalari: kurka,tovuq, oʻrdak, gʻoz, quyon 1 bosh 2 000 1 500 1 200 tovuq, kurka, oʻrdak, gʻoz joʻjalari 10 bosh 2 200 2 000 1 500 2.6. Itlar va mushuklar 1 oʻrin/kunga 4 000 2 500 2 000 2.7. Manzarali qush va baliqlar 1 oʻrin/kunga 4 000 2 500 2 000 2.8. Itlar, mushuklar, manzarali qushlar va baliqlar, shuningdek ularning ozuqalari va tegishli aksessuarlar va buyumlar 1 oʻrin/kunga 1 200 1 000 1 000 2.9. Itlar, mushuklar, manzarali qushlar va baliqlar, shuningdek ularning ozuqalari va tegishli aksessuarlar va buyumlar bir joyda 1 oʻrin/kunga 4 000 2 500 2 000
Viloyat hokimining 2016-yil 30-yanvardagi 66-sonli qaroriga 3-ILOVA
Viloyatdagi bozorlar va savdo komplekslarida inventarlarni ijaraga berish va koʻrsatiladigan xizmatlar uchun undiriladigan bir martalik toʻlov
MIQDORLARI
(soʻm) hisobida T/r Mahsulot turlari Oʻlchov birligi Olinadigan toʻlovlar Jizzax shahridagi bozorlarda Jizzax, Gʻallaorol, Paxtakor, Doʻstlik, Mirzachoʻl, Zomin, Zarbdor tumanlaridagi bozorlarda Arnasoy, Baxmal, Zafarobod, Forish va Yangiobod tumanlaridagi bozorlarda 1. Inventarlarni ijaraga berish: 1.1. Tosh-tarozilar uchun 1 kunga 1500 1200 1000 1.2. Katta yuk tortish tarozilari uchun 150 kg.gacha tortadigan 1 kunga 2000 1200 1200 150 kg.dan — 1500 kg.gacha tortadigan 1 kunga 8000 7000 6000 1.3. Savdo jihozlari uchun (bolta,taxtakach,pichoq,oʻrindiq, patnis,savat va x.k) (butun toʻplam uchun) (toʻplam savdo faoliyati turi zaruratidan kelib chiqqan holda aniqlanadi) 1 kunga 1200 1000 800 1.4. Maxsus ust-bosh kiyimlar uchun (xalat, etak, yenglik) (butun toʻplam uchun (toʻplam savdo faoliyati turi zaruratidan kelib chiqqan holda aniqlanadi) 1 kunga 500 400 300 1.5. Mahsulotlar uchun brezent berish 1 kunga 1200 1000 800 1.6. Aravachalar uchun Bozor hisobidagi yuk tashish aravachalarni ijaraga berilganligi uchun 1 kunga 3500 2000 2000 Xususiy aravacha egalaridan bozor hududida yuk tashish xizmati uchun 1 kunga 2500 2000 1500 1.7. Reklama joylashtirishga ajratilgan yer maydonidan foydalanganligi uchun (1 kv.m) 1 kunga 1500 1000 800 2. Koʻrsatiladigan xizmat turlari 2.1. Qishloq xoʻjalik va boshqa oziq-ovqat mahsulotlarini saqlash: sovutgichlarda (har bir yashik, qop va x.k. uchun) 1 kunga 3000 2500 2200 omborxonalarda, saqlash kameralarida (har bir yashik, qop va x.k. uchun) 1 kunga 2500 2000 1800 bozor hududidagi rastalarda va ochiq joylarda (savdo oʻrni hisobidan) 1 kunga 2500 2000 1800 2.2. Buyumlarni omborlarda saqlash (bir 50x50x100 oʻlchamdagi joy uchun) 1 kunga 1500 1200 1200 2.3. Mahsulotlarni tarozida tortish: katta yuk tarozida 1-marta tortish 1500 1000 800 yirik va mayda shoxli qoramolni tortish 1-marta tortish 1600 1200 1200 3. Avtotarozilardan foydalanish: 3.1. Yuk koʻtarish quvvati 5 tonnadan ortiq boʻlgan tirkamali, yarim tirkamali yuk avtomashinalari va avtopoyezdlardan yuk bilan 1-marta oʻlchash 3000 2000 2000 yuksiz 1-marta oʻlchash 2200 1800 1600 3.2. Yuk koʻtarish quvvati 5 tonnagacha boʻlgan tirkamali, yarim tirkamali yuk avtomashinalaridan yuk bilan 1-marta oʻlchash 2000 1500 1500 yuksiz 1-marta oʻlchash 1500 1200 1200 3.3. Yengil avtomashinalardan yuk bilan 1-marta oʻlchash 1500 1200 1200 yuksiz 1-marta oʻlchash 1200 1000 1000 Tirkamali yengil avtomashinalari yuk bilan 1-marta oʻlchash 2000 1500 1500 yuksiz 1-marta oʻlchash 1500 1200 1200 4. Mehmonxona xizmatidan foydalanish (1 ta joy uchun) 1 kunga 5000 4800 4800 5. Avtotransport vositalarini vaqtincha saqlash uchun: yuk avtomashinalar uchun 1 soatga 2000 1500 1500 yengil avtomashinalar uchun 1 soatga 1500 1000 1000 Bozorlar va savdo komplekslari hududiga kirib chiquvchi transport vositalaridan undiriladigan toʻlovlar: 6. Transport vositalarini yuk ortish va tushirish uchun bozorlar va savdo komplekslari hududiga kirishi (qishloq xoʻjaligi mahsulotlarini ortilgan transport vositalari bundan mustasno) yuk avtomashinalar uchun 1-marta 2500 2000 2000 yengil avtomashinalar uchun 1-marta 1500 1000 1000 motorollyerlar uchun 1-marta 1500 1000 1000 7. Poyabzal taʼmirlash xizmati (1 ta joy uchun) 1 kunga 3000 2500 2000 8. Hojatxona xizmatidan foydalanish 1-marta 500 500 500 9. Telefondan foydalanish 1-marta 500 200 200 10. Radiouzel orqali eʼlon berish (3-marta takror) 500 300 300 11. Charxchilik 1 kun 3500 3000 2500 12. Boshqa koʻrsatilgan xizmatlar uchun (har xil maʼlumot) 1 kun 2500 2000 1500
Viloyat hokimining 2016-yil 30-yanvardagi 66-sonli qaroriga 4-ILOVA
Bozorlar va savdo komplekslari hududidagi bino, inshoot va boshqa mol-mulkdan hamda bozor infratuzilmasidan foydalanganlik uchun ijara toʻlovlarining
MIQDORLARI
(soʻm) hisobida T/r Mahsulot turlari Oʻlchov birligi Olinadigan toʻlovlar Jizzax shahridagi bozorlarda Jizzax, Gʻallaorol, Paxtakor, Doʻstlik, Mirzachoʻl, Zomin, Zarbdor tumanlaridagi bozorlarda Arnasoy, Baxmal, Zafarobod, Forish va Yangiobod tumanlaridagi bozorlarda 1. Bozorlar va savdo komplekslari balansidagi bino va inshootlardan foydalanganlik uchun oylik toʻlov Nooziq-ovqat mahsulotlari sotish 1 kv.m oyiga 16 500 9 000 8 000 Oziq-ovqat mahsulotlari sotish 1 kv.m oyiga 14 000 8 000 7 000 Umumiy ovqatlanish 1 kv.m oyiga 16 500 9 000 8 000 Maishiy xizmat koʻrsatish 1 kv.m oyiga 6 500 4 500 4 000 Boshqa turlar (ombor, ofis, apteka, paynet) 1 kv.m oyiga 7 000 5 500 4 500 2. Umumiy foydalaniladigan obyektlarni saqlash boʻyicha koʻrsatiladigan majburiy xizmatlar (asfaltlangan va bruschatka yotqizilgan yoʻlakl�r, trotuarlar, kirish va chiqish joylari, yer osti va yer usti kanalizatsiya lotoklari, ichki va tashqi yoritish tarmoqlari va inshootlari, ichimlik suvining sanitar-texnik boʻgʻinlari, umumiy hududni qoʻriqlash va tozalash, maishiy va meva-sabzavot mahsulotlarining chiqindilarini yigʻish va olib chiqish, tashqi muhandislik-kommunikatsiya inshootlari)* 1 kv.m oyiga 7 000 4 000 3 500
* Izoh: ushbu xizmatlar bozorlar va savdo komplekslari hududidagi bino va inshootlar mulkdorlariga koʻrsatiladi hamda ular uchun kadastr hujjatlarida koʻrsatilgan egallagan yer maydonlaridan kelib chiqib haq toʻlanadi.
Viloyat hokimining 2016-yil 30-yanvardagi 66-sonli qaroriga 5-ILOVA
Viloyatdagi bozorlar va savdo komplekslari maʼmuriyati tomonidan qurilish materiallari bilan savdo qilinganda undiriladigan toʻlovlarning
MIQDORLARI
T/r Mahsulot turlari Oʻlchov birligi Olinadigan toʻlovlar Jizzax shahridagi bozorlarda Jizzax, Gʻallaorol, Paxtakor, Doʻstlik, Mirzachoʻl, Zomin, Zarbdor tumanlaridagi bozorlarda Arnasoy, Baxmal, Zafarobod, Forish va Yangiobod tumanlaridagi bozorlarda 1. Qurilish materiallarini sotish: 1.1. Bozorlar va savdo komplekslari tomonidan maxsus ajratilgan joylarda ogʻir va katta oʻlchamdagi qurilish materiallarini sotish: 6 kv. metrgacha 1 oʻrin/kunga 3 600 3 600 3 600 6 dan — 15 kv. metrgacha 1 oʻrin/kunga 5 400 5 400 5 400 15 dan — 30 kv. metrgacha 1 oʻrin/kunga 7 200 7 200 7 200 1.2. Kichik oʻlchamdagi qurilish materiallari (mayda oʻlchamli), santexnika, yoritish uskunalarini (lyustra, svetilniklar va x.k) sotish (6 kv. metrgacha) 1 oʻrin/kunga 5 500 5 500 5 500
Izoh: savdo joyining maydoni 30 kv.metrdan oshganda har bir kv.m uchun 240 soʻm miqdorida toʻlov undiriladi