“Oʻzagrosanoatmashxolding” XKning Oʻzbekiston Respublikasining 2016-yilgi Investitsiya dasturiga kiritilgan investitsiya loyihalarini amalga oshirish chora-tadbirlari toʻgʻrisida (221-son)

30.06.2016

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasi Prezidentining “Oʻzbekiston Respublikasining 2016-yilgi Investitsiya dasturi toʻgʻrisida” 2015-yil 25-dekabrdagi PQ-2458-son va “CLAAS” konserni bilan hamkorlikni yanada rivojlantirish va qishloq xoʻjaligi texnikasi ishlab chiqarishni mahalliylashtirishni chuqurlashtirish chora-tadbirlari toʻgʻrisida” 2016-yil 16-fevraldagi PQ-2491-son qarorlarini bajarish yuzasidan, qishloq xoʻjaligi mashinasozligi sohasidagi investitsiya loyihalarining oʻz vaqtida amalga oshirilishini taʼminlash uchun shart-sharoitlar yaratish maqsadida Vazirlar Mahkamasi qaror qiladi:

1. “Toshkent qishloq xoʻjaligi texnikasi zavodi” AJni modernizatsiya qilish va texnologik qayta jihozlash” investitsiya loyihasining texnik-iqtisodiy asosi: I bosqich — asosiy texnik-iqtisodiy parametrlari 1-ilovaga* muvofiq boʻlgan traktorlar (shu jumladan transmissiya va reduktorlarning korpusli komponentlariga moʻyna bilan ishlov berish), don, ozuqa va paxta terish mashinalari, tirkamalar va boshqa mahsulotlarni zamonaviy ishlab chiqarishni tashkil etish (keyingi oʻrinlarda loyiha deb ataladi) tasdiqlansin.

Oʻzbekiston Respublikasi Davlat arxitektura va qurilish qoʻmitasi ekspert kuzatuvi yoʻli bilan loyiha-smeta hujjatlarining davlat ekspertizasidan oʻtkazilishini taʼminlasin va loyihani amalga oshirish boʻyicha qurilish-montaj ishlarining bajarilishi sifati ustidan davlat arxitektura-qurilish nazoratini oʻrnatsin.

2. Respublika pudrat tashkilotlarining eng yaxshi takliflarini tanlab olish natijalari boʻyicha “Toshkent qishloq xoʻjaligi texnikasi zavodi” AJ tomonidan tanlab olingan “Yuksak qurilish savdo” MCHJ loyiha boʻyicha bosh pudratchi tashkilot etib belgilansin.

3. Belgilansinki, loyihani amalga oshirish uchun boʻshaydigan maydonlarda demontaj qilingan:

“Toshkent qishloq xoʻjaligi texnikasi zavodi” AJning 2-ilovaga* muvofiq roʻyxat boʻyicha talab etilmaydigan va kelgusida foydalanish uchun yaroqsiz boʻlgan materiallari, qurilish konstruksiyalari, eskirgan asbob-uskunalari hosil boʻladigan metall parchalarini belgilangan tartibda topshirgan holda utilizatsiya qilinishi kerak;

“Toshkent qishloq xoʻjaligi texnikasi zavodi” AJning 3-ilovaga muvofiq roʻyxat boʻyicha keyinchalik foydalanish uchun talab etilmagan eskirgan asbob-uskunalari ochiq savdolarda sotilishi kerak, bunda ochiq savdolarga qoʻyilgan kundan boshlab ikki oy mobaynida sotilmagan asbob-uskunalar hosil boʻlgan metall parchalarini belgilangan tartibda topshirgan holda utilizatsiya qilinishi kerak.

4. Belgilansinki, loyiha doirasida “Toshkent qishloq xoʻjaligi texnikasi zavodi” AJ faoliyatini boshqarish sohasiga zamonaviy axborot-kommunikatsiya texnologiyalari joriy etilishini taʼminlash uchun kompleks axborot tizimi va maʼlumotlar bazalarini (ERP, CRM va boshqalar) ishlab chiquvchi, shuningdek, apparat-dasturiy vositalar yetkazib beruvchi tizim integratorini tanlash tender savdolari oʻtkazilmasdan, mahalliy va xorijiy tashkilotlarning eng yaxshi takliflarini tanlab olish asosida amalga oshiriladi.

5. Oʻzbekiston Respublikasi Iqtisodiyot vazirligi, Moliya vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi va “Oʻzagrotexmash” AJning 4-ilovaga* muvofiq roʻyxat boʻyicha “Toshkent qishloq xoʻjaligi texnikasi zavodi” AJning ishlab chiqarishda foydalanilmayotgan asosiy vositalarini 24 oy muddatga belgilangan tartibda konservatsiya qilish toʻgʻrisidagi takliflariga rozilik berilsin.

Belgilansinki, konservatsiya qilingan asosiy vositalarni konservatsiya qilish va qoʻriqlash tadbirlari “Toshkent qishloq xoʻjaligi texnikasi zavodi” AJning oʻz mablagʻlari hisobidan taʼminlanadi.

“Oʻzagrotexsanoatxolding” AJ:

Vazirlar Mahkamasining “Foydalanilmayotgan asosiy vositalar va qurilishi tugallanmagan obyektlarni konservatsiya qilish tartibi toʻgʻrisidagi nizomni tasdiqlash haqida” 2003-yil 16-sentabrdagi 401-son qaroriga muvofiq “Toshkent qishloq xoʻjaligi texnikasi zavodi” AJ tomonidan asosiy vositalarning konservatsiya qilinishi va saqlanishini taʼminlash bilan bogʻliq tadbirlarning bajarilishi ustidan nazoratni tashkil etsin;

Oʻzbekiston Respublikasining 2018-yilgi Investitsiya dasturiga kiritish uchun mazkur qarorga muvofiq konservatsiya qilingan asosiy vositalar negizida yangi investitsiya loyihalarini amalga oshirish boʻyicha takliflar tayyorlasin va belgilangan tartibda Oʻzbekiston Respublikasi Iqtisodiyot vazirligiga kiritsin.

* 1, 2, 4-ilovalar berilmaydi.

6. “Oʻzagrosanoatmashxolding” XK va Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining Oʻzbekiston Respublikasining 2016-yilgi Investitsiya dasturiga kiritilgan “Tajriba ishlab chiqarishga ega boʻlgan konstruktorlik byurosini tashkil etish” loyihasini amalga oshirish uchun asbobsozlik ishlab chiqarish binosining 9 442 kv. m maydonga ega boʻlgan qismini balans qiymati boʻyicha “Toshkent qishloq xoʻjaligi texnikasi zavodi” AJ ustav kapitalidan belgilangan tartibda chiqarish toʻgʻrisidagi taklifiga rozilik berilsin.

7. “Oʻzagrosanoatmashxolding” XK:

“Toshkent qishloq xoʻjaligi texnikasi zavodi” AJ asbobsozlik ishlab chiqarish binosining maydoni 9 442 kv. m boʻlgan qismi olib qoʻyilishi munosabati bilan “Toshkent qishloq xoʻjaligi texnikasi zavodi” AJ ustav fondi miqdorini belgilangan tartibda oʻzgartirish va unga boʻlgan mulk huquqini qayta rasmiylashtirish choralarini koʻrsin;

Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Toshkent shahri va Toshkent viloyati hokimliklari bilan birgalikda 2016-yil 1-oktabrgacha boʻlgan muddatda Vazirlar Mahkamasiga Oʻzbekiston Respublikasining “Xususiylashtirish, monopoliyadan chiqarish va raqobatni rivojlantirish toʻgʻrisida”gi 5-bandining, Oʻzbekiston Respublikasi Prezidentining “Qishloq xoʻjaligi mashinasozligi korxonalarini boshqarishni yanada takomillashtirish va moliyaviy sogʻlomlashtirish chora-tadbirlari toʻgʻrisida” 2014-yil 15-maydagi PQ-2176-son qarorining “Toshkent traktor zavodi” AJ va tugatilayotgan “Chirchiqqishloqmash” AJning boʻshayotgan ishlab chiqarish binolari va yer uchastkalarini “Oʻzagrosanoatmashxolding” XKga berishga oid qismi.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 30-iyun,

221-son

Vazirlar Mahkamasining 2016-yil 30-iyundagi 221-son qaroriga 3-ILOVA

“Toshkent qishloq xoʻjaligi texnikasi zavodi” AJning ochiq savdolarda sotilishi kerak boʻlgan eskirgan asbob-uskunalaridan keyinchalik foydalanish uchun talab qilinmaydigan

ROʻYXATI

Eslatma

* Boshlangʻich balans qiymati.

** Ochiq savdolarga qoʻyilgan kundan boshlab ikki oy mobaynida sotilmagan asbob-uskunalar hosil boʻlgan metall parchalarini belgilangan tartibda topshirgan holda utilizatsiya qilinadi.