Daryo transportida yuk tashish qoidalariga oʻzgartirish kiritish toʻgʻrisida (2468-1-son)

20.06.2016

Oʻzbekiston avtomobil va daryo transporti agentligi boshligʻining

buyrugʻi

[Oʻzbekiston Respublikasi Adliya vazirligi tomonidan 2016-yil 20-iyunda roʻyxatdan oʻtkazildi, roʻyxat raqami 2468-1]

Oʻzbekiston Respublikasining 2016-yil 20-yanvardagi “Oʻzbekiston Respublikasining Bojxona kodeksini tasdiqlash toʻgʻrisida”gi OʻRQ-400-sonli Qonuniga (Oʻzbekiston Respublikasi qonun hujjatlari toʻplami, 2016-y., 3(I)-son, 31-modda) muvofiq buyuraman:

1. Oʻzbekiston avtomobil va daryo transporti agentligining 2013-yil 26-apreldagi 76-sonli buyrugʻi bilan tasdiqlangan (roʻyxat raqami 2468, 2013-yil 13-iyun) (Oʻzbekiston Respublikasi qonun hujjatlari toʻplami, 2013-y., 24-son, 320-modda) Daryo transportida yuk tashish qoidalarining 29-bandi quyidagi tahrirda bayon etilsin:

“29. Bojxona nazoratidan oʻtkazish va bojxona rasmiylashtiruvi Oʻzbekiston Respublikasining Bojxona kodeksi va boshqa qonun hujjatlariga muvofiq amalga oshiriladi.”.

2. Mazkur buyruq Oʻzbekiston Respublikasi Milliy xavfsizlik xizmati, Davlat bojxona qoʻmitasi, Xususiylashtirish, monopoliyadan chiqarish va raqobatni rivojlantirish davlat qoʻmitasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Boshliq V. ISMAILOV

Toshkent sh.,

2016-yil 10-iyun,

44-son

Kelishilgan:

Milliy xavfsizlik xizmati raisi R. INOYATOV

2016-yil 10-iyun

Davlat bojxona qoʻmitasi raisi Z. DUSANOV

2016-yil 10-iyun

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV

2016-yil 10-iyun