“Qayta ishlashga berilgan xomashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomni tasdiqlash toʻgʻrisida”gi buyruqqa oʻzgartirishlar kiritish haqida (2086-1-son)

22.06.2016

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2016-yil 22-iyunda roʻyxatdan oʻtkazildi, roʻyxat raqami 2086-1]

Oʻzbekiston Respublikasining “Normativ-huquqiy hujjatlar toʻgʻrisida”gi va “Buxgalteriya hisobi toʻgʻrisida”gi qonunlariga muvofiq buyuraman:

1. Oʻzbekiston Respublikasi moliya vazirining 2010-yil 17-fevraldagi 12-son “Qayta ishlashga berilgan xomashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomni tasdiqlash toʻgʻrisida”gi buyrugʻiga (roʻyxat raqami 2086, 2010-yil 15-mart) (Oʻzbekiston Respublikasi qonun hujjatlari toʻplami, 2010-y., 10-11-son, 79-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2016-yil 2-iyun,

44-son

Oʻzbekiston Respublikasi moliya vazirining 2016-yil 2-iyundagi 44-son buyrugʻiga ILOVA

“Qayta ishlashga berilgan xomashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomni tasdiqlash toʻgʻrisida”gi buyruqqa kiritilayotgan oʻzgartirishlar

1. Buyruq muqaddimasi quyidagi tahrirda bayon etilsin:

“Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:”.

2. Nizomda:

a) muqaddimaning birinchi xatboshisidan “(Oʻzbekiston Respublikasi Oliy Majlisining Axborotnomasi, 1996-yil, 9-son, 142-modda)” degan soʻzlar chiqarib tashlansin;

b) 4-banddagi “9-moddasiga” degan soʻzlar “14-moddasiga” degan soʻzlar bilan almashtirilsin;

v) 8-bandda:

oʻzbek tilidagi matnning birinchi xatboshidagi “2-sonli ilovalariga” degan soʻzlar “2-ilovalariga” degan soʻzlar bilan almashtirilsin;

ikkinchi xatboshidagi “tomonlarning muhri bilan” degan soʻzlar “ikkala tomonning muhrlari bilan (muhrlar mavjud boʻlgan taqdirda)” degan soʻzlar bilan almashtirilsin;

g) 10-bandning “j” kichik bandi birinchi xatboshisi quyidagi tahrirda bayon etilsin:

“daval xomashyosini qayta ishlash boʻyicha qabul qilingan bajarilgan ishlar boʻyicha qoʻshilgan qiymat soligʻini (keyingi oʻrinlarda — QQS deb yuritiladi) toʻlovchi korxonalar uchun hisobga olinadigan QQS summasiga:”;

d) oʻzbek tilidagi matnning 20-bandidagi “schyot-faktura” degan soʻz “hisobvaraq-faktura” degan soʻz bilan almashtirilsin;

e) 21-banddagi “ikkala tomonning muhrlari bilan” degan soʻzlar “ikkala tomonning muhrlari bilan (muhrlar mavjud boʻlgan taqdirda)” degan soʻzlar bilan almashtirilsin;

j) 23-band quyidagi tahrirda bayon etilsin:

“23. Hisobvaraq-fakturaning shakli va uni rasmiylashtirish tartibi Oʻzbekiston Respublikasi Moliya vazirligi va Oʻzbekiston Respublikasi Davlat soliq qoʻmitasining 2013-yil 4-martdagi 23, 2013-8-son “Soliq hisobotining shakllarini tasdiqlash toʻgʻrisida”gi qarori (roʻyxat raqami 2439, 2013-yil 22-mart) bilan tasdiqlangan.”;

z) 1 — 5-ilovalardagi “M.Oʻ.” degan qisqartma “M.Oʻ. (muhr mavjud boʻlgan taqdirda)” degan soʻzlar bilan almashtirilsin.