Tuman iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida (528-son)

07.09.2015

Jizzax viloyati Zarbdor tumani hokimining

Qarori

Oʻzbekiston Respublikasi Prezidentining 2015-yil 7-iyuldagi PQ–2367-son “Respublika iqtisodiyoti tarmoqlari va ijtimoiy sohalarini 2015/2016-yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi qarori va viloyat hokimining 2015-yil 29-avgustdagi 240-son qarori ijrosini taʼminlash hamda tumanda iqtisodiyot tarmoqlari va ijtimoiy sohalarini 2015/2016-yillar kuz-kish davrida barqaror ishlashga oʻz vaqtida va sifatli tayyorlash maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 6-moddasiga asosan qaror qilaman:

1. Oʻzbekiston Respublikasi Prezidentining 2015-yil 7-iyuldagi PQ-2367-son qarori va viloyat hokimining 2015-yil 29-avgustdagi 240-son qarori ijro uchun qabul qilinsin.

2. Tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni taʼminlash boʻyicha chora-tadbirlar 1-ilovaga muvofiq;

asosiy muhandislik kommunikatsiyalari va texnologik uskunalarni shuningdek ijtimoiy soha obyektlarini hududlar boʻyicha 2015/2016-yillar kuz-kish davrida barqaror ishlashga tayyorlash hamda mukammal va joriy taʼmirlash topshiriqlari 2, 3 va 4-ilovalarga muvofiq;

2015/2016-yillar kuz-qish davri uchun koʻmir, mazut va texnik tuz jamgʻarish, shuningdek suyultirilgan gaz yetkazib berish boʻyicha topshiriqlar 5-ilovaga muvofiq;

tuman iqtisodiyoti tarmoqlarini 2015/2016-yillar kuz-kish davrida barqaror ishlashga tayyorlashni muvofiqlashtirish boʻyicha tuman komissiyasi tarkibi 6-ilovaga muvofiq;

tuman iqtisodiyoti tarmoqlarini 2015/2016-yillar kuz-kish davrida barqaror ishlashga tayyorlashni muvofiqlashtirish boʻyicha tuman komissiyasi qoshida doimiy ravishda ishlaydigan ishchi guruh tarkibi 7-ilovaga muvofiq tasdiqlansin.

3. Maʼlumot uchun qabul qilinsinki, tuman hokimining oʻrinbosarlari (U. Raxmonov, N. Abdusaidov) rahbarligida ikkita ishchi guruhi quyidagi yoʻnalishlar boʻyicha tuzildi:

koʻp qavatli uy-joy fondini va unga xizmat koʻrsatuvchi qozon va qozonxonalarni, sovuq suv, irrigatsiya tizimlarini rekonstruksiya qilish. markaziy va mahalla ichidagi koʻchalarni sanitariya jihatidan tozalash va obodonlashtirish, tumandagi xususiy uy-joy mulkdorlari shirkatlari hamda boshqaruv servis kompaniyalari faoliyatini takomillashtirish, ijtimoiy soha, iqtisodiyot tarmoqlari va aholiga belgilangan muddatlarda hamda yetarli hajmlarda yoqilgʻi-energetika resurslarining asosiy turlarini — tabiiy gaz, elektr energiyasi, koʻmir, tomlarni qoplovchi qattiq bitumni yetkazib berish, joriy va kapital taʼmirlash ishlarini tashkil etish boʻyicha ishchi guruhi (U. Raxmonov);

maktablar, bolalar bogʻchalari, tibbiyot muassasalari, kollejlar, litseylar va boshqa ijtimoiy soha obyektlarini kuz-kish davrida barqaror ishlashga, mazkur obyektlarning tomlarini, ichki isitish tizimlari va qozonxonalarni joriy va kapital taʼmirlab, ularni muqobil yoqilgʻi turlaridan foydalanishga oʻtkazishni, obyektlarning issiqlik bilan taʼminlanishini, hududlarning sanitariya holati, ularni obodonlashtirishni nazarda tutuvchi ishlarni tashkil etish boʻyicha ishchi guruhi (N. Abdusaidov).

4. Tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni muvofiqlashtirish boʻyicha tuman komissiyasi:

kommunal soha tashkilotlari, qozonxonalar, koʻp xonadonli turar joy binolari maktabgacha tarbiya muassasalari hamda boshqa ijtimoiy soha obyektlarini 2015/2016-yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin;

oʻrganib chiqish natijalari boʻyicha tuman iqtisodiyoti tarmoqlari va ijtimoiy soha muassasalarini 2015/2016-yillar kuz-qish davrida barqaror ishlashga tayyorlash va taʼminlash boʻyicha ushbu qaror bilan tasdiqlangan tadbirlar va topshiriqlarni oʻz vaqtida amalga oshirilishini taʼminlasin.

5. Tuman tashkilotlari, davlat va xoʻjalik boshqaruvi organlari hamda korxonalari rahbarlari zimmasiga iqtisodiyot tarmoqlarining 2015/2016-yillar kuz-kish davrida barqaror ishlashini taʼminlashga yoʻnaltirilgan tadbirlar va ishlarning oʻz vaqtida va sifatli bajarilishi yuzasidan shaxsiy masʼuliyat yuklansin.

6. Tuman ishchi guruhi (U. Raxmonov, N. Abdusaidov) qishloq va mahalla fuqarolari yigʻinlari raislari bilan birgalikda aholi xonadonlariga koʻmir yoqilgʻisi va oʻtin bilan ishlaydigan qozonlarni oʻrnatish boʻyicha tushuntirish ishlarini olib borsin.

7. Tijorat banklari rahbarlariga — uy-joy fondini kuz-qish mavsumiga tayyorlash uchun kredit mablagʻlarini ajratish, ajratilgan kredit mablagʻlarining maqsadli ishlatilishi boʻyicha monitoring olib borish, hududlarga biriktirilgan bank xodimlari tomonidan joylarda aniqlangan kamchiliklarni bartaraf etishda amaliy yordam berish tavsiya etilsin.

8. Ushbu qaror rasmiy eʼlon qilingan kundan eʼtiboran kuchga kiradi.

9. Mazkur qaror qabul qilinishi munosabati bilan tuman hokimining 2014-yil 22-iyuldagi 550-sonli qarori oʻz kuchini yoʻqotgan deb hisoblansin.

10. Mazkur qarorning ijrosini nazorat qilish tuman hokimining oʻrinbosarlari U. Raxmonov va N. Abdusaidov zimmasiga yuklansin.

Hokim E. GʻAYBULLAYEV

Zarbdor t.,

2015-yil 7-sentabr,

528-son

Tuman hokimining 2015-yil 7-sentabrdagi 528-sonli qaroriga 1-ILOVA

Tuman iqtisodiyoti tarmoqlarini 2015/2016-yillar kuz-qish davrida barqaror ishlashga tayyorlashni taʼminlash boʻyicha

ChORA – TADBIRLAR

Tuman hokimining 2015-yil 7-sentabrdagi 528-sonli qaroriga 2-ILOVA

Tuman boʻyicha asosiy muxandislik kommunikatsiyalari va tehnalogik uskunalarni 2015-2016-yillar kuz-qish davrida barqaror ishlashga tayyorlash va joriy taʼmirlash boʻyicha

TOPShIRIQ

Tuman hokimining 2015-yil 7-sentabrdagi 528-sonli qaroriga 3-ILOVA

Tuman boʻyicha asosiy muhandislik kommunikatsiyalari va tehnalogik uskunalarni 2015-2016-yillar kuz-qish davrida barqaror ishlashga tayyorlash va joriy taʼmirlash boʻyicha

Topshiriq

Tuman hokimining 2015-yil 7-sentabrdagi 528-sonli qaroriga 4-ILOVA

Tumandagi ijtimoiy soha obyektlarini 2015-2016-yillar kuz-qish davrida barqaror ishlashga tayyorlash hamda mukammal va joriy taʼmirlash boʻyicha

TOPShIRIQ

Tuman hokimining 2015-yil 7-sentabrdagi 528-sonli qaroriga 5-ILOVA

Tumanda 2015-2016-yillar kuz-qish davri uchun koʻmir, mazut va texnik tuz jamgʻarish, shuningdek suyultirilgan gaz yetkazib berish boʻyicha

TOPShIRIQ

Tuman hokimining 2015-yil 7-sentabrdagi 528-sonli qaroriga 6-ILOVA

Tuman iqtisodiyoti tarmoqlarini 2015/2016-yillar kuz-kish davrida barqaror ishlashga tayyorlashni muvofiqlashtirish boʻyicha tuman komissiyasi

TARKIBI

Izoh: komissiya aʼzolari boshqa ishga oʻtgan taqdirda, uning oʻrniga yangi tayinlangan yoki vazifasini bajaruvchi shaxslar komissiya aʼzosi hisoblanadi.

Tuman hokimining 2015-yil 7-sentabrdagi 528-sonli qaroriga 7-ILOVA

Tuman iqtisodiyoti tarmoqlarini 2015/2016-yillar kuz-kish davrida barqaror ishlashga tayyorlashni muvofiqlashtirish boʻyicha tuman komissiyasi qoshida doimiy ravishda ishlaydigan ishchi guruh

TARKIBI

Eslatma: ishchi guruhi 2015/2016-yillar kuz-qish davrida iqtisodiyot tarmoqlarini barqaror ishlashi boʻyicha tuman hokimining qarori bilan tasdiqlangan chora-tadbirlar va 2, 3, 4, 5-ilovalarda belgilangan topshiriqlarning bajarilishi boʻyicha joriy yilning sentyabr oyidan boshlab monitoring olib borilishini taʼminlaydi va tahliliy maʼlumotlarni (mavjud kamchiliklarni bartaraf etish boʻyicha takliflar bilan birga) har 10 kunda tuman hokimligiga taqdim etib boradi.

Tahliliy maʼlumotlarning haqqoniyligi yuzasidan javobgarlik monitoring guruhi rahbari zimmasiga yuklatiladi.