Yangibozor tuman mahalliy budjetining 2016-yilgi asosiy parametrlari toʻgʻrisida (8-1-son)

08.01.2016

Xorazm viloyati xalq deputatlari Yangibozor tumani Kengashining

Qarori

“Mahalliy davlat hokimiyati toʻgʻrisida”gi (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) Oʻzbekiston Respublikasi Qonuniga, Oʻzbekiston Respublikasi Budjet kodeksining (Oʻzbekiston Respublikasi qonun hujjatlari toʻplami, 2013-y., 52-I-son) 28, 99-moddalari, Oʻzbekiston Respublikasi Prezidentining 2014-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ–2455-sonli, Xalq deputatlari Xorazm viloyat Kengashining 2015-yil 25-dekabrdagi “Xorazm viloyati mahalliy budjetining 2016-yilgi asosiy parametrlari toʻgʻrisida”gi 5-29 sonli hamda Xorazm viloyat hokimining 2016-yil 6-yanvardagi “Xorazm viloyatining 2016-yilgi asosiy makroiqtisodiy koʻrsatkichlari va mahalliy budjetining parametrlari toʻgʻrisida”gi qarorlariga asosan, xalq deputatlari Yangibozor tuman Kengashi qaror qiladi:

1. Oʻzbekiston Respublikasi Prezidentining 2014-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ–2455-sonli, Xalq deputatlari Xorazm viloyat Kengashining 2015-yil 25-dekabrdagi “Xorazm viloyati mahalliy budjetining 2016-yilgi asosiy parametrlari toʻgʻrisida”gi 5-29 sonli hamda Xorazm viloyat hokimining 2016-yil 6-yanvardagi “Xorazm viloyatining 2016-yilgi asosiy makroiqtisodiy koʻrsatkichlari va mahalliy budjetining parametrlari toʻgʻrisida”gi qarorlari rahbarlik va ijro uchun qabul qilinsin.

2. Yangibozor tuman mahalliy budjeti 2016-yil asosiy koʻrsatkichlarining daromadlar qismi 43 185 654 (qirq uch milliard bir yuz sakson besh million olti yuz ellik toʻrt) ming soʻm 1-ilovaga muvofiq hamda xarajatlar qismi 43 185 654 (qirq uch milliard bir yuz sakson besh million olti yuz ellik toʻrt) ming soʻm miqdorida 2-ilovaga muvofiq belgilanganligi maʼqullansin.

3. Yangibozor tuman hokimining oʻrinbosari O. Bekchanov, tuman Davlat soliq inspeksiyasi (X. Babajanov) va tuman moliya boʻlimi (A. Niyazmetov) bilan birgalikda tuman mahalliy budjeti daromadlar qismini soliq turlari boʻyicha belgilangan rejalarini oshirib bajarishni taʼminlasin.

4. Yangibozor tuman moliya boʻlimiga (A. Niyazmetov):

2016-yilni “Sogʻlom ona va bola yili” deb eʼlon qilinishi munosabati bilan tuman mahalliy budjetining 2016-yil davomida mahalliy budjet xarajatlarini maqbullashtirish natijasida shakllanadigan qoʻshimcha manbalar hisobidan tumanni ijtimoiy-iqtisodiy rivojlantirish borasidagi chora-tadbirlarni amalga oshirish uchun zarur oʻzgarishlar kiritib borish;

budjetdan mablagʻ oluvchilarning budjetdan mablagʻ bilan taʼminlanish asoslari mavjudligini muntazam tahlil qilib borish hamda budjet mablagʻlaridan saqlanish asoslari mavjud boʻlmagan, ajratilgan budjet mablagʻlarining natijadorligiga erishilmayotgan budjet muassasalarini qisqartirish yuzasidan tuman hokimligiga va viloyat Moliya boshqarmasiga muntazam ravishda taklif kiritish;

tuman mahalliy budjetining 2016-yil daromadlari va xarajatlarini tuman boʻyicha ishlab chiqib, belgilangan tartibda tasdiqlash uchun tuman hokimligiga taqdim qilish;

tuman mahalliy budjetining choraklar boʻyicha taqsimlanishini tasdiqlash huquqi berilsin hamda yilning har choragi boʻyicha moʻljallab qoʻyilgan makroiqtisodiy koʻrsatkichlarning bajarilishi hamda mahalliy budjet ijrosi tahlili natijalari asosida mahalliy budjetning koʻrsatkichlariga zaruriyatga qarab aniqlik kiritib borish;

xalq deputatlari tuman Kengashiga mahalliy budjetning ijrosi toʻgʻrisida har chorakda axborot berib borish vazifasi yuklatilsin;

5. Yangibozor tuman hokimligi tegishli mutasaddi tashkilotlar bilan birgalikda budjet daromadlarining tasdiqlangan koʻrsatkichlari bajarilishini taʼminlasinlar, mintaqalarning soliq solish bazasi kengaytirilishi va moliyaviy salohiyati mustahkamlanishi yuzasidan zaruriy chora-tadbirlar koʻrsinlar, budjet mablagʻlaridan maqsadli foydalanishi ustidan qatʼiy nazorat oʻrnatsinlar.

6. Mazkur qaror Yangibozor tuman hokimligining rasmiy nashri hisoblangan “Yangibozor koʻzgusi” gazetasida eʼlon qilingan kundan kuchga kiradi.

7. Ushbu qarorning ijrosini nazorat qilish tuman hokimining oʻrinbosari O. Bekchanov hamda xalq deputatlari Yangibozor tuman Kengashining mahalliy budjetni shakllantirish va ijro etish, iqtisodiy islohotni amalga oshirish va tadbirkorlikni rivojlantirish masalalari boʻyicha doimiy komissiyasiga (M. Eshchanov) yuklatilsin.

Xalq deputatlari tuman Kengashining raisi O. MADRAXIMOV

Yangibozor t.,

2016-yil 8-yanvar,

8-1-son

Xalq deputatlari Yangibozor tuman Kengashining 2016-yil 8-yanvardagi 8-1-sonli qaroriga 1-ILOVA

Yangibozor tuman mahalliy budjetining 2016-yilgi

ASOSIY PARAMETRLARI

Koʻrsatkichlar (ming soʻmda) I. Mahalliy budjet daromadlari 17 952 418,0 1. Toʻgʻri soliqlar 7 372 100,0 1.1. Yuridik shaxslardan olinadigan daromad (foyda) soligʻi 128 500,0 1.2. Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 1 033 300,0 1.3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 1 565 000,0 1.4. Jismoniy shaxslardan olinadigan daromad soligʻi 3 860 000,0 1.5. Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 785 300,0 2. Egri soliqlar 2 933 000,0 2.1. Qoʻshilgan qiymat soligʻi 2 300 000,0 2.2. Aksiz soligʻi - 2.3. Jismoniy shaxslardan transport vositalari uchun benzin, dizel yoqilgʻisi va gaz isteʼmol qilganlik uchun soliq 633 000,0 3. Resurs toʻlovlari va mol-mulk soligʻi 4 660 000,0 3.1. Mol-mulk soligʻi 1 184 700,0 3.2. Yer soligʻi 3 468 000,0 3.3. Suv resurslaridan foydalanganlik uchun soliq 7 300,0 4. Ijtimoiy infrastrukturani rivojlantirish soligʻi 90 100,0 5. Boshqa daromadlar 2 897 218,0 6. Subvensiya 25 233 236,0 7. Jami daromadlar 43 185 654,0 Koʻrsatkichlar (ming soʻmda) 1. Ijtimoiy soha va aholini ijtimoiy qoʻllab-quvvatlashga xarajatlar - jami 37 891 630,0 jumladan: 1.1. Maorif 24 158 538,0 umumiy taʼlim 24 158 538,0 1.2. Sogʻliqni saqlash 9 481 755,0 1.3. Madaniyat va sport, ommaviy axborot vositalari 247 452,0 madaniyat va ommaviy axborot vositalari 247 452,0 sport - 1.4. Fan 106 323,0 1.5. Ijtimoiy taʼminot 70000,0 1.6. Bolali oilalarga va kam taʼminlangan oilalarga nafaqalar 3827562,0 2. Iqtisodiyotga xarajatlar 2 930 696,0 jumladan: 2.1. Qishloq xoʻjaligi vazirligi tashkilotlari 371 597,0 2.2. Obodonlashtirish 2 559 099,0 3. Markazlashgan investitsiyalarni moliyalashtirishga xarajatlar - 4. Davlat hokimiyati va boshqaruv organlarini saqlash 757 917,0 jumladan: 4.1. Davlat boshqaruv idoralari 757 917,0 5. Fuqarolarning oʻzini oʻzi boshqarish organlarini saqlash 1 605 411,0

Xalq deputatlari Yangibozor tuman Kengashining 2016-yil 8-yanvardagi 8-1-sonli qaroriga 2-ILOVA

2016-yil uchun Yangibozor tuman mahalliy budjeti daromadlari, xarajatlari, maqsadli subvensiyalari

HAJMLARI

(ming soʻmda) Hududlar nomi Daromadlar Xarajatlar Subvensiya mablagʻi jami Yangibozor tumani 17 952 418,0 43 185 654,0 25 233 236,0