Yangiqoʻrgʻon tumanining 2016-yilgi mahalliy budjeti parametrlari toʻgʻrisida (1-son)

04.01.2016

Namangan viloyati Yangiqoʻrgʻon tumani hokimining

Qarori

Oʻzbekiston Respublikasi Budjet kodeksining (Oʻzbekiston Respublikasi qonun hujjatlari toʻplami, 2013-y., 52-I-son) 28, 99-moddalari, “Mahalliy davlat hokimiyati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 25-moddasi, Oʻzbekiston Respublikasi Prezidentining 2015-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2455-sonli qarori, viloyat hokimining 2015-yil 28-dekabrdagi 393-sonli hamda xalq deputatlari Yangiqoʻrgʻon tuman Kengashining 2015-yil 29-dekabrdagi 5/7-1-sonli qarorlari ijrosini taʼminlash maqsadida qaror qilaman:

1. Oʻzbekiston Respublikasi Prezidentining 2015-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2455-sonli va viloyat hokimining 2015-yil 28-dekabrdagi 393-sonli qarorlari rahbarlik va ijro uchun qabul qilinsin.

2. 2016-yilga moʻljallangan tuman mahalliy budjetining:

daromadlar qismi soliq tushumlari hamda maqsadli subvensiyalar bilan birga jami 94 mlrd 979 mln 118 ming soʻm miqdorida 1-ilovaga muvofiq;

xarajatlar qismi sohalar boʻyicha jami 94 mlrd 979 mln 118 ming soʻm miqdorida 2-ilovaga muvofiq tasdiqlansin.

3. Namangan viloyati hokimining 2015-yil 28-dekabrdagi “Namangan viloyatining 2016-yilgi mahalliy budjeti parametrlari toʻgʻrisida”gi 393-sonli qarorining tuman budjetiga davlat daromadlari va soliqlaridan ajratmalar meʼyori, tuman mahalliy budjetining aylanma kassa mablagʻlarining eng kam meʼyori tasdiqlanganligi maʼlumot uchun qabul qilinsin.

4. Tuman hokimligining moliya boʻlimi (B. Nasipov)ga mahalliy budjetga soliqlar va boshqa majburiy toʻlovlarning toʻliq tushishidan, shuningdek mahalliy budjetning birinchi navbatdagi xarajatlarini (ish haqi, ish haqidan ajratmalar, nafaqalar va ularga tenglashtirilgan toʻlovlarni) mablagʻ bilan taʼminlash zarurligidan kelib chiqqan holda aniqlashtirish huquqi berilsin.

5. Tuman moliya boʻlimi (B. Nasipov)ga budjet qonunchiligida belgilangan muddatlarda 2016-yilgi mahalliy budjet parametrlarini tegishli budjet tashkilotlariga, shuningdek umumdavlat soliqlaridan tuman mahalliy budjetiga 2016-yil uchun ajratmalar miqdorlarini OATB “Agrobank” tuman filialiga yetkazsin.

6. Tuman davlat soliq inspeksiyasi (A. Sharipov)ga tuman mahalliy budjetga belgilangan soliq va tushumlarni yil davomida muntazam ravishda bir maromda undirilishini taʼminlash hamda tuman boʻyicha mavjud boqimanda qarzlarni keskin kamaytirish borasida aniq tadbirlarni ishlab chiqsin va amalga oshirsin.

7. OATB “Argobank” tuman filiali (N. Ergashev) davlat daromadlaridan tuman mahalliy budjetga tasdiqlangan ajratmalarni qonunchilikda belgilangan tartibda oʻz vaqtida oʻtkazilishini taʼminlash tavsiya etilsin.

8. Tuman hokimining oʻrinbosari B. Koʻpaysinovga:

davlat soliq inspeksiyasi, moliya va tegishli bank idoralarining barcha imkoniyatlarini budjetning daromadlar qismi prognoz koʻrsatkichlarining barcha manbaalar boʻyicha toʻliq bajarilishini taʼminlashga safarbar qilish;

mahalliy budjetning xarajatlar qismini sifatli ijro etilishi hamda budjet mablagʻlarining maqsadli sarflanishini qattiq nazorat qilish, bunda Oʻzbekiston Respublikasining amaldagi qonunchiligiga hamda Oʻzbekiston Respublikasi Vazirlar Mahkamasining budjet ijrosiga oid qarorlari va farmoyishlari talablariga qatʼiy rioya etilishini taʼminlash vazifalari topshirilsin.

9. Tuman moliya (B. Nasipov) va tuman davlat soliq inspeksiyasi (A. Sharipov)ga mazkur qarorning bajarilishi toʻgʻrisida tuman hokimligiga 2016-yil davomida har chorakda va 2017-yilning yanvar oyida yil yakuni boʻyicha axborot berib borish vazifasi topshirilsin.

10. Mazkur qaror xalq deputatlari tuman Kengashining navbatdagi sessiyasi tasdigʻiga kiritilsin.

11. Mazkur qaror “Yangiqoʻrgʻon hayoti” gazetasida rasman eʼlon qilingan kundan boshlab kuchga kiradi.

12. Ushbu qarorning bajarilishini nazorat qilish tuman hokimining oʻrinbosari B. Koʻpaysinov zimmasiga yuklansin.

Hokim T. RAPIQOV

Yangiqoʻrgʻon sh.,

2016-yil 4-yanvar,

1-son

Tuman hokimining 2016-yil 4-yanvardagi 1-sonli qaroriga 1-ILOVA

Yangiqoʻrgʻon tuman mahalliy budjetining 2016-yilgi

ASOSIY PARAMETRLARI

Koʻrsatkichlar Ming soʻm I. Daromadlar — hammasi 94 979 118,0 1. Toʻgʻri soliqlar 9 831 720,0 1.1. Yuridik shaxslardan olinadigan daromad (foyda) soligʻi 155 173,0 1.2. Savdo �a umumiy ovqatlanish korxonalari uchun yagona soliq toʻlovidan Davlat budjetiga ajratmalar 1 836 271,0 1.3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 1 915 358,0 1.4. Jismoniy shaxslardan olinadigan daromad soligʻi 4 209 930,0 1.5. Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 1 490 501,0 1.6. Obodonlashtirish va ijtimoiy infratuzilmani rivojlantirish soligʻi 150 758,0 1.7. Oʻzbekiston Respublika Ichki ishlar vazirligi Yoʻl harakati xavfsizligi bosh boshqarmasi va uning hududiy boʻlinmalari tomonidan undiriladigan yigʻimlar 73 729,0 2. Egri soliqlar 14 433 954,0 2.1. Qoʻshilgan qiymat soligʻi 1 831 644,0 2.2. Aksiz soligʻi 6 535 885,0 2.3. Jismoniy shaxslardan transport vositalari uchun benzin, dizel yoqilgʻisi va gaz isteʼmol qilganlik uchun soliq 3 879 259,0 2.4. Davlat boji 2 187 166,0 3. Resurs toʻlovlari va mol-mulk soligʻi 8 351 865,0 3.1. Mol-mulk soligʻi 2 981 983,0 Yuridik shaxslarning mulk soligʻi 302 464,0 Jismoniy shaxslarning mulk soligʻi 2 679 519,0 3.2. Yer soligʻi 2 988 405,0 3.3. Yagona yer soligʻi 709 294,0 3.4. Suv resurslaridan foydalanganlik uchun soliq 2 652,0 3.5. Mahalliy soliqlar va yigʻimlar 163 433,0 3.6. Bozorlar daromadidan tushum 446 133,0 3.7. Jarimalar 1 059 965,0 4. Boshqa daromadlar 64 025,0 5. Subvensiya — jami 62 297 554,0 5.1. bolali oilalarga va kam taʼminlangan oilalarga nafaqalar 8 999 137,0 5.2. xalq taʼlimi muassasalarining ish haqi va YIT 53 298 417,0

Tuman hokimining 2016-yil 4-yanvardagi 1-sonli qaroriga 2-ILOVA

Koʻrsatkichlar Ming soʻm Xarajatlar — jami 94 979 118,0 1. Ijtimoiy soha va aholini ijtimoiy qoʻllab-quvvatlashga xarajatlar — jami 86 930 668,0 jumladan: 1.1. Maorif 56 612 674,0 umumiy taʼlim 56 612 674,0 kadrlar tayyorlash 1.2. Sogʻliqni saqlash 20 568 255,0 1.3. Madaniyat va sport, ommaviy axborot vositalari 527 407,0 madaniyat va ommaviy axborot vositalari 525 382,0 sport 2 025,0 1.4. Fan 57 187,0 1.5. Ijtimoiy taʼminot 131 537,0 1.6. Bolali oilalarga va kam taʼminlangan oilalarga nafaqalar 8 999 137,0 voyaga yetmagan bolalari bor oilalarga nafaqa 2 969 030,0 bolalari 2 yoshga toʻlguncha onalarga toʻlanadigan nafaqa 5 471 552,0 kam daromadli oilalarga beriladigan moddiy yordam 558 555,0 1.7. Chernobil falokatini bartaraf etishda qatna?ganlarni ijtimoiy himoyalash 1.8. Davlat mukofotlarini toʻlash boʻyicha xarajatlar 1.9. Ijtimoiy koʻnikma markazlari 34 471,0 1.10. Isitish qozonxonalari va kommunal xoʻjalikning isitish tizimlarini kapital taʼmirlash 1.12. Imtiyozli kontingentdagi kishilarni bepul tashiganlik uchun trolleybus xoʻjaligining zararini qoplash 2. Iqtisodiyotga xarajatlar 3 359 934,0 jumladan: 2.1. Qishloq xoʻjaligi vazirligi tashkilotlari 356 842,0 2.2. Obodonlashtirish 3 003 092,0 2.3. Kommundrenaj 2.4. Koʻp kvartirali uylarda liftlarni yangilash va taʼmirlash 3. Markazlashgan investitsiyalarni moliyalashtirishga xarajatlar 4. Davlat hokimiyati va boshqaruv organlarini saqlash 889 793,0 jumladan: 4.1. Davlat boshqaruv idoralari 889 793,0 5. Fuqarolarning oʻzini oʻzi boshqarish organlarini saqlash 3 798 723,0 6. Zaxira jamgʻarmasi 7. Boshqa xarajatlar — jumladan: 7.1. Mudofaa majmui, huquqni muhofaza qilish organlarining mahalliy budjetlardan moliyalashtiriladigan xarajatlari