Bolalar uchun tovarlar va ayollar gigiyenasi ashyolarini ishlab chiqarish hamda sotishni ragʻbatlantirishga doir qoʻshimcha chora-tadbirlar toʻgʻrisida (212-son)

04.05.1999

Oʻzbekiston Respublikasi Vazirlar Mahkamasining

qarori

Ayollar manfaatlarini taʼminlash va himoya qilish yuzasidan 1999-yil uchun chora-tadbirlar Davlat dasturiga muvofiq hamda bolalar uchun tovarlar va ayollar gigiyenasi ashyolarini ishlab chiqarish va sotishni ragʻbatlantirish, shuningdek ushbu tovarlarning chakana narxlarini pasaytirish maqsadida Vazirlar Mahkamasi qaror qiladi:

2. Belgilab qoʻyilsinki, ixtisoslashgan ishlab chiqarish korxonalari jumlasiga ishlab chiqarishi hajmida bolalar uchun tovarlar va ayollar gigiyenasi ashyolari 60 foizni va undan koʻproqni tashkil qiladigan korxonalar kiradi.

3. Vazirlar Mahkamasining Isteʼmol bozori kompleksi Oʻzbekiston Respublikasi Moliya vazirligi, Sogʻliqni saqlash vazirligi va Davlat soliq qoʻmitasi bilan birgalikda bir hafta muddatda bolalar uchun tovarlar va ayollar gigiyenasi ashyolari roʻyxatini ishlab chiqsin va tasdiqlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S. Hamidov va M.Z. Usmonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1999-yil 4-may,

212-son