Oʻzbekiston Respublikasi Oliy Majlisi Senati Kengashi va qoʻmitalarining 2010-yilgi ishiga doir tavsiyalar toʻgʻrisida (720-I-son)

30.12.2009

Oʻzbekicton Respublikasi Oliy Majlisi Senati Kengashining

qarori

Oʻzbekiston Respublikasi Oliy Majlisi Senati Kengashi va qoʻmitalarining 2010-yilda rejali asosda va samarali faoliyat koʻrsatishi, Oʻzbekiston Respublikasi Oliy Majlisi Senatining besh yillik ish tajribasi hamda Senat qoʻmitalarining takliflari asosida davomiylik va uzviylikni saqlash zarurligi munosabati bilan, Oʻzbekiston Respublikasi Prezidenti 2010-yilni “Barkamol avlod yili” deb eʼlon qilganligini hisobga olib, Oʻzbekiston Respublikasi Oliy Majlisi Senatining Kengashi qaror qiladi:

Oʻzbekiston Respublikasi Oliy Majlisi Senati Kengashi va qoʻmitalarining 2010-yilga moʻljallangan ish rejalariga quyidagilar tavsiya etilsin:

1. Oʻzbekiston Respublikasi Oliy Majlisi Senati Kengashining majlislarida 2010-yilda koʻrib chiqish uchun tavsiya etilayotgan masalalar (ilova qilinadi).

2. Oʻzbekiston Respublikasi Oliy Majlisi Senati qoʻmitalarining 2010-yilga moʻljallangan qonunchilik va nazorat faoliyati rejasi (ilova qilinadi).

3. Oʻzbekiston Respublikasi Oliy Majlisi Senati qoʻmitalarining 2010-yilga moʻljallangan tadbirlar rejasi (ilova qilinadi).

4. Oʻzbekiston Respublikasi Oliy Majlisi Senati qoʻmitalarining “Barkamol avlod yili”ga bagʻishlangan tadbirlar rejasi (ilova qilinadi).

Oʻzbekiston Respublikasi Oliy Majlisi Senatining Raisi I. SOBIROV

Toshkent sh.,

2009-yil 30-dekabr,

720-I-son

Oʻzbekiston Respublikasi Oliy Majlisi Senati Kengashining majlislarida 2010-yilda koʻrib chiqish uchun tavsiya etilayotgan

MASALALAR

Yilning ikkinchi choragi

Buxoro viloyati xalq deputatlari mahalliy Kengashlarining yoshlarni ishga joylashtirish masalalarini hal etish borasidagi faoliyati toʻgʻrisida.

Yilning uchinchi choragi

Jizzax viloyatini iqtisodiy rivojlantirish hududiy dasturlarining bajarilishini kuchaytirish chora-tadbirlari va mintaqada ijtimoiy-iqtisodiy barqarorlikni taʼminlashga doir vazifalar toʻgʻrisida.

“Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunining Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti tomonidan ijro etilishi toʻgʻrisida.

2010-yil — “Barkamol avlod yili” Davlat dasturida belgilab berilgan vazifalarning bajarilishi yuzasidan Andijon viloyati xalq deputatlari mahalliy Kengashlarining faoliyati toʻgʻrisida.

Yilning toʻrtinchi choragi

Oʻzbekiston Respublikasi Xalq taʼlimi hamda Oliy va oʻrta maxsus taʼlim vazirliklarining Birlashgan Millatlar Tashkilotining Texnikaviy va hunar taʼlimi toʻgʻrisidagi Konvensiyasi (Parij, 1989-yil 10-noyabr) qoidalarini mamlakatimiz qonunchiligiga joriy etish borasidagi ishi toʻgʻrisida.

Aholi salomatligini mustahkamlash boʻyicha hududiy dasturlarni Samarqand viloyatida bajarishning borishi toʻgʻrisida.

Oʻzbekiston Respublikasi Oliy Majlisi Senatining 2010-yildagi faoliyati toʻgʻrisida.

Oʻzbekiston Respublikasi Oliy Majlisi Senati qoʻmitalarining 2011-yilga moʻljallangan qonunchilik va nazorat faoliyati rejasi haqida.

Oʻzbekiston Respublikasi Oliy Majlisi Senati qoʻmitalarining 2011-yilga moʻljallangan tadbirlar rejasi toʻgʻrisida.

Oʻzbekiston Respublikasi Oliy Majlisi Senati Kengashining majlislarida 2011-yilda koʻrib chiqish uchun tavsiya etilayotgan masalalar toʻgʻrisida.

*Izoh: tavsiya etilayotgan masalalarga zaruratga qarab ayrim oʻzgartish va qoʻshimchalar kiritilishi mumkin.

Oʻzbekiston Respublikasi Oliy Majlisi Senati qoʻmitalarining 2010-yilga moʻljallangan qonunchilik va nazorat faoliyati

REJASI

Budjet va iqtisodiy islohotlar masalalari qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

Oʻzbekiston Respublikasi Markaziy banki Boshqaruvi raisining Oʻzbekiston Respublikasi Markaziy bankining 2009-yildagi faoliyati toʻgʻrisidagi hisoboti.

Oʻzbekiston Respublikasi Hisob palatasining 2009-yil yuzasidan hisoboti.

“Mikromoliyalash toʻgʻrisida”gi Oʻzbekiston Respublikasi Qonunining Sirdaryo viloyatida ijro etilishini oʻrganish va muhokama qilish (xalq deputatlari Sirdaryo viloyat Kengashi bilan birgalikda).

Oʻzbekiston Respublikasining 2011-yilgi Davlat budjeti yuzasidan xulosalar va takliflar tayyorlash.

“Lizing toʻgʻrisida”gi Oʻzbekiston Respublikasi Qonunining Samarqand viloyatida ijro etilishini oʻrganish va muhokama qilish.

Qonunchilik va sud-huquq masalalari qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

Oʻzbekiston Respublikasi Bosh prokurorining Oʻzbekiston Respublikasi prokuratura organlarining 2009-yildagi faoliyati toʻgʻrisidagi hisoboti.

Oʻzbekiston Respublikasi adliya vazirining 2009-yilda davlat boshqaruvi organlari, huquqni muhofaza qiluvchi va nazorat tuzilmalari tomonidan qonunlarning ijro etilishi holati toʻgʻrisidagi axboroti haqida.

Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) 2009-yildagi faoliyati toʻgʻrisida.

“Hakamlik sudlari toʻgʻrisida”gi Oʻzbekiston Respublikasi Qonunining Oʻzbekiston Respublikasi Savdo-sanoat palatasi va uning tizimidagi doimiy asosda faoliyat yuritayotgan hakamlik sudlari tomonidan ijro etilishini oʻrganish va muhokama qilish.

“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunining Toshkent shahrida ijro etilishini oʻrganish va muhokama qilish (xalq deputatlari Toshkent shahar Kengashi bilan birgalikda).

Mudofaa va xavfsizlik masalalari qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

“Mudofaa toʻgʻrisida”gi Oʻzbekiston Respublikasi Qonunining Xorazm viloyatida ijro etilishini oʻrganish va muhokama qilish (xalq deputatlari Xorazm viloyat Kengashi bilan birgalikda).

“Yoʻl harakati xavfsizligi toʻgʻrisida”gi Oʻzbekiston Respublikasi Qonunining Qashqadaryo viloyatida ijro etilishini oʻrganish va muhokama qilish (xalq deputatlari Qashqadaryo viloyat Kengashi bilan birgalikda).

Tashqi siyosat masalalari qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

Navoiy viloyatidagi Erkin industrial iqtisodiy zona faoliyatini tashkil qilishga doir qonun hujjatlarining amalga oshirilishini oʻrganish va muhokama qilish (Budjet va iqtisodiy islohotlar masalalari qoʻmitasi va xalq deputatlari Navoiy viloyat Kengashi bilan birgalikda).

Biologik xilma-xillik toʻgʻrisida Konvensiyani (Rio-de-Janeyro, 1992-yil 5-iyun) ijro etish boʻyicha Buxoro viloyati xalq deputatlari mahalliy Kengashlarining ishini oʻrganish va muhokama qilish (xalq deputatlari Buxoro viloyat Kengashi bilan birgalikda).

Fan, taʼlim, madaniyat va sport masalalari qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

“Ommaviy axborot vositalari toʻgʻrisida”gi Oʻzbekiston Respublikasi Qonunining Qoraqalpogʻiston Respublikasida ijro etilishini oʻrganish va muhokama qilish (Qoraqalpogʻiston Respublikasi Joʻqorgʻi Kengesi bilan birgalikda).

“Arxeologiya merosi obyektlarini muhofaza qilish va ulardan foydalanish toʻgʻrisida”gi Oʻzbekiston Respublikasi Qonunining Surxondaryo viloyatida ijro etilishini oʻrganish va muhokama qilish (xalq deputatlari Surxondaryo viloyat Kengashi bilan birgalikda).

Agrar, suv xoʻjaligi masalalari va ekologiya qoʻmitasi

Qonunchilik faoliyati

Oliy Majlisning Qonunchilik palatasi tomonidan Senatga maʼqullash uchun yuborilgan qonunlar yuzasidan Qoʻmita vakolatlari doirasida xulosalar tayyorlash.

Nazorat faoliyati

Oʻzbekiston Respublikasi Tabiatni muhofaza qilish davlat qoʻmitasi raisining Oʻzbekiston Respublikasi Tabiatni muhofaza qilish davlat qoʻmitasining 2009-yildagi faoliyati toʻgʻrisidagi hisoboti.

“Chiqindilar toʻgʻrisida”gi Oʻzbekiston Respublikasi Qonunining Toshkent viloyatidagi yirik sanoat korxonalari tomonidan ijro etilishini oʻrganish va muhokama qilish (xalq deputatlari Toshkent viloyat Kengashining tegishli doimiy komissiyalarini jalb etgan holda).

Oʻzbekiston Respublikasi Yer kodeksining erlarni qishloq xoʻjaligidan oʻzga ehtiyojlar uchun ajratishga doir talablari ijrosini oʻrganish va muhokama qilish (Fargʻona viloyati misolida, xalq deputatlari viloyat Kengashining tegishli doimiy komissiyalarini jalb etgan holda).

Transchegaraviy ochiq suv oqimlari va xalqaro koʻllarni muhofaza qilish hamda ulardan foydalanish boʻyicha BMT Konvensiyasi (Xelsinki, 1992-yil 17-mart) va Xalqaro ochiq suv oqimlaridan kema qatnovi bilan bogʻliq boʻlmagan tarzda foydalanish huquqi toʻgʻrisidagi BMT Konvensiyasining (Nyu-York, 1997-yil 21-may) Oʻzbekiston Respublikasidagi ijrosini oʻrganish va muhokama qilish (Tashqi siyosat masalalari qoʻmitasi bilan birgalikda).

*Izoh: ushbu rejaga zaruratga qarab ayrim oʻzgartish va qoʻshimchalar kiritilishi mumkin.

Oʻzbekiston Respublikasi Oliy Majlisi Senati qoʻmitalarining 2010-yilga moʻljallangan tadbirlar

REJASI

Yilning birinchi choragi

“Eksportga yoʻnaltirilgan va import oʻrnini bosadigan mahsulot ishlab chiqaruvchi korxonalarni qoʻllab-quvvatlashning ustuvor vazifalari” mavzuida seminar.

“Oʻzbekiston Respublikasi Oliy Majlisi palatalari qoʻmitalarining qonun ijodkorligi jarayonidagi oʻzaro hamkorligi: samaradorlik va amaliyot” mavzuida davra suhbati.

“Vatanni, uning hududiy yaxlitligi va mustaqilligini himoya qilish – Oʻzbekiston Respublikasi fuqarosining konstitutsiyaviy burchidir” mavzuida konferensiya.

“Transchegaraviy suv obyektlari havzalarida gidroenergetika inshootlarining xavfsizligi muammolari va shu sohadagi xalqaro hamkorlik istiqbollari” mavzuida davra suhbati (Agrar, suv xoʻjaligi masalalari va ekologiya qoʻmitasi bilan birgalikda).

“Taʼlim va hozirgi zamon. Oʻquvchilarni hayotga tayyorlashning dolzarb muammolari” mavzuida konferensiya.

“Qishloq ijtimoiy infratuzilmasini rivojlantirish hamda barkamol avlodni tarbiyalash: muammolar va ularni hal etish yoʻllari” mavzuida konferensiya.

Yilning ikkinchi choragi

“2010-yilda ish oʻrinlari tashkil etish va aholi bandligini taʼminlash boʻyicha hududiy dasturlarning samaradorligini monitoring qilish muammolari va ularni hal etish yoʻllari” mavzuida davra suhbati (Qoraqalpogʻiston Respublikasi Joʻqorgʻi Kengesining tegishli qoʻmitasi raisi hamda xalq deputatlari viloyatlar va Toshkent shahar Kengashlarining tegishli doimiy komissiyalari raislari ishtirokida).

“Senatorlarning qonunlar muhokamasida ishtirok etishi: samaradorlik va istiqbollar” mavzuida seminar.

“Fuqarolarni harbiy xizmatga tayyorlashda mahalliy davlat hokimiyati organlari, jamoat birlashmalari va tashkilotlarning vazifalari” mavzuida seminar.

“Qoraqalpogʻiston Respublikasida moddiy va nomoddiy madaniy meros obyektlarini muhofaza qilishning ahvoli va uni yanada takomillashtirish istiqbollari” mavzuida ilmiy-amaliy konferensiya (Fan, taʼlim, madaniyat va sport masalalari qoʻmitasi bilan birgalikda).

“Mamlakatda jismoniy tarbiya va sportni rivojlantirishning tashkiliy hamda normativ-huquqiy asoslari” mavzuida seminar.

“Qishloq xoʻjaligi ishlab chiqarishiga ilgʻor innovatsion texnologiyalarni joriy qilish – davr talabi” mavzuida seminar.

Yilning uchinchi choragi

“Iqtisodiyotda va aholi uchun oʻzaro hisob-kitoblar shakllari hamda usullarini takomillashtirish yoʻllari” mavzuida konferensiya.

“Sud-huquq sohasida qonunchilikni takomillashtirishning dolzarb vazifalari” mavzuida davra suhbati.

“Yoʻl harakati xavfsizligini taʼminlash borasida mahalliy davlat hokimiyati organlari, jamoat birlashmalari va boshqa tashkilotlarning vazifalari” mavzuida seminar.

“Bolalardagi yuqumli kasalliklarga qarshi kurash sohasida xalqaro hamkorlikning ahvoli va uni rivojlantirish istiqbollari” mavzuida seminar (YUNISEF Bolalar jamgʻarmasining Oʻzbekiston Respublikasidagi vakolatxonasi bilan birgalikda).

“Huquqiy atamalar. Tajriba, muammolar va ularni hal etish yoʻllari” mavzuida davra suhbati (Oʻzbekiston Respublikasi Oliy Majlisi Qonunchilik palatasining Fan, taʼlim, madaniyat va sport masalalari qoʻmitasi, Oʻzbekiston Respublikasi Adliya vazirligi, Fanlar akademiyasi va Toshkent davlat yuridik instituti bilan birgalikda).

“Jahonda global iqlim isishiga qarshi amalga oshirilayotgan ishlar toʻgʻrisida” mavzuida xalqaro ilmiy-amaliy konferensiya (“Birlashgan Millatlar Tashkilotining Iqlim oʻzgarishlari toʻgʻrisidagi Doiraviy Konvensiyasi (Nyu-York, 1992-yil 9-may)”, shuningdek “Birlashgan Millatlar Tashkilotining Iqlim oʻzgarishlari toʻgʻrisidagi Doiraviy Konvensiyasiga Kioto Bayonnomasi (Kioto, 1997-yil 11-dekabr)” xalqaro hujjatlari asosida).

Yilning toʻrtinchi choragi

“Iqtisodiyotni innovatsion rivojlantirish hududiy dasturlarini amalga oshirishning ustuvor masalalari” mavzuida seminar.

“Oʻzbekiston Respublikasining Konstitutsiyasi – sud-huquq islohotlarining asosi” mavzuida konferensiya.

“Terrorizmga, diniy ekstremizmga qarshi kurashning dolzarb muammolari va ularni hal etish yoʻllari” mavzuida davra suhbati.

“Markaziy Osiyo mintaqasi transport yoʻlaklarini rivojlantirish yoʻllari va muammolari hamda bu sohadagi xalqaro hamkorlik” mavzuida davra suhbati (Oʻzbekiston Respublikasi Tashqi iqtisodiy aloqalar, investitsiyalar va savdo vazirligi hamda Savdo-sanoat palatasi bilan birgalikda).

“Milliy qadriyatlar va yoshlar” mavzuida davra suhbati.

“Suv resurslaridan foydalanishning dolzarb muammolari” mavzuida davra suhbati.

*Izoh: ushbu rejaga zaruratga qarab ayrim oʻzgartish va qoʻshimchalar kiritilishi mumkin.

Oʻzbekiston Respublikasi Oliy Majlisi Senati qoʻmitalarining “Barkamol avlod yili”ga bagʻishlangan tadbirlar

REJASI

T/r Tadbir nomi Bajarish muddati Masʼul ijrochilar I. Nazorat-tahlil faoliyati 1. “Budjet tizimi toʻgʻrisida”gi Oʻzbekiston Respublikasi Qonuni­ning Oʻzbekiston Respublikasi Xalq taʼlimi vazirligi tomonidan ijro etilishi haqida. Birinchi yarim yillik Budjet va iqtisodiy islohotlar masala­lari qoʻmitasi 2. Voyaga yetmaganlarga oid qonun hujjatlarining Fargʻona viloyati hokimligi huzuridagi voyaga yetmaganlar ishlari boʻyicha komissiya va viloyat huquqni muhofaza qiluvchi organlari tomonidan ijro etilishi toʻgʻrisida. Birinchi yarim yillik Qonunchilik va sud-huquq masalalari qoʻ­mitasi (xalq deputatlari Fargʻona viloyat Kengashi bilan qoʻshma majlis) 3. “Oʻzbekiston Respublikasida yoshlarga oid davlat siyosatining asoslari toʻgʻrisida”gi Oʻzbekiston Respublikasi Qonunining Toshkent viloyatida ijro etilishi haqida. Birinchi yarim yillik Fan, taʼlim, madaniyat va sport masala­lari qoʻmitasi 4. “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasi Qonunining Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi oʻquv yurtlarida ijro etilishi toʻgʻrisida. Ikkinchi yarim yillik Mudofaa va xavfsizlik masalalari qoʻmitasi 5. Birlashgan Millatlar Tashkilotining narkotik moddalar va psixo­trop moddalarning noqonuniy aylanishiga qarshi kurash Konvensiyasi (Vena, 1988-yil 19-dekabr) qoidalarini ijro etish, yoshlar orasida narkomaniyaga barham berish yuzasidan Xorazm viloyati xalq deputat­lari mahalliy Kengashlarining ishlari toʻgʻrisida. Ikkinchi yarim yillik Tashqi siyosat masalalari qoʻmitasi (Oʻzbekiston Respublikasi Vazirlar Mah­kamasi huzuridagi Narkotik moddalarni nazorat qilish milliy axborot-tahlil markazi bilan birgalikda) 6. Oʻzbekiston Respublikasi Uy-joy kodeksining uy-joy sharoit­larini yaxshilash, qurish yoki xarid qilishga muhtoj yosh oilalarni qoʻllab-quvvatlashga doir qismining Namangan viloyatida ijro eti­lishi toʻgʻrisida. Ikkinchi yarim yillik Agrar, suv xoʻjaligi masalalari va ekologiya qoʻmitasi II. Tadbirlar* 1. “Yosh olim va tadqiqotchilarni qoʻllab-quvvatlash iqtisodiy mexanizmini kuchaytirishning huquqiy asoslarini takomillashtirish yoʻllari” mavzuida seminar. Birinchi chorak Budjet va iqtisodiy islohotlar masa­lalari qoʻmitasi (Fan, taʼlim, madaniyat va sport masalalari qoʻmitasi bilan bir­galikda) 2. “Bolalarning omonligi, himoyasi va rivojlanishini taʼminlash toʻgʻrisidagi Umumjahon Deklaratsiyasi (Nyu-York, 1990-yil 30 sen­tyabr) qoidalarining Oʻzbekiston Respublikasida amalga oshirishning borishi haqida” mavzuida davra suhbati. Birinchi chorak Tashqi siyosat masalalari qoʻmitasi (“Sogʻ­l�m avlod uchun” jamgʻarmasi bilan birgalikda) 3. “Voyaga yetmaganlarga oid qonun hujjatlarini takomillashtirish (yuvenal adliya): amaliyot va samaradorlik” mavzuida davra suhbati. Ikkinchi chorak Qonunchilik va sud-huquq masalalari qoʻmitasi 4. “Qishloq joylarda tadbirkorlikni rivojlantirishda yoshlar salohiyatidan foydalanish” mavzuida davra suhbati. Ikkinchi chorak Agrar, suv xoʻjaligi masalalari va eko­logiya qoʻmitasi 5. “Yoshlarni vatanparvarlik ruhida tarbiyalashda davlat va jamoat tashkilotlarining vazifalari” mavzuida seminar. Uchinchi chorak Mudofaa va xavfsizlik masalalari qoʻmitasi 6. “Yosh avlodning barkamol rivojlanishini taʼminlashda Birlashgan Millatlar Tashkilotining Inson taraqqiyoti konsepsiyasi va xalq deputatlari mahalliy Kengashlarining oʻrni” mavzuida seminar-trening. Uchinchi chorak Tashqi siyosat masalalari qoʻmitasi (Dav­lat va jamiyat qurilishi akademiyasi va BMT Taraqqiyot dasturining Oʻzbekiston Respublikasidagi vakolatxonasi bilan birgalikda) 7. “Taʼlim muassasalarining zamonaviy moddiy-texnika bazasidan samarali foydalanish toʻgʻrisida” mavzuida davra suhbati. Toʻrtinchi chorak Fan, taʼlim, madaniyat va sport masala­lari qoʻmitasi

*Izoh: Tadbirlar oʻtkaziladigan sana va ularning ishtirokchilari tarkibi materiallar tayyor boʻlishiga qarab aniqlashtiriladi.