Yangidan tashkil etilayotgan ixtisoslashtirilgan taʼmirlash-qurilish tashkilotlari tomonidan soliq va bojxona imtiyozlarini qoʻllash tartibi toʻgʻrisidagi nizomga oʻzgartirish va qoʻshimchalar kiritish haqida (2009-1-son)

19.05.2016

Oʻzbekiston Respublikasi Davlat soliq qoʻmitasi Oʻzbekiston Respublikasi Moliya vazirligi Oʻzbekiston Respublikasi Davlat bojxona qoʻmitasi Oʻzbekiston Respublikasi Davlat arxitektura va qurilish qoʻmitasining

qarori

[Oʻzbekiston Respublikasi Adliya vazirligi tomonidan 2016-yil 19-mayda roʻyxatdan oʻtkazildi, roʻyxat raqami 2009-1]

Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga, Oʻzbekiston Respublikasi Prezidentining 2015-yil 15-maydagi PF-4725-son “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi Farmoni, Oʻzbekiston Respublikasi Prezidentining 2009-yil 29-yanvardagi PQ-1051-son “Uy-joy fondini foydalanishga tayyor holda topshirish shartlarida rekonstruksiya qilish va taʼmirlash boʻyicha pudrat ishlarini kengaytirishni ragʻbatlantirishga doir qoʻshimcha chora-tadbirlar toʻgʻrisida”gi va 2015-yil 7-yanvardagi PQ-2282-son “2015-yilda qishloq joylarda namunaviy loyihalar boʻyicha yakka tartibdagi uy-joy qurilishi dasturi va 2016-yilgi qurilishning asosiy parametrlari toʻgʻrisida”gi qarorlariga muvofiq Oʻzbekiston Respublikasi Davlat soliq qoʻmitasi, Moliya vazirligi, Davlat bojxona qoʻmitasi va Davlat arxitektura va qurilish qoʻmitasi qaror qiladi:

1. Oʻzbekiston Respublikasi Davlat soliq qoʻmitasi, Moliya vazirligi, Davlat bojxona qoʻmitasi va Davlat arxitektura va qurilish qoʻmitasining 2009-yil 16-avgustdagi 2009-21, 83, 01-02/8-14, 5-son qarori (roʻyxat raqami 2009, 2009-yil 19-sentabr) (Oʻzbekiston Respublikasi qonun hujjatlari toʻplami, 2009-y., 39-son, 428-modda) bilan tasdiqlangan Yangidan tashkil etilayotgan ixtisoslashtirilgan taʼmirlash-qurilish tashkilotlari tomonidan soliq va bojxona imtiyozlarini qoʻllash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Davlat soliq qoʻmitasi raisi B. PARPIYEV

Toshkent sh.,

2016-yil 16-may,

2016-12-son

Moliya vaziri R. AZIMOV

Toshkent sh.,

2016-yil 16-may,

31-son

Davlat bojxona qoʻmitasi raisi Z. DUSANOV

Toshkent sh.,

2016-yil 16-may,

01-02/8-37-son

Davlat arxitektura va qurilish qoʻmitasi raisi B. ZAKIROV

Toshkent sh.,

2016-yil 16-may,

2-son

Oʻzbekiston Respublikasi Davlat soliq qoʻmitasi, Moliya vazirligi, Davlat bojxona qoʻmitasi va Davlat arxitektura va qurilish qoʻmitasining 2016-yil 16-maydagi 2016-12, 31, 01-02/8-37 va 2-son qaroriga ILOVA

Yangidan tashkil etilayotgan ixtisoslashtirilgan taʼmirlash-qurilish tashkilotlari tomonidan soliq va bojxona imtiyozlarini qoʻllash tartibi toʻgʻrisidagi nizomga kiritilayotgan oʻzgartirish va qoʻshimchalar

1. Oʻzbek tilidagi matnning I bob nomidagi “qism” degan soʻz “qoidalar” degan soʻz bilan almashtirilsin.

2. 1-bandda:

birinchi xatboshidagi “2014” raqami “2017” raqami bilan almashtirilsin;

oʻzbek tilidagi matnning ikkinchi xatboshisidagi “fondlariga” degan soʻz “jamgʻarmalariga” degan soʻz bilan almashtirilsin.

3. 6-band quyidagi mazmundagi jumla bilan toʻldirilsin:

“Bunda, yangidan tashkil etilayotgan ixtisoslashtirilgan taʼmirlash-qurilish tashkilotlari hisoblangan mikrofirma va kichik korxonalar tomonidan soliq va bojxona toʻlovlari boʻyicha imtiyozlar va preferensiyalarni qoʻllash uchun ariza taqdim etilmaydi.”.

4. 2-ilova “M.Oʻ.” degan qisqartmadan keyin “(muhr mavjud boʻlgan taqdirda)” degan soʻzlar bilan toʻldirilsin.