“2016-yil uchun davlat statistika hisoboti shakllarini tasdiqlash toʻgʻrisida”gi qarorga oʻzgartirish va qoʻshimcha kiritish haqida (2728-1-son)

12.05.2016

Oʻzbekiston Respublikasi Davlat statistika qoʻmitasining

Qarori

[Oʻzbekiston Respublikasi Adliya vazirligi tomonidan 2016-yil 12-mayda roʻyxatdan oʻtkazildi, roʻyxat raqami 2728-1]

Oʻzbekiston Respublikasining “Davlat statistikasi toʻgʻrisida”gi Qonuni 51-moddasi va Oʻzbekiston Respublikasi Prezidentining 2016-yil 12-apreldagi “Meva-sabzavot, kartoshka va poliz mahsulotlarini xarid qilish va ulardan foydalanish tizimini takomillashtirish chora-tadbirlari toʻgʻrisida”gi PQ-2520-son qaroriga muvofiq Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Davlat statistika qoʻmitasining 2015-yil 2-noyabrdagi “2016-yil uchun davlat statistika hisoboti shakllarini tasdiqlash toʻgʻrisida”gi 4-mb-son qaroriga (roʻyxat raqami 2728, 2015-yil 13-noyabr) (Oʻzbekiston Respublikasi qonun hujjatlari toʻplami, 2015-y., 45-son, 583-modda) ilovaga muvofiq oʻzgartirish va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Rais B. TURAYEV

Toshkent sh.,

2016-yil 5-may,

2-mb-son

Oʻzbekiston Respublikasi Davlat statistika qoʻmitasining 2016-yil 5-maydagi 2-mb-son qaroriga ILOVA

“2016-yil uchun davlat statistika hisoboti shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimcha

1. 1-banddagi “114” raqami “115” raqami bilan almashtirilsin.

2. Mazkur oʻzgartirish va qoʻshimchaning ilovasiga muvofiq Meva-sabzavot mahsulotlari xaridi toʻgʻrisida hisobot shakli (115-ilova) bilan toʻldirilsin.

2016-yil uchun davlat statistika hisoboti shakllarini tasdiqlash toʻgʻrisida”gi qarorga kiritilayotgan oʻzgartirish va qoʻshimchaga ILOVA

Meva-sabzavot mahsulotlari xaridi toʻgʻrisida hisobot shakli (115-ilova)