Oʻzbekiston Respublikasi Oliy Majlisi Senatining fuqarolik jamiyati institutlari, jumladan fuqarolarning oʻzini oʻzi boshqarish organlari bilan oʻzaro hamkorligi mexanizmini yanada takomillashtirish yuzasidan Oʻzbekiston Respublikasi Oliy Majlisi Senatining 2011-yil va keyingi yillarga moʻljallangan Kompleks harakat dasturini tasdiqlash toʻgʻrisida (149-II-son)
30.12.2010
Oʻzbekicton Respublikasi Oliy Majlisi Senati Kengashining
qarori
Oʻzbekiston Respublikasi Oliy Majlisi Senatining 2010-yil 7-maydagi 42-II-sonli qarori bilan tasdiqlangan Oʻzbekiston Respublikasi Prezidenti I. Karimovning 2010-yil 26-yanvardagi Oʻzbekiston Respublikasi Oliy Majlisi Senatining birinchi majlisidagi, 2010-yil 27-yanvardagi Oʻzbekiston Respublikasi Oliy Majlisi Qonunchilik palatasi va Senatining qoʻshma majlisidagi “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimizdir” nomli maʼruzalarining asosiy qoida va xulosalarini roʻyobga chiqarish yuzasidan Oʻzbekiston Respublikasi Oliy Majlisi Senatining Harakat dasturi 3.2.1-bandini ijro etish maqsadida Oʻzbekiston Respublikasi Oliy Majlisi Senatining Kengashi qaror qiladi:
1. Oʻzbekiston Respublikasi Oliy Majlisi Senatining fuqarolik jamiyati institutlari, jumladan fuqarolarning oʻzini oʻzi boshqarish organlari bilan oʻzaro hamkorligi mexanizmini yanada takomillashtirish yuzasidan Oʻzbekiston Respublikasi Oliy Majlisi Senatining 2011-yil va keyingi yillarga moʻljallangan Kompleks harakat dasturi tasdiqlansin (ilova qilinadi).
2. Ushbu qarorning ijro etilishini nazorat qilish Oʻzbekiston Respublikasi Oliy Majlisi Senati Raisining oʻrinbosari M.A. Radjabova zimmasiga yuklatilsin.
Oʻzbekiston Respublikasi Oliy Majlisi Senatining Raisi I. SOBIROV
Toshkent sh.,
2010-yil 30-dekabr,
149-II-son
Oʻzbekiston Respublikasi Oliy Majlisi Senati Kengashining 2010-yil 30-dekabrdagi 149-II-sonli Qarori bilan TASDIQLANGAN
Oʻzbekiston Respublikasi Oliy Majlisi Senatining fuqarolik jamiyati institutlari, jumladan fuqarolarning oʻzini oʻzi boshqarish organlari bilan oʻzaro hamkorligi mexanizmini yanada takomillashtirish yuzasidan Oʻzbekiston Respublikasi Oliy Majlisi Senatining 2011-yil va keyingi yillarga moʻljallangan
KOMPLEKS HARAKAT DASTURI
T/r Tadbirlar nomi Ijro etish muddatlari Masʼul ijrochilar 1. Oʻzbekiston Respublikasi Oliy Majlisi Senati Kengashining fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi komissiyasini tuzish. 2011-yilning fevral oyi Oʻzbekiston Respublikasi Oliy Majlisi Senatining Kengashi 2. Fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish boʻyicha tadbirlar rejasini ishlab chiqish va tasdiqlash. 2011-yilning mart oyi Oʻzbekiston Respublikasi Oliy Majlisi Senati Kengashining fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi komissiyasi 3. Qoraqalpogʻiston Respublikasi, viloyatlar va Toshkent shahrida Fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi komissiyalar va Fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazish boʻyicha ishchi guruhlar aʼzolari, fuqarolik jamiyati institutlari, ommaviy axborot vositalari va boshqa tashkilotlar vakillari ishtirokida davra suhbatlari oʻtkazish. 2011-yilning aprel oyi Oʻzbekiston Respublikasi Oliy Majlisi Senati Kengashining fuqarolar yigʻinlari raislari (oqsoqollari) va ularning maslahatchilari saylovini tashkil etish hamda oʻtkazishga koʻmaklashuvchi komissiyasi 4. Fuqarolik jamiyati institutlari, shuningdek fuqarolarning oʻzini oʻzi boshqarish organlari faoliyati toʻgʻrisidagi qonun hujjatlaridan kelib chiqib, qonun osti hujjatlarini inventarizatsiyadan oʻtkazish va ularni takomillashtirish boʻyicha takliflar ishlab chiqish. 2011-yilning ikkinchi yarmi va keyingi yillar Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi Oʻzbekiston Respublikasi Adliya vazirligi bilan birgalikda 5. Qoraqalpogʻiston Respublikasi, viloyatlar va Toshkent shahrida fuqarolar yigʻinlari raislari (oqsoqollari) va ular maslahatchilarining faoliyatini samarali tashkil etish hamda ularning sotsial-iqtisodiy, siyosiy va huquqiy bilimlarini oshirish boʻyicha seminarlar oʻtkazish (Oʻzbekiston Respublikasi Oliy Majlisi Senatining 2010-yil 3-dekabrdagi qarori bilan tasdiqlangan Harakat dasturi 5.1.1-bandining ikkinchi xatboshisini hisobga olgan holda). 2011-yilning ikkinchi yarmi va keyingi yillar Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi, Oʻzbekiston Respublikasi Oliy Majlisi Senatining Mahalliy hokimiyat vakillik organlari faoliyatini kuchaytirishga koʻmaklashuvchi komissiyasi, Qoraqalpogʻiston Respublikasi Vazirlar Kengashi, viloyat, tuman va shahar hokimliklari, Respublika “Mahalla” xayriya jamgʻarmasi bilan birgalikda 6. Mahalla instituti haqida turkum telekoʻrsatuvlar va radioeshittirishlar hamda davriy nashrlarda chiqishlar, shuningdek aholining huquqiy bilimini oshirishga qaratilgan boshqa tadbirlar tashkil etish. 2011-yilning ikkinchi yarmi va keyingi yillar Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi, Respublika “Mahalla” xayriya jamgʻarmasi, Fuqarolik jamiyatini oʻrganish instituti bilan birgalikda
Izohlar: ushbu rejaga zaruratga qarab ayrim oʻzgartish va qoʻshimchalar kiritilishi mumkin.
Senatning 2010-yil 3-dekabrdagi Harakat dasturi — Oʻzbekiston Respublikasi Prezidenti I.A. Karimovning Oʻzbekiston Respublikasi Oliy Majlisi Qonunchilik palatasi va Senatining 2010-yil 12-noyabrda oʻtkazilgan qoʻshma majlisidagi “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” mavzuidagi maʼruzasining asosiy qoidalari va xulosalarini amalga oshirish yuzasidan Oʻzbekiston Respublikasi Oliy Majlisi Senatining 2010-yilga va keyingi yillarga moʻljallangan Harakat dasturi (Oʻzbekiston Respublikasi Oliy Majlisi Senatining 2010-yil 3-dekabrdagi 116-II-sonli qarori bilan tasdiqlangan).